Psaumes 27

¹ לְדָוִ֨ד ׀ יְהוָ֤ה ׀ אֹורִ֣י וְ֭יִשְׁעִי מִמִּ֣י אִירָ֑א יְהוָ֥ה מָֽעֹוז־חַ֝יַּ֗י מִמִּ֥י אֶפְחָֽד׃ ledawid ׀ yehwah ׀ ʾowriy weyisheʿiy mimiy ʾiyraʾ yehwah maʿowz־ḥayay mimiy ʾefeḥad׃

² בִּקְרֹ֤ב עָלַ֨י ׀ מְרֵעִים֮ לֶאֱכֹ֪ל אֶת־בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ׃ biqerov ʿalay ׀ mereʿiym leʾekhol ʾet־besariy tsaray weʾoyevay liy hemah khashelu wenafalu׃

³ אִם־תַּחֲנֶ֬ה עָלַ֨י ׀ מַחֲנֶה֮ לֹֽא־יִירָ֪א לִ֫בִּ֥י אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בֹוטֵֽחַ׃ ʾim־taḥaneh ʿalay ׀ maḥaneh loʾ־yiyraʾ libiy ʾim־taqum ʿalay mileḥamah bezoʾt ʾaniy vowṭeaḥ׃

⁴ אַחַ֤ת ׀ שָׁאַ֣לְתִּי מֵֽאֵת־יְהוָה֮ אֹותָ֪הּ אֲבַ֫קֵּ֥שׁ שִׁבְתִּ֣י בְּבֵית־יְ֭הוָה כָּל־יְמֵ֣י חַיַּ֑י לַחֲזֹ֥ות בְּנֹֽעַם־יְ֝הוָ֗ה וּלְבַקֵּ֥ר בְּהֵיכָלֹֽו׃ ʾaḥat ׀ shaʾaletiy meʾet־yehwah ʾowtah ʾavaqesh shivetiy beveyt־yehwah kal־yemey ḥayay laḥazowt benoʿam־yehwah ulevaqer beheykhalow׃

⁵ כִּ֤י יִצְפְּנֵ֨נִי ׀ בְּסֻכֹּה֮ בְּיֹ֪ום רָ֫עָ֥ה יַ֭סְתִּרֵנִי בְּסֵ֣תֶר אָהֳלֹ֑ו בְּ֝צ֗וּר יְרֹומְמֵֽנִי׃ kiy yitsepeneniy ׀ besukoh beyowm raʿah yasetireniy beseter ʾaholow betsur yerowmemeniy׃

⁶ וְעַתָּ֨ה יָר֪וּם רֹאשִׁ֡י עַ֤ל אֹֽיְבַ֬י סְֽבִיבֹותַ֗י וְאֶזְבְּחָ֣ה בְ֭אָהֳלֹו זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַיהוָֽה׃ weʿatah yarum roʾshiy ʿal ʾoyevay seviyvowtay weʾezebeḥah veʾaholow ziveḥey teruʿah ʾashiyrah waʾazamerah layhwah׃

⁷ שְׁמַע־יְהוָ֖ה קֹולִ֥י אֶקְרָ֗א וְחָנֵּ֥נִי וַעֲנֵֽנִי׃ shemaʿ־yehwah qowliy ʾeqeraʾ weḥaneniy waʿaneniy׃

⁸ לְךָ֤ ׀ אָמַ֣ר לִ֭בִּי בַּקְּשׁ֣וּ פָנָ֑י אֶת־פָּנֶ֖יךָ יְהוָ֣ה אֲבַקֵּֽשׁ׃ lekha ׀ ʾamar libiy baqeshu fanay ʾet־paneykha yehwah ʾavaqesh׃

⁹ אַל־תַּסְתֵּ֬ר פָּנֶ֨יךָ ׀ מִמֶּנִּי֮ אַֽל־תַּט־בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־תִּטְּשֵׁ֥נִי וְאַל־תַּֽ֝עַזְבֵ֗נִי אֱלֹהֵ֥י יִשְׁעִֽי׃ ʾal־taseter paneykha ׀ mimeniy ʾal־taṭ־beʾaf ʿavedekha ʿezeratiy hayiyta ʾal־tiṭesheniy weʾal־taʿazeveniy ʾelohey yisheʿiy׃

¹⁰ כִּי־אָבִ֣י וְאִמִּ֣י עֲזָב֑וּנִי וַֽיהוָ֣ה יַֽאַסְפֵֽנִי׃ kiy־ʾaviy weʾimiy ʿazavuniy wayhwah yaʾasefeniy׃

¹¹ הֹ֤ורֵ֥נִי יְהוָ֗ה דַּ֫רְכֶּ֥ךָ וּ֭נְחֵנִי בְּאֹ֣רַח מִישֹׁ֑ור לְ֝מַ֗עַן שֹׁורְרָֽי׃ howreniy yehwah darekekha uneḥeniy beʾoraḥ miyshowr lemaʿan showreray׃

¹² אַֽל־תִּ֭תְּנֵנִי בְּנֶ֣פֶשׁ צָרָ֑י כִּ֥י קָֽמוּ־בִ֥י עֵֽדֵישֶׁ֝֗־קֶר וִיפֵ֥חַ חָמָֽס׃ ʾal־titeneniy benefesh tsaray kiy qamu־viy ʿedeyshe־qer wiyfeaḥ ḥamas׃

¹³ לׄוּלֵ֗ׄאׄ הֶ֭אֱמַנְתִּי לִרְאֹ֥ות בְּֽטוּב־יְהוָ֗ה בְּאֶ֣רֶץ חַיִּֽים׃ luleʾ heʾemanetiy lireʾowt beṭuv־yehwah beʾerets ḥayiym׃

¹⁴ קַוֵּ֗ה אֶל־יְה֫וָ֥ה חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־יְהוָֽה׃ qaueh ʾel־yehwah ḥazaq weyaʾamets libekha weqaueh ʾel־yehwah׃