1 וַיַּ֧עַשׂ בְּצַלְאֵ֛ל אֶת־הָאָרֹ֖ן עֲצֵ֣י שִׁטִּ֑ים אַמָּתַ֨יִם וָחֵ֜צִי אָרְכֹּ֗ו וְאַמָּ֤ה וָחֵ֙צִי֙ רָחְבֹּ֔ו וְאַמָּ֥ה וָחֵ֖צִי קֹמָתֹֽו׃ wayaʿas betsaleʾel ʾet־haʾaron ʿatsey shiṭiym ʾamatayim waḥetsiy ʾarekow weʾamah waḥetsiy raḥebow weʾamah waḥetsiy qomatow׃
2 וַיְצַפֵּ֛הוּ זָהָ֥ב טָהֹ֖ור מִבַּ֣יִת וּמִח֑וּץ וַיַּ֥עַשׂ לֹ֛ו זֵ֥ר זָהָ֖ב סָבִֽיב׃ wayetsapehu zahav ṭahowr mibayit umiḥuts wayaʿas low zer zahav saviyv׃
3 וַיִּצֹ֣ק לֹ֗ו אַרְבַּע֙ טַבְּעֹ֣ת זָהָ֔ב עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗ת עַל־צַלְעֹו֙ הָֽאֶחָ֔ת וּשְׁתֵּי֙ טַבָּעֹ֔ות עַל־צַלְעֹ֖ו הַשֵּׁנִֽית׃ wayitsoq low ʾarebaʿ ṭabeʿot zahav ʿal ʾarebaʿ paʿamotayw ushetey ṭabaʿot ʿal־tsaleʿow haʾeḥat ushetey ṭabaʿowt ʿal־tsaleʿow hasheniyt׃
4 וַיַּ֥עַשׂ בַּדֵּ֖י עֲצֵ֣י שִׁטִּ֑ים וַיְצַ֥ף אֹתָ֖ם זָהָֽב׃ wayaʿas badey ʿatsey shiṭiym wayetsaf ʾotam zahav׃
5 וַיָּבֵ֤א אֶת־הַבַּדִּים֙ בַּטַּבָּעֹ֔ת עַ֖ל צַלְעֹ֣ת הָאָרֹ֑ן לָשֵׂ֖את אֶת־הָאָרֹֽן׃ wayaveʾ ʾet־habadiym baṭabaʿot ʿal tsaleʿot haʾaron laseʾt ʾet־haʾaron׃
6 וַיַּ֥עַשׂ כַּפֹּ֖רֶת זָהָ֣ב טָהֹ֑ור אַמָּתַ֤יִם וָחֵ֙צִי֙ אָרְכָּ֔הּ וְאַמָּ֥ה וָחֵ֖צִי רָחְבָּֽהּ׃ wayaʿas kaporet zahav ṭahowr ʾamatayim waḥetsiy ʾarekah weʾamah waḥetsiy raḥebah׃
7 וַיַּ֛עַשׂ שְׁנֵ֥י כְרֻבִ֖ים זָהָ֑ב מִקְשָׁה֙ עָשָׂ֣ה אֹתָ֔ם מִשְּׁנֵ֖י קְצֹ֥ות הַכַּפֹּֽרֶת׃ wayaʿas sheney kheruviym zahav miqeshah ʿasah ʾotam misheney qetsowt hakaporet׃
8 כְּרוּב־אֶחָ֤ד מִקָּצָה֙ מִזֶּ֔ה וּכְרוּב־אֶחָ֥ד מִקָּצָ֖ה מִזֶּ֑ה מִן־הַכַּפֹּ֛רֶת עָשָׂ֥ה אֶת־הַכְּרֻבִ֖ים מִשְּׁנֵ֥י [קִצְוֹותֹו כ] (קְצֹותָֽיו׃ ק) keruv־ʾeḥad miqatsah mizeh ukheruv־ʾeḥad miqatsah mizeh min־hakaporet ʿasah ʾet־hakeruviym misheney [qitseowtow kh] (qetsowtayw׃ q)
9 וַיִּהְי֣וּ הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹֽכְכִ֤ים בְּכַנְפֵיהֶם֙ עַל־הַכַּפֹּ֔רֶת וּפְנֵיהֶ֖ם אִ֣ישׁ אֶל־אָחִ֑יו אֶל־הַכַּפֹּ֔רֶת הָי֖וּ פְּנֵ֥י הַכְּרֻבִֽים׃ פ wayiheyu hakeruviym poresey khenafayim lemaʿelah sokhekhiym bekhanefeyhem ʿal־hakaporet ufeneyhem ʾiysh ʾel־ʾaḥiyw ʾel־hakaporet hayu peney hakeruviym׃ f
10 וַיַּ֥עַשׂ אֶת־הַשֻּׁלְחָ֖ן עֲצֵ֣י שִׁטִּ֑ים אַמָּתַ֤יִם אָרְכֹּו֙ וְאַמָּ֣ה רָחְבֹּ֔ו וְאַמָּ֥ה וָחֵ֖צִי קֹמָתֹֽו׃ wayaʿas ʾet־hashuleḥan ʿatsey shiṭiym ʾamatayim ʾarekow weʾamah raḥebow weʾamah waḥetsiy qomatow׃
11 וַיְצַ֥ף אֹתֹ֖ו זָהָ֣ב טָהֹ֑ור וַיַּ֥עַשׂ לֹ֛ו זֵ֥ר זָהָ֖ב סָבִֽיב׃ wayetsaf ʾotow zahav ṭahowr wayaʿas low zer zahav saviyv׃
12 וַיַּ֨עַשׂ לֹ֥ו מִסְגֶּ֛רֶת טֹ֖פַח סָבִ֑יב וַיַּ֧עַשׂ זֵר־זָהָ֛ב לְמִסְגַּרְתֹּ֖ו סָבִֽיב׃ wayaʿas low misegeret ṭofaḥ saviyv wayaʿas zer־zahav lemisegaretow saviyv׃
13 וַיִּצֹ֣ק לֹ֔ו אַרְבַּ֖ע טַבְּעֹ֣ת זָהָ֑ב וַיִּתֵּן֙ אֶת־הַטַּבָּעֹ֔ת עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃ wayitsoq low ʾarebaʿ ṭabeʿot zahav wayiten ʾet־haṭabaʿot ʿal ʾarebaʿ hapeʾot ʾasher leʾarebaʿ ragelayw׃
14 לְעֻמַּת֙ הַמִּסְגֶּ֔רֶת הָי֖וּ הַטַּבָּעֹ֑ת בָּתִּים֙ לַבַּדִּ֔ים לָשֵׂ֖את אֶת־הַשֻּׁלְחָֽן׃ leʿumat hamisegeret hayu haṭabaʿot batiym labadiym laseʾt ʾet־hashuleḥan׃
15 וַיַּ֤עַשׂ אֶת־הַבַּדִּים֙ עֲצֵ֣י שִׁטִּ֔ים וַיְצַ֥ף אֹתָ֖ם זָהָ֑ב לָשֵׂ֖את אֶת־הַשֻּׁלְחָֽן׃ wayaʿas ʾet־habadiym ʿatsey shiṭiym wayetsaf ʾotam zahav laseʾt ʾet־hashuleḥan׃
16 וַיַּ֜עַשׂ אֶֽת־הַכֵּלִ֣ים ׀ אֲשֶׁ֣ר עַל־הַשֻּׁלְחָ֗ן אֶת־קְעָרֹתָ֤יו וְאֶת־כַּפֹּתָיו֙ וְאֵת֙ מְנַקִּיֹּתָ֔יו וְאֶת־הַקְּשָׂוֹ֔ת אֲשֶׁ֥ר יֻסַּ֖ךְ בָּהֵ֑ן זָהָ֖ב טָהֹֽור׃ פ wayaʿas ʾet־hakeliym ׀ ʾasher ʿal־hashuleḥan ʾet־qeʿarotayw weʾet־kapotayw weʾet menaqiyotayw weʾet־haqesaot ʾasher yusakhe bahen zahav ṭahowr׃ f
17 וַיַּ֥עַשׂ אֶת־הַמְּנֹרָ֖ה זָהָ֣ב טָהֹ֑ור מִקְשָׁ֞ה עָשָׂ֤ה אֶת־הַמְּנֹרָה֙ יְרֵכָ֣הּ וְקָנָ֔הּ גְּבִיעֶ֛יהָ כַּפְתֹּרֶ֥יהָ וּפְרָחֶ֖יהָ מִמֶּ֥נָּה הָיֽוּ׃ wayaʿas ʾet־hamenorah zahav ṭahowr miqeshah ʿasah ʾet־hamenorah yerekhah weqanah geviyʿeyha kafetoreyha uferaḥeyha mimenah hayu׃
18 וְשִׁשָּׁ֣ה קָנִ֔ים יֹצְאִ֖ים מִצִּדֶּ֑יהָ שְׁלֹשָׁ֣ה ׀ קְנֵ֣י מְנֹרָ֗ה מִצִּדָּהּ֙ הָֽאֶחָ֔ד וּשְׁלֹשָׁה֙ קְנֵ֣י מְנֹרָ֔ה מִצִּדָּ֖הּ הַשֵּׁנִֽי׃ weshishah qaniym yotseʾiym mitsideyha sheloshah ׀ qeney menorah mitsidah haʾeḥad usheloshah qeney menorah mitsidah hasheniy׃
19 שְׁלֹשָׁ֣ה גְ֠בִעִים מְֽשֻׁקָּדִ֞ים בַּקָּנֶ֣ה הָאֶחָד֮ כַּפְתֹּ֣ר וָפֶרַח֒ וּשְׁלֹשָׁ֣ה גְבִעִ֗ים מְשֻׁקָּדִ֛ים בְּקָנֶ֥ה אֶחָ֖ד כַּפְתֹּ֣ר וָפָ֑רַח כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖ים מִן־הַמְּנֹרָֽה׃ sheloshah geviʿiym meshuqadiym baqaneh haʾeḥad kafetor waferaḥ usheloshah geviʿiym meshuqadiym beqaneh ʾeḥad kafetor wafaraḥ ken lesheshet haqaniym hayotseʾiym min־hamenorah׃
20 וּבַמְּנֹרָ֖ה אַרְבָּעָ֣ה גְבִעִ֑ים מְשֻׁ֨קָּדִ֔ים כַּפְתֹּרֶ֖יהָ וּפְרָחֶֽיהָ׃ uvamenorah ʾarebaʿah geviʿiym meshuqadiym kafetoreyha uferaḥeyha׃
21 וְכַפְתֹּ֡ר תַּחַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙ תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕ר תַּֽחַת־שְׁנֵ֥י הַקָּנִ֖ים מִמֶּ֑נָּה לְשֵׁ֙שֶׁת֙ הַקָּנִ֔ים הַיֹּצְאִ֖ים מִמֶּֽנָּה׃ wekhafetor taḥat sheney haqaniym mimenah wekhafetor taḥat sheney haqaniym mimenah wekhafetor taḥat־sheney haqaniym mimenah lesheshet haqaniym hayotseʾiym mimenah׃
22 כַּפְתֹּרֵיהֶ֥ם וּקְנֹתָ֖ם מִמֶּ֣נָּה הָי֑וּ כֻּלָּ֛הּ מִקְשָׁ֥ה אַחַ֖ת זָהָ֥ב טָהֹֽור׃ kafetoreyhem uqenotam mimenah hayu kulah miqeshah ʾaḥat zahav ṭahowr׃
23 וַיַּ֥עַשׂ אֶת־נֵרֹתֶ֖יהָ שִׁבְעָ֑ה וּמַלְקָחֶ֥יהָ וּמַחְתֹּתֶ֖יהָ זָהָ֥ב טָהֹֽור׃ wayaʿas ʾet־neroteyha shiveʿah umaleqaḥeyha umaḥetoteyha zahav ṭahowr׃
24 כִּכָּ֛ר זָהָ֥ב טָהֹ֖ור עָשָׂ֣ה אֹתָ֑הּ וְאֵ֖ת כָּל־כֵּלֶֽיהָ׃ פ kikar zahav ṭahowr ʿasah ʾotah weʾet kal־keleyha׃ f
25 וַיַּ֛עַשׂ אֶת־מִזְבַּ֥ח הַקְּטֹ֖רֶת עֲצֵ֣י שִׁטִּ֑ים אַמָּ֣ה אָרְכֹּו֩ וְאַמָּ֨ה רָחְבֹּ֜ו רָב֗וּעַ וְאַמָּתַ֙יִם֙ קֹֽמָתֹ֔ו מִמֶּ֖נּוּ הָי֥וּ קַרְנֹתָֽיו׃ wayaʿas ʾet־mizebaḥ haqeṭoret ʿatsey shiṭiym ʾamah ʾarekow weʾamah raḥebow ravuaʿ weʾamatayim qomatow mimenu hayu qarenotayw׃
26 וַיְצַ֨ף אֹתֹ֜ו זָהָ֣ב טָהֹ֗ור אֶת־גַּגֹּ֧ו וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וַיַּ֥עַשׂ לֹ֛ו זֵ֥ר זָהָ֖ב סָבִֽיב׃ wayetsaf ʾotow zahav ṭahowr ʾet־gagow weʾet־qiyrotayw saviyv weʾet־qarenotayw wayaʿas low zer zahav saviyv׃
27 וּשְׁתֵּי֩ טַבְּעֹ֨ת זָהָ֜ב עָֽשָׂה־לֹ֣ו ׀ מִתַּ֣חַת לְזֵרֹ֗ו עַ֚ל שְׁתֵּ֣י צַלְעֹתָ֔יו עַ֖ל שְׁנֵ֣י צִדָּ֑יו לְבָתִּ֣ים לְבַדִּ֔ים לָשֵׂ֥את אֹתֹ֖ו בָּהֶֽם׃ ushetey ṭabeʿot zahav ʿasah־low ׀ mitaḥat lezerow ʿal shetey tsaleʿotayw ʿal sheney tsidayw levatiym levadiym laseʾt ʾotow bahem׃
28 וַיַּ֥עַשׂ אֶת־הַבַּדִּ֖ים עֲצֵ֣י שִׁטִּ֑ים וַיְצַ֥ף אֹתָ֖ם זָהָֽב׃ wayaʿas ʾet־habadiym ʿatsey shiṭiym wayetsaf ʾotam zahav׃
29 וַיַּ֜עַשׂ אֶת־שֶׁ֤מֶן הַמִּשְׁחָה֙ קֹ֔דֶשׁ וְאֶת־קְטֹ֥רֶת הַסַּמִּ֖ים טָהֹ֑ור מַעֲשֵׂ֖ה רֹקֵֽחַ׃ פ wayaʿas ʾet־shemen hamisheḥah qodesh weʾet־qeṭoret hasamiym ṭahowr maʿaseh roqeaḥ׃ f