Esdras 5

¹ וְהִתְנַבִּ֞י חַגַּ֣י [נְבִיאָה כ] (נְבִיָּ֗א ק) וּזְכַרְיָ֤ה בַר־עִדֹּוא֙ [נְבִיאַיָּא כ] (נְבִיַּיָּ֔א ק) עַל־יְה֣וּדָיֵ֔א דִּ֥י בִיה֖וּד וּבִירוּשְׁלֶ֑ם בְּשֻׁ֛ם אֱלָ֥הּ יִשְׂרָאֵ֖ל עֲלֵיהֹֽון׃ ס wehitenabiy ḥagay [neviyʾah kh] (neviyaʾ q) uzekhareyah var־ʿidowʾ [neviyʾayaʾ kh] (neviyayaʾ q) ʿal־yehudayeʾ diy viyhud uviyrushelem beshum ʾelah yiseraʾel ʿaleyhown׃ s

² בֵּאדַ֡יִן קָ֠מוּ זְרֻבָּבֶ֤ל בַּר־שְׁאַלְתִּיאֵל֙ וְיֵשׁ֣וּעַ בַּר־יֹֽוצָדָ֔ק וְשָׁרִ֣יו לְמִבְנֵ֔א בֵּ֥ית אֱלָהָ֖א דִּ֣י בִירֽוּשְׁלֶ֑ם וְעִמְּהֹ֛ון [נְבִיאַיָּא כ] (נְבִיַּיָּ֥א ק) דִֽי־אֱלָהָ֖א מְסָעֲדִ֥ין לְהֹֽון ׃ פ beʾdayin qamu zerubavel bar־sheʾaletiyʾel weyeshuaʿ bar־yowtsadaq weshariyw lemiveneʾ beyt ʾelahaʾ diy viyrushelem weʿimehown [neviyʾayaʾ kh] (neviyayaʾ q) diy־ʾelahaʾ mesaʿadiyn lehown ׃ f

³ בֵּהּ־זִמְנָא֩ אֲתָ֨א עֲלֵיהֹ֜ון תַּ֠תְּנַי פַּחַ֧ת עֲבַֽר־נַהֲרָ֛ה וּשְׁתַ֥ר בֹּוזְנַ֖י וּכְנָוָתְהֹ֑ון וְכֵן֙ אָמְרִ֣ין לְהֹ֔ם מַן־שָׂ֨ם לְכֹ֜ם טְעֵ֗ם בַּיְתָ֤א דְנָה֙ לִבְּנֵ֔א וְאֻשַּׁרְנָ֥א דְנָ֖ה לְשַׁכְלָלָֽה׃ ס beh־zimenaʾ ʾataʾ ʿaleyhown tatenay paḥat ʿavar־naharah ushetar bowzenay ukhenawatehown wekhen ʾameriyn lehom man־sam lekhom ṭeʿem bayetaʾ denah libeneʾ weʾusharenaʾ denah leshakhelalah׃ s

⁴ אֱדַ֥יִן כְּנֵ֖מָא אֲמַ֣רְנָא לְּהֹ֑ם מַן־אִנּוּן֙ שְׁמָהָ֣ת גֻּבְרַיָּ֔א דִּֽי־דְנָ֥ה בִנְיָנָ֖א בָּנַֽיִן׃ ʾedayin kenemaʾ ʾamarenaʾ lehom man־ʾinun shemahat guverayaʾ diy־denah vineyanaʾ banayin׃

⁵ וְעֵ֣ין אֱלָהֲהֹ֗ם הֲוָת֙ עַל־שָׂבֵ֣י יְהוּדָיֵ֔א וְלָא־בַטִּ֣לוּ הִמֹּ֔ו עַד־טַעְמָ֖א לְדָרְיָ֣וֶשׁ יְהָ֑ךְ וֶאֱדַ֛יִן יְתִיב֥וּן נִשְׁתְּוָנָ֖א עַל־דְּנָֽה׃ פ weʿeyn ʾelahahom hawat ʿal־savey yehudayeʾ welaʾ־vaṭilu himow ʿad־ṭaʿemaʾ ledareyawesh yehakhe weʾedayin yetiyvun nishetewanaʾ ʿal־denah׃ f

⁶ פַּרְשֶׁ֣גֶן אִ֠גַּרְתָּא דִּֽי־שְׁלַ֞ח תַּתְּנַ֣י ׀ פַּחַ֣ת עֲבַֽר־נַהֲרָ֗ה וּשְׁתַ֤ר בֹּוזְנַי֙ וּכְנָ֣וָתֵ֔הּ אֲפַ֨רְסְכָיֵ֔א דִּ֖י בַּעֲבַ֣ר נַהֲרָ֑ה עַל־דָּרְיָ֖וֶשׁ מַלְכָּֽא׃ pareshegen ʾigaretaʾ diy־shelaḥ tatenay ׀ paḥat ʿavar־naharah ushetar bowzenay ukhenawateh ʾafaresekhayeʾ diy baʿavar naharah ʿal־dareyawesh malekaʾ׃

⁷ פִּתְגָמָ֖א שְׁלַ֣חוּ עֲלֹ֑והִי וְכִדְנָה֙ כְּתִ֣יב בְּגַוֵּ֔הּ לְדָרְיָ֥וֶשׁ מַלְכָּ֖א שְׁלָמָ֥א כֹֽלָּא׃ ס pitegamaʾ shelaḥu ʿalowhiy wekhidenah ketiyv begaueh ledareyawesh malekaʾ shelamaʾ kholaʾ׃ s

⁸ יְדִ֣יעַ ׀ לֶהֱוֵ֣א לְמַלְכָּ֗א דִּֽי־אֲזַ֜לְנָא לִיה֤וּד מְדִֽינְתָּא֙ לְבֵית֙ אֱלָהָ֣א רַבָּ֔א וְה֤וּא מִתְבְּנֵא֙ אֶ֣בֶן גְּלָ֔ל וְאָ֖ע מִתְּשָׂ֣ם בְּכֻתְלַיָּ֑א וַעֲבִ֥ידְתָּא דָ֛ךְ אָסְפַּ֥רְנָא מִתְעַבְדָ֖א וּמַצְלַ֥ח בְּיֶדְהֹֽם׃ ס yediyʿa ׀ leheweʾ lemalekaʾ diy־ʾazalenaʾ liyhud mediynetaʾ leveyt ʾelahaʾ rabaʾ wehuʾ mitebeneʾ ʾeven gelal weʾaʿ mitesam bekhutelayaʾ waʿaviydetaʾ dakhe ʾaseparenaʾ miteʿavedaʾ umatselaḥ beyedehom׃ s

⁹ אֱדַ֗יִן שְׁאֵ֙לְנָא֙ לְשָׂבַיָּ֣א אִלֵּ֔ךְ כְּנֵ֖מָא אֲמַ֣רְנָא לְּהֹ֑ם מַן־שָׂ֨ם לְכֹ֜ם טְעֵ֗ם בַּיְתָ֤א דְנָה֙ לְמִבְנְיָ֔ה וְאֻשַּׁרְנָ֥א דְנָ֖ה לְשַׁכְלָלָֽה׃ ʾedayin sheʾelenaʾ lesavayaʾ ʾilekhe kenemaʾ ʾamarenaʾ lehom man־sam lekhom ṭeʿem bayetaʾ denah lemiveneyah weʾusharenaʾ denah leshakhelalah׃

¹⁰ וְאַ֧ף שְׁמָהָתְהֹ֛ם שְׁאֵ֥לְנָא לְּהֹ֖ם לְהֹודָעוּתָ֑ךְ דִּ֛י נִכְתֻּ֥ב שֻׁם־גֻּבְרַיָּ֖א דִּ֥י בְרָאשֵׁיהֹֽם׃ ס weʾaf shemahatehom sheʾelenaʾ lehom lehowdaʿutakhe diy nikhetuv shum־guverayaʾ diy veraʾsheyhom׃ s

¹¹ וּכְנֵ֥מָא פִתְגָמָ֖א הֲתִיב֣וּנָא לְמֵמַ֑ר אֲנַ֣חְנָא הִמֹּ֡ו עַבְדֹוהִי֩ דִֽי־אֱלָ֨הּ שְׁמַיָּ֜א וְאַרְעָ֗א וּבָנַ֤יִן בַּיְתָא֙ דִּֽי־הֲוָ֨א בְנֵ֜ה מִקַּדְמַ֤ת דְּנָה֙ שְׁנִ֣ין שַׂגִּיאָ֔ן וּמֶ֤לֶךְ לְיִשְׂרָאֵל֙ רַ֔ב בְּנָ֖הִי וְשַׁכְלְלֵֽהּ׃ ukhenemaʾ fitegamaʾ hatiyvunaʾ lememar ʾanaḥenaʾ himow ʿavedowhiy diy־ʾelah shemayaʾ weʾareʿaʾ uvanayin bayetaʾ diy־hawaʾ veneh miqademat denah sheniyn sagiyʾan umelekhe leyiseraʾel rav benahiy weshakheleleh׃

¹² לָהֵ֗ן מִן־דִּ֨י הַרְגִּ֤זוּ אֲבָהֳתַ֙נָא֙ לֶאֱלָ֣הּ שְׁמַיָּ֔א יְהַ֣ב הִמֹּ֔ו בְּיַ֛ד נְבוּכַדְנֶצַּ֥ר מֶֽלֶךְ־בָּבֶ֖ל [כַּסְדָּיָא כ] (כַּסְדָּאָ֑ה ק) וּבַיְתָ֤ה דְנָה֙ סַתְרֵ֔הּ וְעַמָּ֖ה הַגְלִ֥י לְבָבֶֽל׃ ס lahen min־diy haregizu ʾavahotanaʾ leʾelah shemayaʾ yehav himow beyad nevukhadenetsar melekhe־bavel [kasedayaʾ kh] (kasedaʾah q) uvayetah denah satereh weʿamah hageliy levavel׃ s

¹³ בְּרַם֙ בִּשְׁנַ֣ת חֲדָ֔ה לְכֹ֥ורֶשׁ מַלְכָּ֖א דִּ֣י בָבֶ֑ל כֹּ֤ורֶשׁ מַלְכָּא֙ שָׂ֣ם טְעֵ֔ם בֵּית־אֱלָהָ֥א דְנָ֖ה לִבְּנֵֽא׃ beram bishenat ḥadah lekhowresh malekaʾ diy vavel kowresh malekaʾ sam ṭeʿem beyt־ʾelahaʾ denah libeneʾ׃

¹⁴ וְ֠אַף מָאנַיָּ֣א דִֽי־בֵית־אֱלָהָא֮ דִּ֣י דַהֲבָ֣ה וְכַסְפָּא֒ דִּ֣י נְבוּכַדְנֶצַּ֗ר הַנְפֵּק֙ מִן־הֵֽיכְלָא֙ דִּ֣י בִֽירוּשְׁלֶ֔ם וְהֵיבֵ֣ל הִמֹּ֔ו לְהֵיכְלָ֖א דִּ֣י בָבֶ֑ל הַנְפֵּ֨ק הִמֹּ֜ו כֹּ֣ורֶשׁ מַלְכָּ֗א מִן־הֵֽיכְלָא֙ דִּ֣י בָבֶ֔ל וִיהִ֙יבוּ֙ לְשֵׁשְׁבַּצַּ֣ר שְׁמֵ֔הּ דִּ֥י פֶחָ֖ה שָׂמֵֽהּ׃ weʾaf maʾnayaʾ diy־veyt־ʾelahaʾ diy dahavah wekhasepaʾ diy nevukhadenetsar hanepeq min־heykhelaʾ diy viyrushelem weheyvel himow leheykhelaʾ diy vavel hanepeq himow kowresh malekaʾ min־heykhelaʾ diy vavel wiyhiyvu lesheshebatsar shemeh diy feḥah sameh׃

¹⁵ וַאֲמַר־לֵ֓הּ ׀ [אֵלֶּה כ] (אֵ֚ל ק) מָֽאנַיָּ֔א א אֵֽזֶל־אֲחֵ֣ת הִמֹּ֔ו בְּהֵיכְלָ֖א דִּ֣י בִירוּשְׁלֶ֑ם וּבֵ֥ית אֱלָהָ֖א יִתְבְּנֵ֥א עַל־אַתְרֵֽהּ׃ ס waʾamar־leh ׀ [ʾeleh kh] (ʾel q) maʾnayaʾ ʾ ʾezel־ʾaḥet himow beheykhelaʾ diy viyrushelem uveyt ʾelahaʾ yitebeneʾ ʿal־ʾatereh׃ s

¹⁶ אֱדַ֙יִן֙ שֵׁשְׁבַּצַּ֣ר דֵּ֔ךְ אֲתָ֗א יְהַ֧ב אֻשַּׁיָּ֛א דִּי־בֵ֥ית אֱלָהָ֖א דִּ֣י בִירוּשְׁלֶ֑ם וּמִן־אֱדַ֧יִן וְעַד־כְּעַ֛ן מִתְבְּנֵ֖א וְלָ֥א שְׁלִֽם׃ ʾedayin sheshebatsar dekhe ʾataʾ yehav ʾushayaʾ diy־veyt ʾelahaʾ diy viyrushelem umin־ʾedayin weʿad־keʿan mitebeneʾ welaʾ shelim׃

¹⁷ וּכְעַ֞ן הֵ֧ן עַל־מַלְכָּ֣א טָ֗ב יִ֠תְבַּקַּר בְּבֵ֨ית גִּנְזַיָּ֜א דִּי־מַלְכָּ֣א תַמָּה֮ דִּ֣י בְּבָבֶל֒ הֵ֣ן אִיתַ֗י דִּֽי־מִן־כֹּ֤ורֶשׁ מַלְכָּא֙ שִׂ֣ים טְעֵ֔ם לְמִבְנֵ֛א בֵּית־אֱלָהָ֥א דֵ֖ךְ בִּירוּשְׁלֶ֑ם וּרְע֥וּת מַלְכָּ֛א עַל־דְּנָ֖ה יִשְׁלַ֥ח עֲלֶֽינָא׃ ס ukheʿan hen ʿal־malekaʾ ṭav yitebaqar beveyt ginezayaʾ diy־malekaʾ tamah diy bevavel hen ʾiytay diy־min־kowresh malekaʾ siym ṭeʿem lemiveneʾ beyt־ʾelahaʾ dekhe biyrushelem ureʿut malekaʾ ʿal־denah yishelaḥ ʿaleynaʾ׃ s