2 Samuel 8

¹ וַֽיְהִי֙ אַֽחֲרֵי־כֵ֔ן וַיַּ֥ךְ דָּוִ֛ד אֶת־פְּלִשְׁתִּ֖ים וַיַּכְנִיעֵ֑ם וַיִּקַּ֥ח דָּוִ֛ד אֶת־מֶ֥תֶג הָאַמָּ֖ה מִיַּ֥ד פְּלִשְׁתִּֽים׃ wayehiy ʾaḥarey־khen wayakhe dawid ʾet־pelishetiym wayakheniyʿem wayiqaḥ dawid ʾet־meteg haʾamah miyad pelishetiym׃

² וַיַּ֣ךְ אֶת־מֹואָ֗ב וַֽיְמַדְּדֵ֤ם בַּחֶ֙בֶל֙ הַשְׁכֵּ֣ב אֹותָ֣ם אַ֔רְצָה וַיְמַדֵּ֤ד שְׁנֵֽי־חֲבָלִים֙ לְהָמִ֔ית וּמְלֹ֥א הַחֶ֖בֶל לְהַחֲיֹ֑ות וַתְּהִ֤י מֹואָב֙ לְדָוִ֔ד לַעֲבָדִ֖ים נֹשְׂאֵ֥י מִנְחָֽה׃ wayakhe ʾet־mowʾav wayemadedem baḥevel hashekev ʾowtam ʾaretsah wayemaded sheney־ḥavaliym lehamiyt umeloʾ haḥevel lehaḥayowt watehiy mowʾav ledawid laʿavadiym noseʾey mineḥah׃

³ וַיַּ֣ךְ דָּוִ֔ד אֶת־הֲדַדְעֶ֥זֶר בֶּן־רְחֹ֖ב מֶ֣לֶךְ צֹובָ֑ה בְּלֶכְתֹּ֕ו לְהָשִׁ֥יב יָדֹ֖ו בִּֽנְהַר־ (פְּרָֽת ׃ ק) wayakhe dawid ʾet־hadadeʿezer ben־reḥov melekhe tsowvah belekhetow lehashiyv yadow binehar־ (perat ׃ q)

⁴ וַיִּלְכֹּ֨ד דָּוִ֜ד מִמֶּ֗נּוּ אֶ֤לֶף וּשְׁבַע־מֵאֹות֙ פָּרָשִׁ֔ים וְעֶשְׂרִ֥ים אֶ֖לֶף אִ֣ישׁ רַגְלִ֑י וַיְעַקֵּ֤ר דָּוִד֙ אֶת־כָּל־הָרֶ֔כֶב וַיֹּותֵ֥ר מִמֶּ֖נּוּ מֵ֥אָה רָֽכֶב׃ wayilekod dawid mimenu ʾelef ushevaʿ־meʾowt parashiym weʿeseriym ʾelef ʾiysh rageliy wayeʿaqer dawid ʾet־kal־harekhev wayowter mimenu meʾah rakhev׃

⁵ וַתָּבֹא֙ אֲרַ֣ם דַּמֶּ֔שֶׂק לַעְזֹ֕ר לַהֲדַדְעֶ֖זֶר מֶ֣לֶךְ צֹובָ֑ה וַיַּ֤ךְ דָּוִד֙ בַּֽאֲרָ֔ם עֶשְׂרִֽים־וּשְׁנַ֥יִם אֶ֖לֶף אִֽישׁ׃ watavoʾ ʾaram dameseq laʿezor lahadadeʿezer melekhe tsowvah wayakhe dawid baʾaram ʿeseriym־ushenayim ʾelef ʾiysh׃

⁶ וַיָּ֨שֶׂם דָּוִ֤ד נְצִבִים֙ בַּאֲרַ֣ם דַּמֶּ֔שֶׂק וַתְּהִ֤י אֲרָם֙ לְדָוִ֔ד לַעֲבָדִ֖ים נֹושְׂאֵ֣י מִנְחָ֑ה וַיֹּ֤שַׁע יְהוָה֙ אֶת־דָּוִ֔ד בְּכֹ֖ל אֲשֶׁ֥ר הָלָֽךְ׃ wayasem dawid netsiviym baʾaram dameseq watehiy ʾaram ledawid laʿavadiym nowseʾey mineḥah wayoshaʿ yehwah ʾet־dawid bekhol ʾasher halakhe׃

⁷ וַיִּקַּ֣ח דָּוִ֗ד אֵ֚ת שִׁלְטֵ֣י הַזָּהָ֔ב אֲשֶׁ֣ר הָי֔וּ אֶ֖ל עַבְדֵ֣י הֲדַדְעָ֑זֶר וַיְבִיאֵ֖ם יְרוּשָׁלִָֽם׃ wayiqaḥ dawid ʾet shileṭey hazahav ʾasher hayu ʾel ʿavedey hadadeʿazer wayeviyʾem yerushalim׃

⁸ וּמִבֶּ֥טַח וּמִבֵּֽרֹתַ֖י עָרֵ֣י הֲדַדְעָ֑זֶר לָקַ֞ח הַמֶּ֧לֶךְ דָּוִ֛ד נְחֹ֖שֶׁת הַרְבֵּ֥ה מְאֹֽד׃ ס umibeṭaḥ umiberotay ʿarey hadadeʿazer laqaḥ hamelekhe dawid neḥoshet harebeh meʾod׃ s

⁹ וַיִּשְׁמַ֕ע תֹּ֖עִי מֶ֣לֶךְ חֲמָ֑ת כִּ֚י הִכָּ֣ה דָוִ֔ד אֵ֖ת כָּל־חֵ֥יל הֲדַדְעָֽזֶר׃ wayishemaʿ toʿiy melekhe ḥamat kiy hikah dawid ʾet kal־ḥeyl hadadeʿazer׃

¹⁰ וַיִּשְׁלַ֣ח תֹּ֣עִי אֶת־יֹֽורָם־בְּנֹ֣ו אֶל־הַמֶּֽלֶךְ־דָּ֠וִד לִשְׁאָל־לֹ֨ו לְשָׁלֹ֜ום וּֽלְבָרֲכֹ֗ו עַל֩ אֲשֶׁ֨ר נִלְחַ֤ם בַּהֲדַדְעֶ֙זֶר֙ וַיַּכֵּ֔הוּ כִּי־אִ֛ישׁ מִלְחֲמֹ֥ות תֹּ֖עִי הָיָ֣ה הֲדַדְעָ֑זֶר וּבְיָדֹ֗ו הָי֛וּ כְּלֵֽי־כֶ֥סֶף וּכְלֵֽי־זָהָ֖ב וּכְלֵ֥י נְחֹֽשֶׁת׃ wayishelaḥ toʿiy ʾet־yowram־benow ʾel־hamelekhe־dawid lisheʾal־low leshalowm ulevarakhow ʿal ʾasher nileḥam bahadadeʿezer wayakehu kiy־ʾiysh mileḥamowt toʿiy hayah hadadeʿazer uveyadow hayu keley־khesef ukheley־zahav ukheley neḥoshet׃

¹¹ גַּם־אֹתָ֕ם הִקְדִּ֛ישׁ הַמֶּ֥לֶךְ דָּוִ֖ד לַֽיהוָ֑ה עִם־הַכֶּ֤סֶף וְהַזָּהָב֙ אֲשֶׁ֣ר הִקְדִּ֔ישׁ מִכָּל־הַגֹּויִ֖ם אֲשֶׁ֥ר כִּבֵּֽשׁ׃ gam־ʾotam hiqediysh hamelekhe dawid layhwah ʿim־hakesef wehazahav ʾasher hiqediysh mikal־hagowyim ʾasher kibesh׃

¹² מֵאֲרָ֤ם וּמִמֹּואָב֙ וּמִבְּנֵ֣י עַמֹּ֔ון וּמִפְּלִשְׁתִּ֖ים וּמֵֽעֲמָלֵ֑ק וּמִשְּׁלַ֛ל הֲדַדְעֶ֥זֶר בֶּן־רְחֹ֖ב מֶ֥לֶךְ צֹובָֽה׃ meʾaram umimowʾav umibeney ʿamown umipelishetiym umeʿamaleq umishelal hadadeʿezer ben־reḥov melekhe tsowvah׃

¹³ וַיַּ֤עַשׂ דָּוִד֙ שֵׁ֔ם בְּשֻׁבֹ֕ו מֵהַכֹּותֹ֥ו אֶת־אֲרָ֖ם בְּגֵיא־מֶ֑לַח שְׁמֹונָ֥ה עָשָׂ֖ר אָֽלֶף׃ wayaʿas dawid shem beshuvow mehakowtow ʾet־ʾaram begeyʾ־melaḥ shemownah ʿasar ʾalef׃

¹⁴ וַיָּ֨שֶׂם בֶּאֱדֹ֜ום נְצִבִ֗ים בְּכָל־אֱדֹום֙ שָׂ֣ם נְצִבִ֔ים וַיְהִ֥י כָל־אֱדֹ֖ום עֲבָדִ֣ים לְדָוִ֑ד וַיֹּ֤ושַׁע יְהוָה֙ אֶת־דָּוִ֔ד בְּכֹ֖ל אֲשֶׁ֥ר הָלָֽךְ׃ wayasem beʾedowm netsiviym bekhal־ʾedowm sam netsiviym wayehiy khal־ʾedowm ʿavadiym ledawid wayowshaʿ yehwah ʾet־dawid bekhol ʾasher halakhe׃

¹⁵ וַיִּמְלֹ֥ךְ דָּוִ֖ד עַל־כָּל־יִשְׂרָאֵ֑ל וַיְהִ֣י דָוִ֗ד עֹשֶׂ֛ה מִשְׁפָּ֥ט וּצְדָקָ֖ה לְכָל־עַמֹּֽו׃ wayimelokhe dawid ʿal־kal־yiseraʾel wayehiy dawid ʿoseh mishepaṭ utsedaqah lekhal־ʿamow׃

¹⁶ וְיֹואָ֥ב בֶּן־צְרוּיָ֖ה עַל־הַצָּבָ֑א וִיהֹושָׁפָ֥ט בֶּן־אֲחִיל֖וּד מַזְכִּֽיר׃ weyowʾav ben־tseruyah ʿal־hatsavaʾ wiyhowshafaṭ ben־ʾaḥiylud mazekiyr׃

¹⁷ וְצָדֹ֧וק בֶּן־אֲחִיט֛וּב וַאֲחִימֶ֥לֶךְ בֶּן־אֶבְיָתָ֖ר כֹּהֲנִ֑ים וּשְׂרָיָ֖ה סֹופֵֽר׃ wetsadowq ben־ʾaḥiyṭuv waʾaḥiymelekhe ben־ʾeveyatar kohaniym userayah sowfer׃

¹⁸ וּבְנָיָ֙הוּ֙ בֶּן־יְהֹ֣ויָדָ֔ע וְהַכְּרֵתִ֖י וְהַפְּלֵתִ֑י וּבְנֵ֥י דָוִ֖ד כֹּהֲנִ֥ים הָיֽוּ׃ פ uvenayahu ben־yehowyadaʿ wehakeretiy wehapeletiy uveney dawid kohaniym hayu׃ f