Habaquq 1

¹ הַמַּשָּׂא֙ אֲשֶׁ֣ר חָזָ֔ה חֲבַקּ֖וּק הַנָּבִֽיא׃ hamasaʾ ʾasher ḥazah ḥavaquq hanaviyʾ׃

² עַד־אָ֧נָה יְהוָ֛ה שִׁוַּ֖עְתִּי וְלֹ֣א תִשְׁמָ֑ע אֶזְעַ֥ק אֵלֶ֛יךָ חָמָ֖ס וְלֹ֥א תֹושִֽׁיעַ׃ ʿad־ʾanah yehwah shiuaʿetiy weloʾ tishemaʿ ʾezeʿaq ʾeleykha ḥamas weloʾ towshiyʿa׃

³ לָ֣מָּה תַרְאֵ֤נִי אָ֙וֶן֙ וְעָמָ֣ל תַּבִּ֔יט וְשֹׁ֥ד וְחָמָ֖ס לְנֶגְדִּ֑י וַיְהִ֧י רִ֦יב וּמָדֹ֖ון יִשָּֽׂא׃ lamah tareʾeniy ʾawen weʿamal tabiyṭ weshod weḥamas lenegediy wayehiy riyv umadown yisaʾ׃

⁴ עַל־כֵּן֙ תָּפ֣וּג תֹּורָ֔ה וְלֹֽא־יֵצֵ֥א לָנֶ֖צַח מִשְׁפָּ֑ט כִּ֤י רָשָׁע֙ מַכְתִּ֣יר אֶת־הַצַּדִּ֔יק עַל־כֵּ֛ן יֵצֵ֥א מִשְׁפָּ֖ט מְעֻקָּֽל׃ ʿal־ken tafug towrah weloʾ־yetseʾ lanetsaḥ mishepaṭ kiy rashaʿ makhetiyr ʾet־hatsadiyq ʿal־ken yetseʾ mishepaṭ meʿuqal׃

⁵ רְא֤וּ בַגֹּויִם֙ וְֽהַבִּ֔יטוּ וְהִֽתַּמְּה֖וּ תְּמָ֑הוּ כִּי־פֹ֙עַל֙ פֹּעֵ֣ל בִּֽימֵיכֶ֔ם לֹ֥א תַאֲמִ֖ינוּ כִּ֥י יְסֻפָּֽר׃ reʾu vagowyim wehabiyṭu wehitamehu temahu kiy־foʿal poʿel biymeykhem loʾ taʾamiynu kiy yesupar׃

⁶ כִּֽי־הִנְנִ֤י מֵקִים֙ אֶת־הַכַּשְׂדִּ֔ים הַגֹּ֖וי הַמַּ֣ר וְהַנִּמְהָ֑ר הַֽהֹולֵךְ֙ לְמֶרְחֲבֵי־אֶ֔רֶץ לָרֶ֖שֶׁת מִשְׁכָּנֹ֥ות לֹּא־לֹֽו׃ kiy־hineniy meqiym ʾet־hakasediym hagowy hamar wehanimehar hahowlekhe lemereḥavey־ʾerets lareshet mishekanowt loʾ־low׃

⁷ אָיֹ֥ם וְנֹורָ֖א ה֑וּא מִמֶּ֕נּוּ מִשְׁפָּטֹ֥ו וּשְׂאֵתֹ֖ו יֵצֵֽא׃ ʾayom wenowraʾ huʾ mimenu mishepaṭow useʾetow yetseʾ׃

⁸ וְקַלּ֨וּ מִנְּמֵרִ֜ים סוּסָ֗יו וְחַדּוּ֙ מִזְּאֵ֣בֵי עֶ֔רֶב וּפָ֖שׁוּ פָּֽרָשָׁ֑יו וּפָֽרָשָׁיו֙ מֵרָחֹ֣וק יָבֹ֔אוּ יָעֻ֕פוּ כְּנֶ֖שֶׁר חָ֥שׁ לֶאֱכֹֽול׃ weqalu minemeriym susayw weḥadu mizeʾevey ʿerev ufashu parashayw ufarashayw meraḥowq yavoʾu yaʿufu kenesher ḥash leʾekhowl׃

⁹ כֻּלֹּה֙ לְחָמָ֣ס יָבֹ֔וא מְגַמַּ֥ת פְּנֵיהֶ֖ם קָדִ֑ימָה וַיֶּאֱסֹ֥ף כַּחֹ֖ול שֶֽׁבִי׃ kuloh leḥamas yavowʾ megamat peneyhem qadiymah wayeʾesof kaḥowl sheviy׃

¹⁰ וְהוּא֙ בַּמְּלָכִ֣ים יִתְקַלָּ֔ס וְרֹזְנִ֖ים מִשְׂחָ֣ק לֹ֑ו ה֚וּא לְכָל־מִבְצָ֣ר יִשְׂחָ֔ק וַיִּצְבֹּ֥ר עָפָ֖ר וַֽיִּלְכְּדָֽהּ׃ wehuʾ bamelakhiym yiteqalas werozeniym miseḥaq low huʾ lekhal־mivetsar yiseḥaq wayitsebor ʿafar wayilekedah׃

¹¹ אָ֣ז חָלַ֥ף ר֛וּחַ וַֽיַּעֲבֹ֖ר וְאָשֵׁ֑ם ז֥וּ כֹחֹ֖ו לֵאלֹהֹֽו׃ ʾaz ḥalaf ruaḥ wayaʿavor weʾashem zu khoḥow leʾlohow׃

¹² הֲלֹ֧וא אַתָּ֣ה מִקֶּ֗דֶם יְהוָ֧ה אֱלֹהַ֛י קְדֹשִׁ֖י לֹ֣א נָמ֑וּת יְהוָה֙ לְמִשְׁפָּ֣ט שַׂמְתֹּ֔ו וְצ֖וּר לְהֹוכִ֥יחַ יְסַדְתֹּֽו׃ halowʾ ʾatah miqedem yehwah ʾelohay qedoshiy loʾ namut yehwah lemishepaṭ sametow wetsur lehowkhiyḥa yesadetow׃

¹³ טְהֹ֤ור עֵינַ֙יִם֙ מֵרְאֹ֣ות רָ֔ע וְהַבִּ֥יט אֶל־עָמָ֖ל לֹ֣א תוּכָ֑ל לָ֤מָּה תַבִּיט֙ בֹּֽוגְדִ֔ים תַּחֲרִ֕ישׁ בְּבַלַּ֥ע רָשָׁ֖ע צַדִּ֥יק מִמֶּֽנּוּ׃ ṭehowr ʿeynayim mereʾowt raʿ wehabiyṭ ʾel־ʿamal loʾ tukhal lamah tabiyṭ bowgediym taḥariysh bevalaʿ rashaʿ tsadiyq mimenu׃

¹⁴ וַתַּעֲשֶׂ֥ה אָדָ֖ם כִּדְגֵ֣י הַיָּ֑ם כְּרֶ֖מֶשׂ לֹא־מֹשֵׁ֥ל בֹּֽו׃ wataʿaseh ʾadam kidegey hayam keremes loʾ־moshel bow׃

¹⁵ כֻּלֹּה֙ בְּחַכָּ֣ה הֵֽעֲלָ֔ה יְגֹרֵ֣הוּ בְחֶרְמֹ֔ו וְיַאַסְפֵ֖הוּ בְּמִכְמַרְתֹּ֑ו עַל־כֵּ֖ן יִשְׂמַ֥ח וְיָגִֽיל׃ kuloh beḥakah heʿalah yegorehu veḥeremow weyaʾasefehu bemikhemaretow ʿal־ken yisemaḥ weyagiyl׃

¹⁶ עַל־כֵּן֙ יְזַבֵּ֣חַ לְחֶרְמֹ֔ו וִֽיקַטֵּ֖ר לְמִכְמַרְתֹּ֑ו כִּ֤י בָהֵ֙מָּה֙ שָׁמֵ֣ן חֶלְקֹ֔ו וּמַאֲכָלֹ֖ו בְּרִאָֽה׃ ʿal־ken yezabeaḥ leḥeremow wiyqaṭer lemikhemaretow kiy vahemah shamen ḥeleqow umaʾakhalow beriʾah׃

¹⁷ הַ֥עַל כֵּ֖ן יָרִ֣יק חֶרְמֹ֑ו וְתָמִ֛יד לַהֲרֹ֥ג גֹּויִ֖ם לֹ֥א יַחְמֹֽול׃ ס haʿal ken yariyq ḥeremow wetamiyd laharog gowyim loʾ yaḥemowl׃ s