1 וַיֵּשְׁב֥וּ שָׂרֵֽי־הָעָ֖ם בִּירוּשָׁלִָ֑ם וּשְׁאָ֣ר הָ֠עָם הִפִּ֨ילוּ גֹורָלֹ֜ות לְהָבִ֣יא ׀ אֶחָ֣ד מִן־הָעֲשָׂרָ֗ה לָשֶׁ֙בֶת֙ בִּֽירוּשָׁלִַ֙ם֙ עִ֣יר הַקֹּ֔דֶשׁ וְתֵ֥שַׁע הַיָּדֹ֖ות בֶּעָרִֽים׃ wayeshevu sarey־haʿam biyrushalim usheʾar haʿam hipiylu gowralowt lehaviyʾ ׀ ʾeḥad min־haʿasarah lashevet biyrushalim ʿiyr haqodesh weteshaʿ hayadowt beʿariym׃
2 וַֽיְבָרֲכ֖וּ הָעָ֑ם לְכֹל֙ הָֽאֲנָשִׁ֔ים הַמִּֽתְנַדְּבִ֔ים לָשֶׁ֖בֶת בִּירוּשָׁלִָֽם׃ פ wayevarakhu haʿam lekhol haʾanashiym hamitenadeviym lashevet biyrushalim׃ f
3 וְאֵ֙לֶּה֙ רָאשֵׁ֣י הַמְּדִינָ֔ה אֲשֶׁ֥ר יָשְׁב֖וּ בִּירוּשָׁלִָ֑ם וּבְעָרֵ֣י יְהוּדָ֗ה יָֽשְׁב֞וּ אִ֤ישׁ בַּאֲחֻזָּתֹו֙ בְּעָ֣רֵיהֶ֔ם יִשְׂרָאֵ֤ל הַכֹּהֲנִים֙ וְהַלְוִיִּ֣ם וְהַנְּתִינִ֔ים וּבְנֵ֖י עַבְדֵ֥י שְׁלֹמֹֽה׃ weʾeleh raʾshey hamediynah ʾasher yashevu biyrushalim uveʿarey yehudah yashevu ʾiysh baʾaḥuzatow beʿareyhem yiseraʾel hakohaniym wehalewiyim wehanetiyniym uveney ʿavedey shelomoh׃
4 וּבִֽירוּשָׁלִַ֙ם֙ יָֽשְׁב֔וּ מִבְּנֵ֥י יְהוּדָ֖ה וּמִבְּנֵ֣י בִנְיָמִ֑ן מִבְּנֵ֣י יְ֠הוּדָה עֲתָיָ֨ה בֶן־עֻזִּיָּ֜ה בֶּן־זְכַרְיָ֧ה בֶן־אֲמַרְיָ֛ה בֶּן־שְׁפַטְיָ֥ה בֶן־מַהֲלַלְאֵ֖ל מִבְּנֵי־פָֽרֶץ׃ uviyrushalim yashevu mibeney yehudah umibeney vineyamin mibeney yehudah ʿatayah ven־ʿuziyah ben־zekhareyah ven־ʾamareyah ben־shefaṭeyah ven־mahalaleʾel mibeney־farets׃
5 וּמַעֲשֵׂיָ֣ה בֶן־בָּר֣וּךְ בֶּן־כָּל־חֹ֠זֶה בֶּן־חֲזָיָ֨ה בֶן־עֲדָיָ֧ה בֶן־יֹויָרִ֛יב בֶּן־זְכַרְיָ֖ה בֶּן־הַשִּׁלֹנִֽי ׃ umaʿaseyah ven־barukhe ben־kal־ḥozeh ben־ḥazayah ven־ʿadayah ven־yowyariyv ben־zekhareyah ben־hashiloniy ׃
6 כָּל־בְּנֵי־פֶ֕רֶץ הַיֹּשְׁבִ֖ים בִּירוּשָׁלִָ֑ם אַרְבַּ֥ע מֵאֹ֛ות שִׁשִּׁ֥ים וּשְׁמֹנָ֖ה אַנְשֵׁי־חָֽיִל׃ ס kal־beney־ferets hayosheviym biyrushalim ʾarebaʿ meʾowt shishiym ushemonah ʾaneshey־ḥayil׃ s
7 וְאֵ֖לֶּה בְּנֵ֣י בִנְיָמִ֑ן סַלֻּ֡א בֶּן־מְשֻׁלָּ֡ם בֶּן־יֹועֵ֡ד בֶּן־פְּדָיָה֩ בֶן־קֹ֨ולָיָ֧ה בֶן־מַעֲשֵׂיָ֛ה בֶּן־אִֽיתִיאֵ֖ל בֶּן־יְשַֽׁעְיָֽה׃ weʾeleh beney vineyamin saluʾ ben־meshulam ben־yowʿed ben־pedayah ven־qowlayah ven־maʿaseyah ben־ʾiytiyʾel ben־yeshaʿeyah׃
8 וְאַחֲרָ֖יו גַּבַּ֣י סַלָּ֑י תְּשַׁ֥ע מֵאֹ֖ות עֶשְׂרִ֥ים וּשְׁמֹנָֽה׃ weʾaḥarayw gabay salay teshaʿ meʾowt ʿeseriym ushemonah׃
9 וְיֹואֵ֥ל בֶּן־זִכְרִ֖י פָּקִ֣יד עֲלֵיהֶ֑ם וִיהוּדָ֧ה בֶן־הַסְּנוּאָ֛ה עַל־הָעִ֖יר מִשְׁנֶֽה׃ פ weyowʾel ben־zikheriy paqiyd ʿaleyhem wiyhudah ven־hasenuʾah ʿal־haʿiyr misheneh׃ f
10 מִן־הַֽכֹּהֲנִ֑ים יְדַֽעְיָ֥ה בֶן־יֹויָרִ֖יב יָכִֽין׃ min־hakohaniym yedaʿeyah ven־yowyariyv yakhiyn׃
11 שְׂרָיָ֨ה בֶן־חִלְקִיָּ֜ה בֶּן־מְשֻׁלָּ֣ם בֶּן־צָדֹ֗וק בֶּן־מְרָיֹות֙ בֶּן־אֲחִיט֔וּב נְגִ֖ד בֵּ֥ית הָאֱלֹהִֽים׃ serayah ven־ḥileqiyah ben־meshulam ben־tsadowq ben־merayowt ben־ʾaḥiyṭuv negid beyt haʾelohiym׃
12 וַאֲחֵיהֶ֗ם עֹשֵׂ֤י הַמְּלָאכָה֙ לַבַּ֔יִת שְׁמֹנֶ֥ה מֵאֹ֖ות עֶשְׂרִ֣ים וּשְׁנָ֑יִם וַ֠עֲדָיָה בֶּן־יְרֹחָ֤ם בֶּן־פְּלַלְיָה֙ בֶּן־אַמְצִ֣י בֶן־זְכַרְיָ֔ה בֶּן־פַּשְׁח֖וּר בֶּן־מַלְכִּיָּֽה׃ waʾaḥeyhem ʿosey hamelaʾkhah labayit shemoneh meʾowt ʿeseriym ushenayim waʿadayah ben־yeroḥam ben־pelaleyah ben־ʾametsiy ven־zekhareyah ben־pasheḥur ben־malekiyah׃
13 וְאֶחָיו֙ רָאשִׁ֣ים לְאָבֹ֔ות מָאתַ֖יִם אַרְבָּעִ֣ים וּשְׁנָ֑יִם וַעֲמַשְׁסַ֧י בֶּן־עֲזַרְאֵ֛ל בֶּן־אַחְזַ֥י בֶּן־מְשִׁלֵּמֹ֖ות בֶּן־אִמֵּֽר׃ weʾeḥayw raʾshiym leʾavowt maʾtayim ʾarebaʿiym ushenayim waʿamashesay ben־ʿazareʾel ben־ʾaḥezay ben־meshilemowt ben־ʾimer׃
14 וַאֲחֵיהֶם֙ גִּבֹּ֣ורֵי חַ֔יִל מֵאָ֖ה עֶשְׂרִ֣ים וּשְׁמֹנָ֑ה וּפָקִ֣יד עֲלֵיהֶ֔ם זַבְדִּיאֵ֖ל בֶּן־הַגְּדֹולִֽים׃ ס waʾaḥeyhem gibowrey ḥayil meʾah ʿeseriym ushemonah ufaqiyd ʿaleyhem zavediyʾel ben־hagedowliym׃ s
15 וּמִֽן־הַלְוִיִּ֑ם שְׁמַעְיָ֧ה בֶן־חַשּׁ֛וּב בֶּן־עַזְרִיקָ֥ם בֶּן־חֲשַׁבְיָ֖ה בֶּן־בּוּנִּֽי׃ umin־halewiyim shemaʿeyah ven־ḥashuv ben־ʿazeriyqam ben־ḥashaveyah ben־buniy׃
16 וְשַׁבְּתַ֨י וְיֹוזָבָ֜ד עַל־הַמְּלָאכָ֤ה הַחִֽיצֹנָה֙ לְבֵ֣ית הָאֱלֹהִ֔ים מֵרָאשֵׁ֖י הַלְוִיִּֽם׃ weshabetay weyowzavad ʿal־hamelaʾkhah haḥiytsonah leveyt haʾelohiym meraʾshey halewiyim׃
17 וּמַתַּנְיָ֣ה בֶן־מִ֠יכָה בֶּן־זַבְדִּ֨י בֶן־אָסָ֜ף רֹ֗אשׁ הַתְּחִלָּה֙ יְהֹודֶ֣ה לַתְּפִלָּ֔ה וּבַקְבֻּקְיָ֖ה מִשְׁנֶ֣ה מֵאֶחָ֑יו וְעַבְדָּא֙ בֶּן־שַׁמּ֔וּעַ בֶּן־גָּלָ֖ל בֶּן־ [יְדִיתוּן כ] (יְדוּתֽוּן׃ ק) umataneyah ven־miykhah ben־zavediy ven־ʾasaf roʾsh hateḥilah yehowdeh latefilah uvaqebuqeyah misheneh meʾeḥayw weʿavedaʾ ben־shamuaʿ ben־galal ben־ [yediytun kh] (yedutun׃ q)
18 כָּל־הַלְוִיִּם֙ בְּעִ֣יר הַקֹּ֔דֶשׁ מָאתַ֖יִם שְׁמֹנִ֥ים וְאַרְבָּעָֽה׃ פ kal־halewiyim beʿiyr haqodesh maʾtayim shemoniym weʾarebaʿah׃ f
19 וְהַשֹּֽׁועֲרִים֙ עַקּ֣וּב טַלְמֹ֔ון וַאֲחֵיהֶ֖ם הַשֹּׁמְרִ֣ים בַּשְּׁעָרִ֑ים מֵאָ֖ה שִׁבְעִ֥ים וּשְׁנָֽיִם׃ wehashowʿariym ʿaquv ṭalemown waʾaḥeyhem hashomeriym basheʿariym meʾah shiveʿiym ushenayim׃
20 וּשְׁאָ֨ר יִשְׂרָאֵ֜ל הַכֹּהֲנִ֤ים הַלְוִיִּם֙ בְּכָל־עָרֵ֣י יְהוּדָ֔ה אִ֖ישׁ בְּנַחֲלָתֹֽו׃ usheʾar yiseraʾel hakohaniym halewiyim bekhal־ʿarey yehudah ʾiysh benaḥalatow׃
21 וְהַנְּתִינִ֖ים יֹשְׁבִ֣ים בָּעֹ֑פֶל וְצִיחָ֥א וְגִשְׁפָּ֖א עַל־הַנְּתִינִֽים׃ פ wehanetiyniym yosheviym baʿofel wetsiyḥaʾ wegishepaʾ ʿal־hanetiyniym׃ f
22 וּפְקִ֤יד הַלְוִיִּם֙ בִּיר֣וּשָׁלִַ֔ם עֻזִּ֤י בֶן־בָּנִי֙ בֶּן־חֲשַׁבְיָ֔ה בֶּן־מַתַּנְיָ֖ה בֶּן־מִיכָ֑א מִבְּנֵ֤י אָסָף֙ הַמְשֹׁ֣רְרִ֔ים לְנֶ֖גֶד מְלֶ֥אכֶת בֵּית־הָאֱלֹהִֽים׃ ufeqiyd halewiyim biyrushalim ʿuziy ven־baniy ben־ḥashaveyah ben־mataneyah ben־miykhaʾ mibeney ʾasaf hameshoreriym leneged meleʾkhet beyt־haʾelohiym׃
23 כִּֽי־מִצְוַ֥ת הַמֶּ֖לֶךְ עֲלֵיהֶ֑ם וַאֲמָנָ֥ה עַל־הַמְשֹׁרְרִ֖ים דְּבַר־יֹ֥ום בְּיֹומֹֽו׃ kiy־mitsewat hamelekhe ʿaleyhem waʾamanah ʿal־hameshoreriym devar־yowm beyowmow׃
24 וּפְתַֽחְיָ֨ה בֶּן־מְשֵֽׁיזַבְאֵ֜ל מִבְּנֵי־זֶ֤רַח בֶּן־יְהוּדָה֙ לְיַ֣ד הַמֶּ֔לֶךְ לְכָל־דָּבָ֖ר לָעָֽם׃ ufetaḥeyah ben־mesheyzaveʾel mibeney־zeraḥ ben־yehudah leyad hamelekhe lekhal־davar laʿam׃
25 וְאֶל־הַחֲצֵרִ֖ים בִּשְׂדֹתָ֑ם מִבְּנֵ֣י יְהוּדָ֗ה יָֽשְׁב֞וּ בְּקִרְיַ֤ת הָֽאַרְבַּע֙ וּבְנֹתֶ֔יהָ וּבְדִיבֹן֙ וּבְנֹתֶ֔יהָ וּבִֽיקַּבְצְאֵ֖ל וַחֲצֵרֶֽיהָ׃ weʾel־haḥatseriym bisedotam mibeney yehudah yashevu beqireyat haʾarebaʿ uvenoteyha uvediyvon uvenoteyha uviyqavetseʾel waḥatsereyha׃
26 וּבְיֵשׁ֥וּעַ וּבְמֹולָדָ֖ה וּבְבֵ֥ית פָּֽלֶט׃ uveyeshuaʿ uvemowladah uveveyt paleṭ׃
27 וּבַחֲצַ֥ר שׁוּעָ֛ל וּבִבְאֵ֥ר שֶׁ֖בַע וּבְנֹתֶֽיהָ׃ uvaḥatsar shuʿal uviveʾer shevaʿ uvenoteyha׃
28 וּבְצִֽקְלַ֥ג וּבִמְכֹנָ֖ה וּבִבְנֹתֶֽיהָ׃ uvetsiqelag uvimekhonah uvivenoteyha׃
29 וּבְעֵ֥ין רִמֹּ֛ון וּבְצָרְעָ֖ה וּבְיַרְמֽוּת׃ uveʿeyn rimown uvetsareʿah uveyaremut׃
30 זָנֹ֤חַ עֲדֻלָּם֙ וְחַצְרֵיהֶ֔ם לָכִישׁ֙ וּשְׂדֹתֶ֔יהָ עֲזֵקָ֖ה וּבְנֹתֶ֑יהָ וַיַּחֲנ֥וּ מִבְּאֵֽר־שֶׁ֖בַע עַד־גֵּֽיא־הִנֹּֽם׃ zanoaḥ ʿadulam weḥatsereyhem lakhiysh usedoteyha ʿazeqah uvenoteyha wayaḥanu mibeʾer־shevaʿ ʿad־geyʾ־hinom׃
31 וּבְנֵ֥י בִנְיָמִ֖ן מִגָּ֑בַע מִכְמָ֣שׂ וְעַיָּ֔ה וּבֵֽית־אֵ֖ל וּבְנֹתֶֽיהָ׃ uveney vineyamin migavaʿ mikhemas weʿayah uveyt־ʾel uvenoteyha׃
32 עֲנָתֹ֥ות נֹ֖ב עֲנָֽנְיָֽה׃ ʿanatowt nov ʿananeyah׃
33 חָצֹ֥ור ׀ רָמָ֖ה גִּתָּֽיִם׃ ḥatsowr ׀ ramah gitayim׃
34 חָדִ֥יד צְבֹעִ֖ים נְבַלָּֽט׃ ḥadiyd tsevoʿiym nevalaṭ׃
35 לֹ֥ד וְאֹונֹ֖ו גֵּ֥י הַחֲרָשִֽׁים׃ lod weʾownow gey haḥarashiym׃
36 וּמִן־הַלְוִיִּ֔ם מַחְלְקֹ֥ות יְהוּדָ֖ה לְבִנְיָמִֽין׃ פ umin־halewiyim maḥeleqowt yehudah levineyamiyn׃ f