Ézéchiel 35

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² בֶּן־אָדָ֕ם שִׂ֥ים פָּנֶ֖יךָ עַל־הַ֣ר שֵׂעִ֑יר וְהִנָּבֵ֖א עָלָֽיו׃ ben־ʾadam siym paneykha ʿal־har seʿiyr wehinaveʾ ʿalayw׃

³ וְאָמַ֣רְתָּ לֹּ֗ו כֹּ֤ה אָמַר֙ אֲדֹנָ֣י יְהוִ֔ה הִנְנִ֥י אֵלֶ֖יךָ הַר־שֵׂעִ֑יר וְנָטִ֤יתִי יָדִי֙ עָלֶ֔יךָ וּנְתַתִּ֖יךָ שְׁמָמָ֥ה וּמְשַׁמָּֽה׃ weʾamareta low koh ʾamar ʾadonay yehwih hineniy ʾeleykha har־seʿiyr wenaṭiytiy yadiy ʿaleykha unetatiykha shemamah umeshamah׃

⁴ עָרֶ֙יךָ֙ חָרְבָּ֣ה אָשִׂ֔ים וְאַתָּ֖ה שְׁמָמָ֣ה תִֽהְיֶ֑ה וְיָדַעְתָּ֖ כִּֽי־אֲנִ֥י יְהוָֽה׃ ʿareykha ḥarebah ʾasiym weʾatah shemamah tiheyeh weyadaʿeta kiy־ʾaniy yehwah׃

⁵ יַ֗עַן הֱיֹ֤ות לְךָ֙ אֵיבַ֣ת עֹולָ֔ם וַתַּגֵּ֥ר אֶת־בְּנֵֽי־יִשְׂרָאֵ֖ל עַל־יְדֵי־חָ֑רֶב בְּעֵ֣ת אֵידָ֔ם בְּעֵ֖ת עֲוֹ֥ן קֵֽץ׃ yaʿan heyowt lekha ʾeyvat ʿowlam watager ʾet־beney־yiseraʾel ʿal־yedey־ḥarev beʿet ʾeydam beʿet ʿaon qets׃

⁶ לָכֵ֣ן חַי־אָ֗נִי נְאֻם֙ אֲדֹנָ֣י יְהוִ֔ה כִּֽי־לְדָ֥ם אֶעֶשְׂךָ֖ וְדָ֣ם יִרְדֲּפֶ֑ךָ אִם־לֹ֥א דָ֛ם שָׂנֵ֖אתָ וְדָ֥ם יִרְדֲּפֶֽךָ׃ lakhen ḥay־ʾaniy neʾum ʾadonay yehwih kiy־ledam ʾeʿesekha wedam yiredafekha ʾim־loʾ dam saneʾta wedam yiredafekha׃

⁷ וְנָֽתַתִּי֙ אֶת־הַ֣ר שֵׂעִ֔יר לְשִֽׁמְמָ֖ה וּשְׁמָמָ֑ה וְהִכְרַתִּ֥י מִמֶּ֖נּוּ עֹבֵ֥ר וָשָֽׁב׃ wenatatiy ʾet־har seʿiyr leshimemah ushemamah wehikheratiy mimenu ʿover washav׃

⁸ וּמִלֵּאתִ֥י אֶת־הָרָ֖יו חֲלָלָ֑יו גִּבְעֹותֶ֤יךָ וְגֵאֹותֶ֙יךָ֙ וְכָל־אֲפִיקֶ֔יךָ חַלְלֵי־חֶ֖רֶב יִפְּל֥וּ בָהֶֽם׃ umileʾtiy ʾet־harayw ḥalalayw giveʿowteykha wegeʾowteykha wekhal־ʾafiyqeykha ḥaleley־ḥerev yipelu vahem׃

⁹ שִֽׁמְמֹ֤ות עֹולָם֙ אֶתֶּנְךָ֔ וְעָרֶ֖יךָ לֹ֣א [תֵישַׁבְנָה כ] (תָשֹׁ֑בְנָה ק) וִֽידַעְתֶּ֖ם כִּֽי־אֲנִ֥י יְהוָֽה׃ shimemowt ʿowlam ʾetenekha weʿareykha loʾ [teyshavenah kh] (tashovenah q) wiydaʿetem kiy־ʾaniy yehwah׃

¹⁰ יַ֣עַן אֲ֠מָרְךָ אֶת־שְׁנֵ֨י הַגֹּויִ֜ם וְאֶת־שְׁתֵּ֧י הָאֲרָצֹ֛ות לִ֥י תִהְיֶ֖ינָה וִֽירַשְׁנ֑וּהָ וַֽיהוָ֖ה שָׁ֥ם הָיָֽה׃ yaʿan ʾamarekha ʾet־sheney hagowyim weʾet־shetey haʾaratsowt liy tiheyeynah wiyrashenuah wayhwah sham hayah׃

¹¹ לָכֵ֣ן חַי־אָ֗נִי נְאֻם֮ אֲדֹנָ֣י יְהוִה֒ וְעָשִׂ֗יתִי כְּאַפְּךָ֙ וּכְקִנְאָ֣תְךָ֔ אֲשֶׁ֣ר עָשִׂ֔יתָה מִשִּׂנְאָתֶ֖יךָ בָּ֑ם וְנֹודַ֥עְתִּי בָ֖ם כַּאֲשֶׁ֥ר אֶשְׁפְּטֶֽךָ׃ lakhen ḥay־ʾaniy neʾum ʾadonay yehwih weʿasiytiy keʾapekha ukheqineʾatekha ʾasher ʿasiytah misineʾateykha bam wenowdaʿetiy vam kaʾasher ʾeshepeṭekha׃

¹² וְֽיָדַעְתָּ֮ כִּֽי־אֲנִ֣י יְהוָה֒ שָׁמַ֣עְתִּי ׀ אֶת־כָּל־נָאָֽצֹותֶ֗יךָ אֲשֶׁ֥ר אָמַ֛רְתָּ עַל־הָרֵ֥י יִשְׂרָאֵ֖ל לֵאמֹ֣ר ׀ [שָׁמֵמָה כ] (שָׁמֵ֑מוּ ק) לָ֥נוּ נִתְּנ֖וּ לְאָכְלָֽה׃ weyadaʿeta kiy־ʾaniy yehwah shamaʿetiy ׀ ʾet־kal־naʾatsowteykha ʾasher ʾamareta ʿal־harey yiseraʾel leʾmor ׀ [shamemah kh] (shamemu q) lanu nitenu leʾakhelah׃

¹³ וַתַּגְדִּ֤ילוּ עָלַי֙ בְּפִיכֶ֔ם וְהַעְתַּרְתֶּ֥ם עָלַ֖י דִּבְרֵיכֶ֑ם אֲנִ֖י שָׁמָֽעְתִּי׃ ס watagediylu ʿalay befiykhem wehaʿetaretem ʿalay divereykhem ʾaniy shamaʿetiy׃ s

¹⁴ כֹּ֥ה אָמַ֖ר אֲדֹנָ֣י יְהוִ֑ה כִּשְׂמֹ֙חַ֙ כָּל־הָאָ֔רֶץ שְׁמָמָ֖ה אֶעֱשֶׂה־לָּֽךְ׃ koh ʾamar ʾadonay yehwih kisemoaḥ kal־haʾarets shemamah ʾeʿeseh־lakhe׃

¹⁵ כְּשִׂמְחָ֨תְךָ֜ לְנַחְלַ֧ת בֵּֽית־יִשְׂרָאֵ֛ל עַ֥ל אֲשֶׁר־שָׁמֵ֖מָה כֵּ֣ן אֶעֱשֶׂה־לָּ֑ךְ שְׁמָמָ֨ה תִֽהְיֶ֤ה הַר־שֵׂעִיר֙ וְכָל־אֱדֹ֣ום כֻּלָּ֔הּ וְיָדְע֖וּ כִּֽי־אֲנִ֥י יְהוָֽה׃ פ kesimeḥatekha lenaḥelat beyt־yiseraʾel ʿal ʾasher־shamemah ken ʾeʿeseh־lakhe shemamah tiheyeh har־seʿiyr wekhal־ʾedowm kulah weyadeʿu kiy־ʾaniy yehwah׃ f