1 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
2 צַ֚ו אֶת־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אֶת־קָרְבָּנִ֨י לַחְמִ֜י לְאִשַּׁ֗י רֵ֚יחַ נִֽיחֹחִ֔י תִּשְׁמְר֕וּ לְהַקְרִ֥יב לִ֖י בְּמֹועֲדֹֽו׃ tsaw ʾet־beney yiseraʾel weʾamareta ʾalehem ʾet־qarebaniy laḥemiy leʾishay reyḥa niyḥoḥiy tishemeru lehaqeriyv liy bemowʿadow׃
3 וְאָמַרְתָּ֣ לָהֶ֔ם זֶ֚ה הָֽאִשֶּׁ֔ה אֲשֶׁ֥ר תַּקְרִ֖יבוּ לַיהוָ֑ה כְּבָשִׂ֨ים בְּנֵֽי־שָׁנָ֧ה תְמִימִ֛ם שְׁנַ֥יִם לַיֹּ֖ום עֹלָ֥ה תָמִֽיד׃ weʾamareta lahem zeh haʾisheh ʾasher taqeriyvu layhwah kevasiym beney־shanah temiymim shenayim layowm ʿolah tamiyd׃
4 אֶת־הַכֶּ֥בֶשׂ אֶחָ֖ד תַּעֲשֶׂ֣ה בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֥ין הָֽעַרְבָּֽיִם׃ ʾet־hakeves ʾeḥad taʿaseh vaboqer weʾet hakeves hasheniy taʿaseh beyn haʿarebayim׃
5 וַעֲשִׂירִ֧ית הָאֵיפָ֛ה סֹ֖לֶת לְמִנְחָ֑ה בְּלוּלָ֛ה בְּשֶׁ֥מֶן כָּתִ֖ית רְבִיעִ֥ת הַהִֽין׃ waʿasiyriyt haʾeyfah solet lemineḥah belulah beshemen katiyt reviyʿit hahiyn׃
6 עֹלַ֖ת תָּמִ֑יד הָעֲשֻׂיָה֙ בְּהַ֣ר סִינַ֔י לְרֵ֣יחַ נִיחֹ֔חַ אִשֶּׁ֖ה לַֽיהוָֽה׃ ʿolat tamiyd haʿasuyah behar siynay lereyḥa niyḥoaḥ ʾisheh layhwah׃
7 וְנִסְכֹּו֙ רְבִיעִ֣ת הַהִ֔ין לַכֶּ֖בֶשׂ הָאֶחָ֑ד בַּקֹּ֗דֶשׁ הַסֵּ֛ךְ נֶ֥סֶךְ שֵׁכָ֖ר לַיהוָֽה׃ wenisekow reviyʿit hahiyn lakeves haʾeḥad baqodesh hasekhe nesekhe shekhar layhwah׃
8 וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֣ין הָֽעַרְבָּ֑יִם כְּמִנְחַ֨ת הַבֹּ֤קֶר וּכְנִסְכֹּו֙ תַּעֲשֶׂ֔ה אִשֵּׁ֛ה רֵ֥יחַ נִיחֹ֖חַ לַיהוָֽה׃ פ weʾet hakeves hasheniy taʿaseh beyn haʿarebayim kemineḥat haboqer ukhenisekow taʿaseh ʾisheh reyḥa niyḥoaḥ layhwah׃ f
9 וּבְיֹום֙ הַשַּׁבָּ֔ת שְׁנֵֽי־כְבָשִׂ֥ים בְּנֵֽי־שָׁנָ֖ה תְּמִימִ֑ם וּשְׁנֵ֣י עֶשְׂרֹנִ֗ים סֹ֧לֶת מִנְחָ֛ה בְּלוּלָ֥ה בַשֶּׁ֖מֶן וְנִסְכֹּֽו׃ uveyowm hashabat sheney־khevasiym beney־shanah temiymim usheney ʿeseroniym solet mineḥah belulah vashemen wenisekow׃
10 עֹלַ֥ת שַׁבַּ֖ת בְּשַׁבַּתֹּ֑ו עַל־עֹלַ֥ת הַתָּמִ֖יד וְנִסְכָּֽהּ׃ ס ʿolat shabat beshabatow ʿal־ʿolat hatamiyd wenisekah׃ s
11 וּבְרָאשֵׁי֙ חָדְשֵׁיכֶ֔ם תַּקְרִ֥יבוּ עֹלָ֖ה לַיהוָ֑ה פָּרִ֨ים בְּנֵֽי־בָקָ֤ר שְׁנַ֙יִם֙ וְאַ֣יִל אֶחָ֔ד כְּבָשִׂ֧ים בְּנֵי־שָׁנָ֛ה שִׁבְעָ֖ה תְּמִימִֽם׃ uveraʾshey ḥadesheykhem taqeriyvu ʿolah layhwah pariym beney־vaqar shenayim weʾayil ʾeḥad kevasiym beney־shanah shiveʿah temiymim׃
12 וּשְׁלֹשָׁ֣ה עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן לַפָּ֖ר הָאֶחָ֑ד וּשְׁנֵ֣י עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן לָאַ֖יִל הָֽאֶחָֽד׃ usheloshah ʿeseroniym solet mineḥah belulah vashemen lapar haʾeḥad usheney ʿeseroniym solet mineḥah belulah vashemen laʾayil haʾeḥad׃
13 וְעִשָּׂרֹ֣ן עִשָּׂרֹ֗ון סֹ֤לֶת מִנְחָה֙ בְּלוּלָ֣ה בַשֶּׁ֔מֶן לַכֶּ֖בֶשׂ הָאֶחָ֑ד עֹלָה֙ רֵ֣יחַ נִיחֹ֔חַ אִשֶּׁ֖ה לַיהוָֽה׃ weʿisaron ʿisarown solet mineḥah belulah vashemen lakeves haʾeḥad ʿolah reyḥa niyḥoaḥ ʾisheh layhwah׃
14 וְנִסְכֵּיהֶ֗ם חֲצִ֣י הַהִין֩ יִהְיֶ֨ה לַפָּ֜ר וּשְׁלִישִׁ֧ת הַהִ֣ין לָאַ֗יִל וּרְבִיעִ֥ת הַהִ֛ין לַכֶּ֖בֶשׂ יָ֑יִן זֹ֣את עֹלַ֥ת חֹ֙דֶשׁ֙ בְּחָדְשֹׁ֔ו לְחָדְשֵׁ֖י הַשָּׁנָֽה׃ wenisekeyhem ḥatsiy hahiyn yiheyeh lapar usheliyshit hahiyn laʾayil ureviyʿit hahiyn lakeves yayin zoʾt ʿolat ḥodesh beḥadeshow leḥadeshey hashanah׃
15 וּשְׂעִ֨יר עִזִּ֥ים אֶחָ֛ד לְחַטָּ֖את לַיהוָ֑ה עַל־עֹלַ֧ת הַתָּמִ֛יד יֵעָשֶׂ֖ה וְנִסְכֹּֽו׃ ס useʿiyr ʿiziym ʾeḥad leḥaṭaʾt layhwah ʿal־ʿolat hatamiyd yeʿaseh wenisekow׃ s
16 וּבַחֹ֣דֶשׁ הָרִאשֹׁ֗ון בְּאַרְבָּעָ֥ה עָשָׂ֛ר יֹ֖ום לַחֹ֑דֶשׁ פֶּ֖סַח לַיהוָֽה׃ uvaḥodesh hariʾshown beʾarebaʿah ʿasar yowm laḥodesh pesaḥ layhwah׃
17 וּבַחֲמִשָּׁ֨ה עָשָׂ֥ר יֹ֛ום לַחֹ֥דֶשׁ הַזֶּ֖ה חָ֑ג שִׁבְעַ֣ת יָמִ֔ים מַצֹּ֖ות יֵאָכֵֽל׃ uvaḥamishah ʿasar yowm laḥodesh hazeh ḥag shiveʿat yamiym matsowt yeʾakhel׃
18 בַּיֹּ֥ום הָרִאשֹׁ֖ון מִקְרָא־קֹ֑דֶשׁ כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃ bayowm hariʾshown miqeraʾ־qodesh kal־meleʾkhet ʿavodah loʾ taʿasu׃
19 וְהִקְרַבְתֶּ֨ם אִשֶּׁ֤ה עֹלָה֙ לַֽיהוָ֔ה פָּרִ֧ים בְּנֵי־בָקָ֛ר שְׁנַ֖יִם וְאַ֣יִל אֶחָ֑ד וְשִׁבְעָ֤ה כְבָשִׂים֙ בְּנֵ֣י שָׁנָ֔ה תְּמִימִ֖ם יִהְי֥וּ לָכֶֽם׃ wehiqeravetem ʾisheh ʿolah layhwah pariym beney־vaqar shenayim weʾayil ʾeḥad weshiveʿah khevasiym beney shanah temiymim yiheyu lakhem׃
20 וּמִ֨נְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֨ה עֶשְׂרֹנִ֜ים לַפָּ֗ר וּשְׁנֵ֧י עֶשְׂרֹנִ֛ים לָאַ֖יִל תַּעֲשֽׂוּ׃ umineḥatam solet belulah vashamen sheloshah ʿeseroniym lapar usheney ʿeseroniym laʾayil taʿasu׃
21 עִשָּׂרֹ֤ון עִשָּׂרֹון֙ תַּעֲשֶׂ֔ה לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃ ʿisarown ʿisarown taʿaseh lakeves haʾeḥad leshiveʿat hakevasiym׃
22 וּשְׂעִ֥יר חַטָּ֖את אֶחָ֑ד לְכַפֵּ֖ר עֲלֵיכֶֽם׃ useʿiyr ḥaṭaʾt ʾeḥad lekhaper ʿaleykhem׃
23 מִלְּבַד֙ עֹלַ֣ת הַבֹּ֔קֶר אֲשֶׁ֖ר לְעֹלַ֣ת הַתָּמִ֑יד תַּעֲשׂ֖וּ אֶת־אֵֽלֶּה׃ milevad ʿolat haboqer ʾasher leʿolat hatamiyd taʿasu ʾet־ʾeleh׃
24 כָּאֵ֜לֶּה תַּעֲשׂ֤וּ לַיֹּום֙ שִׁבְעַ֣ת יָמִ֔ים לֶ֛חֶם אִשֵּׁ֥ה רֵֽיחַ־נִיחֹ֖חַ לַיהוָ֑ה עַל־עֹולַ֧ת הַתָּמִ֛יד יֵעָשֶׂ֖ה וְנִסְכֹּֽו׃ kaʾeleh taʿasu layowm shiveʿat yamiym leḥem ʾisheh reyḥa־niyḥoaḥ layhwah ʿal־ʿowlat hatamiyd yeʿaseh wenisekow׃
25 וּבַיֹּום֙ הַשְּׁבִיעִ֔י מִקְרָא־קֹ֖דֶשׁ יִהְיֶ֣ה לָכֶ֑ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃ ס uvayowm hasheviyʿiy miqeraʾ־qodesh yiheyeh lakhem kal־meleʾkhet ʿavodah loʾ taʿasu׃ s
26 וּבְיֹ֣ום הַבִּכּוּרִ֗ים בְּהַקְרִ֨יבְכֶ֜ם מִנְחָ֤ה חֲדָשָׁה֙ לַֽיהוָ֔ה בְּשָׁבֻעֹ֖תֵיכֶ֑ם מִֽקְרָא־קֹ֙דֶשׁ֙ יִהְיֶ֣ה לָכֶ֔ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃ uveyowm habikuriym behaqeriyvekhem mineḥah ḥadashah layhwah beshavuʿoteykhem miqeraʾ־qodesh yiheyeh lakhem kal־meleʾkhet ʿavodah loʾ taʿasu׃
27 וְהִקְרַבְתֶּ֨ם עֹולָ֜ה לְרֵ֤יחַ נִיחֹ֙חַ֙ לַֽיהוָ֔ה פָּרִ֧ים בְּנֵי־בָקָ֛ר שְׁנַ֖יִם אַ֣יִל אֶחָ֑ד שִׁבְעָ֥ה כְבָשִׂ֖ים בְּנֵ֥י שָׁנָֽה׃ wehiqeravetem ʿowlah lereyḥa niyḥoaḥ layhwah pariym beney־vaqar shenayim ʾayil ʾeḥad shiveʿah khevasiym beney shanah׃
28 וּמִנְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֤ה עֶשְׂרֹנִים֙ לַפָּ֣ר הָֽאֶחָ֔ד שְׁנֵי֙ עֶשְׂרֹנִ֔ים לָאַ֖יִל הָאֶחָֽד׃ umineḥatam solet belulah vashamen sheloshah ʿeseroniym lapar haʾeḥad sheney ʿeseroniym laʾayil haʾeḥad׃
29 עִשָּׂרֹון֙ עִשָּׂרֹ֔ון לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃ ʿisarown ʿisarown lakeves haʾeḥad leshiveʿat hakevasiym׃
30 שְׂעִ֥יר עִזִּ֖ים אֶחָ֑ד לְכַפֵּ֖ר עֲלֵיכֶֽם׃ seʿiyr ʿiziym ʾeḥad lekhaper ʿaleykhem׃
31 מִלְּבַ֞ד עֹלַ֧ת הַתָּמִ֛יד וּמִנְחָתֹ֖ו תַּעֲשׂ֑וּ תְּמִימִ֥ם יִהְיוּ־לָכֶ֖ם וְנִסְכֵּיהֶֽם׃ פ milevad ʿolat hatamiyd umineḥatow taʿasu temiymim yiheyu־lakhem wenisekeyhem׃ f