1 הַדָּבָר֙ אֲשֶׁ֣ר חָזָ֔ה יְשַֽׁעְיָ֖הוּ בֶּן־אָמֹ֑וץ עַל־יְהוּדָ֖ה וִירוּשָׁלִָֽם׃ hadavar ʾasher ḥazah yeshaʿeyahu ben־ʾamowts ʿal־yehudah wiyrushalim׃
2 וְהָיָ֣ה ׀ בְּאַחֲרִ֣ית הַיָּמִ֗ים נָכֹ֨ון יִֽהְיֶ֜ה הַ֤ר בֵּית־יְהוָה֙ בְּרֹ֣אשׁ הֶהָרִ֔ים וְנִשָּׂ֖א מִגְּבָעֹ֑ות וְנָהֲר֥וּ אֵלָ֖יו כָּל־הַגֹּויִֽם׃ wehayah ׀ beʾaḥariyt hayamiym nakhown yiheyeh har beyt־yehwah beroʾsh hehariym wenisaʾ migevaʿowt wenaharu ʾelayw kal־hagowyim׃
3 וְֽהָלְכ֞וּ עַמִּ֣ים רַבִּ֗ים וְאָמְרוּ֙ לְכ֣וּ ׀ וְנַעֲלֶ֣ה אֶל־הַר־יְהוָ֗ה אֶל־בֵּית֙ אֱלֹהֵ֣י יַעֲקֹ֔ב וְיֹרֵ֙נוּ֙ מִדְּרָכָ֔יו וְנֵלְכָ֖ה בְּאֹרְחֹתָ֑יו כִּ֤י מִצִּיֹּון֙ תֵּצֵ֣א תֹורָ֔ה וּדְבַר־יְהוָ֖ה מִירוּשָׁלִָֽם׃ wehalekhu ʿamiym rabiym weʾameru lekhu ׀ wenaʿaleh ʾel־har־yehwah ʾel־beyt ʾelohey yaʿaqov weyorenu miderakhayw wenelekhah beʾoreḥotayw kiy mitsiyown tetseʾ towrah udevar־yehwah miyrushalim׃
4 וְשָׁפַט֙ בֵּ֣ין הַגֹּויִ֔ם וְהֹוכִ֖יחַ לְעַמִּ֣ים רַבִּ֑ים וְכִתְּת֨וּ חַרְבֹותָ֜ם לְאִתִּ֗ים וַחֲנִיתֹֽותֵיהֶם֙ לְמַזְמֵרֹ֔ות לֹא־יִשָּׂ֨א גֹ֤וי אֶל־גֹּוי֙ חֶ֔רֶב וְלֹא־יִלְמְד֥וּ עֹ֖וד מִלְחָמָֽה׃ פ weshafaṭ beyn hagowyim wehowkhiyḥa leʿamiym rabiym wekhitetu ḥarevowtam leʾitiym waḥaniytowteyhem lemazemerowt loʾ־yisaʾ gowy ʾel־gowy ḥerev weloʾ־yilemedu ʿowd mileḥamah׃ f
5 בֵּ֖ית יַעֲקֹ֑ב לְכ֥וּ וְנֵלְכָ֖ה בְּאֹ֥ור יְהוָֽה׃ beyt yaʿaqov lekhu wenelekhah beʾowr yehwah׃
6 כִּ֣י נָטַ֗שְׁתָּה עַמְּךָ֙ בֵּ֣ית יַעֲקֹ֔ב כִּ֤י מָלְאוּ֙ מִקֶּ֔דֶם וְעֹֽנְנִ֖ים כַּפְּלִשְׁתִּ֑ים וּבְיַלְדֵ֥י נָכְרִ֖ים יַשְׂפִּֽיקוּ׃ kiy naṭashetah ʿamekha beyt yaʿaqov kiy maleʾu miqedem weʿoneniym kapelishetiym uveyaledey nakheriym yasepiyqu׃
7 וַתִּמָּלֵ֤א אַרְצֹו֙ כֶּ֣סֶף וְזָהָ֔ב וְאֵ֥ין קֵ֖צֶה לְאֹצְרֹתָ֑יו וַתִּמָּלֵ֤א אַרְצֹו֙ סוּסִ֔ים וְאֵ֥ין קֵ֖צֶה לְמַרְכְּבֹתָֽיו׃ watimaleʾ ʾaretsow kesef wezahav weʾeyn qetseh leʾotserotayw watimaleʾ ʾaretsow susiym weʾeyn qetseh lemarekevotayw׃
8 וַתִּמָּלֵ֥א אַרְצֹ֖ו אֱלִילִ֑ים לְמַעֲשֵׂ֤ה יָדָיו֙ יִֽשְׁתַּחֲו֔וּ לַאֲשֶׁ֥ר עָשׂ֖וּ אֶצְבְּעֹתָֽיו׃ watimaleʾ ʾaretsow ʾeliyliym lemaʿaseh yadayw yishetaḥawu laʾasher ʿasu ʾetsebeʿotayw׃
9 וַיִּשַּׁ֥ח אָדָ֖ם וַיִּשְׁפַּל־אִ֑ישׁ וְאַל־תִּשָּׂ֖א לָהֶֽם׃ wayishaḥ ʾadam wayishepal־ʾiysh weʾal־tisaʾ lahem׃
10 בֹּ֣וא בַצּ֔וּר וְהִטָּמֵ֖ן בֶּֽעָפָ֑ר מִפְּנֵי֙ פַּ֣חַד יְהוָ֔ה וּמֵהֲדַ֖ר גְּאֹנֹֽו׃ bowʾ vatsur wehiṭamen beʿafar mipeney paḥad yehwah umehadar geʾonow׃
11 עֵינֵ֞י גַּבְה֤וּת אָדָם֙ שָׁפֵ֔ל וְשַׁ֖ח ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדֹּ֖ו בַּיֹּ֥ום הַהֽוּא׃ ס ʿeyney gavehut ʾadam shafel weshaḥ rum ʾanashiym wenisegav yehwah levadow bayowm hahuʾ׃ s
12 כִּ֣י יֹ֞ום לַיהוָ֧ה צְבָאֹ֛ות עַ֥ל כָּל־גֵּאֶ֖ה וָרָ֑ם וְעַ֖ל כָּל־נִשָּׂ֥א וְשָׁפֵֽל׃ kiy yowm layhwah tsevaʾowt ʿal kal־geʾeh waram weʿal kal־nisaʾ weshafel׃
13 וְעַל֙ כָּל־אַרְזֵ֣י הַלְּבָנֹ֔ון הָרָמִ֖ים וְהַנִּשָּׂאִ֑ים וְעַ֖ל כָּל־אַלֹּונֵ֥י הַבָּשָֽׁן׃ weʿal kal־ʾarezey halevanown haramiym wehanisaʾiym weʿal kal־ʾalowney habashan׃
14 וְעַ֖ל כָּל־הֶהָרִ֣ים הָרָמִ֑ים וְעַ֖ל כָּל־הַגְּבָעֹ֥ות הַנִּשָּׂאֹֽות׃ weʿal kal־hehariym haramiym weʿal kal־hagevaʿowt hanisaʾowt׃
15 וְעַ֖ל כָּל־מִגְדָּ֣ל גָּבֹ֑הַ וְעַ֖ל כָּל־חֹומָ֥ה בְצוּרָֽה׃ weʿal kal־migedal gavoah weʿal kal־ḥowmah vetsurah׃
16 וְעַ֖ל כָּל־אֳנִיֹּ֣ות תַּרְשִׁ֑ישׁ וְעַ֖ל כָּל־שְׂכִיֹּ֥ות הַחֶמְדָּֽה׃ weʿal kal־ʾoniyowt tareshiysh weʿal kal־sekhiyowt haḥemedah׃
17 וְשַׁח֙ גַּבְה֣וּת הָאָדָ֔ם וְשָׁפֵ֖ל ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדֹּ֖ו בַּיֹּ֥ום הַהֽוּא׃ weshaḥ gavehut haʾadam weshafel rum ʾanashiym wenisegav yehwah levadow bayowm hahuʾ׃
18 וְהָאֱלִילִ֖ים כָּלִ֥יל יַחֲלֹֽף׃ wehaʾeliyliym kaliyl yaḥalof׃
19 וּבָ֙אוּ֙ בִּמְעָרֹ֣ות צֻרִ֔ים וּבִמְחִלֹּ֖ות עָפָ֑ר מִפְּנֵ֞י פַּ֤חַד יְהוָה֙ וּמֵהֲדַ֣ר גְּאֹונֹ֔ו בְּקוּמֹ֖ו לַעֲרֹ֥ץ הָאָֽרֶץ׃ uvaʾu bimeʿarowt tsuriym uvimeḥilowt ʿafar mipeney paḥad yehwah umehadar geʾownow bequmow laʿarots haʾarets׃
20 בַּיֹּ֤ום הַהוּא֙ יַשְׁלִ֣יךְ הָאָדָ֔ם אֵ֚ת אֱלִילֵ֣י כַסְפֹּ֔ו וְאֵ֖ת אֱלִילֵ֣י זְהָבֹ֑ו אֲשֶׁ֤ר עָֽשׂוּ־לֹו֙ לְהִֽשְׁתַּחֲוֹ֔ת לַחְפֹּ֥ר פֵּרֹ֖ות וְלָעֲטַלֵּפִֽים׃ bayowm hahuʾ yasheliykhe haʾadam ʾet ʾeliyley khasepow weʾet ʾeliyley zehavow ʾasher ʿasu־low lehishetaḥaot laḥepor perowt welaʿaṭalefiym׃
21 לָבֹוא֙ בְּנִקְרֹ֣ות הַצֻּרִ֔ים וּבִסְעִפֵ֖י הַסְּלָעִ֑ים מִפְּנֵ֞י פַּ֤חַד יְהוָה֙ וּמֵהֲדַ֣ר גְּאֹונֹ֔ו בְּקוּמֹ֖ו לַעֲרֹ֥ץ הָאָֽרֶץ׃ lavowʾ beniqerowt hatsuriym uviseʿifey haselaʿiym mipeney paḥad yehwah umehadar geʾownow bequmow laʿarots haʾarets׃
22 חִדְל֤וּ לָכֶם֙ מִן־הָ֣אָדָ֔ם אֲשֶׁ֥ר נְשָׁמָ֖ה בְּאַפֹּ֑ו כִּֽי־בַמֶּ֥ה נֶחְשָׁ֖ב הֽוּא׃ פ ḥidelu lakhem min־haʾadam ʾasher neshamah beʾapow kiy־vameh neḥeshav huʾ׃ f