1 לֹֽא־תַעֲשׂ֨וּ לָכֶ֜ם אֱלִילִ֗ם וּפֶ֤סֶל וּמַצֵּבָה֙ לֹֽא־תָקִ֣ימוּ לָכֶ֔ם וְאֶ֣בֶן מַשְׂכִּ֗ית לֹ֤א תִתְּנוּ֙ בְּאַרְצְכֶ֔ם לְהִֽשְׁתַּחֲוֹ֖ת עָלֶ֑יהָ כִּ֛י אֲנִ֥י יְהוָ֖ה אֱלֹהֵיכֶֽם׃ loʾ־taʿasu lakhem ʾeliylim ufesel umatsevah loʾ־taqiymu lakhem weʾeven masekiyt loʾ titenu beʾaretsekhem lehishetaḥaot ʿaleyha kiy ʾaniy yehwah ʾeloheykhem׃
2 אֶת־שַׁבְּתֹתַ֣י תִּשְׁמֹ֔רוּ וּמִקְדָּשִׁ֖י תִּירָ֑אוּ אֲנִ֖י יְהוָֽה׃ ס ʾet־shabetotay tishemoru umiqedashiy tiyraʾu ʾaniy yehwah׃ s
3 אִם־בְּחֻקֹּתַ֖י תֵּלֵ֑כוּ וְאֶת־מִצְוֹתַ֣י תִּשְׁמְר֔וּ וַעֲשִׂיתֶ֖ם אֹתָֽם׃ ʾim־beḥuqotay telekhu weʾet־mitseotay tishemeru waʿasiytem ʾotam׃
4 וְנָתַתִּ֥י גִשְׁמֵיכֶ֖ם בְּעִתָּ֑ם וְנָתְנָ֤ה הָאָ֙רֶץ֙ יְבוּלָ֔הּ וְעֵ֥ץ הַשָּׂדֶ֖ה יִתֵּ֥ן פִּרְיֹֽו׃ wenatatiy gishemeykhem beʿitam wenatenah haʾarets yevulah weʿets hasadeh yiten pireyow׃
5 וְהִשִּׂ֨יג לָכֶ֥ם דַּ֙יִשׁ֙ אֶת־בָּצִ֔יר וּבָצִ֖יר יַשִּׂ֣יג אֶת־זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃ wehisiyg lakhem dayish ʾet־batsiyr uvatsiyr yasiyg ʾet־zaraʿ waʾakhaletem laḥemekhem lasovaʿ wiyshavetem laveṭaḥ beʾaretsekhem׃
6 וְנָתַתִּ֤י שָׁלֹום֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥ר בְּאַרְצְכֶֽם׃ wenatatiy shalowm baʾarets ushekhavetem weʾeyn maḥariyd wehishebatiy ḥayah raʿah min־haʾarets weḥerev loʾ־taʿavor beʾaretsekhem׃
7 וּרְדַפְתֶּ֖ם אֶת־אֹיְבֵיכֶ֑ם וְנָפְל֥וּ לִפְנֵיכֶ֖ם לֶחָֽרֶב ׃ uredafetem ʾet־ʾoyeveykhem wenafelu lifeneykhem leḥarev ׃
8 וְרָדְפוּ֙ מִכֶּ֤ם חֲמִשָּׁה֙ מֵאָ֔ה וּמֵאָ֥ה מִכֶּ֖ם רְבָבָ֣ה יִרְדֹּ֑פוּ וְנָפְל֧וּ אֹיְבֵיכֶ֛ם לִפְנֵיכֶ֖ם לֶחָֽרֶב׃ weradefu mikem ḥamishah meʾah umeʾah mikem revavah yiredofu wenafelu ʾoyeveykhem lifeneykhem leḥarev׃
9 וּפָנִ֣יתִי אֲלֵיכֶ֔ם וְהִפְרֵיתִ֣י אֶתְכֶ֔ם וְהִרְבֵּיתִ֖י אֶתְכֶ֑ם וַהֲקִימֹתִ֥י אֶת־בְּרִיתִ֖י אִתְּכֶֽם׃ ufaniytiy ʾaleykhem wehifereytiy ʾetekhem wehirebeytiy ʾetekhem wahaqiymotiy ʾet־beriytiy ʾitekhem׃
10 וַאֲכַלְתֶּ֥ם יָשָׁ֖ן נֹושָׁ֑ן וְיָשָׁ֕ן מִפְּנֵ֥י חָדָ֖שׁ תֹּוצִֽיאוּ׃ waʾakhaletem yashan nowshan weyashan mipeney ḥadash towtsiyʾu׃
11 וְנָתַתִּ֥י מִשְׁכָּנִ֖י בְּתֹוכְכֶ֑ם וְלֹֽא־תִגְעַ֥ל נַפְשִׁ֖י אֶתְכֶֽם׃ wenatatiy mishekaniy betowkhekhem weloʾ־tigeʿal nafeshiy ʾetekhem׃
12 וְהִתְהַלַּכְתִּי֙ בְּתֹ֣וכְכֶ֔ם וְהָיִ֥יתִי לָכֶ֖ם לֵֽאלֹהִ֑ים וְאַתֶּ֖ם תִּהְיוּ־לִ֥י לְעָֽם׃ wehitehalakhetiy betowkhekhem wehayiytiy lakhem leʾlohiym weʾatem tiheyu־liy leʿam׃
13 אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הֹוצֵ֤אתִי אֶתְכֶם֙ מֵאֶ֣רֶץ מִצְרַ֔יִם מִֽהְיֹ֥ת לָהֶ֖ם עֲבָדִ֑ים וָאֶשְׁבֹּר֙ מֹטֹ֣ת עֻלְּכֶ֔ם וָאֹולֵ֥ךְ אֶתְכֶ֖ם קֹֽומְמִיּֽוּת׃ פ ʾaniy yehwah ʾeloheykhem ʾasher howtseʾtiy ʾetekhem meʾerets mitserayim miheyot lahem ʿavadiym waʾeshebor moṭot ʿulekhem waʾowlekhe ʾetekhem qowmemiyut׃ f
14 וְאִם־לֹ֥א תִשְׁמְע֖וּ לִ֑י וְלֹ֣א תַעֲשׂ֔וּ אֵ֥ת כָּל־הַמִּצְוֹ֖ת הָאֵֽלֶּה׃ weʾim־loʾ tishemeʿu liy weloʾ taʿasu ʾet kal־hamitseot haʾeleh׃
15 וְאִם־בְּחֻקֹּתַ֣י תִּמְאָ֔סוּ וְאִ֥ם אֶת־מִשְׁפָּטַ֖י תִּגְעַ֣ל נַפְשְׁכֶ֑ם לְבִלְתִּ֤י עֲשֹׂות֙ אֶת־כָּל־מִצְוֹתַ֔י לְהַפְרְכֶ֖ם אֶת־בְּרִיתִֽי׃ weʾim־beḥuqotay timeʾasu weʾim ʾet־mishepaṭay tigeʿal nafeshekhem leviletiy ʿasowt ʾet־kal־mitseotay lehaferekhem ʾet־beriytiy׃
16 אַף־אֲנִ֞י אֶֽעֱשֶׂה־זֹּ֣את לָכֶ֗ם וְהִפְקַדְתִּ֨י עֲלֵיכֶ֤ם בֶּֽהָלָה֙ אֶת־הַשַּׁחֶ֣פֶת וְאֶת־הַקַּדַּ֔חַת מְכַלֹּ֥ות עֵינַ֖יִם וּמְדִיבֹ֣ת נָ֑פֶשׁ וּזְרַעְתֶּ֤ם לָרִיק֙ זַרְעֲכֶ֔ם וַאֲכָלֻ֖הוּ אֹיְבֵיכֶֽם׃ ʾaf־ʾaniy ʾeʿeseh־zoʾt lakhem wehifeqadetiy ʿaleykhem behalah ʾet־hashaḥefet weʾet־haqadaḥat mekhalowt ʿeynayim umediyvot nafesh uzeraʿetem lariyq zareʿakhem waʾakhaluhu ʾoyeveykhem׃
17 וְנָתַתִּ֤י פָנַי֙ בָּכֶ֔ם וְנִגַּפְתֶּ֖ם לִפְנֵ֣י אֹיְבֵיכֶ֑ם וְרָד֤וּ בָכֶם֙ שֹֽׂנְאֵיכֶ֔ם וְנַסְתֶּ֖ם וְאֵין־רֹדֵ֥ף אֶתְכֶֽם׃ ס wenatatiy fanay bakhem wenigafetem lifeney ʾoyeveykhem weradu vakhem soneʾeykhem wenasetem weʾeyn־rodef ʾetekhem׃ s
18 וְאִ֨ם־עַד־אֵ֔לֶּה לֹ֥א תִשְׁמְע֖וּ לִ֑י וְיָסַפְתִּי֙ לְיַסְּרָ֣ה אֶתְכֶ֔ם שֶׁ֖בַע עַל־חַטֹּאתֵיכֶֽם׃ weʾim־ʿad־ʾeleh loʾ tishemeʿu liy weyasafetiy leyaserah ʾetekhem shevaʿ ʿal־ḥaṭoʾteykhem׃
19 וְשָׁבַרְתִּ֖י אֶת־גְּאֹ֣ון עֻזְּכֶ֑ם וְנָתַתִּ֤י אֶת־שְׁמֵיכֶם֙ כַּבַּרְזֶ֔ל וְאֶֽת־אַרְצְכֶ֖ם כַּנְּחֻשָֽׁה׃ weshavaretiy ʾet־geʾown ʿuzekhem wenatatiy ʾet־shemeykhem kabarezel weʾet־ʾaretsekhem kaneḥushah׃
20 וְתַ֥ם לָרִ֖יק כֹּחֲכֶ֑ם וְלֹֽא־תִתֵּ֤ן אַרְצְכֶם֙ אֶת־יְבוּלָ֔הּ וְעֵ֣ץ הָאָ֔רֶץ לֹ֥א יִתֵּ֖ן פִּרְיֹֽו׃ wetam lariyq koḥakhem weloʾ־titen ʾaretsekhem ʾet־yevulah weʿets haʾarets loʾ yiten pireyow׃
21 וְאִם־תֵּֽלְכ֤וּ עִמִּי֙ קֶ֔רִי וְלֹ֥א תֹאב֖וּ לִשְׁמֹ֣עַֽ לִ֑י וְיָסַפְתִּ֤י עֲלֵיכֶם֙ מַכָּ֔ה שֶׁ֖בַע כְּחַטֹּאתֵיכֶֽם׃ weʾim־telekhu ʿimiy qeriy weloʾ toʾvu lishemoaʿ liy weyasafetiy ʿaleykhem makah shevaʿ keḥaṭoʾteykhem׃
22 וְהִשְׁלַחְתִּ֨י בָכֶ֜ם אֶת־חַיַּ֤ת הַשָּׂדֶה֙ וְשִׁכְּלָ֣ה אֶתְכֶ֔ם וְהִכְרִ֙יתָה֙ אֶת־בְּהֶמְתְּכֶ֔ם וְהִמְעִ֖יטָה אֶתְכֶ֑ם וְנָשַׁ֖מּוּ דַּרְכֵיכֶֽם׃ wehishelaḥetiy vakhem ʾet־ḥayat hasadeh weshikelah ʾetekhem wehikheriytah ʾet־behemetekhem wehimeʿiyṭah ʾetekhem wenashamu darekheykhem׃
23 וְאִ֨ם־בְּאֵ֔לֶּה לֹ֥א תִוָּסְר֖וּ לִ֑י וַהֲלַכְתֶּ֥ם עִמִּ֖י קֶֽרִי׃ weʾim־beʾeleh loʾ tiuaseru liy wahalakhetem ʿimiy qeriy׃
24 וְהָלַכְתִּ֧י אַף־אֲנִ֛י עִמָּכֶ֖ם בְּקֶ֑רִי וְהִכֵּיתִ֤י אֶתְכֶם֙ גַּם־אָ֔נִי שֶׁ֖בַע עַל־חַטֹּאתֵיכֶֽם׃ wehalakhetiy ʾaf־ʾaniy ʿimakhem beqeriy wehikeytiy ʾetekhem gam־ʾaniy shevaʿ ʿal־ḥaṭoʾteykhem׃
25 וְהֵבֵאתִ֨י עֲלֵיכֶ֜ם חֶ֗רֶב נֹקֶ֙מֶת֙ נְקַם־בְּרִ֔ית וְנֶאֱסַפְתֶּ֖ם אֶל־עָרֵיכֶ֑ם וְשִׁלַּ֤חְתִּי דֶ֙בֶר֙ בְּתֹ֣וכְכֶ֔ם וְנִתַּתֶּ֖ם בְּיַד־אֹויֵֽב׃ weheveʾtiy ʿaleykhem ḥerev noqemet neqam־beriyt weneʾesafetem ʾel־ʿareykhem weshilaḥetiy dever betowkhekhem wenitatem beyad־ʾowyev׃
26 בְּשִׁבְרִ֣י לָכֶם֮ מַטֵּה־לֶחֶם֒ וְ֠אָפוּ עֶ֣שֶׂר נָשִׁ֤ים לַחְמְכֶם֙ בְּתַנּ֣וּר אֶחָ֔ד וְהֵשִׁ֥יבוּ לַחְמְכֶ֖ם בַּמִּשְׁקָ֑ל וַאֲכַלְתֶּ֖ם וְלֹ֥א תִשְׂבָּֽעוּ׃ ס beshiveriy lakhem maṭeh־leḥem weʾafu ʿeser nashiym laḥemekhem betanur ʾeḥad weheshiyvu laḥemekhem bamisheqal waʾakhaletem weloʾ tisebaʿu׃ s
27 וְאִ֨ם־בְּזֹ֔את לֹ֥א תִשְׁמְע֖וּ לִ֑י וַהֲלַכְתֶּ֥ם עִמִּ֖י בְּקֶֽרִי׃ weʾim־bezoʾt loʾ tishemeʿu liy wahalakhetem ʿimiy beqeriy׃
28 וְהָלַכְתִּ֥י עִמָּכֶ֖ם בַּחֲמַת־קֶ֑רִי וְיִסַּרְתִּ֤י אֶתְכֶם֙ אַף־אָ֔נִי שֶׁ֖בַע עַל־חַטֹּאתֵיכֶם ׃ wehalakhetiy ʿimakhem baḥamat־qeriy weyisaretiy ʾetekhem ʾaf־ʾaniy shevaʿ ʿal־ḥaṭoʾteykhem ׃
29 וַאֲכַלְתֶּ֖ם בְּשַׂ֣ר בְּנֵיכֶ֑ם וּבְשַׂ֥ר בְּנֹתֵיכֶ֖ם תֹּאכֵֽלוּ׃ waʾakhaletem besar beneykhem uvesar benoteykhem toʾkhelu׃
30 וְהִשְׁמַדְתִּ֞י אֶת־בָּמֹֽתֵיכֶ֗ם וְהִכְרַתִּי֙ אֶת־חַמָּ֣נֵיכֶ֔ם וְנָֽתַתִּי֙ אֶת־פִּגְרֵיכֶ֔ם עַל־פִּגְרֵ֖י גִּלּוּלֵיכֶ֑ם וְגָעֲלָ֥ה נַפְשִׁ֖י אֶתְכֶֽם׃ wehishemadetiy ʾet־bamoteykhem wehikheratiy ʾet־ḥamaneykhem wenatatiy ʾet־pigereykhem ʿal־pigerey giluleykhem wegaʿalah nafeshiy ʾetekhem׃
31 וְנָתַתִּ֤י אֶת־עָֽרֵיכֶם֙ חָרְבָּ֔ה וַהֲשִׁמֹּותִ֖י אֶת־מִקְדְּשֵׁיכֶ֑ם וְלֹ֣א אָרִ֔יחַ בְּרֵ֖יחַ נִיחֹֽחֲכֶֽם׃ wenatatiy ʾet־ʿareykhem ḥarebah wahashimowtiy ʾet־miqedesheykhem weloʾ ʾariyḥa bereyḥa niyḥoḥakhem׃
32 וַהֲשִׁמֹּתִ֥י אֲנִ֖י אֶת־הָאָ֑רֶץ וְשָֽׁמְמ֤וּ עָלֶ֙יהָ֙ אֹֽיְבֵיכֶ֔ם הַיֹּשְׁבִ֖ים בָּֽהּ׃ wahashimotiy ʾaniy ʾet־haʾarets weshamemu ʿaleyha ʾoyeveykhem hayosheviym bah׃
33 וְאֶתְכֶם֙ אֱזָרֶ֣ה בַגֹּויִ֔ם וַהֲרִיקֹתִ֥י אַחֲרֵיכֶ֖ם חָ֑רֶב וְהָיְתָ֤ה אַרְצְכֶם֙ שְׁמָמָ֔ה וְעָרֵיכֶ֖ם יִהְי֥וּ חָרְבָּֽה׃ weʾetekhem ʾezareh vagowyim wahariyqotiy ʾaḥareykhem ḥarev wehayetah ʾaretsekhem shemamah weʿareykhem yiheyu ḥarebah׃
34 אָז֩ תִּרְצֶ֨ה הָאָ֜רֶץ אֶת־שַׁבְּתֹתֶ֗יהָ כֹּ֚ל יְמֵ֣י הֳשַּׁמָּ֔ה וְאַתֶּ֖ם בְּאֶ֣רֶץ אֹיְבֵיכֶ֑ם אָ֚ז תִּשְׁבַּ֣ת הָאָ֔רֶץ וְהִרְצָ֖ת אֶת־שַׁבְּתֹתֶֽיהָ׃ ʾaz tiretseh haʾarets ʾet־shabetoteyha kol yemey hoshamah weʾatem beʾerets ʾoyeveykhem ʾaz tishebat haʾarets wehiretsat ʾet־shabetoteyha׃
35 כָּל־יְמֵ֥י הָשַּׁמָּ֖ה תִּשְׁבֹּ֑ת אֵ֣ת אֲשֶׁ֧ר לֹֽא־שָׁבְתָ֛ה בְּשַׁבְּתֹתֵיכֶ֖ם בְּשִׁבְתְּכֶ֥ם עָלֶֽיהָ׃ kal־yemey hashamah tishebot ʾet ʾasher loʾ־shavetah beshabetoteykhem beshivetekhem ʿaleyha׃
36 וְהַנִּשְׁאָרִ֣ים בָּכֶ֔ם וְהֵבֵ֤אתִי מֹ֙רֶךְ֙ בִּלְבָבָ֔ם בְּאַרְצֹ֖ת אֹיְבֵיהֶ֑ם וְרָדַ֣ף אֹתָ֗ם קֹ֚ול עָלֶ֣ה נִדָּ֔ף וְנָס֧וּ מְנֻֽסַת־חֶ֛רֶב וְנָפְל֖וּ וְאֵ֥ין רֹדֵֽף׃ wehanisheʾariym bakhem weheveʾtiy morekhe bilevavam beʾaretsot ʾoyeveyhem weradaf ʾotam qowl ʿaleh nidaf wenasu menusat־ḥerev wenafelu weʾeyn rodef׃
37 וְכָשְׁל֧וּ אִישׁ־בְּאָחִ֛יו כְּמִפְּנֵי־חֶ֖רֶב וְרֹדֵ֣ף אָ֑יִן וְלֹא־תִֽהְיֶ֤ה לָכֶם֙ תְּקוּמָ֔ה לִפְנֵ֖י אֹֽיְבֵיכֶֽם׃ wekhashelu ʾiysh־beʾaḥiyw kemipeney־ḥerev werodef ʾayin weloʾ־tiheyeh lakhem tequmah lifeney ʾoyeveykhem׃
38 וַאֲבַדְתֶּ֖ם בַּגֹּויִ֑ם וְאָכְלָ֣ה אֶתְכֶ֔ם אֶ֖רֶץ אֹיְבֵיכֶֽם׃ waʾavadetem bagowyim weʾakhelah ʾetekhem ʾerets ʾoyeveykhem׃
39 וְהַנִּשְׁאָרִ֣ים בָּכֶ֗ם יִמַּ֙קּוּ֙ בַּֽעֲוֹנָ֔ם בְּאַרְצֹ֖ת אֹיְבֵיכֶ֑ם וְאַ֛ף בַּעֲוֹנֹ֥ת אֲבֹתָ֖ם אִתָּ֥ם יִמָּֽקּוּ׃ wehanisheʾariym bakhem yimaqu baʿaonam beʾaretsot ʾoyeveykhem weʾaf baʿaonot ʾavotam ʾitam yimaqu׃
40 וְהִתְוַדּ֤וּ אֶת־עֲוֹנָם֙ וְאֶת־עֲוֹ֣ן אֲבֹתָ֔ם בְּמַעֲלָ֖ם אֲשֶׁ֣ר מָֽעֲלוּ־בִ֑י וְאַ֕ף אֲשֶׁר־הָֽלְכ֥וּ עִמִּ֖י בְּקֶֽרִי׃ wehitewadu ʾet־ʿaonam weʾet־ʿaon ʾavotam bemaʿalam ʾasher maʿalu־viy weʾaf ʾasher־halekhu ʿimiy beqeriy׃
41 אַף־אֲנִ֗י אֵלֵ֤ךְ עִמָּם֙ בְּקֶ֔רִי וְהֵבֵאתִ֣י אֹתָ֔ם בְּאֶ֖רֶץ אֹיְבֵיהֶ֑ם אֹו־אָ֣ז יִכָּנַ֗ע לְבָבָם֙ הֶֽעָרֵ֔ל וְאָ֖ז יִרְצ֥וּ אֶת־עֲוֹנָֽם׃ ʾaf־ʾaniy ʾelekhe ʿimam beqeriy weheveʾtiy ʾotam beʾerets ʾoyeveyhem ʾow־ʾaz yikanaʿ levavam heʿarel weʾaz yiretsu ʾet־ʿaonam׃
42 וְזָכַרְתִּ֖י אֶת־בְּרִיתִ֣י יַעֲקֹ֑וב וְאַף֩ אֶת־בְּרִיתִ֨י יִצְחָ֜ק וְאַ֨ף אֶת־בְּרִיתִ֧י אַבְרָהָ֛ם אֶזְכֹּ֖ר וְהָאָ֥רֶץ אֶזְכֹּֽר׃ wezakharetiy ʾet־beriytiy yaʿaqowv weʾaf ʾet־beriytiy yitseḥaq weʾaf ʾet־beriytiy ʾaveraham ʾezekor wehaʾarets ʾezekor׃
43 וְהָאָרֶץ֩ תֵּעָזֵ֨ב מֵהֶ֜ם וְתִ֣רֶץ אֶת־שַׁבְּתֹתֶ֗יהָ בָּהְשַׁמָּה֙ מֵהֶ֔ם וְהֵ֖ם יִרְצ֣וּ אֶת־עֲוֹנָ֑ם יַ֣עַן וּבְיַ֔עַן בְּמִשְׁפָּטַ֣י מָאָ֔סוּ וְאֶת־חֻקֹּתַ֖י גָּעֲלָ֥ה נַפְשָֽׁם׃ wehaʾarets teʿazev mehem wetirets ʾet־shabetoteyha baheshamah mehem wehem yiretsu ʾet־ʿaonam yaʿan uveyaʿan bemishepaṭay maʾasu weʾet־ḥuqotay gaʿalah nafesham׃
44 וְאַף־גַּם־זֹ֠את בִּֽהְיֹותָ֞ם בְּאֶ֣רֶץ אֹֽיְבֵיהֶ֗ם לֹֽא־מְאַסְתִּ֤ים וְלֹֽא־גְעַלְתִּים֙ לְכַלֹּתָ֔ם לְהָפֵ֥ר בְּרִיתִ֖י אִתָּ֑ם כִּ֛י אֲנִ֥י יְהוָ֖ה אֱלֹהֵיהֶֽם׃ weʾaf־gam־zoʾt biheyowtam beʾerets ʾoyeveyhem loʾ־meʾasetiym weloʾ־geʿaletiym lekhalotam lehafer beriytiy ʾitam kiy ʾaniy yehwah ʾeloheyhem׃
45 וְזָכַרְתִּ֥י לָהֶ֖ם בְּרִ֣ית רִאשֹׁנִ֑ים אֲשֶׁ֣ר הֹוצֵֽאתִי־אֹתָם֩ מֵאֶ֨רֶץ מִצְרַ֜יִם לְעֵינֵ֣י הַגֹּויִ֗ם לִהְיֹ֥ת לָהֶ֛ם לֵאלֹהִ֖ים אֲנִ֥י יְהוָֽה׃ wezakharetiy lahem beriyt riʾshoniym ʾasher howtseʾtiy־ʾotam meʾerets mitserayim leʿeyney hagowyim liheyot lahem leʾlohiym ʾaniy yehwah׃
46 אֵ֠לֶּה הַֽחֻקִּ֣ים וְהַמִּשְׁפָּטִים֮ וְהַתֹּורֹת֒ אֲשֶׁר֙ נָתַ֣ן יְהוָ֔ה בֵּינֹ֕ו וּבֵ֖ין בְּנֵ֣י יִשְׂרָאֵ֑ל בְּהַ֥ר סִינַ֖י בְּיַד־מֹשֶֽׁה׃ פ ʾeleh haḥuqiym wehamishepaṭiym wehatowrot ʾasher natan yehwah beynow uveyn beney yiseraʾel behar siynay beyad־mosheh׃ f