Ésaïe 52

¹ עוּרִ֥י עוּרִ֛י לִבְשִׁ֥י עֻזֵּ֖ךְ צִיֹּ֑ון לִבְשִׁ֣י ׀ בִּגְדֵ֣י תִפְאַרְתֵּ֗ךְ יְרוּשָׁלִַ֙ם֙ עִ֣יר הַקֹּ֔דֶשׁ כִּ֣י לֹ֥א יֹוסִ֛יף יָבֹא־בָ֥ךְ עֹ֖וד עָרֵ֥ל וְטָמֵֽא׃ ʿuriy ʿuriy liveshiy ʿuzekhe tsiyown liveshiy ׀ bigedey tifeʾaretekhe yerushalim ʿiyr haqodesh kiy loʾ yowsiyf yavoʾ־vakhe ʿowd ʿarel weṭameʾ׃

² הִתְנַעֲרִ֧י מֵעָפָ֛ר ק֥וּמִי שְּׁבִ֖י יְרֽוּשָׁלִָ֑ם [הִתְפַּתְּחוּ כ] (הִֽתְפַּתְּחִי֙ ק) מֹוסְרֵ֣י צַוָּארֵ֔ךְ שְׁבִיָּ֖ה בַּת־צִיֹּֽון׃ ס hitenaʿariy meʿafar qumiy sheviy yerushalim [hitepateḥu kh] (hitepateḥiy q) mowserey tsauaʾrekhe sheviyah bat־tsiyown׃ s

³ כִּֽי־כֹה֙ אָמַ֣ר יְהוָ֔ה חִנָּ֖ם נִמְכַּרְתֶּ֑ם וְלֹ֥א בְכֶ֖סֶף תִּגָּאֵֽלוּ׃ kiy־khoh ʾamar yehwah ḥinam nimekaretem weloʾ vekhesef tigaʾelu׃

⁴ כִּ֣י כֹ֤ה אָמַר֙ אֲדֹנָ֣י יְהוִ֔ה מִצְרַ֛יִם יָֽרַד־עַמִּ֥י בָרִֽאשֹׁנָ֖ה לָג֣וּר שָׁ֑ם וְאַשּׁ֖וּר בְּאֶ֥פֶס עֲשָׁקֹֽו׃ kiy khoh ʾamar ʾadonay yehwih mitserayim yarad־ʿamiy variʾshonah lagur sham weʾashur beʾefes ʿashaqow׃

⁵ וְעַתָּ֤ה [מִי־לִי־ כ] (מַה־לִּי־פֹה֙ ק) נְאֻם־יְהוָ֔ה כִּֽי־לֻקַּ֥ח עַמִּ֖י חִנָּ֑ם [מֹשְׁלֹו כ] (מֹשְׁלָ֤יו ק) יְהֵילִ֙ילוּ֙ נְאֻם־יְהוָ֔ה וְתָמִ֥יד כָּל־הַיֹּ֖ום שְׁמִ֥י מִנֹּאָֽץ׃ weʿatah [miy־liy־ kh] (mah־liy־foh q) neʾum־yehwah kiy־luqaḥ ʿamiy ḥinam [moshelow kh] (moshelayw q) yeheyliylu neʾum־yehwah wetamiyd kal־hayowm shemiy minoʾats׃

⁶ לָכֵ֛ן יֵדַ֥ע עַמִּ֖י שְׁמִ֑י לָכֵן֙ בַּיֹּ֣ום הַה֔וּא כִּֽי־אֲנִי־ה֥וּא הַֽמְדַבֵּ֖ר הִנֵּֽנִי׃ lakhen yedaʿ ʿamiy shemiy lakhen bayowm hahuʾ kiy־ʾaniy־huʾ hamedaber hineniy׃

⁷ מַה־נָּאו֨וּ עַל־הֶהָרִ֜ים רַגְלֵ֣י מְבַשֵּׂ֗ר מַשְׁמִ֧יעַ שָׁלֹ֛ום מְבַשֵּׂ֥ר טֹ֖וב מַשְׁמִ֣יעַ יְשׁוּעָ֑ה אֹמֵ֥ר לְצִיֹּ֖ון מָלַ֥ךְ אֱלֹהָֽיִךְ׃ mah־naʾwu ʿal־hehariym rageley mevaser mashemiyʿa shalowm mevaser ṭowv mashemiyʿa yeshuʿah ʾomer letsiyown malakhe ʾelohayikhe׃

⁸ קֹ֥ול צֹפַ֛יִךְ נָ֥שְׂאוּ קֹ֖ול יַחְדָּ֣ו יְרַנֵּ֑נוּ כִּ֣י עַ֤יִן בְּעַ֙יִן֙ יִרְא֔וּ בְּשׁ֥וּב יְהוָ֖ה צִיֹּֽון׃ qowl tsofayikhe naseʾu qowl yaḥedaw yeranenu kiy ʿayin beʿayin yireʾu beshuv yehwah tsiyown׃

⁹ פִּצְח֤וּ רַנְּנוּ֙ יַחְדָּ֔ו חָרְבֹ֖ות יְרוּשָׁלִָ֑ם כִּֽי־נִחַ֤ם יְהוָה֙ עַמֹּ֔ו גָּאַ֖ל יְרוּשָׁלִָֽם׃ pitseḥu ranenu yaḥedaw ḥarevowt yerushalim kiy־niḥam yehwah ʿamow gaʾal yerushalim׃

¹⁰ חָשַׂ֤ף יְהוָה֙ אֶת־זְרֹ֣ועַ קָדְשֹׁ֔ו לְעֵינֵ֖י כָּל־הַגֹּויִ֑ם וְרָאוּ֙ כָּל־אַפְסֵי־אָ֔רֶץ אֵ֖ת יְשׁוּעַ֥ת אֱלֹהֵֽינוּ׃ ס ḥasaf yehwah ʾet־zerowʿa qadeshow leʿeyney kal־hagowyim weraʾu kal־ʾafesey־ʾarets ʾet yeshuʿat ʾeloheynu׃ s

¹¹ ס֤וּרוּ ס֙וּרוּ֙ צְא֣וּ מִשָּׁ֔ם טָמֵ֖א אַל־תִּגָּ֑עוּ צְא֣וּ מִתֹּוכָ֔הּ הִבָּ֕רוּ נֹשְׂאֵ֖י כְּלֵ֥י יְהוָֽה׃ suru suru tseʾu misham ṭameʾ ʾal־tigaʿu tseʾu mitowkhah hibaru noseʾey keley yehwah׃

¹² כִּ֣י לֹ֤א בְחִפָּזֹון֙ תֵּצֵ֔אוּ וּבִמְנוּסָ֖ה לֹ֣א תֵלֵכ֑וּן כִּֽי־הֹלֵ֤ךְ לִפְנֵיכֶם֙ יְהוָ֔ה וּמְאַסִּפְכֶ֖ם אֱלֹהֵ֥י יִשְׂרָאֵֽל׃ ס kiy loʾ veḥipazown tetseʾu uvimenusah loʾ telekhun kiy־holekhe lifeneykhem yehwah umeʾasifekhem ʾelohey yiseraʾel׃ s

¹³ הִנֵּ֥ה יַשְׂכִּ֖יל עַבְדִּ֑י יָר֧וּם וְנִשָּׂ֛א וְגָבַ֖הּ מְאֹֽד׃ hineh yasekiyl ʿavediy yarum wenisaʾ wegavah meʾod׃

¹⁴ כַּאֲשֶׁ֨ר שָׁמְמ֤וּ עָלֶ֙יךָ֙ רַבִּ֔ים כֵּן־מִשְׁחַ֥ת מֵאִ֖ישׁ מַרְאֵ֑הוּ וְתֹאֲרֹ֖ו מִבְּנֵ֥י אָדָֽם׃ kaʾasher shamemu ʿaleykha rabiym ken־misheḥat meʾiysh mareʾehu wetoʾarow mibeney ʾadam׃

¹⁵ כֵּ֤ן יַזֶּה֙ גֹּויִ֣ם רַבִּ֔ים עָלָ֛יו יִקְפְּצ֥וּ מְלָכִ֖ים פִּיהֶ֑ם כִּ֠י אֲשֶׁ֨ר לֹֽא־סֻפַּ֤ר לָהֶם֙ רָא֔וּ וַאֲשֶׁ֥ר לֹֽא־שָׁמְע֖וּ הִתְבֹּונָֽנוּ׃ ken yazeh gowyim rabiym ʿalayw yiqepetsu melakhiym piyhem kiy ʾasher loʾ־supar lahem raʾu waʾasher loʾ־shameʿu hitebownanu׃