Osée 13

¹ כְּדַבֵּ֤ר אֶפְרַ֙יִם֙ רְתֵ֔ת נָשָׂ֥א ה֖וּא בְּיִשְׂרָאֵ֑ל וַיֶּאְשַׁ֥ם בַּבַּ֖עַל וַיָּמֹֽת׃ kedaber ʾeferayim retet nasaʾ huʾ beyiseraʾel wayeʾesham babaʿal wayamot׃

² וְעַתָּ֣ה ׀ יֹוסִ֣פוּ לַחֲטֹ֗א וַיַּעְשׂ֣וּ לָהֶם֩ מַסֵּכָ֨ה מִכַּסְפָּ֤ם כִּתְבוּנָם֙ עֲצַבִּ֔ים מַעֲשֵׂ֥ה חָרָשִׁ֖ים כֻּלֹּ֑ה לָהֶם֙ הֵ֣ם אֹמְרִ֔ים זֹבְחֵ֣י אָדָ֔ם עֲגָלִ֖ים יִשָּׁקֽוּן׃ weʿatah ׀ yowsifu laḥaṭoʾ wayaʿesu lahem masekhah mikasepam kitevunam ʿatsabiym maʿaseh ḥarashiym kuloh lahem hem ʾomeriym zoveḥey ʾadam ʿagaliym yishaqun׃

³ לָכֵ֗ן יִֽהְיוּ֙ כַּעֲנַן־בֹּ֔קֶר וְכַטַּ֖ל מַשְׁכִּ֣ים הֹלֵ֑ךְ כְּמֹץ֙ יְסֹעֵ֣ר מִגֹּ֔רֶן וּכְעָשָׁ֖ן מֵאֲרֻבָּֽה׃ lakhen yiheyu kaʿanan־boqer wekhaṭal mashekiym holekhe kemots yesoʿer migoren ukheʿashan meʾarubah׃

⁴ וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם וֵאלֹהִ֤ים זֽוּלָתִי֙ לֹ֣א תֵדָ֔ע וּמֹושִׁ֥יעַ אַ֖יִן בִּלְתִּֽי׃ weʾanokhiy yehwah ʾeloheykha meʾerets mitserayim weʾlohiym zulatiy loʾ tedaʿ umowshiyʿa ʾayin biletiy׃

⁵ אֲנִ֥י יְדַעְתִּ֖יךָ בַּמִּדְבָּ֑ר בְּאֶ֖רֶץ תַּלְאֻבֹֽות׃ ʾaniy yedaʿetiykha bamidebar beʾerets taleʾuvowt׃

⁶ כְּמַרְעִיתָם֙ וַיִּשְׂבָּ֔עוּ שָׂבְע֖וּ וַיָּ֣רָם לִבָּ֑ם עַל־כֵּ֖ן שְׁכֵחֽוּנִי׃ kemareʿiytam wayisebaʿu saveʿu wayaram libam ʿal־ken shekheḥuniy׃

⁷ וָאֱהִ֥י לָהֶ֖ם כְּמֹו־שָׁ֑חַל כְּנָמֵ֖ר עַל־דֶּ֥רֶךְ אָשֽׁוּר׃ waʾehiy lahem kemow־shaḥal kenamer ʿal־derekhe ʾashur׃

⁸ אֶפְגְּשֵׁם֙ כְּדֹ֣ב שַׁכּ֔וּל וְאֶקְרַ֖ע סְגֹ֣ור לִבָּ֑ם וְאֹכְלֵ֥ם שָׁם֙ כְּלָבִ֔יא חַיַּ֥ת הַשָּׂדֶ֖ה תְּבַקְּעֵֽם׃ ʾefegeshem kedov shakul weʾeqeraʿ segowr libam weʾokhelem sham kelaviyʾ ḥayat hasadeh tevaqeʿem׃

⁹ שִֽׁחֶתְךָ֥ יִשְׂרָאֵ֖ל כִּֽי־בִ֥י בְעֶזְרֶֽךָ׃ shiḥetekha yiseraʾel kiy־viy veʿezerekha׃

¹⁰ אֱהִ֤י מַלְכְּךָ֙ אֵפֹ֔וא וְיֹושִֽׁיעֲךָ֖ בְּכָל־עָרֶ֑יךָ וְשֹׁ֣פְטֶ֔יךָ אֲשֶׁ֣ר אָמַ֔רְתָּ תְּנָה־לִּ֖י מֶ֥לֶךְ וְשָׂרִֽים׃ ʾehiy malekekha ʾefowʾ weyowshiyʿakha bekhal־ʿareykha weshofeṭeykha ʾasher ʾamareta tenah־liy melekhe wesariym׃

¹¹ אֶֽתֶּן־לְךָ֥ מֶ֙לֶךְ֙ בְּאַפִּ֔י וְאֶקַּ֖ח בְּעֶבְרָתִֽי׃ ס ʾeten־lekha melekhe beʾapiy weʾeqaḥ beʿeveratiy׃ s

¹² צָרוּר֙ עֲוֹ֣ן אֶפְרָ֔יִם צְפוּנָ֖ה חַטָּאתֹֽו׃ tsarur ʿaon ʾeferayim tsefunah ḥaṭaʾtow׃

¹³ חֶבְלֵ֥י יֹֽולֵדָ֖ה יָבֹ֣אוּ לֹ֑ו הוּא־בֵן֙ לֹ֣א חָכָ֔ם כִּֽי־עֵ֥ת לֹֽא־יַעֲמֹ֖ד בְּמִשְׁבַּ֥ר בָּנִֽים׃ ḥeveley yowledah yavoʾu low huʾ־ven loʾ ḥakham kiy־ʿet loʾ־yaʿamod bemishebar baniym׃

¹⁴ מִיַּ֤ד שְׁאֹול֙ אֶפְדֵּ֔ם מִמָּ֖וֶת אֶגְאָלֵ֑ם אֱהִ֨י דְבָרֶיךָ֜ מָ֗וֶת אֱהִ֤י קָֽטָבְךָ֙ שְׁאֹ֔ול נֹ֖חַם יִסָּתֵ֥ר מֵעֵינָֽי׃ miyad sheʾowl ʾefedem mimawet ʾegeʾalem ʾehiy devareykha mawet ʾehiy qaṭavekha sheʾowl noḥam yisater meʿeynay׃

¹⁵ כִּ֣י ה֔וּא בֵּ֥ן אַחִ֖ים יַפְרִ֑יא יָבֹ֣וא קָדִים֩ ר֨וּחַ יְהוָ֜ה מִמִּדְבָּ֣ר עֹלֶ֗ה וְיֵבֹ֤ושׁ מְקֹורֹו֙ וְיֶחֱרַ֣ב מַעְיָנֹ֔ו ה֣וּא יִשְׁסֶ֔ה אֹוצַ֖ר כָּל־כְּלִ֥י חֶמְדָּֽה׃ kiy huʾ ben ʾaḥiym yaferiyʾ yavowʾ qadiym ruaḥ yehwah mimidebar ʿoleh weyevowsh meqowrow weyeḥerav maʿeyanow huʾ yisheseh ʾowtsar kal־keliy ḥemedah׃