Ézéchiel 1

¹ וַיְהִ֣י ׀ בִּשְׁלֹשִׁ֣ים שָׁנָ֗ה בָּֽרְבִיעִי֙ בַּחֲמִשָּׁ֣ה לַחֹ֔דֶשׁ וַאֲנִ֥י בְתֹֽוךְ־הַגֹּולָ֖ה עַל־נְהַר־כְּבָ֑ר נִפְתְּחוּ֙ הַשָּׁמַ֔יִם וָאֶרְאֶ֖ה מַרְאֹ֥ות אֱלֹהִֽים׃ wayehiy ׀ bisheloshiym shanah bareviyʿiy baḥamishah laḥodesh waʾaniy vetowkhe־hagowlah ʿal־nehar־kevar nifeteḥu hashamayim waʾereʾeh mareʾowt ʾelohiym׃

² בַּחֲמִשָּׁ֖ה לַחֹ֑דֶשׁ הִ֚יא הַשָּׁנָ֣ה הַחֲמִישִׁ֔ית לְגָל֖וּת הַמֶּ֥לֶךְ יֹויָכִֽין׃ baḥamishah laḥodesh hiyʾ hashanah haḥamiyshiyt legalut hamelekhe yowyakhiyn׃

³ הָיֹ֣ה הָיָ֣ה דְבַר־יְ֠הוָה אֶל־יְחֶזְקֵ֨אל בֶּן־בּוּזִ֧י הַכֹּהֵ֛ן בְּאֶ֥רֶץ כַּשְׂדִּ֖ים עַל־נְהַר־כְּבָ֑ר וַתְּהִ֥י עָלָ֛יו שָׁ֖ם יַד־יְהוָֽה׃ hayoh hayah devar־yehwah ʾel־yeḥezeqeʾl ben־buziy hakohen beʾerets kasediym ʿal־nehar־kevar watehiy ʿalayw sham yad־yehwah׃

⁴ וָאֵ֡רֶא וְהִנֵּה֩ ר֨וּחַ סְעָרָ֜ה בָּאָ֣ה מִן־הַצָּפֹ֗ון עָנָ֤ן גָּדֹול֙ וְאֵ֣שׁ מִתְלַקַּ֔חַת וְנֹ֥גַֽהּ לֹ֖ו סָבִ֑יב וּמִ֨תֹּוכָ֔הּ כְּעֵ֥ין הַחַשְׁמַ֖ל מִתֹּ֥וךְ הָאֵֽשׁ׃ waʾereʾ wehineh ruaḥ seʿarah baʾah min־hatsafown ʿanan gadowl weʾesh mitelaqaḥat wenogah low saviyv umitowkhah keʿeyn haḥashemal mitowkhe haʾesh׃

⁵ וּמִ֨תֹּוכָ֔הּ דְּמ֖וּת אַרְבַּ֣ע חַיֹּ֑ות וְזֶה֙ מַרְאֵֽיהֶ֔ן דְּמ֥וּת אָדָ֖ם לָהֵֽנָּה׃ umitowkhah demut ʾarebaʿ ḥayowt wezeh mareʾeyhen demut ʾadam lahenah׃

⁶ וְאַרְבָּעָ֥ה פָנִ֖ים לְאֶחָ֑ת וְאַרְבַּ֥ע כְּנָפַ֖יִם לְאַחַ֥ת לָהֶֽם׃ weʾarebaʿah faniym leʾeḥat weʾarebaʿ kenafayim leʾaḥat lahem׃

⁷ וְרַגְלֵיהֶ֖ם רֶ֣גֶל יְשָׁרָ֑ה וְכַ֣ף רַגְלֵיהֶ֗ם כְּכַף֙ רֶ֣גֶל עֵ֔גֶל וְנֹ֣צְצִ֔ים כְּעֵ֖ין נְחֹ֥שֶׁת קָלָֽל׃ werageleyhem regel yesharah wekhaf rageleyhem kekhaf regel ʿegel wenotsetsiym keʿeyn neḥoshet qalal׃

⁸ [וְיָדֹו כ] (וִידֵ֣י ק) אָדָ֗ם מִתַּ֙חַת֙ כַּנְפֵיהֶ֔ם עַ֖ל אַרְבַּ֣עַת רִבְעֵיהֶ֑ם וּפְנֵיהֶ֥ם וְכַנְפֵיהֶ֖ם לְאַרְבַּעְתָּֽם׃ [weyadow kh] (wiydey q) ʾadam mitaḥat kanefeyhem ʿal ʾarebaʿat riveʿeyhem ufeneyhem wekhanefeyhem leʾarebaʿetam׃

⁹ חֹֽבְרֹ֛ת אִשָּׁ֥ה אֶל־אֲחֹותָ֖הּ כַּנְפֵיהֶ֑ם לֹא־יִסַּ֣בּוּ בְלֶכְתָּ֔ן אִ֛ישׁ אֶל־עֵ֥בֶר פָּנָ֖יו יֵלֵֽכוּ׃ ḥoverot ʾishah ʾel־ʾaḥowtah kanefeyhem loʾ־yisabu velekhetan ʾiysh ʾel־ʿever panayw yelekhu׃

¹⁰ וּדְמ֣וּת פְּנֵיהֶם֮ פְּנֵ֣י אָדָם֒ וּפְנֵ֨י אַרְיֵ֤ה אֶל־הַיָּמִין֙ לְאַרְבַּעְתָּ֔ם וּפְנֵי־שֹׁ֥ור מֵֽהַשְּׂמֹ֖אול לְאַרְבַּעְתָּ֑ן וּפְנֵי־נֶ֖שֶׁר לְאַרְבַּעְתָּֽן׃ udemut peneyhem peney ʾadam ufeney ʾareyeh ʾel־hayamiyn leʾarebaʿetam ufeney־showr mehasemoʾwl leʾarebaʿetan ufeney־nesher leʾarebaʿetan׃

¹¹ וּפְנֵיהֶ֕ם וְכַנְפֵיהֶ֥ם פְּרֻדֹ֖ות מִלְמָ֑עְלָה לְאִ֗ישׁ תַּיִם חֹבְרֹ֣ות אִ֔ישׁ וּשְׁתַּ֣יִם מְכַסֹּ֔ות אֵ֖ת גְּוִיֹתֵיהֶֽנָה ׃ ufeneyhem wekhanefeyhem perudowt milemaʿelah leʾiysh tayim ḥoverowt ʾiysh ushetayim mekhasowt ʾet gewiyoteyhenah ׃

¹² וְאִ֛ישׁ אֶל־עֵ֥בֶר פָּנָ֖יו יֵלֵ֑כוּ אֶ֣ל אֲשֶׁר֩ יִֽהְיֶה־שָׁ֨מָּה הָר֤וּחַ לָלֶ֙כֶת֙ יֵלֵ֔כוּ לֹ֥א יִסַּ֖בּוּ בְּלֶכְתָּֽן׃ weʾiysh ʾel־ʿever panayw yelekhu ʾel ʾasher yiheyeh־shamah haruaḥ lalekhet yelekhu loʾ yisabu belekhetan׃

¹³ וּדְמ֨וּת הַחַיֹּ֜ות מַרְאֵיהֶ֣ם כְּגַחֲלֵי־אֵ֗שׁ בֹּֽעֲרֹות֙ כְּמַרְאֵ֣ה הַלַּפִּדִ֔ים הִ֕יא מִתְהַלֶּ֖כֶת בֵּ֣ין הַחַיֹּ֑ות וְנֹ֣גַהּ לָאֵ֔שׁ וּמִן־הָאֵ֖שׁ יֹוצֵ֥א בָרָֽק׃ udemut haḥayowt mareʾeyhem kegaḥaley־ʾesh boʿarowt kemareʾeh halapidiym hiyʾ mitehalekhet beyn haḥayowt wenogah laʾesh umin־haʾesh yowtseʾ varaq׃

¹⁴ וְהַחַיֹּ֖ות רָצֹ֣וא וָשֹׁ֑וב כְּמַרְאֵ֖ה הַבָּזָֽק׃ wehaḥayowt ratsowʾ washowv kemareʾeh habazaq׃

¹⁵ וָאֵ֖רֶא הַחַיֹּ֑ות וְהִנֵּה֩ אֹופַ֨ן אֶחָ֥ד בָּאָ֛רֶץ אֵ֥צֶל הַחַיֹּ֖ות לְאַרְבַּ֥עַת פָּנָֽיו׃ waʾereʾ haḥayowt wehineh ʾowfan ʾeḥad baʾarets ʾetsel haḥayowt leʾarebaʿat panayw׃

¹⁶ מַרְאֵ֨ה הָאֹופַנִּ֤ים וּמַעֲשֵׂיהֶם֙ כְּעֵ֣ין תַּרְשִׁ֔ישׁ וּדְמ֥וּת אֶחָ֖ד לְאַרְבַּעְתָּ֑ן וּמַרְאֵיהֶם֙ וּמַ֣עֲשֵׂיהֶ֔ם כַּאֲשֶׁ֛ר יִהְיֶ֥ה הָאֹופַ֖ן בְּתֹ֥וךְ הָאֹופָֽן׃ mareʾeh haʾowfaniym umaʿaseyhem keʿeyn tareshiysh udemut ʾeḥad leʾarebaʿetan umareʾeyhem umaʿaseyhem kaʾasher yiheyeh haʾowfan betowkhe haʾowfan׃

¹⁷ עַל־אַרְבַּ֥עַת רִבְעֵיהֶ֖ן בְּלֶכְתָּ֣ם יֵלֵ֑כוּ לֹ֥א יִסַּ֖בּוּ בְּלֶכְתָּֽן׃ ʿal־ʾarebaʿat riveʿeyhen belekhetam yelekhu loʾ yisabu belekhetan׃

¹⁸ וְגַ֨בֵּיהֶ֔ן וְגֹ֥בַהּ לָהֶ֖ם וְיִרְאָ֣ה לָהֶ֑ם וְגַבֹּתָ֗ם מְלֵאֹ֥ת עֵינַ֛יִם סָבִ֖יב לְאַרְבַּעְתָּֽן׃ wegabeyhen wegovah lahem weyireʾah lahem wegabotam meleʾot ʿeynayim saviyv leʾarebaʿetan׃

¹⁹ וּבְלֶ֙כֶת֙ הַֽחַיֹּ֔ות יֵלְכ֥וּ הָאֹופַנִּ֖ים אֶצְלָ֑ם וּבְהִנָּשֵׂ֤א הַֽחַיֹּות֙ מֵעַ֣ל הָאָ֔רֶץ יִנָּשְׂא֖וּ הָאֹופַנִּֽים׃ uvelekhet haḥayowt yelekhu haʾowfaniym ʾetselam uvehinaseʾ haḥayowt meʿal haʾarets yinaseʾu haʾowfaniym׃

²⁰ עַ֣ל אֲשֶׁר֩ יִֽהְיֶה־שָּׁ֨ם הָר֤וּחַ לָלֶ֙כֶת֙ יֵלֵ֔כוּ שָׁ֥מָּה הָר֖וּחַ לָלֶ֑כֶת וְהָאֹופַנִּ֗ים יִנָּשְׂאוּ֙ לְעֻמָּתָ֔ם כִּ֛י ר֥וּחַ הַחַיָּ֖ה בָּאֹופַנִּֽים׃ ʿal ʾasher yiheyeh־sham haruaḥ lalekhet yelekhu shamah haruaḥ lalekhet wehaʾowfaniym yinaseʾu leʿumatam kiy ruaḥ haḥayah baʾowfaniym׃

²¹ בְּלֶכְתָּ֣ם יֵלֵ֔כוּ וּבְעָמְדָ֖ם יַֽעֲמֹ֑דוּ וּֽבְהִנָּשְׂאָ֞ם מֵעַ֣ל הָאָ֗רֶץ יִנָּשְׂא֤וּ הָאֹֽופַנִּים֙ לְעֻמָּתָ֔ם כִּ֛י ר֥וּחַ הַחַיָּ֖ה בָּאֹופַנִּֽים׃ belekhetam yelekhu uveʿamedam yaʿamodu uvehinaseʾam meʿal haʾarets yinaseʾu haʾowfaniym leʿumatam kiy ruaḥ haḥayah baʾowfaniym׃

²² וּדְמ֞וּת עַל־רָאשֵׁ֤י הַחַיָּה֙ רָקִ֔יעַ כְּעֵ֖ין הַקֶּ֣רַח הַנֹּורָ֑א נָט֥וּי עַל־רָאשֵׁיהֶ֖ם מִלְמָֽעְלָה׃ udemut ʿal־raʾshey haḥayah raqiyʿa keʿeyn haqeraḥ hanowraʾ naṭuy ʿal־raʾsheyhem milemaʿelah׃

²³ וְתַ֙חַת֙ הָרָקִ֔יעַ כַּנְפֵיהֶ֣ם יְשָׁרֹ֔ות אִשָּׁ֖ה אֶל־אֲחֹותָ֑הּ לְאִ֗ישׁ שְׁתַּ֤יִם מְכַסֹּות֙ לָהֵ֔נָּה וּלְאִ֗ישׁ שְׁתַּ֤יִם מְכַסֹּות֙ לָהֵ֔נָּה אֵ֖ת גְּוִיֹּתֵיהֶֽם׃ wetaḥat haraqiyʿa kanefeyhem yesharowt ʾishah ʾel־ʾaḥowtah leʾiysh shetayim mekhasowt lahenah uleʾiysh shetayim mekhasowt lahenah ʾet gewiyoteyhem׃

²⁴ וָאֶשְׁמַ֣ע אֶת־קֹ֣ול כַּנְפֵיהֶ֡ם כְּקֹול֩ מַ֨יִם רַבִּ֤ים כְּקֹול־שַׁדַּי֙ בְּלֶכְתָּ֔ם קֹ֥ול הֲמֻלָּ֖ה כְּקֹ֣ול מַחֲנֶ֑ה בְּעָמְדָ֖ם תְּרַפֶּ֥ינָה כַנְפֵיהֶֽן׃ waʾeshemaʿ ʾet־qowl kanefeyhem keqowl mayim rabiym keqowl־shaday belekhetam qowl hamulah keqowl maḥaneh beʿamedam terapeynah khanefeyhen׃

²⁵ וַיְהִי־קֹ֕ול מֵעַ֕ל לָרָקִ֖יעַ אֲשֶׁ֣ר עַל־רֹאשָׁ֑ם בְּעָמְדָ֖ם תְּרַפֶּ֥ינָה כַנְפֵיהֶֽן׃ wayehiy־qowl meʿal laraqiyʿa ʾasher ʿal־roʾsham beʿamedam terapeynah khanefeyhen׃

²⁶ וּמִמַּ֗עַל לָרָקִ֙יעַ֙ אֲשֶׁ֣ר עַל־רֹאשָׁ֔ם כְּמַרְאֵ֥ה אֶֽבֶן־סַפִּ֖יר דְּמ֣וּת כִּסֵּ֑א וְעַל֙ דְּמ֣וּת הַכִּסֵּ֔א דְּמ֞וּת כְּמַרְאֵ֥ה אָדָ֛ם עָלָ֖יו מִלְמָֽעְלָה׃ umimaʿal laraqiyʿa ʾasher ʿal־roʾsham kemareʾeh ʾeven־sapiyr demut kiseʾ weʿal demut hakiseʾ demut kemareʾeh ʾadam ʿalayw milemaʿelah׃

²⁷ וָאֵ֣רֶא ׀ כְּעֵ֣ין חַשְׁמַ֗ל כְּמַרְאֵה־אֵ֤שׁ בֵּֽית־לָהּ֙ סָבִ֔יב מִמַּרְאֵ֥ה מָתְנָ֖יו וּלְמָ֑עְלָה וּמִמַּרְאֵ֤ה מָתְנָיו֙ וּלְמַ֔טָּה רָאִ֙יתִי֙ כְּמַרְאֵה־אֵ֔שׁ וְנֹ֥גַֽהּ לֹ֖ו סָבִֽיב׃ waʾereʾ ׀ keʿeyn ḥashemal kemareʾeh־ʾesh beyt־lah saviyv mimareʾeh matenayw ulemaʿelah umimareʾeh matenayw ulemaṭah raʾiytiy kemareʾeh־ʾesh wenogah low saviyv׃

²⁸ כְּמַרְאֵ֣ה הַקֶּ֡שֶׁת אֲשֶׁר֩ יִֽהְיֶ֨ה בֶעָנָ֜ן בְּיֹ֣ום הַגֶּ֗שֶׁם כֵּ֣ן מַרְאֵ֤ה הַנֹּ֙גַהּ֙ סָבִ֔יב ה֕וּא מַרְאֵ֖ה דְּמ֣וּת כְּבֹוד־יְהוָ֑ה וָֽאֶרְאֶה֙ וָאֶפֹּ֣ל עַל־פָּנַ֔י וָאֶשְׁמַ֖ע קֹ֥ול מְדַבֵּֽר׃ ס kemareʾeh haqeshet ʾasher yiheyeh veʿanan beyowm hageshem ken mareʾeh hanogah saviyv huʾ mareʾeh demut kevowd־yehwah waʾereʾeh waʾepol ʿal־panay waʾeshemaʿ qowl medaber׃ s