Ésaïe 31

¹ הֹ֣וי הַיֹּרְדִ֤ים מִצְרַ֙יִם֙ לְעֶזְרָ֔ה עַל־סוּסִ֖ים יִשָּׁעֵ֑נוּ וַיִּבְטְח֨וּ עַל־רֶ֜כֶב כִּ֣י רָ֗ב וְעַ֤ל פָּֽרָשִׁים֙ כִּֽי־עָצְמ֣וּ מְאֹ֔ד וְלֹ֤א שָׁעוּ֙ עַל־קְדֹ֣ושׁ יִשְׂרָאֵ֔ל וְאֶת־יְהוָ֖ה לֹ֥א דָרָֽשׁוּ׃ howy hayorediym mitserayim leʿezerah ʿal־susiym yishaʿenu wayiveṭeḥu ʿal־rekhev kiy rav weʿal parashiym kiy־ʿatsemu meʾod weloʾ shaʿu ʿal־qedowsh yiseraʾel weʾet־yehwah loʾ darashu׃

² וְגַם־ה֤וּא חָכָם֙ וַיָּ֣בֵא רָ֔ע וְאֶת־דְּבָרָ֖יו לֹ֣א הֵסִ֑יר וְקָם֙ עַל־בֵּ֣ית מְרֵעִ֔ים וְעַל־עֶזְרַ֖ת פֹּ֥עֲלֵי אָֽוֶן׃ wegam־huʾ ḥakham wayaveʾ raʿ weʾet־devarayw loʾ hesiyr weqam ʿal־beyt mereʿiym weʿal־ʿezerat poʿaley ʾawen׃

³ וּמִצְרַ֤יִם אָדָם֙ וְֽלֹא־אֵ֔ל וְסוּסֵיהֶ֥ם בָּשָׂ֖ר וְלֹא־ר֑וּחַ וַֽיהוָ֞ה יַטֶּ֣ה יָדֹ֗ו וְכָשַׁ֤ל עֹוזֵר֙ וְנָפַ֣ל עָזֻ֔ר וְיַחְדָּ֖ו כֻּלָּ֥ם יִכְלָיֽוּן׃ ס umitserayim ʾadam weloʾ־ʾel wesuseyhem basar weloʾ־ruaḥ wayhwah yaṭeh yadow wekhashal ʿowzer wenafal ʿazur weyaḥedaw kulam yikhelayun׃ s

⁴ כִּ֣י כֹ֣ה אָֽמַר־יְהוָ֣ה ׀ אֵלַ֡י כַּאֲשֶׁ֣ר יֶהְגֶּה֩ הָאַרְיֵ֨ה וְהַכְּפִ֜יר עַל־טַרְפֹּ֗ו אֲשֶׁ֨ר יִקָּרֵ֤א עָלָיו֙ מְלֹ֣א רֹעִ֔ים מִקֹּולָם֙ לֹ֣א יֵחָ֔ת וּמֵֽהֲמֹונָ֖ם לֹ֣א יַֽעֲנֶ֑ה כֵּ֗ן יֵרֵד֙ יְהוָ֣ה צְבָאֹ֔ות לִצְבֹּ֥א עַל־הַר־צִיֹּ֖ון וְעַל־גִּבְעָתָֽהּ׃ kiy khoh ʾamar־yehwah ׀ ʾelay kaʾasher yehegeh haʾareyeh wehakefiyr ʿal־ṭarepow ʾasher yiqareʾ ʿalayw meloʾ roʿiym miqowlam loʾ yeḥat umehamownam loʾ yaʿaneh ken yered yehwah tsevaʾowt litseboʾ ʿal־har־tsiyown weʿal־giveʿatah׃

⁵ כְּצִפֳּרִ֣ים עָפֹ֔ות כֵּ֗ן יָגֵ֛ן יְהוָ֥ה צְבָאֹ֖ות עַל־יְרֽוּשָׁלִָ֑ם גָּנֹ֥ון וְהִצִּ֖יל פָּסֹ֥חַ וְהִמְלִֽיט׃ ketsiporiym ʿafowt ken yagen yehwah tsevaʾowt ʿal־yerushalim ganown wehitsiyl pasoaḥ wehimeliyṭ׃

⁶ שׁ֗וּבוּ לַאֲשֶׁ֛ר הֶעְמִ֥יקוּ סָרָ֖ה בְּנֵ֥י יִשְׂרָאֵֽל׃ shuvu laʾasher heʿemiyqu sarah beney yiseraʾel׃

⁷ כִּ֚י בַּיֹּ֣ום הַה֔וּא יִמְאָס֗וּן אִ֚ישׁ אֱלִילֵ֣י כַסְפֹּ֔ו וֶאֱלִילֵ֖י זְהָבֹ֑ו אֲשֶׁ֨ר עָשׂ֥וּ לָכֶ֛ם יְדֵיכֶ֖ם חֵֽטְא׃ kiy bayowm hahuʾ yimeʾasun ʾiysh ʾeliyley khasepow weʾeliyley zehavow ʾasher ʿasu lakhem yedeykhem ḥeṭeʾ׃

⁸ וְנָפַ֤ל אַשּׁוּר֙ בְּחֶ֣רֶב לֹא־אִ֔ישׁ וְחֶ֥רֶב לֹֽא־אָדָ֖ם תֹּֽאכֲלֶ֑נּוּ וְנָ֥ס לֹו֙ מִפְּנֵי־חֶ֔רֶב וּבַחוּרָ֖יו לָמַ֥ס יִהְיֽוּ׃ wenafal ʾashur beḥerev loʾ־ʾiysh weḥerev loʾ־ʾadam toʾkhalenu wenas low mipeney־ḥerev uvaḥurayw lamas yiheyu׃

⁹ וְסַלְעֹו֙ מִמָּגֹ֣ור יַֽעֲבֹ֔ור וְחַתּ֥וּ מִנֵּ֖ס שָׂרָ֑יו נְאֻם־יְהוָ֗ה אֲשֶׁר־א֥וּר לֹו֙ בְּצִיֹּ֔ון וְתַנּ֥וּר לֹ֖ו בִּירוּשָׁלִָֽם׃ ס wesaleʿow mimagowr yaʿavowr weḥatu mines sarayw neʾum־yehwah ʾasher־ʾur low betsiyown wetanur low biyrushalim׃ s