1 בֶּן־עֶשְׂרִ֨ים וְחָמֵ֤שׁ שָׁנָה֙ מָלַ֣ךְ אֲמַצְיָ֔הוּ וְעֶשְׂרִ֣ים וָתֵ֙שַׁע֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו יְהֹועַדָּ֖ן מִירוּשָׁלָֽיִם׃ ben־ʿeseriym weḥamesh shanah malakhe ʾamatseyahu weʿeseriym wateshaʿ shanah malakhe biyrushalim weshem ʾimow yehowʿadan miyrushalayim׃
2 וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה רַ֕ק לֹ֖א בְּלֵבָ֥ב שָׁלֵֽם׃ wayaʿas hayashar beʿeyney yehwah raq loʾ belevav shalem׃
3 וַיְהִ֕י כַּאֲשֶׁ֛ר חָזְקָ֥ה הַמַּמְלָכָ֖ה עָלָ֑יו וַֽיַּהֲרֹג֙ אֶת־עֲבָדָ֔יו הַמַּכִּ֖ים אֶת־הַמֶּ֥לֶךְ אָבִֽיו׃ wayehiy kaʾasher ḥazeqah hamamelakhah ʿalayw wayaharog ʾet־ʿavadayw hamakiym ʾet־hamelekhe ʾaviyw׃
4 וְאֶת־בְּנֵיהֶ֖ם לֹ֣א הֵמִ֑ית כִּ֣י כַכָּת֣וּב בַּתֹּורָ֡ה בְּסֵ֣פֶר מֹשֶׁה֩ אֲשֶׁר־צִוָּ֨ה יְהוָ֜ה לֵאמֹ֗ר לֹא־יָמ֨וּתוּ אָבֹ֤ות עַל־בָּנִים֙ וּבָנִים֙ לֹא־יָמ֣וּתוּ עַל־אָבֹ֔ות כִּ֛י אִ֥ישׁ בְּחֶטְאֹ֖ו יָמֽוּתוּ׃ פ weʾet־beneyhem loʾ hemiyt kiy khakatuv batowrah besefer mosheh ʾasher־tsiuah yehwah leʾmor loʾ־yamutu ʾavowt ʿal־baniym uvaniym loʾ־yamutu ʿal־ʾavowt kiy ʾiysh beḥeṭeʾow yamutu׃ f
5 וַיִּקְבֹּ֤ץ אֲמַצְיָ֙הוּ֙ אֶת־יְהוּדָ֔ה וַיַּֽעֲמִידֵ֣ם לְבֵית־אָבֹ֗ות לְשָׂרֵ֤י הָאֲלָפִים֙ וּלְשָׂרֵ֣י הַמֵּאֹ֔ות לְכָל־יְהוּדָ֖ה וּבִנְיָמִ֑ן וַֽיִּפְקְדֵ֗ם לְמִבֶּ֨ן עֶשְׂרִ֤ים שָׁנָה֙ וָמַ֔עְלָה וַיִּמְצָאֵ֗ם שְׁלֹשׁ־מֵאֹ֨ות אֶ֤לֶף בָּחוּר֙ יֹוצֵ֣א צָבָ֔א אֹחֵ֖ז רֹ֥מַח וְצִנָּֽה׃ wayiqebots ʾamatseyahu ʾet־yehudah wayaʿamiydem leveyt־ʾavowt lesarey haʾalafiym ulesarey hameʾowt lekhal־yehudah uvineyamin wayifeqedem lemiben ʿeseriym shanah wamaʿelah wayimetsaʾem shelosh־meʾowt ʾelef baḥur yowtseʾ tsavaʾ ʾoḥez romaḥ wetsinah׃
6 וַיִּשְׂכֹּ֣ר מִיִּשְׂרָאֵ֗ל מֵ֥אָה אֶ֛לֶף גִּבֹּ֥ור חָ֖יִל בְּמֵאָ֥ה כִכַּר־כָּֽסֶף׃ wayisekor miyiseraʾel meʾah ʾelef gibowr ḥayil bemeʾah khikar־kasef׃
7 וְאִ֣ישׁ הָאֱלֹהִ֗ים בָּ֤א אֵלָיו֙ לֵאמֹ֔ר הַמֶּ֕לֶךְ אַל־יָבֹ֥א עִמְּךָ֖ צְבָ֣א יִשְׂרָאֵ֑ל כִּ֣י אֵ֤ין יְהוָה֙ עִם־יִשְׂרָאֵ֔ל כֹּ֖ל בְּנֵ֥י אֶפְרָֽיִם׃ weʾiysh haʾelohiym baʾ ʾelayw leʾmor hamelekhe ʾal־yavoʾ ʿimekha tsevaʾ yiseraʾel kiy ʾeyn yehwah ʿim־yiseraʾel kol beney ʾeferayim׃
8 כִּ֚י אִם־בֹּ֣א אַתָּ֔ה עֲשֵׂ֖ה חֲזַ֣ק לַמִּלְחָמָ֑ה יַכְשִֽׁילְךָ֤ הָֽאֱלֹהִים֙ לִפְנֵ֣י אֹויֵ֔ב כִּ֥י יֶשׁ־כֹּ֛חַ בֵּאלֹהִ֖ים לַעְזֹ֥ור וּלְהַכְשִֽׁיל׃ kiy ʾim־boʾ ʾatah ʿaseh ḥazaq lamileḥamah yakheshiylekha haʾelohiym lifeney ʾowyev kiy yesh־koaḥ beʾlohiym laʿezowr ulehakheshiyl׃
9 וַיֹּ֤אמֶר אֲמַצְיָ֙הוּ֙ לְאִ֣ישׁ הָאֱלֹהִ֔ים וּמַֽה־לַּעֲשֹׂות֙ לִמְאַ֣ת הַכִּכָּ֔ר אֲשֶׁ֥ר נָתַ֖תִּי לִגְד֣וּד יִשְׂרָאֵ֑ל וַיֹּ֙אמֶר֙ אִ֣ישׁ הָֽאֱלֹהִ֔ים יֵ֚שׁ לַֽיהוָ֔ה לָ֥תֶת לְךָ֖ הַרְבֵּ֥ה מִזֶּֽה׃ wayoʾmer ʾamatseyahu leʾiysh haʾelohiym umah־laʿasowt limeʾat hakikar ʾasher natatiy ligedud yiseraʾel wayoʾmer ʾiysh haʾelohiym yesh layhwah latet lekha harebeh mizeh׃
10 וַיַּבְדִּילֵ֣ם אֲמַצְיָ֗הוּ לְהַגְּדוּד֙ אֲשֶׁר־בָּ֤א אֵלָיו֙ מֵֽאֶפְרַ֔יִם לָלֶ֖כֶת לִמְקֹומָ֑ם וַיִּ֨חַר אַפָּ֤ם מְאֹד֙ בִּֽיהוּדָ֔ה וַיָּשׁ֥וּבוּ לִמְקֹומָ֖ם בָּחֳרִי־אָֽף׃ פ wayavediylem ʾamatseyahu lehagedud ʾasher־baʾ ʾelayw meʾeferayim lalekhet limeqowmam wayiḥar ʾapam meʾod biyhudah wayashuvu limeqowmam baḥoriy־ʾaf׃ f
11 וַאֲמַצְיָ֙הוּ֙ הִתְחַזַּ֔ק וַיִּנְהַג֙ אֶת־עַמֹּ֔ו וַיֵּ֖לֶךְ גֵּ֣יא הַמֶּ֑לַח וַיַּ֥ךְ אֶת־בְּנֵי־שֵׂעִ֖יר עֲשֶׂ֥רֶת אֲלָפִֽים׃ waʾamatseyahu hiteḥazaq wayinehag ʾet־ʿamow wayelekhe geyʾ hamelaḥ wayakhe ʾet־beney־seʿiyr ʿaseret ʾalafiym׃
12 וַעֲשֶׂ֨רֶת אֲלָפִ֜ים חַיִּ֗ים שָׁבוּ֙ בְּנֵ֣י יְהוּדָ֔ה וַיְבִיא֖וּם לְרֹ֣אשׁ הַסָּ֑לַע וַיַּשְׁלִיכ֛וּם מֵֽרֹאשׁ־הַסֶּ֖לַע וְכֻלָּ֥ם נִבְקָֽעוּ׃ ס waʿaseret ʾalafiym ḥayiym shavu beney yehudah wayeviyʾum leroʾsh hasalaʿ wayasheliykhum meroʾsh־haselaʿ wekhulam niveqaʿu׃ s
13 וּבְנֵ֣י הַגְּד֗וּד אֲשֶׁ֨ר הֵשִׁ֤יב אֲמַצְיָ֙הוּ֙ מִלֶּ֤כֶת עִמֹּו֙ לַמִּלְחָמָ֔ה וַֽיִּפְשְׁטוּ֙ בְּעָרֵ֣י יְהוּדָ֔ה מִשֹּׁמְרֹ֖ון וְעַד־בֵּ֣ית חֹורֹ֑ון וַיַּכּ֤וּ מֵהֶם֙ שְׁלֹ֣שֶׁת אֲלָפִ֔ים וַיָּבֹ֖זּוּ בִּזָּ֥ה רַבָּֽה׃ ס uveney hagedud ʾasher heshiyv ʾamatseyahu milekhet ʿimow lamileḥamah wayifesheṭu beʿarey yehudah mishomerown weʿad־beyt ḥowrown wayaku mehem sheloshet ʾalafiym wayavozu bizah rabah׃ s
14 וַיְהִ֗י אַחֲרֵ֨י בֹ֤וא אֲמַצְיָ֙הוּ֙ מֵֽהַכֹּ֣ות אֶת־אֲדֹומִ֔ים וַיָּבֵ֗א אֶת־אֱלֹהֵי֙ בְּנֵ֣י שֵׂעִ֔יר וַיַּֽעֲמִידֵ֥ם לֹ֖ו לֵאלֹהִ֑ים וְלִפְנֵיהֶ֥ם יִֽשְׁתַּחֲוֶ֖ה וְלָהֶ֥ם יְקַטֵּֽר׃ wayehiy ʾaḥarey vowʾ ʾamatseyahu mehakowt ʾet־ʾadowmiym wayaveʾ ʾet־ʾelohey beney seʿiyr wayaʿamiydem low leʾlohiym welifeneyhem yishetaḥaweh welahem yeqaṭer׃
15 וַיִּֽחַר־אַ֥ף יְהוָ֖ה בַּאֲמַצְיָ֑הוּ וַיִּשְׁלַ֤ח אֵלָיו֙ נָבִ֔יא וַיֹּ֣אמֶר לֹ֗ו לָ֤מָּה דָרַ֙שְׁתָּ֙ אֶת־אֱלֹהֵ֣י הָעָ֔ם אֲשֶׁ֛ר לֹא־הִצִּ֥ילוּ אֶת־עַמָּ֖ם מִיָּדֶֽךָ׃ wayiḥar־ʾaf yehwah baʾamatseyahu wayishelaḥ ʾelayw naviyʾ wayoʾmer low lamah darasheta ʾet־ʾelohey haʿam ʾasher loʾ־hitsiylu ʾet־ʿamam miyadekha׃
16 וַיְהִ֣י ׀ בְּדַבְּרֹ֣ו אֵלָ֗יו וַיֹּ֤אמֶר לֹו֙ הַלְיֹועֵ֤ץ לַמֶּ֙לֶךְ֙ נְתַנּ֔וּךָ חֲדַל־לְךָ֖ לָ֣מָּה יַכּ֑וּךָ וַיֶּחְדַּ֣ל הַנָּבִ֗יא וַיֹּ֙אמֶר֙ יָדַ֗עְתִּי כִּֽי־יָעַ֤ץ אֱלֹהִים֙ לְהַשְׁחִיתֶ֔ךָ כִּֽי־עָשִׂ֣יתָ זֹּ֔את וְלֹ֥א שָׁמַ֖עְתָּ לַעֲצָתִֽי׃ פ wayehiy ׀ bedaberow ʾelayw wayoʾmer low haleyowʿets lamelekhe netanukha ḥadal־lekha lamah yakukha wayeḥedal hanaviyʾ wayoʾmer yadaʿetiy kiy־yaʿats ʾelohiym lehasheḥiytekha kiy־ʿasiyta zoʾt weloʾ shamaʿeta laʿatsatiy׃ f
17 וַיִּוָּעַ֗ץ אֲמַצְיָ֙הוּ֙ מֶ֣לֶךְ יְהוּדָ֔ה וַ֠יִּשְׁלַח אֶל־יֹואָ֨שׁ בֶּן־יְהֹואָחָ֧ז בֶּן־יֵה֛וּא מֶ֥לֶךְ יִשְׂרָאֵ֖ל לֵאמֹ֑ר [לְךָ כ] (לְכָ֖ה ק) נִתְרָאֶ֥ה פָנִֽים׃ wayiuaʿats ʾamatseyahu melekhe yehudah wayishelaḥ ʾel־yowʾash ben־yehowʾaḥaz ben־yehuʾ melekhe yiseraʾel leʾmor [lekha kh] (lekhah q) niteraʾeh faniym׃
18 וַיִּשְׁלַ֞ח יֹואָ֣שׁ מֶֽלֶךְ־יִשְׂרָאֵ֗ל אֶל־אֲמַצְיָ֣הוּ מֶֽלֶךְ־יְהוּדָה֮ לֵאמֹר֒ הַחֹ֜וחַ אֲשֶׁ֣ר בַּלְּבָנֹ֗ון לַח אֶל־הָאֶ֜רֶז אֲשֶׁ֤ר בַּלְּבָנֹון֙ לֵאמֹ֔ר תְּנָֽה־אֶת־בִּתְּךָ֥ לִבְנִ֖י לְאִשָּׁ֑ה וַֽתַּעֲבֹ֞ר חַיַּ֤ת הַשָּׂדֶה֙ אֲשֶׁ֣ר בַּלְּבָנֹ֔ון וַתִּרְמֹ֖ס אֶת־הַחֹֽוחַ׃ wayishelaḥ yowʾash melekhe־yiseraʾel ʾel־ʾamatseyahu melekhe־yehudah leʾmor haḥowḥa ʾasher balevanown laḥ ʾel־haʾerez ʾasher balevanown leʾmor tenah־ʾet־bitekha liveniy leʾishah wataʿavor ḥayat hasadeh ʾasher balevanown watiremos ʾet־haḥowḥa׃
19 אָמַ֗רְתָּ הִנֵּ֤ה הִכִּ֙יתָ֙ אֶת־אֱדֹ֔ום וּנְשָׂאֲךָ֥ לִבְּךָ֖ לְהַכְבִּ֑יד עַתָּה֙ שְׁבָ֣ה בְּבֵיתֶ֔ךָ לָ֤מָּה תִתְגָּרֶה֙ בְּרָעָ֔ה וְנָ֣פַלְתָּ֔ אַתָּ֖ה וִיהוּדָ֥ה עִמָּֽךְ׃ ʾamareta hineh hikiyta ʾet־ʾedowm unesaʾakha libekha lehakhebiyd ʿatah shevah beveytekha lamah titegareh beraʿah wenafaleta ʾatah wiyhudah ʿimakhe׃
20 וְלֹא־שָׁמַ֣ע אֲמַצְיָ֔הוּ כִּ֤י מֵהָֽאֱלֹהִים֙ הִ֔יא לְמַ֖עַן תִּתָּ֣ם בְּיָ֑ד כִּ֣י דָֽרְשׁ֔וּ אֵ֖ת אֱלֹהֵ֥י אֱדֹֽום׃ weloʾ־shamaʿ ʾamatseyahu kiy mehaʾelohiym hiyʾ lemaʿan titam beyad kiy dareshu ʾet ʾelohey ʾedowm׃
21 וַיַּ֨עַל יֹואָ֤שׁ מֶֽלֶךְ־יִשְׂרָאֵל֙ וַיִּתְרָא֣וּ פָנִ֔ים ה֖וּא וַאֲמַצְיָ֣הוּ מֶֽלֶךְ־יְהוּדָ֑ה בְּבֵ֥ית שֶׁ֖מֶשׁ אֲשֶׁ֥ר לִיהוּדָֽה׃ wayaʿal yowʾash melekhe־yiseraʾel wayiteraʾu faniym huʾ waʾamatseyahu melekhe־yehudah beveyt shemesh ʾasher liyhudah׃
22 וַיִּנָּ֥גֶף יְהוּדָ֖ה לִפְנֵ֣י יִשְׂרָאֵ֑ל וַיָּנֻ֖סוּ אִ֥ישׁ לְאֹהָלָֽיו׃ wayinagef yehudah lifeney yiseraʾel wayanusu ʾiysh leʾohalayw׃
23 וְאֵת֩ אֲמַצְיָ֨הוּ מֶֽלֶךְ־יְהוּדָ֜ה בֶּן־יֹואָ֣שׁ בֶּן־יְהֹואָחָ֗ז תָּפַ֛שׂ יֹואָ֥שׁ מֶֽלֶךְ־יִשְׂרָאֵ֖ל בְּבֵ֣ית שָׁ֑מֶשׁ וַיְבִיאֵ֙הוּ֙ יְר֣וּשָׁלִַ֔ם וַיִּפְרֹ֞ץ בְּחֹומַ֣ת יְרוּשָׁלִַ֗ם מִשַּׁ֤עַר אֶפְרַ֙יִם֙ עַד־שַׁ֣עַר הַפֹּונֶ֔ה אַרְבַּ֥ע מֵאֹ֖ות אַמָּֽה׃ weʾet ʾamatseyahu melekhe־yehudah ben־yowʾash ben־yehowʾaḥaz tafas yowʾash melekhe־yiseraʾel beveyt shamesh wayeviyʾehu yerushalim wayiferots beḥowmat yerushalim mishaʿar ʾeferayim ʿad־shaʿar hapowneh ʾarebaʿ meʾowt ʾamah׃
24 וְכָֽל־הַזָּהָ֣ב וְהַכֶּ֡סֶף וְאֵ֣ת כָּל־הַ֠כֵּלִים הַנִּמְצְאִ֨ים בְּבֵית־הָאֱלֹהִ֜ים עִם־עֹבֵ֣ד אֱדֹ֗ום וְאֶת־אֹצְרֹות֙ בֵּ֣ית הַמֶּ֔לֶךְ וְאֵ֖ת בְּנֵ֣י הַתַּֽעֲרֻבֹ֑ות וַיָּ֖שָׁב שֹׁמְרֹֽון׃ פ wekhal־hazahav wehakesef weʾet kal־hakeliym hanimetseʾiym beveyt־haʾelohiym ʿim־ʿoved ʾedowm weʾet־ʾotserowt beyt hamelekhe weʾet beney hataʿaruvowt wayashav shomerown׃ f
25 וַיְחִ֨י אֲמַצְיָ֤הוּ בֶן־יֹואָשׁ֙ מֶ֣לֶךְ יְהוּדָ֔ה אַחֲרֵ֣י מֹ֔ות יֹואָ֥שׁ בֶּן־יְהֹואָחָ֖ז מֶ֣לֶךְ יִשְׂרָאֵ֑ל חֲמֵ֥שׁ עֶשְׂרֵ֖ה שָׁנָֽה׃ wayeḥiy ʾamatseyahu ven־yowʾash melekhe yehudah ʾaḥarey mowt yowʾash ben־yehowʾaḥaz melekhe yiseraʾel ḥamesh ʿesereh shanah׃
26 וְיֶ֙תֶר֙ דִּבְרֵ֣י אֲמַצְיָ֔הוּ הָרִאשֹׁנִ֖ים וְהָאַחֲרֹונִ֑ים הֲלֹא֙ הִנָּ֣ם כְּתוּבִ֔ים עַל־סֵ֥פֶר מַלְכֵי־יְהוּדָ֖ה וְיִשְׂרָאֵֽל׃ weyeter diverey ʾamatseyahu hariʾshoniym wehaʾaḥarowniym haloʾ hinam ketuviym ʿal־sefer malekhey־yehudah weyiseraʾel׃
27 וּמֵעֵ֗ת אֲשֶׁר־סָ֤ר אֲמַצְיָ֙הוּ֙ מֵאַחֲרֵ֣י יְהוָ֔ה וַיִּקְשְׁר֨וּ עָלָ֥יו קֶ֛שֶׁר בִּירוּשָׁלִַ֖ם וַיָּ֣נָס לָכִ֑ישָׁה וַיִּשְׁלְח֤וּ אַחֲרָיו֙ לָכִ֔ישָׁה וַיְמִיתֻ֖הוּ שָֽׁם׃ umeʿet ʾasher־sar ʾamatseyahu meʾaḥarey yehwah wayiqesheru ʿalayw qesher biyrushalim wayanas lakhiyshah wayisheleḥu ʾaḥarayw lakhiyshah wayemiytuhu sham׃
28 וַיִּשָּׂאֻ֖הוּ עַל־הַסּוּסִ֑ים וַֽיִּקְבְּר֥וּ אֹתֹ֛ו עִם־אֲבֹתָ֖יו בְּעִ֥יר יְהוּדָֽה׃ wayisaʾuhu ʿal־hasusiym wayiqeberu ʾotow ʿim־ʾavotayw beʿiyr yehudah׃