Psaumes 38

¹ מִזְמֹ֖ור לְדָוִ֣ד לְהַזְכִּֽיר׃ mizemowr ledawid lehazekiyr׃

² יְֽהוָ֗ה אַל־בְּקֶצְפְּךָ֥ תֹוכִיחֵ֑נִי וּֽבַחֲמָתְךָ֥ תְיַסְּרֵֽנִי׃ yehwah ʾal־beqetsepekha towkhiyḥeniy uvaḥamatekha teyasereniy׃

³ כִּֽי־חִ֭צֶּיךָ נִ֣חֲתוּ בִ֑י וַתִּנְחַ֖ת עָלַ֣י יָדֶֽךָ׃ kiy־ḥitseykha niḥatu viy watineḥat ʿalay yadekha׃

⁴ אֵין־מְתֹ֣ם בִּ֭בְשָׂרִי מִפְּנֵ֣י זַעְמֶ֑ךָ אֵין־שָׁלֹ֥ום בַּ֝עֲצָמַ֗י מִפְּנֵ֥י חַטָּאתִֽי׃ ʾeyn־metom bivesariy mipeney zaʿemekha ʾeyn־shalowm baʿatsamay mipeney ḥaṭaʾtiy׃

⁵ כִּ֣י עֲ֭וֹנֹתַי עָבְר֣וּ רֹאשִׁ֑י כְּמַשָּׂ֥א כָ֝בֵ֗ד יִכְבְּד֥וּ מִמֶּֽנִּי׃ kiy ʿaonotay ʿaveru roʾshiy kemasaʾ khaved yikhebedu mimeniy׃

⁶ הִבְאִ֣ישׁוּ נָ֭מַקּוּ חַבּוּרֹתָ֑י מִ֝פְּנֵ֗י אִוַּלְתִּֽי׃ hiveʾiyshu namaqu ḥaburotay mipeney ʾiualetiy׃

⁷ נַעֲוֵ֣יתִי שַׁחֹ֣תִי עַד־מְאֹ֑ד כָּל־הַ֝יֹּ֗ום קֹדֵ֥ר הִלָּֽכְתִּי׃ naʿaweytiy shaḥotiy ʿad־meʾod kal־hayowm qoder hilakhetiy׃

⁸ כִּֽי־כְ֭סָלַי מָלְא֣וּ נִקְלֶ֑ה וְאֵ֥ין מְ֝תֹ֗ם בִּבְשָׂרִֽי׃ kiy־khesalay maleʾu niqeleh weʾeyn metom bivesariy׃

⁹ נְפוּגֹ֣ותִי וְנִדְכֵּ֣יתִי עַד־מְאֹ֑ד אַ֗גְתִּי מִֽנַּהֲמַ֥ת לִבִּֽי׃ nefugowtiy wenidekeytiy ʿad־meʾod ʾagetiy minahamat libiy׃

¹⁰ אֲ‍ֽדֹנָי נֶגְדְּךָ֥ כָל־תַּאֲוָתִ֑י וְ֝אַנְחָתִ֗י מִמְּךָ֥ לֹא־נִסְתָּֽרָה׃ א‍donay negedekha khal־taʾawatiy weʾaneḥatiy mimekha loʾ־nisetarah׃

¹¹ לִבִּ֣י סְ֭חַרְחַר עֲזָבַ֣נִי כֹחִ֑י וְֽאֹור־עֵינַ֥י גַּם־הֵ֝֗ם אֵ֣ין אִתִּֽי׃ libiy seḥareḥar ʿazavaniy khoḥiy weʾowr־ʿeynay gam־hem ʾeyn ʾitiy׃

¹² אֹֽהֲבַ֨י ׀ וְרֵעַ֗י מִנֶּ֣גֶד נִגְעִ֣י יַעֲמֹ֑דוּ וּ֝קְרֹובַ֗י מֵרָחֹ֥ק עָמָֽדוּ׃ ʾohavay ׀ wereʿay mineged nigeʿiy yaʿamodu uqerowvay meraḥoq ʿamadu׃

¹³ וַיְנַקְשׁ֤וּ ׀ מְבַקְשֵׁ֬י נַפְשִׁ֗י וְדֹרְשֵׁ֣י רָ֭עָתִי דִּבְּר֣וּ הַוֹּ֑ות וּ֝מִרְמֹ֗ות כָּל־הַיֹּ֥ום יֶהְגּֽוּ׃ wayenaqeshu ׀ mevaqeshey nafeshiy wedoreshey raʿatiy diberu haowt umiremowt kal־hayowm yehegu׃

¹⁴ וַאֲנִ֣י כְ֭חֵרֵשׁ לֹ֣א אֶשְׁמָ֑ע וּ֝כְאִלֵּ֗ם לֹ֣א יִפְתַּח־פִּֽיו׃ waʾaniy kheḥeresh loʾ ʾeshemaʿ ukheʾilem loʾ yifetaḥ־piyw׃

¹⁵ וָאֱהִ֗י כְּ֭אִישׁ אֲשֶׁ֣ר לֹא־שֹׁמֵ֑עַ וְאֵ֥ין בְּ֝פִ֗יו תֹּוכָחֹֽות׃ waʾehiy keʾiysh ʾasher loʾ־shomeaʿ weʾeyn befiyw towkhaḥowt׃

¹⁶ כִּֽי־לְךָ֣ יְהוָ֣ה הֹוחָ֑לְתִּי אַתָּ֥ה תַ֝עֲנֶ֗ה אֲדֹנָ֥י אֱלֹהָֽי׃ kiy־lekha yehwah howḥaletiy ʾatah taʿaneh ʾadonay ʾelohay׃

¹⁷ כִּֽי־אָ֭מַרְתִּי פֶּן־יִשְׂמְחוּ־לִ֑י בְּמֹ֥וט רַ֝גְלִ֗י עָלַ֥י הִגְדִּֽילוּ׃ kiy־ʾamaretiy pen־yisemeḥu־liy bemowṭ rageliy ʿalay higediylu׃

¹⁸ כִּֽי־אֲ֭נִי לְצֶ֣לַע נָכֹ֑ון וּמַכְאֹובִ֖י נֶגְדִּ֣י תָמִֽיד׃ kiy־ʾaniy letselaʿ nakhown umakheʾowviy negediy tamiyd׃

¹⁹ כִּֽי־עֲוֹנִ֥י אַגִּ֑יד אֶ֝דְאַ֗ג מֵֽחַטָּאתִֽי׃ kiy־ʿaoniy ʾagiyd ʾedeʾag meḥaṭaʾtiy׃

²⁰ וְֽ֭אֹיְבַי חַיִּ֣ים עָצֵ֑מוּ וְרַבּ֖וּ שֹׂנְאַ֣י שָֽׁקֶר׃ weʾoyevay ḥayiym ʿatsemu werabu soneʾay shaqer׃

²¹ וּמְשַׁלְּמֵ֣י רָ֭עָה תַּ֣חַת טֹובָ֑ה יִ֝שְׂטְנ֗וּנִי תַּ֣חַת [רְדֹופִי־ כ] (רָֽדְפִי־טֹֽוב׃ ק) umeshalemey raʿah taḥat ṭowvah yiseṭenuniy taḥat [redowfiy־ kh] (radefiy־ṭowv׃ q)

²² אַל־תַּֽעַזְבֵ֥נִי יְהוָ֑ה אֱ֝לֹהַ֗י אַל־תִּרְחַ֥ק מִמֶּֽנִּי׃ ʾal־taʿazeveniy yehwah ʾelohay ʾal־tireḥaq mimeniy׃

²³ ח֥וּשָׁה לְעֶזְרָתִ֑י אֲ֝דֹנָ֗י תְּשׁוּעָתִֽי׃ ḥushah leʿezeratiy ʾadonay teshuʿatiy׃