Psaumes 89

¹ מַ֝שְׂכִּ֗יל לְאֵיתָ֥ן הָֽאֶזְרָחִֽי׃ masekiyl leʾeytan haʾezeraḥiy׃

² חַֽסְדֵ֣י יְ֭הוָה עֹולָ֣ם אָשִׁ֑ירָה לְדֹ֥ר וָדֹ֓ר ׀ אֹודִ֖יעַ אֱמוּנָתְךָ֣ בְּפִֽי׃ ḥasedey yehwah ʿowlam ʾashiyrah ledor wador ׀ ʾowdiyʿa ʾemunatekha befiy׃

³ כִּֽי־אָמַ֗רְתִּי עֹ֭ולָם חֶ֣סֶד יִבָּנֶ֑ה שָׁמַ֓יִם ׀ תָּכִ֖ן אֱמוּנָתְךָ֣ בָהֶֽם׃ kiy־ʾamaretiy ʿowlam ḥesed yibaneh shamayim ׀ takhin ʾemunatekha vahem׃

⁴ כָּרַ֣תִּֽי בְ֭רִית לִבְחִירִ֑י נִ֝שְׁבַּ֗עְתִּי לְדָוִ֥ד עַבְדִּֽי׃ karatiy veriyt liveḥiyriy nishebaʿetiy ledawid ʿavediy׃

⁵ עַד־עֹ֭ולָם אָכִ֣ין זַרְעֶ֑ךָ וּבָנִ֨יתִי לְדֹר־וָדֹ֖ור כִּסְאֲךָ֣ סֶֽלָה׃ ʿad־ʿowlam ʾakhiyn zareʿekha uvaniytiy ledor־wadowr kiseʾakha selah׃

⁶ וְיֹ֘וד֤וּ שָׁמַ֣יִם פִּלְאֲךָ֣ יְהוָ֑ה אַף־אֱ֝מֽוּנָתְךָ֗ בִּקְהַ֥ל קְדֹשִֽׁים׃ weyowdu shamayim pileʾakha yehwah ʾaf־ʾemunatekha biqehal qedoshiym׃

⁷ כִּ֤י מִ֣י בַ֭שַּׁחַק יַעֲרֹ֣ךְ לַיהוָ֑ה יִדְמֶ֥ה לַ֝יהוָ֗ה בִּבְנֵ֥י אֵלִים ׃ kiy miy vashaḥaq yaʿarokhe layhwah yidemeh layhwah biveney ʾeliym ׃

⁸ אֵ֣ל נַ֭עֲרָץ בְּסֹוד־קְדֹשִׁ֣ים רַבָּ֑ה וְ֝נֹורָ֗א עַל־כָּל־סְבִיבָֽיו׃ ʾel naʿarats besowd־qedoshiym rabah wenowraʾ ʿal־kal־seviyvayw׃

⁹ יְהוָ֤ה ׀ אֱלֹ֘הֵ֤י צְבָאֹ֗ות מִֽי־כָֽמֹ֖וךָ חֲסִ֥ין ׀ יָ֑הּ וֶ֝אֱמֽוּנָתְךָ֗ סְבִיבֹותֶֽיךָ׃ yehwah ׀ ʾelohey tsevaʾowt miy־khamowkha ḥasiyn ׀ yah weʾemunatekha seviyvowteykha׃

¹⁰ אַתָּ֣ה מֹ֭ושֵׁל בְּגֵא֣וּת הַיָּ֑ם בְּשֹׂ֥וא גַ֝לָּ֗יו אַתָּ֥ה תְשַׁבְּחֵֽם׃ ʾatah mowshel begeʾut hayam besowʾ galayw ʾatah teshabeḥem׃

¹¹ אַתָּ֤ה דִכִּ֣אתָ כֶחָלָ֣ל רָ֑הַב בִּזְרֹ֥ועַ עֻ֝זְּךָ֗ פִּזַּ֥רְתָּ אֹויְבֶֽיךָ׃ ʾatah dikiʾta kheḥalal rahav bizerowʿa ʿuzekha pizareta ʾowyeveykha׃

¹² לְךָ֣ מַיִם אַף־לְךָ֥ אָ֑רֶץ תֵּבֵ֥ל וּ֝מְלֹאָ֗הּ אַתָּ֥ה יְסַדְתָּֽם׃ lekha mayim ʾaf־lekha ʾarets tevel umeloʾah ʾatah yesadetam׃

¹³ צָפֹ֣ון וְ֭יָמִין אַתָּ֣ה בְרָאתָ֑ם תָּבֹ֥ור וְ֝חֶרְמֹ֗ון בְּשִׁמְךָ֥ יְרַנֵּֽנוּ׃ tsafown weyamiyn ʾatah veraʾtam tavowr weḥeremown beshimekha yeranenu׃

¹⁴ לְךָ֣ זְ֭רֹועַ עִם־גְּבוּרָ֑ה תָּעֹ֥ז יָ֝דְךָ֗ תָּר֥וּם יְמִינֶֽךָ׃ lekha zerowʿa ʿim־gevurah taʿoz yadekha tarum yemiynekha׃

¹⁵ צֶ֣דֶק וּ֭מִשְׁפָּט מְכֹ֣ון כִּסְאֶ֑ךָ חֶ֥סֶד וֶ֝אֱמֶ֗ת יְֽקַדְּמ֥וּ פָנֶֽיךָ׃ tsedeq umishepaṭ mekhown kiseʾekha ḥesed weʾemet yeqademu faneykha׃

¹⁶ אַשְׁרֵ֣י הָ֭עָם יֹודְעֵ֣י תְרוּעָ֑ה יְ֝הוָ֗ה בְּֽאֹור־פָּנֶ֥יךָ יְהַלֵּכֽוּן׃ ʾasherey haʿam yowdeʿey teruʿah yehwah beʾowr־paneykha yehalekhun׃

¹⁷ בְּ֭שִׁמְךָ יְגִיל֣וּן כָּל־הַיֹּ֑ום וּבְצִדְקָתְךָ֥ יָרֽוּמוּ׃ beshimekha yegiylun kal־hayowm uvetsideqatekha yarumu׃

¹⁸ כִּֽי־תִפְאֶ֣רֶת עֻזָּ֣מֹו אָ֑תָּה וּ֝בִרְצֹנְךָ֗ [תָּרִים כ] (תָּר֥וּם ק) קַרְנֵֽנוּ׃ kiy־tifeʾeret ʿuzamow ʾatah uviretsonekha [tariym kh] (tarum q) qarenenu׃

¹⁹ כִּ֣י לַֽ֭יהוָה מָֽגִנֵּ֑נוּ וְלִקְדֹ֖ושׁ יִשְׂרָאֵ֣ל מַלְכֵּֽנוּ׃ kiy layhwah maginenu weliqedowsh yiseraʾel malekenu׃

²⁰ אָ֤ז דִּבַּ֥רְתָּֽ־בְחָ֡זֹון לַֽחֲסִידֶ֗יךָ וַתֹּ֗אמֶר שִׁוִּ֣יתִי עֵ֭זֶר עַל־גִּבֹּ֑ור הֲרִימֹ֖ותִי בָח֣וּר מֵעָֽם׃ ʾaz dibareta־veḥazown laḥasiydeykha watoʾmer shiuiytiy ʿezer ʿal־gibowr hariymowtiy vaḥur meʿam׃

²¹ מָ֭צָאתִי דָּוִ֣ד עַבְדִּ֑י בְּשֶׁ֖מֶן קָדְשִׁ֣י מְשַׁחְתִּֽיו׃ matsaʾtiy dawid ʿavediy beshemen qadeshiy meshaḥetiyw׃

²² אֲשֶׁ֣ר יָ֭דִי תִּכֹּ֣ון עִמֹּ֑ו אַף־זְרֹועִ֥י תְאַמְּצֶֽנּוּ׃ ʾasher yadiy tikown ʿimow ʾaf־zerowʿiy teʾametsenu׃

²³ לֹֽא־יַשִּׁ֣א אֹויֵ֣ב בֹּ֑ו וּבֶן־עַ֝וְלָ֗ה לֹ֣א יְעַנֶּֽנּוּ׃ loʾ־yashiʾ ʾowyev bow uven־ʿawelah loʾ yeʿanenu׃

²⁴ וְכַתֹּותִ֣י מִפָּנָ֣יו צָרָ֑יו וּמְשַׂנְאָ֥יו אֶגֹּֽוף׃ wekhatowtiy mipanayw tsarayw umesaneʾayw ʾegowf׃

²⁵ וֶֽאֶֽמוּנָתִ֣י וְחַסְדִּ֣י עִמֹּ֑ו וּ֝בִשְׁמִ֗י תָּר֥וּם קַרְנֹֽו׃ weʾemunatiy weḥasediy ʿimow uvishemiy tarum qarenow׃

²⁶ וְשַׂמְתִּ֣י בַיָּ֣ם יָדֹ֑ו וּֽבַנְּהָרֹ֥ות יְמִינֹֽו׃ wesametiy vayam yadow uvaneharowt yemiynow׃

²⁷ ה֣וּא יִ֭קְרָאֵנִי אָ֣בִי אָ֑תָּה אֵ֝לִ֗י וְצ֣וּר יְשׁוּעָתִֽי׃ huʾ yiqeraʾeniy ʾaviy ʾatah ʾeliy wetsur yeshuʿatiy׃

²⁸ אַף־אָ֭נִי בְּכֹ֣ור אֶתְּנֵ֑הוּ עֶ֝לְיֹ֗ון לְמַלְכֵי־אָֽרֶץ׃ ʾaf־ʾaniy bekhowr ʾetenehu ʿeleyown lemalekhey־ʾarets׃

²⁹ לְ֭עֹולָ֗ם [אֶשְׁמֹור־ כ] (אֶשְׁמָר־לֹ֣ו ק) חַסְדִּ֑י וּ֝בְרִיתִ֗י נֶאֱמֶ֥נֶת לֹֽו׃ leʿowlam [ʾeshemowr־ kh] (ʾeshemar־low q) ḥasediy uveriytiy neʾemenet low׃

³⁰ וְשַׂמְתִּ֣י לָעַ֣ד זַרְעֹ֑ו וְ֝כִסְאֹ֗ו כִּימֵ֥י שָׁמָֽיִם׃ wesametiy laʿad zareʿow wekhiseʾow kiymey shamayim׃

³¹ אִם־יַֽעַזְב֣וּ בָ֭נָיו תֹּורָתִ֑י וּ֝בְמִשְׁפָּטַ֗י לֹ֣א יֵלֵכֽוּן׃ ʾim־yaʿazevu vanayw towratiy uvemishepaṭay loʾ yelekhun׃

³² אִם־חֻקֹּתַ֥י יְחַלֵּ֑לוּ וּ֝מִצְוֹתַ֗י לֹ֣א יִשְׁמֹֽרוּ׃ ʾim־ḥuqotay yeḥalelu umitseotay loʾ yishemoru׃

³³ וּפָקַדְתִּ֣י בְשֵׁ֣בֶט פִּשְׁעָ֑ם וּבִנְגָעִ֥ים עֲוֹנָֽם׃ ufaqadetiy vesheveṭ pisheʿam uvinegaʿiym ʿaonam׃

³⁴ וְ֭חַסְדִּי לֹֽא־אָפִ֣יר מֵֽעִמֹּ֑ו וְלֹֽא־אֲ֝שַׁקֵּ֗ר בֶּאֱמוּנָתִֽי׃ weḥasediy loʾ־ʾafiyr meʿimow weloʾ־ʾashaqer beʾemunatiy׃

³⁵ לֹא־אֲחַלֵּ֥ל בְּרִיתִ֑י וּמֹוצָ֥א פָתַ֗י לֹ֣א אֲשַׁנֶּֽה׃ loʾ־ʾaḥalel beriytiy umowtsaʾ fatay loʾ ʾashaneh׃

³⁶ אַ֭חַת נִשְׁבַּ֣עְתִּי בְקָדְשִׁ֑י אִֽם־לְדָוִ֥ד אֲכַזֵּֽב׃ ʾaḥat nishebaʿetiy veqadeshiy ʾim־ledawid ʾakhazev׃

³⁷ זַ֭רְעֹו לְעֹולָ֣ם יִהְיֶ֑ה וְכִסְאֹ֖ו כַשֶּׁ֣מֶשׁ נֶגְדִּֽי׃ zareʿow leʿowlam yiheyeh wekhiseʾow khashemesh negediy׃

³⁸ כְּ֭יָרֵחַ יִכֹּ֣ון עֹולָ֑ם וְעֵ֥ד בַּ֝שַּׁ֗חַק נֶאֱמָ֥ן סֶֽלָה׃ keyareaḥ yikown ʿowlam weʿed bashaḥaq neʾeman selah׃

³⁹ וְאַתָּ֣ה זָ֭נַחְתָּ וַתִּמְאָ֑ס הִ֝תְעַבַּ֗רְתָּ עִם־מְשִׁיחֶֽךָ׃ weʾatah zanaḥeta watimeʾas hiteʿabareta ʿim־meshiyḥekha׃

⁴⁰ נֵ֭אַרְתָּה בְּרִ֣ית עַבְדֶּ֑ךָ חִלַּ֖לְתָּ לָאָ֣רֶץ נִזְרֹֽו׃ neʾaretah beriyt ʿavedekha ḥilaleta laʾarets nizerow׃

⁴¹ פָּרַ֥צְתָּ כָל־גְּדֵרֹתָ֑יו שַׂ֖מְתָּ מִבְצָרָ֣יו מְחִתָּה ׃ paratseta khal־gederotayw sameta mivetsarayw meḥitah ׃

⁴² סֻּהוּ כָּל־עֹ֣בְרֵי דָ֑רֶךְ הָיָ֥ה חֶ֝רְפָּ֗ה לִשְׁכֵנָֽיו׃ suhu kal־ʿoverey darekhe hayah ḥerepah lishekhenayw׃

⁴³ הֲ֭רִימֹותָ יְמִ֣ין צָרָ֑יו הִ֝שְׂמַ֗חְתָּ כָּל־אֹויְבָֽיו׃ hariymowta yemiyn tsarayw hisemaḥeta kal־ʾowyevayw׃

⁴⁴ אַף־תָּ֭שִׁיב צ֣וּר חַרְבֹּ֑ו וְלֹ֥א הֲ֝קֵימֹתֹ֗ו בַּמִּלְחָמָֽה׃ ʾaf־tashiyv tsur ḥarebow weloʾ haqeymotow bamileḥamah׃

⁴⁵ הִשְׁבַּ֥תָּ מִטְּהָרֹ֑ו וְ֝כִסְאֹ֗ו לָאָ֥רֶץ מִגַּֽרְתָּה׃ hishebata miṭeharow wekhiseʾow laʾarets migaretah׃

⁴⁶ הִ֭קְצַרְתָּ יְמֵ֣י עֲלוּמָ֑יו הֶֽעֱטִ֨יתָ עָלָ֖יו בּוּשָׁ֣ה סֶֽלָה׃ hiqetsareta yemey ʿalumayw heʿeṭiyta ʿalayw bushah selah׃

⁴⁷ עַד־מָ֣ה יְ֭הוָה תִּסָּתֵ֣ר לָנֶ֑צַח תִּבְעַ֖ר כְּמֹו־אֵ֣שׁ חֲמָתֶֽךָ׃ ʿad־mah yehwah tisater lanetsaḥ tiveʿar kemow־ʾesh ḥamatekha׃

⁴⁸ זְכָר־אֲנִ֥י מֶה־חָ֑לֶד עַל־מַהשָּׁ֝֗־וְא בָּרָ֥אתָ כָל־בְּנֵי־אָדָֽם׃ zekhar־ʾaniy meh־ḥaled ʿal־mahsha־weʾ baraʾta khal־beney־ʾadam׃

⁴⁹ מִ֤י גֶ֣בֶר יִֽ֭חְיֶה וְלֹ֣א יִרְאֶה־מָּ֑וֶת יְמַלֵּ֨ט נַפְשֹׁ֖ו מִיַּד־שְׁאֹ֣ול סֶֽלָה׃ miy gever yiḥeyeh weloʾ yireʾeh־mawet yemaleṭ nafeshow miyad־sheʾowl selah׃

⁵⁰ אַיֵּ֤ה ׀ חֲסָדֶ֖יךָ הָרִאשֹׁנִ֥ים ׀ אֲדֹנָ֑י נִשְׁבַּ֥עְתָּ לְ֝דָוִ֗ד בֶּאֱמוּנָתֶֽךָ׃ ʾayeh ׀ ḥasadeykha hariʾshoniym ׀ ʾadonay nishebaʿeta ledawid beʾemunatekha׃

⁵¹ זְכֹ֣ר אֲ֭דֹנָי חֶרְפַּ֣ת עֲבָדֶ֑יךָ שְׂאֵתִ֥י בְ֝חֵיקִ֗י כָּל־רַבִּ֥ים עַמִּֽים׃ zekhor ʾadonay ḥerepat ʿavadeykha seʾetiy veḥeyqiy kal־rabiym ʿamiym׃

⁵² אֲשֶׁ֤ר חֵרְפ֖וּ אֹויְבֶ֥יךָ ׀ יְהוָ֑ה אֲשֶׁ֥ר חֵ֝רְפ֗וּ עִקְּבֹ֥ות מְשִׁיחֶֽךָ׃ ʾasher ḥerefu ʾowyeveykha ׀ yehwah ʾasher ḥerefu ʿiqevowt meshiyḥekha׃

⁵³ בָּר֖וּךְ יְהוָ֥ה לְ֝עֹולָ֗ם אָ֘מֵ֥ן ׀ וְאָמֵֽן׃ barukhe yehwah leʿowlam ʾamen ׀ weʾamen׃