Ésaïe 59

¹ הֵ֛ן לֹֽא־קָצְרָ֥ה יַד־יְהוָ֖ה מֵֽהֹושִׁ֑יעַ וְלֹא־כָבְדָ֥ה אָזְנֹ֖ו מִשְּׁמֹֽועַ׃ hen loʾ־qatserah yad־yehwah mehowshiyʿa weloʾ־khavedah ʾazenow mishemowʿa׃

² כִּ֤י אִם־עֲוֹנֹֽתֵיכֶם֙ הָי֣וּ מַבְדִּלִ֔ים בֵּינֵכֶ֕ם לְבֵ֖ין אֱלֹֽהֵיכֶ֑ם וְחַטֹּֽאותֵיכֶ֗ם הִסְתִּ֧ירוּ פָנִ֛ים מִכֶּ֖ם מִשְּׁמֹֽועַ׃ kiy ʾim־ʿaonoteykhem hayu mavediliym beynekhem leveyn ʾeloheykhem weḥaṭoʾwteykhem hisetiyru faniym mikem mishemowʿa׃

³ כִּ֤י כַפֵּיכֶם֙ נְגֹאֲל֣וּ בַדָּ֔ם וְאֶצְבְּעֹותֵיכֶ֖ם בֶּֽעָוֹ֑ן שִׂפְתֹֽותֵיכֶם֙ דִּבְּרוּ־שֶׁ֔קֶר לְשֹׁונְכֶ֖ם עַוְלָ֥ה תֶהְגֶּֽה׃ kiy khapeykhem negoʾalu vadam weʾetsebeʿowteykhem beʿaon sifetowteykhem diberu־sheqer leshownekhem ʿawelah tehegeh׃

⁴ אֵין־קֹרֵ֣א בְצֶ֔דֶק וְאֵ֥ין נִשְׁפָּ֖ט בֶּאֱמוּנָ֑ה בָּטֹ֤וחַ עַל־תֹּ֙הוּ֙ וְדַבֶּר־שָׁ֔וְא הָרֹ֥ו עָמָ֖ל וְהֹולֵ֥יד אָֽוֶן׃ ʾeyn־qoreʾ vetsedeq weʾeyn nishepaṭ beʾemunah baṭowḥa ʿal־tohu wedaber־shaweʾ harow ʿamal wehowleyd ʾawen׃

⁵ בֵּיצֵ֤י צִפְעֹונִי֙ בִּקֵּ֔עוּ וְקוּרֵ֥י עַכָּבִ֖ישׁ יֶאֱרֹ֑גוּ הָאֹכֵ֤ל מִבֵּֽיצֵיהֶם֙ יָמ֔וּת וְהַזּוּרֶ֖ה תִּבָּקַ֥ע אֶפְעֶֽה׃ beytsey tsifeʿowniy biqeʿu wequrey ʿakaviysh yeʾerogu haʾokhel mibeytseyhem yamut wehazureh tibaqaʿ ʾefeʿeh׃

⁶ קֽוּרֵיהֶם֙ לֹא־יִהְי֣וּ לְבֶ֔גֶד וְלֹ֥א יִתְכַּסּ֖וּ בְּמַֽעֲשֵׂיהֶ֑ם מַֽעֲשֵׂיהֶם֙ מַֽעֲשֵׂי־אָ֔וֶן וּפֹ֥עַל חָמָ֖ס בְּכַפֵּיהֶֽם׃ qureyhem loʾ־yiheyu leveged weloʾ yitekasu bemaʿaseyhem maʿaseyhem maʿasey־ʾawen ufoʿal ḥamas bekhapeyhem׃

⁷ רַגְלֵיהֶם֙ לָרַ֣ע יָרֻ֔צוּ וִֽימַהֲר֔וּ לִשְׁפֹּ֖ךְ דָּ֣ם נָקִ֑י מַחְשְׁבֹֽותֵיהֶם֙ מַחְשְׁבֹ֣ות אָ֔וֶן שֹׁ֥ד וָשֶׁ֖בֶר בִּמְסִלֹּותָֽם׃ rageleyhem laraʿ yarutsu wiymaharu lishepokhe dam naqiy maḥeshevowteyhem maḥeshevowt ʾawen shod washever bimesilowtam׃

⁸ דֶּ֤רֶךְ שָׁלֹום֙ לֹ֣א יָדָ֔עוּ וְאֵ֥ין מִשְׁפָּ֖ט בְּמַעְגְּלֹותָ֑ם נְתִיבֹֽותֵיהֶם֙ עִקְּשׁ֣וּ לָהֶ֔ם כֹּ֚ל דֹּרֵ֣ךְ בָּ֔הּ לֹ֥א יָדַ֖ע שָׁלֹֽום׃ derekhe shalowm loʾ yadaʿu weʾeyn mishepaṭ bemaʿegelowtam netiyvowteyhem ʿiqeshu lahem kol dorekhe bah loʾ yadaʿ shalowm׃

⁹ עַל־כֵּ֗ן רָחַ֤ק מִשְׁפָּט֙ מִמֶּ֔נּוּ וְלֹ֥א תַשִּׂיגֵ֖נוּ צְדָקָ֑ה נְקַוֶּ֤ה לָאֹור֙ וְהִנֵּה־חֹ֔שֶׁךְ לִנְגֹהֹ֖ות בָּאֲפֵלֹ֥ות נְהַלֵּֽךְ׃ ʿal־ken raḥaq mishepaṭ mimenu weloʾ tasiygenu tsedaqah neqaueh laʾowr wehineh־ḥoshekhe linegohowt baʾafelowt nehalekhe׃

¹⁰ נְגַֽשְׁשָׁ֤ה כַֽעִוְרִים֙ קִ֔יר וּכְאֵ֥ין עֵינַ֖יִם נְגַשֵּׁ֑שָׁה כָּשַׁ֤לְנוּ בַֽצָּהֳרַ֙יִם֙ כַּנֶּ֔שֶׁף בָּאַשְׁמַנִּ֖ים כַּמֵּתִֽים׃ negasheshah khaʿiweriym qiyr ukheʾeyn ʿeynayim negasheshah kashalenu vatsahorayim kaneshef baʾashemaniym kametiym׃

¹¹ נֶהֱמֶ֤ה כַדֻּבִּים֙ כֻּלָּ֔נוּ וְכַיֹּונִ֖ים הָגֹ֣ה נֶהְגֶּ֑ה נְקַוֶּ֤ה לַמִּשְׁפָּט֙ וָאַ֔יִן לִֽישׁוּעָ֖ה רָחֲקָ֥ה מִמֶּֽנּוּ׃ nehemeh khadubiym kulanu wekhayowniym hagoh nehegeh neqaueh lamishepaṭ waʾayin liyshuʿah raḥaqah mimenu׃

¹² כִּֽי־רַבּ֤וּ פְשָׁעֵ֙ינוּ֙ נֶגְדֶּ֔ךָ וְחַטֹּאותֵ֖ינוּ עָ֣נְתָה בָּ֑נוּ כִּֽי־פְשָׁעֵ֣ינוּ אִתָּ֔נוּ וַעֲוֹנֹתֵ֖ינוּ יְדַֽעֲנֽוּם׃ kiy־rabu feshaʿeynu negedekha weḥaṭoʾwteynu ʿanetah banu kiy־feshaʿeynu ʾitanu waʿaonoteynu yedaʿanum׃

¹³ פָּשֹׁ֤עַ וְכַחֵשׁ֙ בַּֽיהוָ֔ה וְנָסֹ֖וג מֵאַחַ֣ר אֱלֹהֵ֑ינוּ דַּבֶּר־עֹ֣שֶׁק וְסָרָ֔ה הֹרֹ֧ו וְהֹגֹ֛ו מִלֵּ֖ב דִּבְרֵי־שָֽׁקֶר׃ pashoaʿ wekhaḥesh bayhwah wenasowg meʾaḥar ʾeloheynu daber־ʿosheq wesarah horow wehogow milev diverey־shaqer׃

¹⁴ וְהֻסַּ֤ג אָחֹור֙ מִשְׁפָּ֔ט וּצְדָקָ֖ה מֵרָחֹ֣וק תַּעֲמֹ֑ד כִּֽי־כָשְׁלָ֤ה בָֽרְחֹוב֙ אֱמֶ֔ת וּנְכֹחָ֖ה לֹא־תוּכַ֥ל לָבֹֽוא׃ wehusag ʾaḥowr mishepaṭ utsedaqah meraḥowq taʿamod kiy־khashelah vareḥowv ʾemet unekhoḥah loʾ־tukhal lavowʾ׃

¹⁵ וַתְּהִ֤י הָֽאֱמֶת֙ נֶעְדֶּ֔רֶת וְסָ֥ר מֵרָ֖ע מִשְׁתֹּולֵ֑ל וַיַּ֧רְא יְהוָ֛ה וַיֵּ֥רַע בְּעֵינָ֖יו כִּֽי־אֵ֥ין מִשְׁפָּֽט׃ watehiy haʾemet neʿederet wesar meraʿ mishetowlel wayareʾ yehwah wayeraʿ beʿeynayw kiy־ʾeyn mishepaṭ׃

¹⁶ וַיַּרְא֙ כִּֽי־אֵ֣ין אִ֔ישׁ וַיִּשְׁתֹּומֵ֖ם כִּ֣י אֵ֣ין מַפְגִּ֑יעַ וַתֹּ֤ושַֽׁע לֹו֙ זְרֹעֹ֔ו וְצִדְקָתֹ֖ו הִ֥יא סְמָכָֽתְהוּ׃ wayareʾ kiy־ʾeyn ʾiysh wayishetowmem kiy ʾeyn mafegiyʿa watowshaʿ low zeroʿow wetsideqatow hiyʾ semakhatehu׃

¹⁷ וַיִּלְבַּ֤שׁ צְדָקָה֙ כַּשִּׁרְיָ֔ן וְכֹ֥ובַע יְשׁוּעָ֖ה בְּרֹאשֹׁ֑ו וַיִּלְבַּ֞שׁ בִּגְדֵ֤י נָקָם֙ תִּלְבֹּ֔שֶׁת וַיַּ֥עַט כַּמְעִ֖יל קִנְאָֽה׃ wayilebash tsedaqah kashireyan wekhowvaʿ yeshuʿah beroʾshow wayilebash bigedey naqam tileboshet wayaʿaṭ kameʿiyl qineʾah׃

¹⁸ כְּעַ֤ל גְּמֻלֹות֙ כְּעַ֣ל יְשַׁלֵּ֔ם חֵמָ֣ה לְצָרָ֔יו גְּמ֖וּל לְאֹֽיְבָ֑יו לָאִיִּ֖ים גְּמ֥וּל יְשַׁלֵּֽם׃ keʿal gemulowt keʿal yeshalem ḥemah letsarayw gemul leʾoyevayw laʾiyiym gemul yeshalem׃

¹⁹ וְיִֽירְא֤וּ מִֽמַּעֲרָב֙ אֶת־שֵׁ֣ם יְהוָ֔ה וּמִמִּזְרַח־שֶׁ֖מֶשׁ אֶת־כְּבֹודֹ֑ו כִּֽי־יָבֹ֤וא כַנָּהָר֙ צָ֔ר ר֥וּחַ יְהוָ֖ה נֹ֥סְסָה בֹֽו׃ weyiyreʾu mimaʿarav ʾet־shem yehwah umimizeraḥ־shemesh ʾet־kevowdow kiy־yavowʾ khanahar tsar ruaḥ yehwah nosesah vow׃

²⁰ וּבָ֤א לְצִיֹּון֙ גֹּואֵ֔ל וּלְשָׁבֵ֥י פֶ֖שַׁע בְּיַֽעֲקֹ֑ב נְאֻ֖ם יְהוָֽה׃ uvaʾ letsiyown gowʾel uleshavey feshaʿ beyaʿaqov neʾum yehwah׃

²¹ וַאֲנִ֗י זֹ֣את בְּרִיתִ֤י אֹותָם֙ אָמַ֣ר יְהוָ֔ה רוּחִי֙ אֲשֶׁ֣ר עָלֶ֔יךָ וּדְבָרַ֖י אֲשֶׁר־שַׂ֣מְתִּי בְּפִ֑יךָ לֹֽא־יָמ֡וּשׁוּ מִפִּיךָ֩ וּמִפִּ֨י זַרְעֲךָ֜ וּמִפִּ֨י זֶ֤רַע זַרְעֲךָ֙ אָמַ֣ר יְהוָ֔ה מֵעַתָּ֖ה וְעַד־עֹולָֽם׃ ס waʾaniy zoʾt beriytiy ʾowtam ʾamar yehwah ruḥiy ʾasher ʿaleykha udevaray ʾasher־sametiy befiykha loʾ־yamushu mipiykha umipiy zareʿakha umipiy zeraʿ zareʿakha ʾamar yehwah meʿatah weʿad־ʿowlam׃ s