1 Chroniques 24

¹ וְלִבְנֵ֥י אַהֲרֹ֖ן מַחְלְקֹותָ֑ם בְּנֵ֣י אַהֲרֹ֔ן נָדָב֙ וַאֲבִיה֔וּא אֶלְעָזָ֖ר וְאִיתָמָֽר׃ weliveney ʾaharon maḥeleqowtam beney ʾaharon nadav waʾaviyhuʾ ʾeleʿazar weʾiytamar׃

² וַיָּ֨מָת נָדָ֤ב וַאֲבִיהוּא֙ לִפְנֵ֣י אֲבִיהֶ֔ם וּבָנִ֖ים לֹא־הָי֣וּ לָהֶ֑ם וַֽיְכַהֲנ֔וּ אֶלְעָזָ֖ר וְאִיתָמָֽר׃ wayamat nadav waʾaviyhuʾ lifeney ʾaviyhem uvaniym loʾ־hayu lahem wayekhahanu ʾeleʿazar weʾiytamar׃

³ וַיֶּֽחָלְקֵ֣ם דָּוִ֔יד וְצָדֹוק֙ מִן־בְּנֵ֣י אֶלְעָזָ֔ר וַאֲחִימֶ֖לֶךְ מִן־בְּנֵ֣י אִיתָמָ֑ר לִפְקֻדָּתָ֖ם בַּעֲבֹדָתָֽם׃ wayeḥaleqem dawiyd wetsadowq min־beney ʾeleʿazar waʾaḥiymelekhe min־beney ʾiytamar lifequdatam baʿavodatam׃

⁴ וַיִּמָּצְא֣וּ בְֽנֵי־אֶלְעָזָ֡ר רַבִּ֞ים לְרָאשֵׁ֧י הַגְּבָרִ֛ים מִן־בְּנֵ֥י אִיתָמָ֖ר וַֽיַּחְלְק֑וּם לִבְנֵ֨י אֶלְעָזָ֜ר רָאשִׁ֤ים לְבֵית־אָבֹות֙ שִׁשָּׁ֣ה עָשָׂ֔ר וְלִבְנֵ֧י אִיתָמָ֛ר לְבֵ֥ית אֲבֹותָ֖ם שְׁמֹונָֽה׃ wayimatseʾu veney־ʾeleʿazar rabiym leraʾshey hagevariym min־beney ʾiytamar wayaḥelequm liveney ʾeleʿazar raʾshiym leveyt־ʾavowt shishah ʿasar weliveney ʾiytamar leveyt ʾavowtam shemownah׃

⁵ וַיַּחְלְק֥וּם בְּגֹורָלֹ֖ות אֵ֣לֶּה עִם־אֵ֑לֶּה כִּי־הָי֤וּ שָֽׂרֵי־קֹ֙דֶשׁ֙ וְשָׂרֵ֣י הָאֱלֹהִ֔ים מִבְּנֵ֥י אֶלְעָזָ֖ר וּבִבְנֵ֥י אִיתָמָֽר׃ ס wayaḥelequm begowralowt ʾeleh ʿim־ʾeleh kiy־hayu sarey־qodesh wesarey haʾelohiym mibeney ʾeleʿazar uviveney ʾiytamar׃ s

⁶ וַֽיִּכְתְּבֵ֡ם שְֽׁמַֽעְיָה֩ בֶן־נְתַנְאֵ֨ל הַסֹּופֵ֜ר מִן־הַלֵּוִ֗י לִפְנֵ֨י הַמֶּ֤לֶךְ וְהַשָּׂרִים֙ וְצָדֹ֣וק הַכֹּהֵ֗ן וַאֲחִימֶ֙לֶךְ֙ בֶּן־אֶבְיָתָ֔ר וְרָאשֵׁי֙ הָֽאָבֹ֔ות לַכֹּהֲנִ֖ים וְלַלְוִיִּ֑ם בֵּֽית־אָ֣ב אֶחָ֗ד אָחֻז֙ לְאֶלְעָזָ֔ר וְאָחֻ֥ז ׀ אָחֻ֖ז לְאִיתָמָֽר׃ פ wayikhetevem shemaʿeyah ven־netaneʾel hasowfer min־halewiy lifeney hamelekhe wehasariym wetsadowq hakohen waʾaḥiymelekhe ben־ʾeveyatar weraʾshey haʾavowt lakohaniym welalewiyim beyt־ʾav ʾeḥad ʾaḥuz leʾeleʿazar weʾaḥuz ׀ ʾaḥuz leʾiytamar׃ f

⁷ וַיֵּצֵ֞א הַגֹּורָ֤ל הָרִאשֹׁון֙ לִיהֹ֣ויָרִ֔יב לִֽידַעְיָ֖ה הַשֵּׁנִֽי׃ wayetseʾ hagowral hariʾshown liyhowyariyv liydaʿeyah hasheniy׃

⁸ לְחָרִם֙ הַשְּׁלִישִׁ֔י לִשְׂעֹרִ֖ים הָרְבִעִֽי׃ leḥarim hasheliyshiy liseʿoriym hareviʿiy׃

⁹ לְמַלְכִּיָּה֙ הַחֲמִישִׁ֔י לְמִיָּמִ֖ן הַשִּׁשִּֽׁי׃ lemalekiyah haḥamiyshiy lemiyamin hashishiy׃

¹⁰ לְהַקֹּוץ֙ הַשְּׁבִעִ֔י לַאֲבִיָּ֖ה הַשְּׁמִינִֽי׃ lehaqowts hasheviʿiy laʾaviyah hashemiyniy׃

¹¹ לְיֵשׁ֙וּעַ֙ הַתְּשִׁעִ֔י לִשְׁכַנְיָ֖הוּ הָעֲשִׂרִֽי׃ leyeshuaʿ hateshiʿiy lishekhaneyahu haʿasiriy׃

¹² לְאֶלְיָשִׁיב֙ עַשְׁתֵּ֣י עָשָׂ֔ר לְיָקִ֖ים שְׁנֵ֥ים עָשָֽׂר׃ leʾeleyashiyv ʿashetey ʿasar leyaqiym sheneym ʿasar׃

¹³ לְחֻפָּה֙ שְׁלֹשָׁ֣ה עָשָׂ֔ר לְיֶֽשֶׁבְאָ֖ב אַרְבָּעָ֥ה עָשָֽׂר׃ leḥupah sheloshah ʿasar leyesheveʾav ʾarebaʿah ʿasar׃

¹⁴ לְבִלְגָּה֙ חֲמִשָּׁ֣ה עָשָׂ֔ר לְאִמֵּ֖ר שִׁשָּׁ֥ה עָשָֽׂר׃ levilegah ḥamishah ʿasar leʾimer shishah ʿasar׃

¹⁵ לְחֵזִיר֙ שִׁבְעָ֣ה עָשָׂ֔ר לְהַפִּצֵּ֖ץ שְׁמֹונָ֥ה עָשָֽׂר׃ leḥeziyr shiveʿah ʿasar lehapitsets shemownah ʿasar׃

¹⁶ לִֽפְתַחְיָה֙ תִּשְׁעָ֣ה עָשָׂ֔ר לִֽיחֶזְקֵ֖אל הָעֶשְׂרִֽים׃ lifetaḥeyah tisheʿah ʿasar liyḥezeqeʾl haʿeseriym׃

¹⁷ לְיָכִין֙ אֶחָ֣ד וְעֶשְׂרִ֔ים לְגָמ֖וּל שְׁנַ֥יִם וְעֶשְׂרִֽים׃ leyakhiyn ʾeḥad weʿeseriym legamul shenayim weʿeseriym׃

¹⁸ לִדְלָיָ֙הוּ֙ שְׁלֹשָׁ֣ה וְעֶשְׂרִ֔ים לְמַֽעַזְיָ֖הוּ אַרְבָּעָ֥ה וְעֶשְׂרִֽים׃ פ lidelayahu sheloshah weʿeseriym lemaʿazeyahu ʾarebaʿah weʿeseriym׃ f

¹⁹ אֵ֣לֶּה פְקֻדָּתָ֞ם לַעֲבֹדָתָ֗ם לָבֹ֤וא לְבֵית־יְהוָה֙ כְּמִשְׁפָּטָ֔ם בְּיַ֖ד אַהֲרֹ֣ן אֲבִיהֶ֑ם כַּאֲשֶׁ֣ר צִוָּ֔הוּ יְהוָ֖ה אֱלֹהֵ֥י יִשְׂרָאֵֽל׃ פ ʾeleh fequdatam laʿavodatam lavowʾ leveyt־yehwah kemishepaṭam beyad ʾaharon ʾaviyhem kaʾasher tsiuahu yehwah ʾelohey yiseraʾel׃ f

²⁰ וְלִבְנֵ֥י לֵוִ֖י הַנֹּותָרִ֑ים לִבְנֵ֤י עַמְרָם֙ שֽׁוּבָאֵ֔ל לִבְנֵ֥י שׁוּבָאֵ֖ל יֶחְדְּיָֽהוּ׃ weliveney lewiy hanowtariym liveney ʿameram shuvaʾel liveney shuvaʾel yeḥedeyahu׃

²¹ לִרְחַבְיָ֑הוּ לִבְנֵ֣י רְחַבְיָ֔הוּ הָרֹ֖אשׁ יִשִּׁיָּֽה׃ lireḥaveyahu liveney reḥaveyahu haroʾsh yishiyah׃

²² לַיִּצְהָרִ֣י שְׁלֹמֹ֔ות לִבְנֵ֥י שְׁלֹמֹ֖ות יָֽחַת׃ layitsehariy shelomowt liveney shelomowt yaḥat׃

²³ וּבְנָ֖י יְרִיָּ֑הוּ אֲמַרְיָ֙הוּ֙ הַשֵּׁנִ֔י יַחֲזִיאֵל֙ הַשְּׁלִישִׁ֔י יְקַמְעָ֖ם הָרְבִיעִֽי׃ uvenay yeriyahu ʾamareyahu hasheniy yaḥaziyʾel hasheliyshiy yeqameʿam hareviyʿiy׃

²⁴ בְּנֵ֤י עֻזִּיאֵל֙ מִיכָ֔ה לִבְנֵ֥י מִיכָ֖ה [שָׁמוּר כ] (שָׁמִֽיר׃ ק) beney ʿuziyʾel miykhah liveney miykhah [shamur kh] (shamiyr׃ q)

²⁵ אֲחִ֤י מִיכָה֙ יִשִּׁיָּ֔ה לִבְנֵ֥י יִשִּׁיָּ֖ה זְכַרְיָֽהוּ׃ ʾaḥiy miykhah yishiyah liveney yishiyah zekhareyahu׃

²⁶ בְּנֵ֤י מְרָרִי֙ מַחְלִ֣י וּמוּשִׁ֔י בְּנֵ֖י יַעֲזִיָּ֥הֽוּ בְנֹֽו׃ beney merariy maḥeliy umushiy beney yaʿaziyahu venow׃

²⁷ בְּנֵ֖י מְרָרִ֑י לְיַֽעֲזִיָּ֣הֽוּ בְנֹ֔ו וְשֹׁ֥הַם וְזַכּ֖וּר וְעִבְרִֽי׃ beney merariy leyaʿaziyahu venow weshoham wezakur weʿiveriy׃

²⁸ לְמַחְלִי֙ אֶלְעָזָ֔ר וְלֹא־הָ֥יָה לֹ֖ו בָּנִֽים׃ lemaḥeliy ʾeleʿazar weloʾ־hayah low baniym׃

²⁹ לְקִ֖ישׁ בְּנֵי־קִ֥ישׁ יְרַחְמְאֵֽל׃ leqiysh beney־qiysh yeraḥemeʾel׃

³⁰ וּבְנֵ֣י מוּשִׁ֔י מַחְלִ֥י וְעֵ֖דֶר וִירִימֹ֑ות אֵ֛לֶּה בְּנֵ֥י הַלְוִיִּ֖ם לְבֵ֥ית אֲבֹתֵיהֶֽם׃ uveney mushiy maḥeliy weʿeder wiyriymowt ʾeleh beney halewiyim leveyt ʾavoteyhem׃

³¹ וַיַּפִּילוּ֩ גַם־הֵ֨ם גֹּורָלֹ֜ות לְעֻמַּ֣ת ׀ אֲחֵיהֶ֣ם בְּנֵֽי־אַהֲרֹ֗ן לִפְנֵ֨י דָוִ֤יד הַמֶּ֙לֶךְ֙ וְצָדֹ֣וק וַאֲחִימֶ֔לֶךְ וְרָאשֵׁי֙ הָֽאָבֹ֔ות לַכֹּהֲנִ֖ים וְלַלְוִיִּ֑ם אָבֹ֣ות הָרֹ֔אשׁ לְעֻמַּ֖ת אָחִ֥יו הַקָּטָֽן׃ ס wayapiylu gam־hem gowralowt leʿumat ׀ ʾaḥeyhem beney־ʾaharon lifeney dawiyd hamelekhe wetsadowq waʾaḥiymelekhe weraʾshey haʾavowt lakohaniym welalewiyim ʾavowt haroʾsh leʿumat ʾaḥiyw haqaṭan׃ s