Psaumes 102

¹ תְּ֭פִלָּה לְעָנִ֣י כִֽי־יַעֲטֹ֑ף וְלִפְנֵ֥י יְ֝הוָ֗ה יִשְׁפֹּ֥ךְ שִׂיחֹֽו׃ tefilah leʿaniy khiy־yaʿaṭof welifeney yehwah yishepokhe siyḥow׃

² יְ֭הוָה שִׁמְעָ֣ה תְפִלָּתִ֑י וְ֝שַׁוְעָתִ֗י אֵלֶ֥יךָ תָבֹֽוא׃ yehwah shimeʿah tefilatiy weshaweʿatiy ʾeleykha tavowʾ׃

³ אַל־תַּסְתֵּ֬ר פָּנֶ֨יךָ ׀ מִמֶּנִּי֮ בְּיֹ֪ום צַ֫ר לִ֥י הַטֵּֽה־אֵלַ֥י אָזְנֶ֑ךָ בְּיֹ֥ום אֶ֝קְרָ֗א מַהֵ֥ר עֲנֵֽנִי׃ ʾal־taseter paneykha ׀ mimeniy beyowm tsar liy haṭeh־ʾelay ʾazenekha beyowm ʾeqeraʾ maher ʿaneniy׃

⁴ כִּֽי־כָל֣וּ בְעָשָׁ֣ן יָמָ֑י וְ֝עַצְמֹותַ֗י כְּמֹו־קֵ֥ד נִחָֽרוּ׃ kiy־khalu veʿashan yamay weʿatsemowtay kemow־qed niḥaru׃

⁵ הוּכָּֽה־כָ֭עֵשֶׂב וַיִּבַ֣שׁ לִבִּ֑י כִּֽישָׁ֝־כַ֗חְתִּי מֵאֲכֹ֥ל לַחְמִֽי׃ hukah־khaʿesev wayivash libiy kiysha־khaḥetiy meʾakhol laḥemiy׃

⁶ מִקֹּ֥ול אַנְחָתִ֑י דָּבְקָ֥ה עַ֝צְמִ֗י לִבְשָׂרִֽי׃ miqowl ʾaneḥatiy daveqah ʿatsemiy livesariy׃

⁷ דָּ֭מִיתִי לִקְאַ֣ת מִדְבָּ֑ר הָ֝יִ֗יתִי כְּכֹ֣וס חֳרָבֹֽות׃ damiytiy liqeʾat midebar hayiytiy kekhows ḥoravowt׃

⁸ שָׁקַ֥דְתִּי וָאֶֽהְיֶ֑ה כְּ֝צִפֹּ֗ור בֹּודֵ֥ד עַל־גָּֽג׃ shaqadetiy waʾeheyeh ketsipowr bowded ʿal־gag׃

⁹ כָּל־הַ֭יֹּום חֵרְפ֣וּנִי אֹויְבָ֑י מְ֝הֹולָלַ֗י בִּ֣י נִשְׁבָּֽעוּ׃ kal־hayowm ḥerefuniy ʾowyevay mehowlalay biy nishebaʿu׃

¹⁰ כִּי־אֵ֭פֶר כַּלֶּ֣חֶם אָכָ֑לְתִּי וְ֝שִׁקֻּוַ֗י בִּבְכִ֥י מָסָֽכְתִּי׃ kiy־ʾefer kaleḥem ʾakhaletiy weshiquway bivekhiy masakhetiy׃

¹¹ מִפְּנֵֽי־זַֽעַמְךָ֥ וְקִצְפֶּ֑ךָ כִּ֥י נְ֝שָׂאתַ֗נִי וַתַּשְׁלִיכֵֽנִי׃ mipeney־zaʿamekha weqitsepekha kiy nesaʾtaniy watasheliykheniy׃

¹² יָ֭מַי כְּצֵ֣ל נָט֑וּי וַ֝אֲנִ֗י כָּעֵ֥שֶׂב אִיבָֽשׁ׃ yamay ketsel naṭuy waʾaniy kaʿesev ʾiyvash׃

¹³ וְאַתָּ֣ה יְ֭הוָה לְעֹולָ֣ם תֵּשֵׁ֑ב וְ֝זִכְרְךָ֗ לְדֹ֣ר וָדֹֽר׃ weʾatah yehwah leʿowlam teshev wezikherekha ledor wador׃

¹⁴ אַתָּ֣ה תָ֭קוּם תְּרַחֵ֣ם צִיֹּ֑ון כִּי־עֵ֥ת לְ֝חֶֽנְנָ֗הּ כִּי־בָ֥א מֹועֵֽד׃ ʾatah taqum teraḥem tsiyown kiy־ʿet leḥenenah kiy־vaʾ mowʿed׃

¹⁵ כִּֽי־רָצ֣וּ עֲ֭בָדֶיךָ אֶת־אֲבָנֶ֑יהָ וְֽאֶת־עֲפָרָ֥הּ יְחֹנֵֽנוּ׃ kiy־ratsu ʿavadeykha ʾet־ʾavaneyha weʾet־ʿafarah yeḥonenu׃

¹⁶ וְיִֽירְא֣וּ גֹ֭ויִם אֶת־שֵׁ֣ם יְהוָ֑ה וְֽכָל־מַלְכֵ֥י הָ֝אָ֗רֶץ אֶת־כְּבֹודֶֽךָ׃ weyiyreʾu gowyim ʾet־shem yehwah wekhal־malekhey haʾarets ʾet־kevowdekha׃

¹⁷ כִּֽי־בָנָ֣ה יְהוָ֣ה צִיֹּ֑ון נִ֝רְאָ֗ה בִּכְבֹודֹֽו׃ kiy־vanah yehwah tsiyown nireʾah bikhevowdow׃

¹⁸ פָּ֭נָה אֶל־תְּפִלַּ֣ת הָעַרְעָ֑ר וְלֹֽא־בָ֝זָ֗ה אֶת־תְּפִלָּתָֽם׃ panah ʾel־tefilat haʿareʿar weloʾ־vazah ʾet־tefilatam׃

¹⁹ תִּכָּ֣תֶב זֹ֭את לְדֹ֣ור אַחֲרֹ֑ון וְעַ֥ם נִ֝בְרָ֗א יְהַלֶּל־יָֽהּ׃ tikatev zoʾt ledowr ʾaḥarown weʿam niveraʾ yehalel־yah׃

²⁰ כִּֽי־הִ֭שְׁקִיף מִמְּרֹ֣ום קָדְשֹׁ֑ו יְ֝הוָ֗ה מִשָּׁמַ֤יִם ׀ אֶל־אֶ֬רֶץ הִבִּֽיט׃ kiy־hisheqiyf mimerowm qadeshow yehwah mishamayim ׀ ʾel־ʾerets hibiyṭ׃

²¹ לִ֭שְׁמֹעַ אֶנְקַ֣ת אָסִ֑יר לְ֝פַתֵּ֗חַ בְּנֵ֣י תְמוּתָֽה׃ lishemoaʿ ʾeneqat ʾasiyr lefateaḥ beney temutah׃

²² לְסַפֵּ֣ר בְּ֭צִיֹּון שֵׁ֣ם יְהוָ֑ה וּ֝תְהִלָּתֹ֗ו בִּירוּשָׁלִָֽם׃ lesaper betsiyown shem yehwah utehilatow biyrushalim׃

²³ בְּהִקָּבֵ֣ץ עַמִּ֣ים יַחְדָּ֑ו וּ֝מַמְלָכֹ֗ות לַעֲבֹ֥ד אֶת־יְהוָֽה׃ behiqavets ʿamiym yaḥedaw umamelakhowt laʿavod ʾet־yehwah׃

²⁴ עִנָּ֖ה בַדֶּ֥רֶךְ [כֹּחֹו כ] (כֹּחִ֗י ק) קִצַּ֥ר יָמָֽי׃ ʿinah vaderekhe [koḥow kh] (koḥiy q) qitsar yamay׃

²⁵ אֹמַ֗ר אֵלִ֗י אַֽל־תַּ֭עֲלֵנִי בַּחֲצִ֣י יָמָ֑י בְּדֹ֖ור דֹּורִ֣ים שְׁנֹותֶֽיךָ׃ ʾomar ʾeliy ʾal־taʿaleniy baḥatsiy yamay bedowr dowriym shenowteykha׃

²⁶ לְ֭פָנִים הָאָ֣רֶץ יָסַ֑דְתָּ וּֽמַעֲשֵׂ֖ה יָדֶ֣יךָ שָׁמָֽיִם׃ lefaniym haʾarets yasadeta umaʿaseh yadeykha shamayim׃

²⁷ הֵ֤מָּה ׀ יֹאבֵדוּ֮ וְאַתָּ֪ה תַ֫עֲמֹ֥ד וְ֭כֻלָּם כַּבֶּ֣גֶד יִבְל֑וּ כַּלְּב֖וּשׁ תַּחֲלִיפֵ֣ם וְֽיַחֲלֹֽפוּ׃ hemah ׀ yoʾvedu weʾatah taʿamod wekhulam kabeged yivelu kalevush taḥaliyfem weyaḥalofu׃

²⁸ וְאַתָּה־ה֑וּא וּ֝שְׁנֹותֶ֗יךָ לֹ֣א יִתָּֽמּוּ׃ weʾatah־huʾ ushenowteykha loʾ yitamu׃

²⁹ בְּנֵֽי־עֲבָדֶ֥יךָ יִשְׁכֹּ֑ונוּ וְ֝זַרְעָ֗ם לְפָנֶ֥יךָ יִכֹּֽון׃ beney־ʿavadeykha yishekownu wezareʿam lefaneykha yikown׃