2 Chroniques 15

¹ וַעֲזַרְיָ֙הוּ֙ בֶּן־עֹודֵ֔ד הָיְתָ֥ה עָלָ֖יו ר֥וּחַ אֱלֹהִֽים׃ waʿazareyahu ben־ʿowded hayetah ʿalayw ruaḥ ʾelohiym׃

² וַיֵּצֵא֮ לִפְנֵ֣י אָסָא֒ וַיֹּ֣אמֶר לֹ֔ו שְׁמָע֕וּנִי אָסָ֖א וְכָל־יְהוּדָ֣ה וּבִנְיָמִ֑ן יְהוָ֤ה עִמָּכֶם֙ בִּֽהְיֹֽותְכֶ֣ם עִמֹּ֔ו וְאִֽם־תִּדְרְשֻׁ֙הוּ֙ יִמָּצֵ֣א לָכֶ֔ם וְאִם־תַּעַזְבֻ֖הוּ יַעֲזֹ֥ב אֶתְכֶֽם׃ ס wayetseʾ lifeney ʾasaʾ wayoʾmer low shemaʿuniy ʾasaʾ wekhal־yehudah uvineyamin yehwah ʿimakhem biheyowtekhem ʿimow weʾim־tidereshuhu yimatseʾ lakhem weʾim־taʿazevuhu yaʿazov ʾetekhem׃ s

³ וְיָמִ֥ים רַבִּ֖ים לְיִשְׂרָאֵ֑ל לְלֹ֣א ׀ אֱלֹהֵ֣י אֱמֶ֗ת וּלְלֹ֛א כֹּהֵ֥ן מֹורֶ֖ה וּלְלֹ֥א תֹורָֽה׃ weyamiym rabiym leyiseraʾel leloʾ ׀ ʾelohey ʾemet uleloʾ kohen mowreh uleloʾ towrah׃

⁴ וַיָּ֙שָׁב֙ בַּצַּר־לֹ֔ו עַל־יְהוָ֖ה אֱלֹהֵ֣י יִשְׂרָאֵ֑ל וַיְבַקְשֻׁ֖הוּ וַיִּמָּצֵ֥א לָהֶֽם׃ wayashav batsar־low ʿal־yehwah ʾelohey yiseraʾel wayevaqeshuhu wayimatseʾ lahem׃

⁵ וּבָעִתִּ֣ים הָהֵ֔ם אֵ֥ין שָׁלֹ֖ום לַיֹּוצֵ֣א וְלַבָּ֑א כִּ֚י מְהוּמֹ֣ת רַבֹּ֔ות עַ֥ל כָּל־יֹושְׁבֵ֖י הָאֲרָצֹֽות׃ uvaʿitiym hahem ʾeyn shalowm layowtseʾ welabaʾ kiy mehumot rabowt ʿal kal־yowshevey haʾaratsowt׃

⁶ וְכֻתְּת֥וּ גֹוי־בְּגֹ֖וי וְעִ֣יר בְּעִ֑יר כִּֽי־אֱלֹהִ֥ים הֲמָמָ֖ם בְּכָל־צָרָֽה׃ wekhutetu gowy־begowy weʿiyr beʿiyr kiy־ʾelohiym hamamam bekhal־tsarah׃

⁷ וְאַתֶּ֣ם חִזְק֔וּ וְאַל־יִרְפּ֖וּ יְדֵיכֶ֑ם כִּ֛י יֵ֥שׁ שָׂכָ֖ר לִפְעֻלַּתְכֶֽם׃ ס weʾatem ḥizequ weʾal־yirepu yedeykhem kiy yesh sakhar lifeʿulatekhem׃ s

⁸ וְכִשְׁמֹ֨עַ אָסָ֜א הַדְּבָרִ֣ים הָאֵ֗לֶּה וְהַנְּבוּאָה֮ עֹדֵ֣ד הַנָּבִיא֒ הִתְחַזַּ֗ק וַיַּעֲבֵ֤ר הַשִּׁקּוּצִים֙ מִכָּל־אֶ֤רֶץ יְהוּדָה֙ וּבִנְיָמִ֔ן וּמִן־הֶ֣עָרִ֔ים אֲשֶׁ֥ר לָכַ֖ד מֵהַ֣ר אֶפְרָ֑יִם וַיְחַדֵּשׁ֙ אֶת־מִזְבַּ֣ח יְהוָ֔ה אֲשֶׁ֕ר לִפְנֵ֖י אוּלָ֥ם יְהוָֽה׃ wekhishemoaʿ ʾasaʾ hadevariym haʾeleh wehanevuʾah ʿoded hanaviyʾ hiteḥazaq wayaʿaver hashiqutsiym mikal־ʾerets yehudah uvineyamin umin־heʿariym ʾasher lakhad mehar ʾeferayim wayeḥadesh ʾet־mizebaḥ yehwah ʾasher lifeney ʾulam yehwah׃

⁹ וַיִּקְבֹּ֗ץ אֶת־כָּל־יְהוּדָה֙ וּבִנְיָמִ֔ן וְהַגָּרִים֙ עִמָּהֶ֔ם מֵאֶפְרַ֥יִם וּמְנַשֶּׁ֖ה וּמִשִּׁמְעֹ֑ון כִּֽי־נָפְל֨וּ עָלָ֤יו מִיִּשְׂרָאֵל֙ לָרֹ֔ב בִּרְאֹתָ֕ם כִּֽי־יְהוָ֥ה אֱלֹהָ֖יו עִמֹּֽו׃ פ wayiqebots ʾet־kal־yehudah uvineyamin wehagariym ʿimahem meʾeferayim umenasheh umishimeʿown kiy־nafelu ʿalayw miyiseraʾel larov bireʾotam kiy־yehwah ʾelohayw ʿimow׃ f

¹⁰ וַיִּקָּבְצ֥וּ יְרוּשָׁלִַ֖ם בַּחֹ֣דֶשׁ הַשְּׁלִישִׁ֑י לִשְׁנַ֥ת חֲמֵשׁ־עֶשְׂרֵ֖ה לְמַלְכ֥וּת אָסָֽא׃ wayiqavetsu yerushalim baḥodesh hasheliyshiy lishenat ḥamesh־ʿesereh lemalekhut ʾasaʾ׃

¹¹ וַיִּזְבְּח֤וּ לַיהוָה֙ בַּיֹּ֣ום הַה֔וּא מִן־הַשָּׁלָ֖ל הֵבִ֑יאוּ בָּקָר֙ שְׁבַ֣ע מֵאֹ֔ות וְצֹ֖אן שִׁבְעַ֥ת אֲלָפִֽים׃ wayizebeḥu layhwah bayowm hahuʾ min־hashalal heviyʾu baqar shevaʿ meʾowt wetsoʾn shiveʿat ʾalafiym׃

¹² וַיָּבֹ֣אוּ בַבְּרִ֔ית לִדְרֹ֕ושׁ אֶת־יְהוָ֖ה אֱלֹהֵ֣י אֲבֹותֵיהֶ֑ם בְּכָל־לְבָבָ֖ם וּבְכָל־נַפְשָֽׁם׃ wayavoʾu vaberiyt liderowsh ʾet־yehwah ʾelohey ʾavowteyhem bekhal־levavam uvekhal־nafesham׃

¹³ וְכֹ֨ל אֲשֶׁ֧ר לֹֽא־יִדְרֹ֛שׁ לַיהוָ֥ה אֱלֹהֵֽי־יִשְׂרָאֵ֖ל יוּמָ֑ת לְמִן־קָטֹן֙ וְעַד־גָּדֹ֔ול לְמֵאִ֖ישׁ וְעַד־אִשָּֽׁה׃ wekhol ʾasher loʾ־yiderosh layhwah ʾelohey־yiseraʾel yumat lemin־qaṭon weʿad־gadowl lemeʾiysh weʿad־ʾishah׃

¹⁴ וַיִּשָּֽׁבְעוּ֙ לַיהוָ֔ה בְּקֹ֥ול גָּדֹ֖ול וּבִתְרוּעָ֑ה וּבַחֲצֹצְרֹ֖ות וּבְשֹׁופָרֹֽות׃ wayishaveʿu layhwah beqowl gadowl uviteruʿah uvaḥatsotserowt uveshowfarowt׃

¹⁵ וַיִּשְׂמְח֨וּ כָל־יְהוּדָ֜ה עַל־הַשְּׁבוּעָ֗ה כִּ֤י בְכָל־לְבָבָם֙ נִשְׁבָּ֔עוּ וּבְכָל־רְצֹונָ֣ם בִּקְשֻׁ֔הוּ וַיִּמָּצֵ֖א לָהֶ֑ם וַיָּ֧נַח יְהוָ֛ה לָהֶ֖ם מִסָּבִֽיב׃ wayisemeḥu khal־yehudah ʿal־hashevuʿah kiy vekhal־levavam nishebaʿu uvekhal־retsownam biqeshuhu wayimatseʾ lahem wayanaḥ yehwah lahem misaviyv׃

¹⁶ וְגַֽם־מַעֲכָ֞ה אֵ֣ם ׀ אָסָ֣א הַמֶּ֗לֶךְ הֱסִירָהּ֙ מִגְּבִירָ֔ה אֲשֶׁר־עָשְׂתָ֥ה לַאֲשֵׁרָ֖ה מִפְלָ֑צֶת וַיִּכְרֹ֤ת אָסָא֙ אֶת־מִפְלַצְתָּ֔הּ וַיָּ֕דֶק וַיִּשְׂרֹ֖ף בְּנַ֥חַל קִדְרֹֽון׃ wegam־maʿakhah ʾem ׀ ʾasaʾ hamelekhe hesiyrah migeviyrah ʾasher־ʿasetah laʾasherah mifelatset wayikherot ʾasaʾ ʾet־mifelatsetah wayadeq wayiserof benaḥal qiderown׃

¹⁷ וְהַ֨בָּמֹ֔ות לֹא־סָ֖רוּ מִיִּשְׂרָאֵ֑ל רַ֧ק לְבַב־אָסָ֛א הָיָ֥ה שָׁלֵ֖ם כָּל־יָמָֽיו׃ wehabamowt loʾ־saru miyiseraʾel raq levav־ʾasaʾ hayah shalem kal־yamayw׃

¹⁸ וַיָּבֵ֞א אֶת־קָדְשֵׁ֥י אָבִ֛יו וְקָֽדָשָׁ֖יו בֵּ֣ית הָאֱלֹהִ֑ים כֶּ֥סֶף וְזָהָ֖ב וְכֵלִֽים׃ wayaveʾ ʾet־qadeshey ʾaviyw weqadashayw beyt haʾelohiym kesef wezahav wekheliym׃

¹⁹ וּמִלְחָמָ֖ה לֹ֣א הָיָ֑תָה עַ֛ד שְׁנַת־שְׁלֹשִׁ֥ים וְחָמֵ֖שׁ לְמַלְכ֥וּת אָסָֽא׃ ס umileḥamah loʾ hayatah ʿad shenat־sheloshiym weḥamesh lemalekhut ʾasaʾ׃ s