Job 2

¹ וַיְהִ֣י הַיֹּ֔ום וַיָּבֹ֙אוּ֙ בְּנֵ֣י הָֽאֱלֹהִ֔ים לְהִתְיַצֵּ֖ב עַל־יְהוָ֑ה וַיָּבֹ֤וא גַֽם־הַשָּׂטָן֙ בְּתֹכָ֔ם לְהִתְיַצֵּ֖ב עַל־יְהוָֽה׃ wayehiy hayowm wayavoʾu beney haʾelohiym lehiteyatsev ʿal־yehwah wayavowʾ gam־hasaṭan betokham lehiteyatsev ʿal־yehwah׃

² וַיֹּ֤אמֶר יְהוָה֙ אֶל־הַשָּׂטָ֔ן אֵ֥י מִזֶּ֖ה תָּבֹ֑א וַיַּ֨עַן הַשָּׂטָ֤ן אֶת־יְהוָה֙ וַיֹּאמַ֔ר מִשֻּׁ֣ט בָּאָ֔רֶץ וּמֵהִתְהַלֵּ֖ךְ בָּֽהּ׃ wayoʾmer yehwah ʾel־hasaṭan ʾey mizeh tavoʾ wayaʿan hasaṭan ʾet־yehwah wayoʾmar mishuṭ baʾarets umehitehalekhe bah׃

³ וַיֹּ֨אמֶר יְהוָ֜ה אֶל־הַשָּׂטָ֗ן הֲשַׂ֣מְתָּ לִבְּךָ֮ אֶל־עַבְדִּ֣י אִיֹּוב֒ כִּי֩ אֵ֨ין כָּמֹ֜הוּ בָּאָ֗רֶץ אִ֣ישׁ תָּ֧ם וְיָשָׁ֛ר יְרֵ֥א אֱלֹהִ֖ים וְסָ֣ר מֵרָ֑ע וְעֹדֶ֙נּוּ֙ מַחֲזִ֣יק בְּתֻמָּתֹ֔ו וַתְּסִיתֵ֥נִי בֹ֖ו לְבַלְּעֹ֥ו חִנָּֽם׃ wayoʾmer yehwah ʾel־hasaṭan hasameta libekha ʾel־ʿavediy ʾiyowv kiy ʾeyn kamohu baʾarets ʾiysh tam weyashar yereʾ ʾelohiym wesar meraʿ weʿodenu maḥaziyq betumatow watesiyteniy vow levaleʿow ḥinam׃

⁴ וַיַּ֧עַן הַשָּׂטָ֛ן אֶת־יְהוָ֖ה וַיֹּאמַ֑ר עֹ֣ור בְּעַד־עֹ֗ור וְכֹל֙ אֲשֶׁ֣ר לָאִ֔ישׁ יִתֵּ֖ן בְּעַ֥ד נַפְשֹֽׁו׃ wayaʿan hasaṭan ʾet־yehwah wayoʾmar ʿowr beʿad־ʿowr wekhol ʾasher laʾiysh yiten beʿad nafeshow׃

⁵ אוּלָם֙ שְֽׁלַֽח־נָ֣א יָֽדְךָ֔ וְגַ֥ע אֶל־עַצְמֹ֖ו וְאֶל־בְּשָׂרֹ֑ו אִם־לֹ֥א אֶל־פָּנֶ֖יךָ יְבָרֲכֶֽךָּ׃ ʾulam shelaḥ־naʾ yadekha wegaʿ ʾel־ʿatsemow weʾel־besarow ʾim־loʾ ʾel־paneykha yevarakheka׃

⁶ וַיֹּ֧אמֶר יְהוָ֛ה אֶל־הַשָּׂטָ֖ן הִנֹּ֣ו בְיָדֶ֑ךָ אַ֖ךְ אֶת־נַפְשֹׁ֥ו שְׁמֹֽר׃ wayoʾmer yehwah ʾel־hasaṭan hinow veyadekha ʾakhe ʾet־nafeshow shemor׃

⁷ וַיֵּצֵא֙ הַשָּׂטָ֔ן מֵאֵ֖ת פְּנֵ֣י יְהוָ֑ה וַיַּ֤ךְ אֶת־אִיֹּוב֙ בִּשְׁחִ֣ין רָ֔ע מִכַּ֥ף רַגְלֹ֖ו [עַד כ] (וְעַ֥ד ק) קָדְקֳדֹֽו׃ wayetseʾ hasaṭan meʾet peney yehwah wayakhe ʾet־ʾiyowv bisheḥiyn raʿ mikaf ragelow [ʿad kh] (weʿad q) qadeqodow׃

⁸ וַיִּֽקַּֽח־לֹ֣ו חֶ֔רֶשׂ לְהִתְגָּרֵ֖ד בֹּ֑ו וְה֖וּא יֹשֵׁ֥ב בְּתֹוךְ־הָאֵֽפֶר׃ wayiqaḥ־low ḥeres lehitegared bow wehuʾ yoshev betowkhe־haʾefer׃

⁹ וַתֹּ֤אמֶר לֹו֙ אִשְׁתֹּ֔ו עֹדְךָ֖ מַחֲזִ֣יק בְּתֻמָּתֶ֑ךָ בָּרֵ֥ךְ אֱלֹהִ֖ים וָמֻֽת׃ watoʾmer low ʾishetow ʿodekha maḥaziyq betumatekha barekhe ʾelohiym wamut׃

¹⁰ וַיֹּ֣אמֶר אֵלֶ֗יהָ כְּדַבֵּ֞ר אַחַ֤ת הַנְּבָלֹות֙ תְּדַבֵּ֔רִי גַּ֣ם אֶת־הַטֹּ֗וב נְקַבֵּל֙ מֵאֵ֣ת הָאֱלֹהִ֔ים וְאֶת־הָרָ֖ע לֹ֣א נְקַבֵּ֑ל בְּכָל־זֹ֛את לֹא־חָטָ֥א אִיֹּ֖וב בִּשְׂפָתָֽיו׃ פ wayoʾmer ʾeleyha kedaber ʾaḥat hanevalowt tedaberiy gam ʾet־haṭowv neqabel meʾet haʾelohiym weʾet־haraʿ loʾ neqabel bekhal־zoʾt loʾ־ḥaṭaʾ ʾiyowv bisefatayw׃ f

¹¹ וַֽיִּשְׁמְע֞וּ שְׁלֹ֣שֶׁת ׀ רֵעֵ֣י אִיֹּ֗וב אֵ֣ת כָּל־הָרָעָ֣ה הַזֹּאת֮ הַבָּ֣אָה עָלָיו֒ וַיָּבֹ֙אוּ֙ אִ֣ישׁ מִמְּקֹמֹ֔ו אֱלִיפַ֤ז הַתֵּימָנִי֙ וּבִלְדַּ֣ד הַשּׁוּחִ֔י וְצֹופַ֖ר הַנַּֽעֲמָתִ֑י וַיִּוָּעֲד֣וּ יַחְדָּ֔ו לָבֹ֥וא לָנֽוּד־לֹ֖ו וּֽלְנַחֲמֹֽו׃ wayishemeʿu sheloshet ׀ reʿey ʾiyowv ʾet kal־haraʿah hazoʾt habaʾah ʿalayw wayavoʾu ʾiysh mimeqomow ʾeliyfaz hateymaniy uviledad hashuḥiy wetsowfar hanaʿamatiy wayiuaʿadu yaḥedaw lavowʾ lanud־low ulenaḥamow׃

¹² וַיִּשְׂא֨וּ אֶת־עֵינֵיהֶ֤ם מֵרָחֹוק֙ וְלֹ֣א הִכִּירֻ֔הוּ וַיִּשְׂא֥וּ קֹולָ֖ם וַיִּבְכּ֑וּ וַֽיִּקְרְעוּ֙ אִ֣ישׁ מְעִלֹ֔ו וַיִּזְרְק֥וּ עָפָ֛ר עַל־רָאשֵׁיהֶ֖ם הַשָּׁמָֽיְמָה׃ wayiseʾu ʾet־ʿeyneyhem meraḥowq weloʾ hikiyruhu wayiseʾu qowlam wayiveku wayiqereʿu ʾiysh meʿilow wayizerequ ʿafar ʿal־raʾsheyhem hashamayemah׃

¹³ וַיֵּשְׁב֤וּ אִתֹּו֙ לָאָ֔רֶץ שִׁבְעַ֥ת יָמִ֖ים וְשִׁבְעַ֣ת לֵילֹ֑ות וְאֵין־דֹּבֵ֤ר אֵלָיו֙ דָּבָ֔ר כִּ֣י רָא֔וּ כִּֽי־גָדַ֥ל הַכְּאֵ֖ב מְאֹֽד׃ wayeshevu ʾitow laʾarets shiveʿat yamiym weshiveʿat leylowt weʾeyn־dover ʾelayw davar kiy raʾu kiy־gadal hakeʾev meʾod׃