1 וַיָּבֹ֤א הַמֶּ֙לֶךְ֙ וְהָמָ֔ן לִשְׁתֹּ֖ות עִם־אֶסְתֵּ֥ר הַמַּלְכָּֽה׃ wayavoʾ hamelekhe wehaman lishetowt ʿim־ʾeseter hamalekah׃

2 וַיֹּאמֶר֩ הַמֶּ֨לֶךְ לְאֶסְתֵּ֜ר גַּ֣ם בַּיֹּ֤ום הַשֵּׁנִי֙ בְּמִשְׁתֵּ֣ה הַיַּ֔יִן מַה־שְּׁאֵלָתֵ֛ךְ אֶסְתֵּ֥ר הַמַּלְכָּ֖ה וְתִנָּ֣תֵֽן לָ֑ךְ וּמַה־בַּקָּשָׁתֵ֛ךְ עַד־חֲצִ֥י הַמַּלְכ֖וּת וְתֵעָֽשׂ׃ wayoʾmer hamelekhe leʾeseter gam bayowm hasheniy bemisheteh hayayin mah־sheʾelatekhe ʾeseter hamalekah wetinaten lakhe umah־baqashatekhe ʿad־ḥatsiy hamalekhut weteʿas׃

3 וַתַּ֨עַן אֶסְתֵּ֤ר הַמַּלְכָּה֙ וַתֹּאמַ֔ר אִם־מָצָ֨אתִי חֵ֤ן בְּעֵינֶ֙יךָ֙ הַמֶּ֔לֶךְ וְאִם־עַל־הַמֶּ֖לֶךְ טֹ֑וב תִּנָּֽתֶן־לִ֤י נַפְשִׁי֙ בִּשְׁאֵ֣לָתִ֔י וְעַמִּ֖י בְּבַקָּשָׁתִֽי׃ wataʿan ʾeseter hamalekah watoʾmar ʾim־matsaʾtiy ḥen beʿeyneykha hamelekhe weʾim־ʿal־hamelekhe ṭowv tinaten־liy nafeshiy bisheʾelatiy weʿamiy bevaqashatiy׃

4 כִּ֤י נִמְכַּ֙רְנוּ֙ אֲנִ֣י וְעַמִּ֔י לְהַשְׁמִ֖יד לַהֲרֹ֣וג וּלְאַבֵּ֑ד וְ֠אִלּוּ לַעֲבָדִ֨ים וְלִשְׁפָחֹ֤ות נִמְכַּ֙רְנוּ֙ הֶחֱרַ֔שְׁתִּי כִּ֣י אֵ֥ין הַצָּ֛ר שֹׁוֶ֖ה בְּנֵ֥זֶק הַמֶּֽלֶךְ׃ ס kiy nimekarenu ʾaniy weʿamiy lehashemiyd laharowg uleʾabed weʾilu laʿavadiym welishefaḥowt nimekarenu heḥerashetiy kiy ʾeyn hatsar showeh benezeq hamelekhe׃ s

5 וַיֹּ֙אמֶר֙ הַמֶּ֣לֶךְ אֲחַשְׁוֵרֹ֔ושׁ וַיֹּ֖אמֶר לְאֶסְתֵּ֣ר הַמַּלְכָּ֑ה מִ֣י ה֥וּא זֶה֙ וְאֵֽי־זֶ֣ה ה֔וּא אֲשֶׁר־מְלָאֹ֥ו לִבֹּ֖ו לַעֲשֹׂ֥ות כֵּֽן׃ wayoʾmer hamelekhe ʾaḥashewerowsh wayoʾmer leʾeseter hamalekah miy huʾ zeh weʾey־zeh huʾ ʾasher־melaʾow libow laʿasowt ken׃

6 וַתֹּ֣אמֶר־אֶסְתֵּ֔ר אִ֚ישׁ צַ֣ר וְאֹויֵ֔ב הָמָ֥ן הָרָ֖ע הַזֶּ֑ה וְהָמָ֣ן נִבְעַ֔ת מִלִּפְנֵ֥י הַמֶּ֖לֶךְ וְהַמַּלְכָּֽה׃ watoʾmer־ʾeseter ʾiysh tsar weʾowyev haman haraʿ hazeh wehaman niveʿat milifeney hamelekhe wehamalekah׃

7 וְהַמֶּ֜לֶךְ קָ֤ם בַּחֲמָתֹו֙ מִמִּשְׁתֵּ֣ה הַיַּ֔יִן אֶל־גִּנַּ֖ת הַבִּיתָ֑ן וְהָמָ֣ן עָמַ֗ד לְבַקֵּ֤שׁ עַל־נַפְשֹׁו֙ מֵֽאֶסְתֵּ֣ר הַמַּלְכָּ֔ה כִּ֣י רָאָ֔ה כִּֽי־כָלְתָ֥ה אֵלָ֛יו הָרָעָ֖ה מֵאֵ֥ת הַמֶּֽלֶךְ׃ wehamelekhe qam baḥamatow mimisheteh hayayin ʾel־ginat habiytan wehaman ʿamad levaqesh ʿal־nafeshow meʾeseter hamalekah kiy raʾah kiy־khaletah ʾelayw haraʿah meʾet hamelekhe׃

8 וְהַמֶּ֡לֶךְ שָׁב֩ מִגִּנַּ֨ת הַבִּיתָ֜ן אֶל־בֵּ֣ית ׀ מִשְׁתֵּ֣ה הַיַּ֗יִן וְהָמָן֙ נֹפֵ֔ל עַל־הַמִּטָּה֙ אֲשֶׁ֣ר אֶסְתֵּ֣ר עָלֶ֔יהָ וַיֹּ֣אמֶר הַמֶּ֔לֶךְ הֲ֠גַם לִכְבֹּ֧ושׁ אֶת־הַמַּלְכָּ֛ה עִמִּ֖י בַּבָּ֑יִת הַדָּבָ֗ר יָצָא֙ מִפִּ֣י הַמֶּ֔לֶךְ וּפְנֵ֥י הָמָ֖ן חָפֽוּ׃ ס wehamelekhe shav miginat habiytan ʾel־beyt ׀ misheteh hayayin wehaman nofel ʿal־hamiṭah ʾasher ʾeseter ʿaleyha wayoʾmer hamelekhe hagam likhebowsh ʾet־hamalekah ʿimiy babayit hadavar yatsaʾ mipiy hamelekhe ufeney haman ḥafu׃ s

9 וַיֹּ֣אמֶר חַ֠רְבֹונָה אֶחָ֨ד מִן־הַסָּרִיסִ֜ים לִפְנֵ֣י הַמֶּ֗לֶךְ גַּ֣ם הִנֵּה־הָעֵ֣ץ אֲשֶׁר־עָשָׂ֪ה הָמָ֟ן לְֽמָרְדֳּכַ֞י אֲשֶׁ֧ר דִּבֶּר־טֹ֣וב עַל־הַמֶּ֗לֶךְ עֹמֵד֙ בְּבֵ֣ית הָמָ֔ן גָּבֹ֖הַּ חֲמִשִּׁ֣ים אַמָּ֑ה וַיֹּ֥אמֶר הַמֶּ֖לֶךְ תְּלֻ֥הוּ עָלָֽיו׃ wayoʾmer ḥarevownah ʾeḥad min־hasariysiym lifeney hamelekhe gam hineh־haʿets ʾasher־ʿasah haman lemaredokhay ʾasher diber־ṭowv ʿal־hamelekhe ʿomed beveyt haman gavoah ḥamishiym ʾamah wayoʾmer hamelekhe teluhu ʿalayw׃

10 וַיִּתְלוּ֙ אֶת־הָמָ֔ן עַל־הָעֵ֖ץ אֲשֶׁר־הֵכִ֣ין לְמָרְדֳּכָ֑י וַחֲמַ֥ת הַמֶּ֖לֶךְ שָׁכָֽכָה׃ פ wayitelu ʾet־haman ʿal־haʿets ʾasher־hekhiyn lemaredokhay waḥamat hamelekhe shakhakhah׃ f