Psaumes 69

¹ לַמְנַצֵּ֬חַ עַֽל־שֹׁושַׁנִּ֬ים לְדָוִֽד׃ lamenatseaḥ ʿal־showshaniym ledawid׃

² הֹושִׁיעֵ֥נִי אֱלֹהִ֑ים כִּ֤י בָ֖אוּ מַ֣יִם עַד־נָֽפֶשׁ׃ howshiyʿeniy ʾelohiym kiy vaʾu mayim ʿad־nafesh׃

³ טָבַ֤עְתִּי ׀ בִּיוֵ֣ן מְ֭צוּלָה וְאֵ֣ין מָעֳמָ֑ד בָּ֥אתִי בְמַעֲמַקֵּי־מַ֝֗יִם וְשִׁבֹּ֥לֶת שְׁטָפָֽתְנִי׃ ṭavaʿetiy ׀ biywen metsulah weʾeyn maʿomad baʾtiy vemaʿamaqey־mayim weshibolet sheṭafateniy׃

⁴ יָגַ֣עְתִּי בְקָרְאִי֮ נִחַ֪ר גְּרֹ֫ונִ֥י כָּל֥וּ עֵינַ֑י מְ֝יַחֵ֗ל לֵאלֹהָֽי׃ yagaʿetiy veqareʾiy niḥar gerowniy kalu ʿeynay meyaḥel leʾlohay׃

⁵ רַבּ֤וּ ׀ מִשַּׂעֲרֹ֣ות רֹאשִׁי֮ שֹׂנְאַ֪י חִ֫נָּ֥ם עָצְמ֣וּ מַ֭צְמִיתַי אֹיְבַ֣י שֶׁ֑קֶר אֲשֶׁ֥ר לֹא־גָ֝זַ֗לְתִּי אָ֣ז אָשִֽׁיב׃ rabu ׀ misaʿarowt roʾshiy soneʾay ḥinam ʿatsemu matsemiytay ʾoyevay sheqer ʾasher loʾ־gazaletiy ʾaz ʾashiyv׃

⁶ אֱ‍ֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י וְ֝אַשְׁמֹותַ֗י מִמְּךָ֥ לֹא־נִכְחָֽדוּ׃ א‍lohiym ʾatah yadaʿeta leʾiualetiy weʾashemowtay mimekha loʾ־nikheḥadu׃

⁷ אַל־יֵ֘בֹ֤שׁוּ בִ֨י ׀ קֹוֶיךָ֮ אֲדֹנָ֥י יְהוִ֗ה צְבָ֫אֹ֥ות אַל־יִכָּ֣לְמוּ בִ֣י מְבַקְשֶׁ֑יךָ אֱ֝לֹהֵ֗י יִשְׂרָאֵֽל׃ ʾal־yevoshu viy ׀ qoweykha ʾadonay yehwih tsevaʾowt ʾal־yikalemu viy mevaqesheykha ʾelohey yiseraʾel׃

⁸ כִּֽי־עָ֭לֶיךָ נָשָׂ֣אתִי חֶרְפָּ֑ה כִּסְּתָ֖ה כְלִמָּ֣ה פָנָֽי׃ kiy־ʿaleykha nasaʾtiy ḥerepah kisetah khelimah fanay׃

⁹ מ֖וּזָר הָיִ֣יתִי לְאֶחָ֑י וְ֝נָכְרִ֗י לִבְנֵ֥י אִמִּֽי׃ muzar hayiytiy leʾeḥay wenakheriy liveney ʾimiy׃

¹⁰ כִּֽי־קִנְאַ֣ת בֵּיתְךָ֣ אֲכָלָ֑תְנִי וְחֶרְפֹּ֥ות חֹ֝ורְפֶ֗יךָ נָפְל֥וּ עָלָֽי׃ kiy־qineʾat beytekha ʾakhalateniy weḥerepowt ḥowrefeykha nafelu ʿalay׃

¹¹ וָאֶבְכֶּ֣ה בַצֹּ֣ום נַפְשִׁ֑י וַתְּהִ֖י לַחֲרָפֹ֣ות לִֽי׃ waʾevekeh vatsowm nafeshiy watehiy laḥarafowt liy׃

¹² וָאֶתְּנָ֣ה לְבוּשִׁ֣י שָׂ֑ק וָאֱהִ֖י לָהֶ֣ם לְמָשָֽׁל׃ waʾetenah levushiy saq waʾehiy lahem lemashal׃

¹³ יָשִׂ֣יחוּ בִ֭י יֹ֣שְׁבֵי שָׁ֑עַר וּ֝נְגִינֹ֗ות שֹׁותֵ֥י שֵׁכָֽר׃ yasiyḥu viy yoshevey shaʿar unegiynowt showtey shekhar׃

¹⁴ וַאֲנִ֤י תְפִלָּתִֽי־לְךָ֨ ׀ יְהוָ֡ה עֵ֤ת רָצֹ֗ון אֱלֹהִ֥ים בְּרָב־חַסְדֶּ֑ךָ עֲ֝נֵ֗נִי בֶּאֱמֶ֥ת יִשְׁעֶֽךָ׃ waʾaniy tefilatiy־lekha ׀ yehwah ʿet ratsown ʾelohiym berav־ḥasedekha ʿaneniy beʾemet yisheʿekha׃

¹⁵ הַצִּילֵ֣נִי מִ֭טִּיט וְאַל־אֶטְבָּ֑עָה אִנָּצְלָ֥ה מִ֝שֹּֽׂנְאַ֗י וּמִמַּֽעֲמַקֵּי־מָֽיִם׃ hatsiyleniy miṭiyṭ weʾal־ʾeṭebaʿah ʾinatselah misoneʾay umimaʿamaqey־mayim׃

¹⁶ אַל־תִּשְׁטְפֵ֤נִי ׀ שִׁבֹּ֣לֶת מַ֭יִם וְאַל־תִּבְלָעֵ֣נִי מְצוּלָ֑ה וְאַל־תֶּאְטַר־עָלַ֖י בְּאֵ֣ר פִּֽיהָ׃ ʾal־tisheṭefeniy ׀ shibolet mayim weʾal־tivelaʿeniy metsulah weʾal־teʾeṭar־ʿalay beʾer piyha׃

¹⁷ עֲנֵ֣נִי יְ֭הוָה כִּי־טֹ֣וב חַסְדֶּ֑ךָ כְּרֹ֥ב רַ֝חֲמֶ֗יךָ פְּנֵ֣ה אֵלָֽי׃ ʿaneniy yehwah kiy־ṭowv ḥasedekha kerov raḥameykha peneh ʾelay׃

¹⁸ וְאַל־תַּסְתֵּ֣ר פָּ֭נֶיךָ מֵֽעַבְדֶּ֑ךָ כִּֽי־צַר־לִ֝֗י מַהֵ֥ר עֲנֵֽנִי׃ weʾal־taseter paneykha meʿavedekha kiy־tsar־liy maher ʿaneniy׃

¹⁹ קָרְבָ֣ה אֶל־נַפְשִׁ֣י גְאָלָ֑הּ לְמַ֖עַן אֹיְבַ֣י פְּדֵֽנִי׃ qarevah ʾel־nafeshiy geʾalah lemaʿan ʾoyevay pedeniy׃

²⁰ אַתָּ֤ה יָדַ֗עְתָּ חֶרְפָּתִ֣י וּ֭בָשְׁתִּי וּכְלִמָּתִ֑י נֶ֝גְדְּךָ֗ כָּל־צֹורְרָֽי׃ ʾatah yadaʿeta ḥerepatiy uvashetiy ukhelimatiy negedekha kal־tsowreray׃

²¹ חֶרְפָּ֤ה ׀ שָֽׁבְרָ֥ה לִבִּ֗י וָֽאָ֫נ֥וּשָׁה וָאֲקַוֶּ֣ה לָנ֣וּד וָאַ֑יִן וְ֝לַמְנַחֲמִ֗ים וְלֹ֣א מָצָֽאתִי׃ ḥerepah ׀ shaverah libiy waʾanushah waʾaqaueh lanud waʾayin welamenaḥamiym weloʾ matsaʾtiy׃

²² וַיִּתְּנ֣וּ בְּבָרוּתִ֣י רֹ֑אשׁ וְ֝לִצְמָאִ֗י יַשְׁק֥וּנִי חֹֽמֶץ׃ wayitenu bevarutiy roʾsh welitsemaʾiy yashequniy ḥomets׃

²³ יְהִֽי־שֻׁלְחָנָ֣ם לִפְנֵיהֶ֣ם לְפָ֑ח וְלִשְׁלֹומִ֥ים לְמֹוקֵֽשׁ׃ yehiy־shuleḥanam lifeneyhem lefaḥ welishelowmiym lemowqesh׃

²⁴ תֶּחְשַׁ֣כְנָה עֵ֭ינֵיהֶם מֵרְאֹ֑ות וּ֝מָתְנֵ֗יהֶם תָּמִ֥יד הַמְעַֽד׃ teḥeshakhenah ʿeyneyhem mereʾowt umateneyhem tamiyd hameʿad׃

²⁵ שְׁפָךְ־עֲלֵיהֶ֥ם זַעְמֶ֑ךָ וַחֲרֹ֥ון אַ֝פְּךָ֗ יַשִּׂיגֵֽם׃ shefakhe־ʿaleyhem zaʿemekha waḥarown ʾapekha yasiygem׃

²⁶ תְּהִי־טִֽירָתָ֥ם נְשַׁמָּ֑ה בְּ֝אָהֳלֵיהֶ֗ם אַל־יְהִ֥י יֹשֵֽׁב׃ tehiy־ṭiyratam neshamah beʾaholeyhem ʾal־yehiy yoshev׃

²⁷ כִּֽי־אַתָּ֣ה אֲשֶׁר־הִכִּ֣יתָ רָדָ֑פוּ וְאֶל־מַכְאֹ֖וב חֲלָלֶ֣יךָ יְסַפֵּֽרוּ׃ kiy־ʾatah ʾasher־hikiyta radafu weʾel־makheʾowv ḥalaleykha yesaperu׃

²⁸ תְּֽנָה־עָ֭וֹן עַל־עֲוֹנָ֑ם וְאַל־יָ֝בֹ֗אוּ בְּצִדְקָתֶֽךָ׃ tenah־ʿaon ʿal־ʿaonam weʾal־yavoʾu betsideqatekha׃

²⁹ יִ֭מָּחֽוּ מִסֵּ֣פֶר חַיִּ֑ים וְעִ֥ם צַ֝דִּיקִ֗ים אַל־יִכָּתֵֽבוּ׃ yimaḥu misefer ḥayiym weʿim tsadiyqiym ʾal־yikatevu׃

³⁰ וַ֭אֲנִי עָנִ֣י וְכֹואֵ֑ב יְשׁוּעָתְךָ֖ אֱלֹהִ֣ים תְּשַׂגְּבֵֽנִי׃ waʾaniy ʿaniy wekhowʾev yeshuʿatekha ʾelohiym tesageveniy׃

³¹ אֲהַֽלְלָ֣ה שֵׁם־אֱלֹהִ֣ים בְּשִׁ֑יר וַאֲגַדְּלֶ֥נּוּ בְתֹודָֽה׃ ʾahalelah shem־ʾelohiym beshiyr waʾagadelenu vetowdah׃

³² וְתִיטַ֣ב לַֽ֭יהוָה מִשֹּׁ֥ור פָּ֗ר מַקְרִ֥ן מַפְרִֽיס׃ wetiyṭav layhwah mishowr par maqerin maferiys׃

³³ רָא֣וּ עֲנָוִ֣ים יִשְׂמָ֑חוּ דֹּרְשֵׁ֥י אֱ֝לֹהִ֗ים וִיחִ֥י לְבַבְכֶֽם׃ raʾu ʿanawiym yisemaḥu doreshey ʾelohiym wiyḥiy levavekhem׃

³⁴ כִּֽי־שֹׁמֵ֣עַ אֶל־אֶבְיֹונִ֣ים יְהוָ֑ה וְאֶת־אֲ֝סִירָ֗יו לֹ֣א בָזָֽה׃ kiy־shomeaʿ ʾel־ʾeveyowniym yehwah weʾet־ʾasiyrayw loʾ vazah׃

³⁵ יְֽ֭הַלְלוּהוּ שָׁמַ֣יִם וָאָ֑רֶץ יַ֝מִּ֗ים וְֽכָל־רֹמֵ֥שׂ בָּֽם׃ yehaleluhu shamayim waʾarets yamiym wekhal־romes bam׃

³⁶ כִּ֤י אֱלֹהִ֨ים ׀ יֹ֘ושִׁ֤יעַ צִיֹּ֗ון וְ֭יִבְנֶה עָרֵ֣י יְהוּדָ֑ה וְיָ֥שְׁבוּ ם וִירֵשֽׁוּהָ׃ kiy ʾelohiym ׀ yowshiyʿa tsiyown weyiveneh ʿarey yehudah weyashevu m wiyreshuah׃

³⁷ וְזֶ֣רַע עֲ֭בָדָיו יִנְחָל֑וּהָ וְאֹהֲבֵ֥י מֹ֗ו יִשְׁכְּנוּ־בָֽהּ׃ wezeraʿ ʿavadayw yineḥaluah weʾohavey mow yishekenu־vah׃