1 וְהָיָ֣ה אַֽחֲרֵי־כֵ֗ן אֶשְׁפֹּ֤וךְ אֶת־רוּחִי֙ עַל־כָּל־בָּשָׂ֔ר וְנִבְּא֖וּ בְּנֵיכֶ֣ם וּבְנֹֽותֵיכֶ֑ם זִקְנֵיכֶם֙ חֲלֹמֹ֣ות יַחֲלֹמ֔וּן בַּח֣וּרֵיכֶ֔ם חֶזְיֹנֹ֖ות יִרְאֽוּ׃ wehayah ʾaḥarey־khen ʾeshepowkhe ʾet־ruḥiy ʿal־kal־basar wenibeʾu beneykhem uvenowteykhem ziqeneykhem ḥalomowt yaḥalomun baḥureykhem ḥezeyonowt yireʾu׃
2 וְגַ֥ם עַל־הָֽעֲבָדִ֖ים וְעַל־הַשְּׁפָחֹ֑ות בַּיָּמִ֣ים הָהֵ֔מָּה אֶשְׁפֹּ֖וךְ אֶת־רוּחִֽי׃ wegam ʿal־haʿavadiym weʿal־hashefaḥowt bayamiym hahemah ʾeshepowkhe ʾet־ruḥiy׃
3 וְנָֽתַתִּי֙ מֹֽופְתִ֔ים בַּשָּׁמַ֖יִם וּבָאָ֑רֶץ דָּ֣ם וָאֵ֔שׁ וְתִֽימֲרֹ֖ות עָשָֽׁן׃ wenatatiy mowfetiym bashamayim uvaʾarets dam waʾesh wetiymarowt ʿashan׃
4 הַשֶּׁ֙מֶשׁ֙ יֵהָפֵ֣ךְ לְחֹ֔שֶׁךְ וְהַיָּרֵ֖חַ לְדָ֑ם לִפְנֵ֗י בֹּ֚וא יֹ֣ום יְהוָ֔ה הַגָּדֹ֖ול וְהַנֹּורָֽא׃ hashemesh yehafekhe leḥoshekhe wehayareaḥ ledam lifeney bowʾ yowm yehwah hagadowl wehanowraʾ׃
5 וְהָיָ֗ה כֹּ֧ל אֲשֶׁר־יִקְרָ֛א בְּשֵׁ֥ם יְהוָ֖ה יִמָּלֵ֑ט כִּ֠י בְּהַר־צִיֹּ֨ון וּבִירוּשָׁלִַ֜ם תִּֽהְיֶ֣ה פְלֵיטָ֗ה כַּֽאֲשֶׁר֙ אָמַ֣ר יְהוָ֔ה וּבַ֨שְּׂרִידִ֔ים אֲשֶׁ֥ר יְהוָ֖ה קֹרֵֽא׃ wehayah kol ʾasher־yiqeraʾ beshem yehwah yimaleṭ kiy behar־tsiyown uviyrushalim tiheyeh feleyṭah kaʾasher ʾamar yehwah uvaseriydiym ʾasher yehwah qoreʾ׃