1 חֲזֹ֖ון עֹֽבַדְיָ֑ה כֹּֽה־אָמַר֩ אֲדֹנָ֨י יְהוִ֜ה לֶאֱדֹ֗ום שְׁמוּעָ֨ה שָׁמַ֜עְנוּ מֵאֵ֤ת יְהוָה֙ וְצִיר֙ בַּגֹּויִ֣ם שֻׁלָּ֔ח ק֛וּמוּ וְנָק֥וּמָה עָלֶ֖יהָ לַמִּלְחָמָֽה׃ ḥazown ʿovadeyah koh־ʾamar ʾadonay yehwih leʾedowm shemuʿah shamaʿenu meʾet yehwah wetsiyr bagowyim shulaḥ qumu wenaqumah ʿaleyha lamileḥamah׃
2 הִנֵּ֥ה קָטֹ֛ן נְתַתִּ֖יךָ בַּגֹּויִ֑ם בָּז֥וּי אַתָּ֖ה מְאֹֽד׃ hineh qaṭon netatiykha bagowyim bazuy ʾatah meʾod׃
3 זְדֹ֤ון לִבְּךָ֙ הִשִּׁיאֶ֔ךָ שֹׁכְנִ֥י בְחַגְוֵי־סֶּ֖לַע מְרֹ֣ום שִׁבְתֹּ֑ו אֹמֵ֣ר בְּלִבֹּ֔ו מִ֥י יֹורִדֵ֖נִי אָֽרֶץ׃ zedown libekha hishiyʾekha shokheniy veḥagewey־selaʿ merowm shivetow ʾomer belibow miy yowrideniy ʾarets׃
4 אִם־תַּגְבִּ֣יהַּ כַּנֶּ֔שֶׁר וְאִם־בֵּ֥ין כֹּֽוכָבִ֖ים שִׂ֣ים קִנֶּ֑ךָ מִשָּׁ֥ם אֹורִֽידְךָ֖ נְאֻם־יְהוָֽה׃ ʾim־tagebiyha kanesher weʾim־beyn kowkhaviym siym qinekha misham ʾowriydekha neʾum־yehwah׃
5 אִם־גַּנָּבִ֤ים בָּאֽוּ־לְךָ֙ אִם־שֹׁ֣ודְדֵי לַ֔יְלָה אֵ֣יךְ נִדְמֵ֔יתָה הֲלֹ֥וא יִגְנְב֖וּ דַּיָּ֑ם אִם־בֹּֽצְרִים֙ בָּ֣אוּ לָ֔ךְ הֲלֹ֖וא יַשְׁאִ֥ירוּ עֹלֵלֹֽות׃ ʾim־ganaviym baʾu־lekha ʾim־showdedey layelah ʾeykhe nidemeytah halowʾ yigenevu dayam ʾim־botseriym baʾu lakhe halowʾ yasheʾiyru ʿolelowt׃
6 אֵ֚יךְ נֶחְפְּשׂ֣וּ עֵשָׂ֔ו נִבְע֖וּ מַצְפֻּנָֽיו׃ ʾeykhe neḥepesu ʿesaw niveʿu matsepunayw׃
7 עַֽד־הַגְּב֣וּל שִׁלְּח֗וּךָ כֹּ֚ל אַנְשֵׁ֣י בְרִיתֶ֔ךָ הִשִּׁיא֛וּךָ יָכְל֥וּ לְךָ֖ אַנְשֵׁ֣י שְׁלֹמֶ֑ךָ לַחְמְךָ֗ יָשִׂ֤ימוּ מָזֹור֙ תַּחְתֶּ֔יךָ אֵ֥ין תְּבוּנָ֖ה בֹּֽו׃ ʿad־hagevul shileḥukha kol ʾaneshey veriytekha hishiyʾukha yakhelu lekha ʾaneshey shelomekha laḥemekha yasiymu mazowr taḥeteykha ʾeyn tevunah bow׃
8 הֲלֹ֛וא בַּיֹּ֥ום הַה֖וּא נְאֻם יְהוָ֑ה וְהַאֲבַדְתִּ֤י חֲכָמִים֙ מֵֽאֱדֹ֔ום וּתְבוּנָ֖ה מֵהַ֥ר עֵשָֽׂו׃ halowʾ bayowm hahuʾ neʾum yehwah wehaʾavadetiy ḥakhamiym meʾedowm utevunah mehar ʿesaw׃
9 וְחַתּ֥וּ גִבֹּורֶ֖יךָ תֵּימָ֑ן לְמַ֧עַן יִכָּֽרֶת־אִ֛ישׁ מֵהַ֥ר עֵשָׂ֖ו מִקָּֽטֶל׃ weḥatu gibowreykha teyman lemaʿan yikaret־ʾiysh mehar ʿesaw miqaṭel׃
10 מֵחֲמַ֛ס אָחִ֥יךָ יַעֲקֹ֖ב תְּכַסְּךָ֣ בוּשָׁ֑ה וְנִכְרַ֖תָּ לְעֹולָֽם׃ meḥamas ʾaḥiykha yaʿaqov tekhasekha vushah wenikherata leʿowlam׃
11 בְּיֹום֙ עֲמָֽדְךָ֣ מִנֶּ֔גֶד בְּיֹ֛ום שְׁבֹ֥ות זָרִ֖ים חֵילֹ֑ו וְנָכְרִ֞ים בָּ֣אוּ [שַׁעֲרֹו כ] (שְׁעָרָ֗יו ק) וְעַל־יְרוּשָׁלִַ֙ם֙ יַדּ֣וּ גֹורָ֔ל גַּם־אַתָּ֖ה כְּאַחַ֥ד מֵהֶֽם׃ beyowm ʿamadekha mineged beyowm shevowt zariym ḥeylow wenakheriym baʾu [shaʿarow kh] (sheʿarayw q) weʿal־yerushalim yadu gowral gam־ʾatah keʾaḥad mehem׃
12 וְאַל־תֵּ֤רֶא בְיֹום־אָחִ֙יךָ֙ בְּיֹ֣ום נָכְרֹ֔ו וְאַל־תִּשְׂמַ֥ח לִבְנֵֽי־יְהוּדָ֖ה בְּיֹ֣ום אָבְדָ֑ם וְאַל־תַּגְדֵּ֥ל פִּ֖יךָ בְּיֹ֥ום צָרָֽה׃ weʾal־tereʾ veyowm־ʾaḥiykha beyowm nakherow weʾal־tisemaḥ liveney־yehudah beyowm ʾavedam weʾal־tagedel piykha beyowm tsarah׃
13 אַל־תָּבֹ֤וא בְשַֽׁעַר־עַמִּי֙ בְּיֹ֣ום אֵידָ֔ם אַל־תֵּ֧רֶא גַם־אַתָּ֛ה בְּרָעָתֹ֖ו בְּיֹ֣ום אֵידֹ֑ו וְאַל־תִּשְׁלַ֥חְנָה בְחֵילֹ֖ו בְּיֹ֥ום אֵידֹֽו׃ ʾal־tavowʾ veshaʿar־ʿamiy beyowm ʾeydam ʾal־tereʾ gam־ʾatah beraʿatow beyowm ʾeydow weʾal־tishelaḥenah veḥeylow beyowm ʾeydow׃
14 וְאַֽל־תַּעֲמֹד֙ עַל־הַפֶּ֔רֶק לְהַכְרִ֖ית אֶת־פְּלִיטָ֑יו וְאַל־תַּסְגֵּ֥ר שְׂרִידָ֖יו בְּיֹ֥ום צָרָֽה׃ weʾal־taʿamod ʿal־hapereq lehakheriyt ʾet־peliyṭayw weʾal־taseger seriydayw beyowm tsarah׃
15 כִּֽי־קָרֹ֥וב יֹום־יְהוָ֖ה עַל־כָּל־הַגֹּויִ֑ם כַּאֲשֶׁ֤ר עָשִׂ֙יתָ֙ יֵעָ֣שֶׂה לָּ֔ךְ גְּמֻלְךָ֖ יָשׁ֥וּב בְּרֹאשֶֽׁךָ׃ kiy־qarowv yowm־yehwah ʿal־kal־hagowyim kaʾasher ʿasiyta yeʿaseh lakhe gemulekha yashuv beroʾshekha׃
16 כִּ֗י כַּֽאֲשֶׁ֤ר שְׁתִיתֶם֙ עַל־הַ֣ר קָדְשִׁ֔י יִשְׁתּ֥וּ כָֽל־הַגֹּויִ֖ם תָּמִ֑יד וְשָׁת֣וּ וְלָע֔וּ וְהָי֖וּ כְּלֹ֥וא הָיֽוּ׃ kiy kaʾasher shetiytem ʿal־har qadeshiy yishetu khal־hagowyim tamiyd weshatu welaʿu wehayu kelowʾ hayu׃
17 וּבְהַ֥ר צִיֹּ֛ון תִּהְיֶ֥ה פְלֵיטָ֖ה וְהָ֣יָה קֹ֑דֶשׁ וְיָֽרְשׁוּ֙ בֵּ֣ית יַֽעֲקֹ֔ב אֵ֖ת מֹורָֽשֵׁיהֶם ׃ uvehar tsiyown tiheyeh feleyṭah wehayah qodesh weyareshu beyt yaʿaqov ʾet mowrasheyhem ׃
18 וְהָיָה֩ בֵית־יַעֲקֹ֨ב אֵ֜שׁ וּבֵ֧ית יֹוסֵ֣ף לֶהָבָ֗ה וּבֵ֤ית עֵשָׂו֙ לְקַ֔שׁ וְדָלְק֥וּ בָהֶ֖ם וַאֲכָל֑וּם וְלֹֽא־יִֽהְיֶ֤ה שָׂרִיד֙ לְבֵ֣ית עֵשָׂ֔ו כִּ֥י יְהוָ֖ה דִּבֵּֽר׃ wehayah veyt־yaʿaqov ʾesh uveyt yowsef lehavah uveyt ʿesaw leqash wedalequ vahem waʾakhalum weloʾ־yiheyeh sariyd leveyt ʿesaw kiy yehwah diber׃
19 וְיָרְשׁ֨וּ הַנֶּ֜גֶב אֶת־הַ֣ר עֵשָׂ֗ו וְהַשְּׁפֵלָה֙ אֶת־פְּלִשְׁתִּ֔ים וְיָרְשׁוּ֙ אֶת־שְׂדֵ֣ה אֶפְרַ֔יִם וְאֵ֖ת שְׂדֵ֣ה שֹׁמְרֹ֑ון וּבִנְיָמִ֖ן אֶת־הַגִּלְעָֽד׃ weyareshu hanegev ʾet־har ʿesaw wehashefelah ʾet־pelishetiym weyareshu ʾet־sedeh ʾeferayim weʾet sedeh shomerown uvineyamin ʾet־hagileʿad׃
20 וְגָלֻ֣ת הַֽחֵל־הַ֠זֶּה לִבְנֵ֨י יִשְׂרָאֵ֤ל אֲשֶֽׁר־כְּנַעֲנִים֙ עַד־צָ֣רְפַ֔ת וְגָלֻ֥ת יְרוּשָׁלִַ֖ם אֲשֶׁ֣ר בִּסְפָרַ֑ד יִֽרְשׁ֕וּ אֵ֖ת עָרֵ֥י הַנֶּֽגֶב׃ wegalut haḥel־hazeh liveney yiseraʾel ʾasher־kenaʿaniym ʿad־tsarefat wegalut yerushalim ʾasher bisefarad yireshu ʾet ʿarey hanegev׃
21 וְעָל֤וּ מֹֽושִׁעִים֙ בְּהַ֣ר צִיֹּ֔ון לִשְׁפֹּ֖ט אֶת־הַ֣ר עֵשָׂ֑ו וְהָיְתָ֥ה לַֽיהוָ֖ה הַמְּלוּכָֽה׃ weʿalu mowshiʿiym behar tsiyown lishepoṭ ʾet־har ʿesaw wehayetah layhwah hamelukhah׃