Psaumes 60

¹ לַ֭מְנַצֵּחַ עַל־שׁוּשַׁ֣ן עֵד֑וּת מִכְתָּ֖ם לְדָוִ֣ד לְלַמֵּֽד׃ lamenatseaḥ ʿal־shushan ʿedut mikhetam ledawid lelamed׃

² בְּהַצֹּותֹ֨ו ׀ אֶ֥ת אֲרַ֣ם נַהֲרַיִם֮ וְאֶת־אֲרַ֪ם צֹ֫ובָ֥ה וַיָּ֤שָׁב יֹואָ֗ב וַיַּ֣ךְ אֶת־אֱדֹ֣ום בְּגֵיא־מֶ֑לַח שְׁנֵ֖ים עָשָׂ֣ר אָֽלֶף׃ behatsowtow ׀ ʾet ʾaram naharayim weʾet־ʾaram tsowvah wayashav yowʾav wayakhe ʾet־ʾedowm begeyʾ־melaḥ sheneym ʿasar ʾalef׃

³ אֱ֭לֹהִים זְנַחְתָּ֣נוּ פְרַצְתָּ֑נוּ אָ֝נַ֗פְתָּ תְּשֹׁ֣ובֵ֥ב לָֽנוּ׃ ʾelohiym zenaḥetanu feratsetanu ʾanafeta teshowvev lanu׃

⁴ הִרְעַ֣שְׁתָּה אֶ֣רֶץ פְּצַמְתָּ֑הּ רְפָ֖ה שְׁבָרֶ֣יהָ כִי־מָֽטָה׃ hireʿashetah ʾerets petsametah refah shevareyha khiy־maṭah׃

⁵ הִרְאִ֣יתָה עַמְּךָ֣ קָשָׁ֑ה הִ֝שְׁקִיתָ֗נוּ יַ֣יִן תַּרְעֵלָֽה׃ hireʾiytah ʿamekha qashah hisheqiytanu yayin tareʿelah׃

⁶ נָ֘תַ֤תָּה לִּירֵאֶ֣יךָ נֵּ֭ס לְהִתְנֹוסֵ֑ס מִ֝פְּנֵ֗י קֹ֣שֶׁט סֶֽלָה׃ natatah liyreʾeykha nes lehitenowses mipeney qosheṭ selah׃

⁷ לְ֭מַעַן יֵחָלְצ֣וּן יְדִידֶ֑יךָ הֹושִׁ֖יעָה יְמִֽינְךָ֣ [וַעֲנֵנוּ כ] (וַעֲנֵֽנִי׃ ק) lemaʿan yeḥaletsun yediydeykha howshiyʿah yemiynekha [waʿanenu kh] (waʿaneniy׃ q)

⁸ אֱלֹהִ֤ים ׀ דִּבֶּ֥ר בְּקָדְשֹׁ֗ו אֶ֫עְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכֹּ֣ות אֲמַדֵּֽד׃ ʾelohiym ׀ diber beqadeshow ʾeʿelozah ʾaḥaleqah shekhem weʿemeq sukowt ʾamaded׃

⁹ לִ֤י גִלְעָ֨ד ׀ וְלִ֬י מְנַשֶּׁ֗ה וְ֭אֶפְרַיִם מָעֹ֣וז רֹאשִׁ֑י יְ֝הוּדָ֗ה מְחֹֽקְקִי׃ liy gileʿad ׀ weliy menasheh weʾeferayim maʿowz roʾshiy yehudah meḥoqeqiy׃

¹⁰ מֹואָ֤ב ׀ סִ֬יר רַחְצִ֗י עַל־אֱ֭דֹום אַשְׁלִ֣יךְ נַעֲלִ֑י עָ֝לַ֗י פְּלֶ֣שֶׁת הִתְרֹעָֽעִֽי׃ mowʾav ׀ siyr raḥetsiy ʿal־ʾedowm ʾasheliykhe naʿaliy ʿalay peleshet hiteroʿaʿiy׃

¹¹ מִ֣י יֹ֭בִלֵנִי עִ֣יר מָצֹ֑ור מִ֖י נָחַ֣נִי עַד־אֱדֹֽום׃ miy yovileniy ʿiyr matsowr miy naḥaniy ʿad־ʾedowm׃

¹² הֲלֹֽא־אַתָּ֣ה אֱלֹהִ֣ים זְנַחְתָּ֑נוּ וְֽלֹא־תֵצֵ֥א אֱ֝לֹהִ֗ים בְּצִבְאֹותֵֽינוּ׃ haloʾ־ʾatah ʾelohiym zenaḥetanu weloʾ־tetseʾ ʾelohiym betsiveʾowteynu׃

¹³ הָֽבָה־לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָם ׃ havah־lanu ʿezerat mitsar weshaweʾ teshuʿat ʾadam ׃

¹⁴ בֵּֽאלֹהִ֥ים נַעֲשֶׂה־חָ֑יִל וְ֝ה֗וּא יָב֥וּס צָרֵֽינוּ׃ beʾlohiym naʿaseh־ḥayil wehuʾ yavus tsareynu׃