Ézéchiel 48

¹ וְאֵ֖לֶּה שְׁמֹ֣ות הַשְּׁבָטִ֑ים מִקְצֵ֣ה צָפֹ֡ונָה אֶל־יַ֣ד דֶּֽרֶךְ־חֶתְלֹ֣ן ׀ לְֽבֹוא־חֲמָ֡ת חֲצַ֣ר עֵינָן֩ גְּב֨וּל דַּמֶּ֤שֶׂק צָפֹ֙ונָה֙ אֶל־יַ֣ד חֲמָ֔ת וְהָיוּ־לֹ֧ו פְאַת־קָדִ֛ים הַיָּ֖ם דָּ֥ן אֶחָֽד׃ weʾeleh shemowt hashevaṭiym miqetseh tsafownah ʾel־yad derekhe־ḥetelon ׀ levowʾ־ḥamat ḥatsar ʿeynan gevul dameseq tsafownah ʾel־yad ḥamat wehayu־low feʾat־qadiym hayam dan ʾeḥad׃

² וְעַ֣ל ׀ גְּב֣וּל דָּ֗ן מִפְּאַ֥ת קָדִ֛ים עַד־פְּאַת־יָ֖מָּה אָשֵׁ֥ר אֶחָֽד׃ weʿal ׀ gevul dan mipeʾat qadiym ʿad־peʾat־yamah ʾasher ʾeḥad׃

³ וְעַ֣ל ׀ גְּב֣וּל אָשֵׁ֗ר מִפְּאַ֥ת קָדִ֛ימָה וְעַד־פְּאַת־יָ֖מָּה נַפְתָּלִ֥י אֶחָֽד׃ weʿal ׀ gevul ʾasher mipeʾat qadiymah weʿad־peʾat־yamah nafetaliy ʾeḥad׃

⁴ וְעַ֣ל ׀ גְּב֣וּל נַפְתָּלִ֗י מִפְּאַ֥ת קָדִ֛מָה עַד־פְּאַת־יָ֖מָּה מְנַשֶּׁ֥ה אֶחָֽד׃ weʿal ׀ gevul nafetaliy mipeʾat qadimah ʿad־peʾat־yamah menasheh ʾeḥad׃

⁵ וְעַ֣ל ׀ גְּב֣וּל מְנַשֶּׁ֗ה מִפְּאַ֥ת קָדִ֛מָה עַד־פְּאַת־יָ֖מָּה אֶפְרַ֥יִם אֶחָֽד׃ weʿal ׀ gevul menasheh mipeʾat qadimah ʿad־peʾat־yamah ʾeferayim ʾeḥad׃

⁶ וְעַ֣ל ׀ גְּב֣וּל אֶפְרַ֗יִם מִפְּאַ֥ת קָדִ֛ים וְעַד־פְּאַת־יָ֖מָּה רְאוּבֵ֥ן אֶחָֽד׃ weʿal ׀ gevul ʾeferayim mipeʾat qadiym weʿad־peʾat־yamah reʾuven ʾeḥad׃

⁷ וְעַ֣ל ׀ גְּב֣וּל רְאוּבֵ֗ן מִפְּאַ֥ת קָדִ֛ים עַד־פְּאַת־יָ֖מָּה יְהוּדָ֥ה אֶחָֽד׃ weʿal ׀ gevul reʾuven mipeʾat qadiym ʿad־peʾat־yamah yehudah ʾeḥad׃

⁸ וְעַל֙ גְּב֣וּל יְהוּדָ֔ה מִפְּאַ֥ת קָדִ֖ים עַד־פְּאַת־יָ֑מָּה תִּהְיֶ֣ה הַתְּרוּמָ֣ה אֲ‍ֽשֶׁר־תָּרִ֡ימוּ חֲמִשָּׁה֩ וְעֶשְׂרִ֨ים אֶ֜לֶף רֹ֗חַב וְאֹ֜רֶךְ כְּאַחַ֤ד הַחֲלָקִים֙ מִפְּאַ֤ת קָדִ֙ימָה֙ עַד־פְּאַת־יָ֔מָּה וְהָיָ֥ה הַמִּקְדָּ֖שׁ בְּתֹוכֹֽו׃ weʿal gevul yehudah mipeʾat qadiym ʿad־peʾat־yamah tiheyeh haterumah א‍sher־tariymu ḥamishah weʿeseriym ʾelef roḥav weʾorekhe keʾaḥad haḥalaqiym mipeʾat qadiymah ʿad־peʾat־yamah wehayah hamiqedash betowkhow׃

⁹ הַתְּרוּמָ֕ה אֲשֶׁ֥ר תָּרִ֖ימוּ לַֽיהוָ֑ה אֹ֗רֶךְ חֲמִשָּׁ֤ה וְעֶשְׂרִים֙ אֶ֔לֶף וְרֹ֖חַב עֲשֶׂ֥רֶת אֲלָפִֽים׃ haterumah ʾasher tariymu layhwah ʾorekhe ḥamishah weʿeseriym ʾelef weroḥav ʿaseret ʾalafiym׃

¹⁰ וּ֠לְאֵ֜לֶּה תִּהְיֶ֣ה תְרֽוּמַת־הַקֹּדֶשׁ֮ לַכֹּֽהֲנִים֒ צָפֹ֜ונָה חֲמִשָּׁ֧ה וְעֶשְׂרִ֣ים אֶ֗לֶף וְיָ֙מָּה֙ רֹ֚חַב עֲשֶׂ֣רֶת אֲלָפִ֔ים וְקָדִ֗ימָה רֹ֚חַב עֲשֶׂ֣רֶת אֲלָפִ֔ים וְנֶ֕גְבָּה אֹ֕רֶךְ חֲמִשָּׁ֥ה וְעֶשְׂרִ֖ים אָ֑לֶף וְהָיָ֥ה מִקְדַּשׁ־יְהוָ֖ה בְּתֹוכֹֽו׃ uleʾeleh tiheyeh terumat־haqodesh lakohaniym tsafownah ḥamishah weʿeseriym ʾelef weyamah roḥav ʿaseret ʾalafiym weqadiymah roḥav ʿaseret ʾalafiym wenegebah ʾorekhe ḥamishah weʿeseriym ʾalef wehayah miqedash־yehwah betowkhow׃

¹¹ לַכֹּהֲנִ֤ים הַֽמְקֻדָּשׁ֙ מִבְּנֵ֣י צָדֹ֔וק אֲשֶׁ֥ר שָׁמְר֖וּ מִשְׁמַרְתִּ֑י אֲשֶׁ֣ר לֹֽא־תָע֗וּ בִּתְעֹות֙ בְּנֵ֣י יִשְׂרָאֵ֔ל כַּאֲשֶׁ֥ר תָּע֖וּ הַלְוִיִּֽם׃ ס lakohaniym hamequdash mibeney tsadowq ʾasher shameru mishemaretiy ʾasher loʾ־taʿu biteʿowt beney yiseraʾel kaʾasher taʿu halewiyim׃ s

¹² וְהָיְתָ֨ה לָהֶ֧ם תְּרוּמִיָּ֛ה מִתְּרוּמַ֥ת הָאָ֖רֶץ קֹ֣דֶשׁ קָדָשִׁ֑ים אֶל־גְּב֖וּל הַלְוִיִּֽם׃ wehayetah lahem terumiyah miterumat haʾarets qodesh qadashiym ʾel־gevul halewiyim׃

¹³ וְהַלְוִיִּ֗ם לְעֻמַּת֙ גְּב֣וּל הַכֹּהֲנִ֔ים חֲמִשָּׁ֨ה וְעֶשְׂרִ֥ים אֶ֙לֶף֙ אֹ֔רֶךְ וְרֹ֖חַב עֲשֶׂ֣רֶת אֲלָפִ֑ים כָּל־אֹ֗רֶךְ חֲמִשָּׁ֤ה וְעֶשְׂרִים֙ אֶ֔לֶף וְרֹ֖חַב עֲשֶׂ֥רֶת אֲלָפִֽים׃ wehalewiyim leʿumat gevul hakohaniym ḥamishah weʿeseriym ʾelef ʾorekhe weroḥav ʿaseret ʾalafiym kal־ʾorekhe ḥamishah weʿeseriym ʾelef weroḥav ʿaseret ʾalafiym׃

¹⁴ וְלֹא־יִמְכְּר֣וּ מִמֶּ֗נּוּ וְלֹ֥א יָמֵ֛ר וְלֹ֥א [יַעֲבוּר כ] (יַעֲבִ֖יר ק) רֵאשִׁ֣ית הָאָ֑רֶץ כִּי־קֹ֖דֶשׁ לַיהוָֽה׃ weloʾ־yimekeru mimenu weloʾ yamer weloʾ [yaʿavur kh] (yaʿaviyr q) reʾshiyt haʾarets kiy־qodesh layhwah׃

¹⁵ וַחֲמֵ֨שֶׁת אֲלָפִ֜ים הַנֹּותָ֣ר בָּרֹ֗חַב עַל־פְּנֵ֨י חֲמִשָּׁ֤ה וְעֶשְׂרִים֙ אֶ֔לֶף חֹֽל־ה֣וּא לָעִ֔יר לְמֹושָׁ֖ב וּלְמִגְרָ֑שׁ וְהָיְתָ֥ה הָעִ֖יר [בְּתֹוכֹה כ] (בְּתֹוכֹֽו׃ ק) waḥameshet ʾalafiym hanowtar baroḥav ʿal־peney ḥamishah weʿeseriym ʾelef ḥol־huʾ laʿiyr lemowshav ulemigerash wehayetah haʿiyr [betowkhoh kh] (betowkhow׃ q)

¹⁶ וְאֵלֶּה֮ מִדֹּותֶיהָ֒ פְּאַ֣ת צָפֹ֗ון חֲמֵ֤שׁ מֵאֹות֙ וְאַרְבַּ֣עַת אֲלָפִ֔ים וּפְאַת־נֶ֕גֶב חֲמֵ֥שׁ [חֲמֵשׁ כ] מֵאֹ֖ות וְאַרְבַּ֣עַת אֲלָפִ֑ים וּמִפְּאַ֣ת קָדִ֗ים חֲמֵ֤שׁ מֵאֹות֙ וְאַרְבַּ֣עַת אֲלָפִ֔ים וּפְאַת־יָ֕מָּה חֲמֵ֥שׁ מֵאֹ֖ות וְאַרְבַּ֥עַת אֲלָפִֽים׃ weʾeleh midowteyha peʾat tsafown ḥamesh meʾowt weʾarebaʿat ʾalafiym ufeʾat־negev ḥamesh [ḥamesh kh] meʾowt weʾarebaʿat ʾalafiym umipeʾat qadiym ḥamesh meʾowt weʾarebaʿat ʾalafiym ufeʾat־yamah ḥamesh meʾowt weʾarebaʿat ʾalafiym׃

¹⁷ וְהָיָ֣ה מִגְרָשׁ֮ לָעִיר֒ צָפֹ֙ונָה֙ חֲמִשִּׁ֣ים וּמָאתַ֔יִם וְנֶ֖גְבָּה חֲמִשִּׁ֣ים וּמָאתָ֑יִם וְקָדִ֙ימָה֙ חֲמִשִּׁ֣ים וּמָאתַ֔יִם וְיָ֖מָּה חֲמִשִּׁ֥ים וּמָאתָֽיִם׃ wehayah migerash laʿiyr tsafownah ḥamishiym umaʾtayim wenegebah ḥamishiym umaʾtayim weqadiymah ḥamishiym umaʾtayim weyamah ḥamishiym umaʾtayim׃

¹⁸ וְהַנֹּותָ֨ר בָּאֹ֜רֶךְ לְעֻמַּ֣ת ׀ תְּרוּמַ֣ת הַקֹּ֗דֶשׁ עֲשֶׂ֨רֶת אֲלָפִ֤ים קָדִ֙ימָה֙ וַעֲשֶׂ֤רֶת אֲלָפִים֙ יָ֔מָּה וְהָיָ֕ה לְעֻמַּ֖ת תְּרוּמַ֣ת הַקֹּ֑דֶשׁ וְהָיְתָ֤ה [תְבוּאָתֹה כ] (תְבֽוּאָתֹו֙ ק) לְלֶ֔חֶם לְעֹבְדֵ֖י הָעִֽיר׃ wehanowtar baʾorekhe leʿumat ׀ terumat haqodesh ʿaseret ʾalafiym qadiymah waʿaseret ʾalafiym yamah wehayah leʿumat terumat haqodesh wehayetah [tevuʾatoh kh] (tevuʾatow q) leleḥem leʿovedey haʿiyr׃

¹⁹ וְהָעֹבֵ֖ד הָעִ֑יר יַעַבְד֕וּהוּ מִכֹּ֖ל שִׁבְטֵ֥י יִשְׂרָאֵֽל׃ wehaʿoved haʿiyr yaʿaveduhu mikol shiveṭey yiseraʾel׃

²⁰ כָּל־הַתְּרוּמָ֗ה חֲמִשָּׁ֤ה וְעֶשְׂרִים֙ אֶ֔לֶף בַּחֲמִשָּׁ֥ה וְעֶשְׂרִ֖ים אָ֑לֶף רְבִיעִ֗ית תָּרִ֙ימוּ֙ אֶת־תְּרוּמַ֣ת הַקֹּ֔דֶשׁ אֶל־אֲחֻזַּ֖ת הָעִֽיר׃ kal־haterumah ḥamishah weʿeseriym ʾelef baḥamishah weʿeseriym ʾalef reviyʿiyt tariymu ʾet־terumat haqodesh ʾel־ʾaḥuzat haʿiyr׃

²¹ וְהַנֹּותָ֣ר לַנָּשִׂ֣יא מִזֶּ֣ה ׀ וּמִזֶּ֣ה ׀ לִתְרֽוּמַת־הַקֹּ֣דֶשׁ וְלַאֲחֻזַּ֪ת הָעִ֟יר אֶל־פְּנֵ֣י חֲמִשָּׁה֩ וְעֶשְׂרִ֨ים אֶ֥לֶף ׀ תְּרוּמָה֮ עַד־גְּב֣וּל קָדִימָה֒ וְיָ֗מָּה עַל־פְּ֠נֵי חֲמִשָּׁ֨ה וְעֶשְׂרִ֥ים אֶ֙לֶף֙ עַל־גְּב֣וּל יָ֔מָּה לְעֻמַּ֥ת חֲלָקִ֖ים לַנָּשִׂ֑יא וְהָֽיְתָה֙ תְּרוּמַ֣ת הַקֹּ֔דֶשׁ וּמִקְדַּ֥שׁ הַבַּ֖יִת [בְּתֹוכֹה כ] (בְּתֹוכֹֽו׃ ק) wehanowtar lanasiyʾ mizeh ׀ umizeh ׀ literumat־haqodesh welaʾaḥuzat haʿiyr ʾel־peney ḥamishah weʿeseriym ʾelef ׀ terumah ʿad־gevul qadiymah weyamah ʿal־peney ḥamishah weʿeseriym ʾelef ʿal־gevul yamah leʿumat ḥalaqiym lanasiyʾ wehayetah terumat haqodesh umiqedash habayit [betowkhoh kh] (betowkhow׃ q)

²² וּמֵאֲחֻזַּ֤ת הַלְוִיִּם֙ וּמֵאֲחֻזַּ֣ת הָעִ֔יר בְּתֹ֛וךְ אֲשֶׁ֥ר לַנָּשִׂ֖יא יִֽהְיֶ֑ה בֵּ֣ין ׀ גְּב֣וּל יְהוּדָ֗ה וּבֵין֙ גְּב֣וּל בִּנְיָמִ֔ן לַנָּשִׂ֖יא יִהְיֶֽה׃ umeʾaḥuzat halewiyim umeʾaḥuzat haʿiyr betowkhe ʾasher lanasiyʾ yiheyeh beyn ׀ gevul yehudah uveyn gevul bineyamin lanasiyʾ yiheyeh׃

²³ וְיֶ֖תֶר הַשְּׁבָטִ֑ים מִפְּאַ֥ת קָדִ֛ימָה עַד־פְּאַת־יָ֖מָּה בִּנְיָמִ֥ן אֶחָֽד׃ weyeter hashevaṭiym mipeʾat qadiymah ʿad־peʾat־yamah bineyamin ʾeḥad׃

²⁴ וְעַ֣ל ׀ גְּב֣וּל בִּנְיָמִ֗ן מִפְּאַ֥ת קָדִ֛ימָה עַד־פְּאַת־יָ֖מָּה שִׁמְעֹ֥ון אֶחָֽד׃ weʿal ׀ gevul bineyamin mipeʾat qadiymah ʿad־peʾat־yamah shimeʿown ʾeḥad׃

²⁵ וְעַ֣ל ׀ גְּב֣וּל שִׁמְעֹ֗ון מִפְּאַ֥ת קָדִ֛ימָה עַד־פְּאַת־יָ֖מָּה יִשָׂשכָ֥ר אֶחָֽד׃ weʿal ׀ gevul shimeʿown mipeʾat qadiymah ʿad־peʾat־yamah yisashkhar ʾeḥad׃

²⁶ וְעַ֣ל ׀ גְּב֣וּל יִשָׂשכָ֗ר מִפְּאַ֥ת קָדִ֛ימָה עַד־פְּאַת־יָ֖מָּה זְבוּלֻ֥ן אֶחָֽד׃ weʿal ׀ gevul yisashkhar mipeʾat qadiymah ʿad־peʾat־yamah zevulun ʾeḥad׃

²⁷ וְעַ֣ל ׀ גְּב֣וּל זְבוּלֻ֗ן מִפְּאַ֥ת קָדִ֛מָה עַד־פְּאַת־יָ֖מָּה גָּ֥ד אֶחָֽד׃ weʿal ׀ gevul zevulun mipeʾat qadimah ʿad־peʾat־yamah gad ʾeḥad׃

²⁸ וְעַל֙ גְּב֣וּל גָּ֔ד אֶל־פְּאַ֖ת נֶ֣גֶב תֵּימָ֑נָה וְהָיָ֨ה גְב֜וּל מִתָּמָ֗ר מֵ֚י מְרִיבַ֣ת קָדֵ֔שׁ נַחֲלָ֖ה עַל־הַיָּ֥ם הַגָּדֹֽול׃ weʿal gevul gad ʾel־peʾat negev teymanah wehayah gevul mitamar mey meriyvat qadesh naḥalah ʿal־hayam hagadowl׃

²⁹ זֹ֥את הָאָ֛רֶץ אֲשֶׁר־תַּפִּ֥ילוּ מִֽנַּחֲלָ֖ה לְשִׁבְטֵ֣י יִשְׂרָאֵ֑ל וְאֵ֙לֶּה֙ מַחְלְקֹותָ֔ם נְאֻ֖ם אֲדֹנָ֥י יְהוִֽה׃ פ zoʾt haʾarets ʾasher־tapiylu minaḥalah leshiveṭey yiseraʾel weʾeleh maḥeleqowtam neʾum ʾadonay yehwih׃ f

³⁰ וְאֵ֖לֶּה תֹּוצְאֹ֣ת הָעִ֑יר מִפְּאַ֣ת צָפֹ֔ון חֲמֵ֥שׁ מֵאֹ֛ות וְאַרְבַּ֥עַת אֲלָפִ֖ים מִדָּֽה׃ weʾeleh towtseʾot haʿiyr mipeʾat tsafown ḥamesh meʾowt weʾarebaʿat ʾalafiym midah׃

³¹ וְשַׁעֲרֵ֣י הָעִ֗יר עַל־שְׁמֹות֙ שִׁבְטֵ֣י יִשְׂרָאֵ֔ל שְׁעָרִ֥ים שְׁלֹושָׁ֖ה צָפֹ֑ונָה שַׁ֣עַר רְאוּבֵ֞ן אֶחָ֗ד שַׁ֤עַר יְהוּדָה֙ אֶחָ֔ד שַׁ֥עַר לֵוִ֖י אֶחָֽד׃ weshaʿarey haʿiyr ʿal־shemowt shiveṭey yiseraʾel sheʿariym shelowshah tsafownah shaʿar reʾuven ʾeḥad shaʿar yehudah ʾeḥad shaʿar lewiy ʾeḥad׃

³² וְאֶל־פְּאַ֣ת קָדִ֗ימָה חֲמֵ֤שׁ מֵאֹות֙ וְאַרְבַּ֣עַת אֲלָפִ֔ים וּשְׁעָרִ֖ים שְׁלֹשָׁ֑ה וְשַׁ֨עַר יֹוסֵ֜ף אֶחָ֗ד שַׁ֤עַר בִּנְיָמִן֙ אֶחָ֔ד שַׁ֥עַר דָּ֖ן אֶחָֽד׃ weʾel־peʾat qadiymah ḥamesh meʾowt weʾarebaʿat ʾalafiym usheʿariym sheloshah weshaʿar yowsef ʾeḥad shaʿar bineyamin ʾeḥad shaʿar dan ʾeḥad׃

³³ וּפְאַת־נֶ֗גְבָּה חֲמֵ֨שׁ מֵאֹ֜ות וְאַרְבַּ֤עַת אֲלָפִים֙ מִדָּ֔ה וּשְׁעָרִ֖ים שְׁלֹשָׁ֑ה שַׁ֣עַר שִׁמְעֹ֞ון אֶחָ֗ד שַׁ֤עַר יִשָּׂשכָר֙ אֶחָ֔ד שַׁ֥עַר זְבוּלֻ֖ן אֶחָֽד׃ ufeʾat־negebah ḥamesh meʾowt weʾarebaʿat ʾalafiym midah usheʿariym sheloshah shaʿar shimeʿown ʾeḥad shaʿar yisashkhar ʾeḥad shaʿar zevulun ʾeḥad׃

³⁴ פְּאַת־יָ֗מָּה חֲמֵ֤שׁ מֵאֹות֙ וְאַרְבַּ֣עַת אֲלָפִ֔ים שַֽׁעֲרֵיהֶ֖ם שְׁלֹשָׁ֑ה שַׁ֣עַר גָּ֞ד אֶחָ֗ד שַׁ֤עַר אָשֵׁר֙ אֶחָ֔ד שַׁ֥עַר נַפְתָּלִ֖י אֶחָֽד׃ peʾat־yamah ḥamesh meʾowt weʾarebaʿat ʾalafiym shaʿareyhem sheloshah shaʿar gad ʾeḥad shaʿar ʾasher ʾeḥad shaʿar nafetaliy ʾeḥad׃

³⁵ סָבִ֕יב שְׁמֹנָ֥ה עָשָׂ֖ר אָ֑לֶף וְשֵׁם־הָעִ֥יר מִיֹּ֖ום יְהוָ֥ה ׀ שָֽׁמָּה׃ saviyv shemonah ʿasar ʾalef weshem־haʿiyr miyowm yehwah ׀ shamah׃