1 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
2 מַה־לָּכֶ֗ם אַתֶּם֙ מֹֽשְׁלִים֙ אֶת־הַמָּשָׁ֣ל הַזֶּ֔ה עַל־אַדְמַ֥ת יִשְׂרָאֵ֖ל לֵאמֹ֑ר אָבֹות֙ יֹ֣אכְלוּ בֹ֔סֶר וְשִׁנֵּ֥י הַבָּנִ֖ים תִּקְהֶֽינָה׃ mah־lakhem ʾatem mosheliym ʾet־hamashal hazeh ʿal־ʾademat yiseraʾel leʾmor ʾavowt yoʾkhelu voser weshiney habaniym tiqeheynah׃
3 חַי־אָ֕נִי נְאֻ֖ם אֲדֹנָ֣י יְהוִ֑ה אִם־יִֽהְיֶ֨ה לָכֶ֜ם עֹ֗וד מְשֹׁ֛ל הַמָּשָׁ֥ל הַזֶּ֖ה בְּיִשְׂרָאֵֽל׃ ḥay־ʾaniy neʾum ʾadonay yehwih ʾim־yiheyeh lakhem ʿowd meshol hamashal hazeh beyiseraʾel׃
4 הֵ֤ן כָּל־הַנְּפָשֹׁות֙ לִ֣י הֵ֔נָּה כְּנֶ֧פֶשׁ הָאָ֛ב וּכְנֶ֥פֶשׁ הַבֵּ֖ן לִי־הֵ֑נָּה הַנֶּ֥פֶשׁ הַחֹטֵ֖את הִ֥יא תָמֽוּת׃ ס hen kal־hanefashowt liy henah kenefesh haʾav ukhenefesh haben liy־henah hanefesh haḥoṭeʾt hiyʾ tamut׃ s
5 וְאִ֖ישׁ כִּי־יִהְיֶ֣ה צַדִּ֑יק וְעָשָׂ֥ה מִשְׁפָּ֖ט וּצְדָקָֽה׃ weʾiysh kiy־yiheyeh tsadiyq weʿasah mishepaṭ utsedaqah׃
6 אֶל־הֶֽהָרִים֙ לֹ֣א אָכָ֔ל וְעֵינָיו֙ לֹ֣א נָשָׂ֔א אֶל־גִּלּוּלֵ֖י בֵּ֣ית יִשְׂרָאֵ֑ל וְאֶת־אֵ֤שֶׁת רֵעֵ֙הוּ֙ לֹ֣א טִמֵּ֔א וְאֶל־אִשָּׁ֥ה נִדָּ֖ה לֹ֥א יִקְרָֽב׃ ʾel־hehariym loʾ ʾakhal weʿeynayw loʾ nasaʾ ʾel־giluley beyt yiseraʾel weʾet־ʾeshet reʿehu loʾ ṭimeʾ weʾel־ʾishah nidah loʾ yiqerav׃
7 וְאִישׁ֙ לֹ֣א יֹונֶ֔ה חֲבֹלָתֹ֥ו חֹוב֙ יָשִׁ֔יב גְּזֵלָ֖ה לֹ֣א יִגְזֹ֑ל לַחְמֹו֙ לְרָעֵ֣ב יִתֵּ֔ן וְעֵירֹ֖ם יְכַסֶּה־בָּֽגֶד׃ weʾiysh loʾ yowneh ḥavolatow ḥowv yashiyv gezelah loʾ yigezol laḥemow leraʿev yiten weʿeyrom yekhaseh־baged׃
8 בַּנֶּ֣שֶׁךְ לֹֽא־יִתֵּ֗ן וְתַרְבִּית֙ לֹ֣א יִקָּ֔ח מֵעָ֖וֶל יָשִׁ֣יב יָדֹ֑ו מִשְׁפַּ֤ט אֱמֶת֙ יַֽעֲשֶׂ֔ה בֵּ֥ין אִ֖ישׁ לְאִֽישׁ׃ baneshekhe loʾ־yiten wetarebiyt loʾ yiqaḥ meʿawel yashiyv yadow mishepaṭ ʾemet yaʿaseh beyn ʾiysh leʾiysh׃
9 בְּחֻקֹּותַ֧י יְהַלֵּ֛ךְ וּמִשְׁפָּטַ֥י שָׁמַ֖ר לַעֲשֹׂ֣ות אֱמֶ֑ת צַדִּ֥יק הוּא֙ חָיֹ֣ה יִֽחְיֶ֔ה נְאֻ֖ם אֲדֹנָ֥י יְהוִֽה׃ beḥuqowtay yehalekhe umishepaṭay shamar laʿasowt ʾemet tsadiyq huʾ ḥayoh yiḥeyeh neʾum ʾadonay yehwih׃
10 וְהֹולִ֥יד בֵּן־פָּרִ֖יץ שֹׁפֵ֣ךְ דָּ֑ם וְעָ֣שָׂה אָ֔ח מֵאַחַ֖ד מֵאֵֽלֶּה׃ wehowliyd ben־pariyts shofekhe dam weʿasah ʾaḥ meʾaḥad meʾeleh׃
11 וְה֕וּא אֶת־כָּל־אֵ֖לֶּה לֹ֣א עָשָׂ֑ה כִּ֣י גַ֤ם אֶל־הֶֽהָרִים֙ אָכַ֔ל וְאֶת־אֵ֥שֶׁת רֵעֵ֖הוּ טִמֵּֽא׃ wehuʾ ʾet־kal־ʾeleh loʾ ʿasah kiy gam ʾel־hehariym ʾakhal weʾet־ʾeshet reʿehu ṭimeʾ׃
12 עָנִ֤י וְאֶבְיֹון֙ הֹונָ֔ה גְּזֵלֹ֣ות גָּזָ֔ל חֲבֹ֖ל לֹ֣א יָשִׁ֑יב וְאֶל־הַגִּלּוּלִים֙ נָשָׂ֣א עֵינָ֔יו תֹּועֵבָ֖ה עָשָֽׂה׃ ʿaniy weʾeveyown hownah gezelowt gazal ḥavol loʾ yashiyv weʾel־hagiluliym nasaʾ ʿeynayw towʿevah ʿasah׃
13 בַּנֶּ֧שֶׁךְ נָתַ֛ן וְתַרְבִּ֥ית לָקַ֖ח וָחָ֑י לֹ֣א יִֽחְיֶ֗ה אֵ֣ת כָּל־הַתֹּועֵבֹ֤ות הָאֵ֙לֶּה֙ עָשָׂ֔ה מֹ֣ות יוּמָ֔ת דָּמָ֖יו בֹּ֥ו יִהְיֶֽה׃ baneshekhe natan wetarebiyt laqaḥ waḥay loʾ yiḥeyeh ʾet kal־hatowʿevowt haʾeleh ʿasah mowt yumat damayw bow yiheyeh׃
14 וְהִנֵּה֙ הֹולִ֣יד בֵּ֔ן וַיַּ֕רְא אֶת־כָּל־חַטֹּ֥את אָבִ֖יו אֲשֶׁ֣ר עָשָׂ֑ה וַיִּרְאֶ֕ה וְלֹ֥א יַעֲשֶׂ֖ה כָּהֵֽן׃ wehineh howliyd ben wayareʾ ʾet־kal־ḥaṭoʾt ʾaviyw ʾasher ʿasah wayireʾeh weloʾ yaʿaseh kahen׃
15 עַל־הֶֽהָרִים֙ לֹ֣א אָכָ֔ל וְעֵינָיו֙ לֹ֣א נָשָׂ֔א אֶל־גִּלּוּלֵ֖י בֵּ֣ית יִשְׂרָאֵ֑ל אֶת־אֵ֥שֶׁת רֵעֵ֖הוּ לֹ֥א טִמֵּֽא׃ ʿal־hehariym loʾ ʾakhal weʿeynayw loʾ nasaʾ ʾel־giluley beyt yiseraʾel ʾet־ʾeshet reʿehu loʾ ṭimeʾ׃
16 וְאִישׁ֙ לֹ֣א הֹונָ֔ה חֲבֹל֙ לֹ֣א חָבָ֔ל וּגְזֵלָ֖ה לֹ֣א גָזָ֑ל לַחְמֹו֙ לְרָעֵ֣ב נָתָ֔ן וְעֵרֹ֖ום כִּסָּה־בָֽגֶד׃ weʾiysh loʾ hownah ḥavol loʾ ḥaval ugezelah loʾ gazal laḥemow leraʿev natan weʿerowm kisah־vaged׃
17 מֵעָנִ֞י הֵשִׁ֣יב יָדֹ֗ו נֶ֤שֶׁךְ וְתַרְבִּית֙ לֹ֣א לָקָ֔ח מִשְׁפָּטַ֣י עָשָׂ֔ה בְּחֻקֹּותַ֖י הָלָ֑ךְ ה֗וּא לֹ֥א יָמ֛וּת בַּעֲוֹ֥ן אָבִ֖יו חָיֹ֥ה יִחְיֶֽה׃ meʿaniy heshiyv yadow neshekhe wetarebiyt loʾ laqaḥ mishepaṭay ʿasah beḥuqowtay halakhe huʾ loʾ yamut baʿaon ʾaviyw ḥayoh yiḥeyeh׃
18 אָבִ֞יו כִּֽי־עָ֣שַׁק עֹ֗שֶׁק גָּזַל֙ גֵּ֣זֶל אָ֔ח וַאֲשֶׁ֥ר לֹא־טֹ֛וב עָשָׂ֖ה בְּתֹ֣וךְ עַמָּ֑יו וְהִנֵּה־מֵ֖ת בַּעֲוֹנֹֽו׃ ʾaviyw kiy־ʿashaq ʿosheq gazal gezel ʾaḥ waʾasher loʾ־ṭowv ʿasah betowkhe ʿamayw wehineh־met baʿaonow׃
19 וַאֲמַרְתֶּ֕ם מַדֻּ֛עַ לֹא־נָשָׂ֥א הַבֵּ֖ן בַּעֲוֹ֣ן הָאָ֑ב וְהַבֵּ֞ן מִשְׁפָּ֧ט וּצְדָקָ֣ה עָשָׂ֗ה אֵ֣ת כָּל־חֻקֹּותַ֥י שָׁמַ֛ר וַיַּעֲשֶׂ֥ה אֹתָ֖ם חָיֹ֥ה יִחְיֶֽה׃ waʾamaretem maduaʿ loʾ־nasaʾ haben baʿaon haʾav wehaben mishepaṭ utsedaqah ʿasah ʾet kal־ḥuqowtay shamar wayaʿaseh ʾotam ḥayoh yiḥeyeh׃
20 הַנֶּ֥פֶשׁ הַחֹטֵ֖את הִ֣יא תָמ֑וּת בֵּ֞ן לֹא־יִשָּׂ֣א ׀ בַּעֲוֹ֣ן הָאָ֗ב וְאָב֙ לֹ֤א יִשָּׂא֙ בַּעֲוֹ֣ן הַבֵּ֔ן צִדְקַ֤ת הַצַּדִּיק֙ עָלָ֣יו תִּֽהְיֶ֔ה וְרִשְׁעַ֥ת [רָשָׁע כ] (הָרָשָׁ֖ע ק) עָלָ֥יו תִּֽהְיֶֽה׃ ס hanefesh haḥoṭeʾt hiyʾ tamut ben loʾ־yisaʾ ׀ baʿaon haʾav weʾav loʾ yisaʾ baʿaon haben tsideqat hatsadiyq ʿalayw tiheyeh werisheʿat [rashaʿ kh] (harashaʿ q) ʿalayw tiheyeh׃ s
21 וְהָרָשָׁ֗ע כִּ֤י יָשׁוּב֙ מִכָּל־ [חַטָּאתֹו כ] (חַטֹּאתָיו֙ ק) אֲשֶׁ֣ר עָשָׂ֔ה וְשָׁמַר֙ אֶת־כָּל־חֻקֹותַ֔י וְעָשָׂ֥ה מִשְׁפָּ֖ט וּצְדָקָ֑ה חָיֹ֥ה יִחְיֶ֖ה לֹ֥א יָמֽוּת׃ weharashaʿ kiy yashuv mikal־ [ḥaṭaʾtow kh] (ḥaṭoʾtayw q) ʾasher ʿasah weshamar ʾet־kal־ḥuqowtay weʿasah mishepaṭ utsedaqah ḥayoh yiḥeyeh loʾ yamut׃
22 כָּל־פְּשָׁעָיו֙ אֲשֶׁ֣ר עָשָׂ֔ה לֹ֥א יִזָּכְר֖וּ לֹ֑ו בְּצִדְקָתֹ֥ו אֲשֶׁר־עָשָׂ֖ה יִֽחְיֶֽה׃ kal־peshaʿayw ʾasher ʿasah loʾ yizakheru low betsideqatow ʾasher־ʿasah yiḥeyeh׃
23 הֶחָפֹ֤ץ אֶחְפֹּץ֙ מֹ֣ות רָשָׁ֔ע נְאֻ֖ם אֲדֹנָ֣י יְהוִ֑ה הֲלֹ֛וא בְּשׁוּבֹ֥ו מִדְּרָכָ֖יו וְחָיָֽה׃ ס heḥafots ʾeḥepots mowt rashaʿ neʾum ʾadonay yehwih halowʾ beshuvow miderakhayw weḥayah׃ s
24 וּבְשׁ֨וּב צַדִּ֤יק מִצִּדְקָתֹו֙ וְעָ֣שָׂה עָ֔וֶל כְּכֹ֨ל הַתֹּועֵבֹ֜ות אֲשֶׁר־עָשָׂ֧ה הָרָשָׁ֛ע יַעֲשֶׂ֖ה וָחָ֑י כָּל־ [צִדְקָתֹו כ] (צִדְקֹתָ֤יו ק) אֲשֶׁר־עָשָׂה֙ לֹ֣א תִזָּכַ֔רְנָה בְּמַעֲלֹ֧ו אֲשֶׁר־מָעַ֛ל וּבְחַטָּאתֹ֥ו אֲשֶׁר־חָטָ֖א בָּ֥ם יָמֽוּת׃ uveshuv tsadiyq mitsideqatow weʿasah ʿawel kekhol hatowʿevowt ʾasher־ʿasah harashaʿ yaʿaseh waḥay kal־ [tsideqatow kh] (tsideqotayw q) ʾasher־ʿasah loʾ tizakharenah bemaʿalow ʾasher־maʿal uveḥaṭaʾtow ʾasher־ḥaṭaʾ bam yamut׃
25 וַאֲמַרְתֶּ֕ם לֹ֥א יִתָּכֵ֖ן דֶּ֣רֶךְ אֲדֹנָ֑י שִׁמְעוּ־נָא֙ בֵּ֣ית יִשְׂרָאֵ֔ל הֲדַרְכִּי֙ לֹ֣א יִתָּכֵ֔ן הֲלֹ֥א דַרְכֵיכֶ֖ם לֹ֥א יִתָּכֵֽנוּ׃ waʾamaretem loʾ yitakhen derekhe ʾadonay shimeʿu־naʾ beyt yiseraʾel hadarekiy loʾ yitakhen haloʾ darekheykhem loʾ yitakhenu׃
26 בְּשׁוּב־צַדִּ֧יק מִצִּדְקָתֹ֛ו וְעָ֥שָׂה עָ֖וֶל וּמֵ֣ת עֲלֵיהֶ֑ם בְּעַוְלֹ֥ו אֲשֶׁר־עָשָׂ֖ה יָמֽוּת׃ ס beshuv־tsadiyq mitsideqatow weʿasah ʿawel umet ʿaleyhem beʿawelow ʾasher־ʿasah yamut׃ s
27 וּבְשׁ֣וּב רָשָׁ֗ע מֵֽרִשְׁעָתֹו֙ אֲשֶׁ֣ר עָשָׂ֔ה וַיַּ֥עַשׂ מִשְׁפָּ֖ט וּצְדָקָ֑ה ה֖וּא אֶת־נַפְשֹׁ֥ו יְחַיֶּֽה׃ uveshuv rashaʿ merisheʿatow ʾasher ʿasah wayaʿas mishepaṭ utsedaqah huʾ ʾet־nafeshow yeḥayeh׃
28 וַיִּרְאֶ֣ה [וַיָּשֹׁוב כ] (וַיָּ֔שָׁב ק) מִכָּל־פְּשָׁעָ֖יו אֲשֶׁ֣ר עָשָׂ֑ה חָיֹ֥ו יִחְיֶ֖ה לֹ֥א יָמֽוּת׃ wayireʾeh [wayashowv kh] (wayashav q) mikal־peshaʿayw ʾasher ʿasah ḥayow yiḥeyeh loʾ yamut׃
29 וְאָֽמְרוּ֙ בֵּ֣ית יִשְׂרָאֵ֔ל לֹ֥א יִתָּכֵ֖ן דֶּ֣רֶךְ אֲדֹנָ֑י הַדְּרָכַ֞י לֹ֤א יִתָּֽכְנּוּ֙ בֵּ֣ית יִשְׂרָאֵ֔ל הֲלֹ֥א דַרְכֵיכֶ֖ם לֹ֥א יִתָּכֵֽן׃ weʾameru beyt yiseraʾel loʾ yitakhen derekhe ʾadonay haderakhay loʾ yitakhenu beyt yiseraʾel haloʾ darekheykhem loʾ yitakhen׃
30 לָכֵן֩ אִ֨ישׁ כִּדְרָכָ֜יו אֶשְׁפֹּ֤ט אֶתְכֶם֙ בֵּ֣ית יִשְׂרָאֵ֔ל נְאֻ֖ם אֲדֹנָ֣י יְהוִ֑ה שׁ֤וּבוּ וְהָשִׁ֙יבוּ֙ מִכָּל־פִּשְׁעֵיכֶ֔ם וְלֹֽא־יִהְיֶ֥ה לָכֶ֛ם לְמִכְשֹׁ֖ול עָוֹֽן׃ lakhen ʾiysh kiderakhayw ʾeshepoṭ ʾetekhem beyt yiseraʾel neʾum ʾadonay yehwih shuvu wehashiyvu mikal־pisheʿeykhem weloʾ־yiheyeh lakhem lemikheshowl ʿaon׃
31 הַשְׁלִ֣יכוּ מֵעֲלֵיכֶ֗ם אֶת־כָּל־פִּשְׁעֵיכֶם֙ אֲשֶׁ֣ר פְּשַׁעְתֶּ֣ם בָּ֔ם וַעֲשׂ֥וּ לָכֶ֛ם לֵ֥ב חָדָ֖שׁ וְר֣וּחַ חֲדָשָׁ֑ה וְלָ֥מָּה תָמֻ֖תוּ בֵּ֥ית יִשְׂרָאֵֽל׃ hasheliykhu meʿaleykhem ʾet־kal־pisheʿeykhem ʾasher peshaʿetem bam waʿasu lakhem lev ḥadash weruaḥ ḥadashah welamah tamutu beyt yiseraʾel׃
32 כִּ֣י לֹ֤א אֶחְפֹּץ֙ בְּמֹ֣ות הַמֵּ֔ת נְאֻ֖ם אֲדֹנָ֣י יְהוִ֑ה וְהָשִׁ֖יבוּ וִֽחְיֽוּ׃ פ kiy loʾ ʾeḥepots bemowt hamet neʾum ʾadonay yehwih wehashiyvu wiḥeyu׃ f