Zacharie 10

¹ שַׁאֲל֨וּ מֵיְהוָ֤ה מָטָר֙ בְּעֵ֣ת מַלְקֹ֔ושׁ יְהוָ֖ה עֹשֶׂ֣ה חֲזִיזִ֑ים וּמְטַר־גֶּ֙שֶׁם֙ יִתֵּ֣ן לָהֶ֔ם לְאִ֖ישׁ עֵ֥שֶׂב בַּשָּׂדֶֽה׃ shaʾalu meyehwah maṭar beʿet maleqowsh yehwah ʿoseh ḥaziyziym umeṭar־geshem yiten lahem leʾiysh ʿesev basadeh׃

² כִּ֧י הַתְּרָפִ֣ים דִּבְּרוּ־אָ֗וֶן וְהַקֹּֽוסְמִים֙ חָ֣זוּ שֶׁ֔קֶר וַֽחֲלֹמֹות֙ הַשָּׁ֣וא יְדַבֵּ֔רוּ הֶ֖בֶל יְנַֽחֵמ֑וּן עַל־כֵּן֙ נָסְע֣וּ כְמֹו־צֹ֔אן יַעֲנ֖וּ כִּֽי־אֵ֥ין רֹעֶֽה׃ פ kiy haterafiym diberu־ʾawen wehaqowsemiym ḥazu sheqer waḥalomowt hashawʾ yedaberu hevel yenaḥemun ʿal־ken naseʿu khemow־tsoʾn yaʿanu kiy־ʾeyn roʿeh׃ f

³ עַל־הָֽרֹעִים֙ חָרָ֣ה אַפִּ֔י וְעַל־הָעַתּוּדִ֖ים אֶפְקֹ֑וד כִּֽי־פָקַד֩ יְהוָ֨ה צְבָאֹ֤ות אֶת־עֶדְרֹו֙ אֶת־בֵּ֣ית יְהוּדָ֔ה וְשָׂ֣ם אֹותָ֔ם כְּס֥וּס הֹודֹ֖ו בַּמִּלְחָמָֽה׃ ʿal־haroʿiym ḥarah ʾapiy weʿal־haʿatudiym ʾefeqowd kiy־faqad yehwah tsevaʾowt ʾet־ʿederow ʾet־beyt yehudah wesam ʾowtam kesus howdow bamileḥamah׃

⁴ מִמֶּ֤נּוּ פִנָּה֙ מִמֶּ֣נּוּ יָתֵ֔ד מִמֶּ֖נּוּ קֶ֣שֶׁת מִלְחָמָ֑ה מִמֶּ֛נּוּ יֵצֵ֥א כָל־נֹוגֵ֖שׂ יַחְדָּֽו׃ mimenu finah mimenu yated mimenu qeshet mileḥamah mimenu yetseʾ khal־nowges yaḥedaw׃

⁵ וְהָי֨וּ כְגִבֹּרִ֜ים בֹּוסִ֨ים בְּטִ֤יט חוּצֹות֙ בַּמִּלְחָמָ֔ה וְנִ֨לְחֲמ֔וּ כִּ֥י יְהוָ֖ה עִמָּ֑ם וְהֹבִ֖ישׁוּ רֹכְבֵ֥י סוּסִֽים׃ wehayu khegiboriym bowsiym beṭiyṭ ḥutsowt bamileḥamah wenileḥamu kiy yehwah ʿimam wehoviyshu rokhevey susiym׃

⁶ וְגִבַּרְתִּ֣י ׀ אֶת־בֵּ֣ית יְהוּדָ֗ה וְאֶת־בֵּ֤ית יֹוסֵף֙ אֹושִׁ֔יעַ וְהֹֽושְׁבֹותִים֙ כִּ֣י רִֽחַמְתִּ֔ים וְהָי֖וּ כַּאֲשֶׁ֣ר לֹֽא־זְנַחְתִּ֑ים כִּ֗י אֲנִ֛י יְהוָ֥ה אֱלֹהֵיהֶ֖ם וְאֶעֱנֵֽם׃ wegibaretiy ׀ ʾet־beyt yehudah weʾet־beyt yowsef ʾowshiyʿa wehowshevowtiym kiy riḥametiym wehayu kaʾasher loʾ־zenaḥetiym kiy ʾaniy yehwah ʾeloheyhem weʾeʿenem׃

⁷ וְהָי֤וּ כְגִבֹּור֙ אֶפְרַ֔יִם וְשָׂמַ֥ח לִבָּ֖ם כְּמֹו־יָ֑יִן וּבְנֵיהֶם֙ יִרְא֣וּ וְשָׂמֵ֔חוּ יָגֵ֥ל לִבָּ֖ם בַּיהוָֽה׃ wehayu khegibowr ʾeferayim wesamaḥ libam kemow־yayin uveneyhem yireʾu wesameḥu yagel libam bayhwah׃

⁸ אֶשְׁרְקָ֥ה לָהֶ֛ם וַאֲקַבְּצֵ֖ם כִּ֣י פְדִיתִ֑ים וְרָב֖וּ כְּמֹ֥ו רָבֽוּ׃ ʾeshereqah lahem waʾaqabetsem kiy fediytiym weravu kemow ravu׃

⁹ וְאֶזְרָעֵם֙ בָּֽעַמִּ֔ים וּבַמֶּרְחַקִּ֖ים יִזְכְּר֑וּנִי וְחָי֥וּ אֶת־בְּנֵיהֶ֖ם וָשָֽׁבוּ׃ weʾezeraʿem baʿamiym uvamereḥaqiym yizekeruniy weḥayu ʾet־beneyhem washavu׃

¹⁰ וַהֲשִֽׁיבֹותִים֙ מֵאֶ֣רֶץ מִצְרַ֔יִם וּמֵֽאַשּׁ֖וּר אֲקַבְּצֵ֑ם וְאֶל־אֶ֨רֶץ גִּלְעָ֤ד וּלְבָנֹון֙ אֲבִיאֵ֔ם וְלֹ֥א יִמָּצֵ֖א לָהֶֽם׃ wahashiyvowtiym meʾerets mitserayim umeʾashur ʾaqabetsem weʾel־ʾerets gileʿad ulevanown ʾaviyʾem weloʾ yimatseʾ lahem׃

¹¹ וְעָבַ֨ר בַּיָּ֜ם צָרָ֗ה וְהִכָּ֤ה בַיָּם֙ גַּלִּ֔ים וְהֹבִ֕ישׁוּ כֹּ֖ל מְצוּלֹ֣ות יְאֹ֑ר וְהוּרַד֙ גְּאֹ֣ון אַשּׁ֔וּר וְשֵׁ֥בֶט מִצְרַ֖יִם יָסֽוּר׃ weʿavar bayam tsarah wehikah vayam galiym wehoviyshu kol metsulowt yeʾor wehurad geʾown ʾashur wesheveṭ mitserayim yasur׃

¹² וְגִבַּרְתִּים֙ בַּֽיהוָ֔ה וּבִשְׁמֹ֖ו יִתְהַלָּ֑כוּ נְאֻ֖ם יְהוָֽה׃ ס wegibaretiym bayhwah uvishemow yitehalakhu neʾum yehwah׃ s