1 עַל־מִשְׁמַרְתִּ֣י אֶעֱמֹ֔דָה וְאֶֽתְיַצְּבָ֖ה עַל־מָצֹ֑ור וַאֲצַפֶּ֗ה לִרְאֹות֙ מַה־יְדַבֶּר־בִּ֔י וּמָ֥ה אָשִׁ֖יב עַל־תֹּוכַחְתִּֽי׃ ʿal־mishemaretiy ʾeʿemodah weʾeteyatsevah ʿal־matsowr waʾatsapeh lireʾowt mah־yedaber־biy umah ʾashiyv ʿal־towkhaḥetiy׃
2 וַיַּעֲנֵ֤נִי יְהוָה֙ וַיֹּ֔אמֶר כְּתֹ֣וב חָזֹ֔ון וּבָאֵ֖ר עַל־הַלֻּחֹ֑ות לְמַ֥עַן יָר֖וּץ קֹ֥ורֵא בֹֽו׃ wayaʿaneniy yehwah wayoʾmer ketowv ḥazown uvaʾer ʿal־haluḥowt lemaʿan yaruts qowreʾ vow׃
3 כִּ֣י עֹ֤וד חָזֹון֙ לַמֹּועֵ֔ד וְיָפֵ֥חַ לַקֵּ֖ץ וְלֹ֣א יְכַזֵּ֑ב אִם־יִתְמַהְמָהּ֙ חַכֵּה־לֹ֔ו כִּֽי־בֹ֥א יָבֹ֖א לֹ֥א יְאַחֵֽר׃ kiy ʿowd ḥazown lamowʿed weyafeaḥ laqets weloʾ yekhazev ʾim־yitemahemah ḥakeh־low kiy־voʾ yavoʾ loʾ yeʾaḥer׃
4 הִנֵּ֣ה עֻפְּלָ֔ה לֹא־יָשְׁרָ֥ה נַפְשֹׁ֖ו בֹּ֑ו וְצַדִּ֖יק בֶּאֱמוּנָתֹ֥ו יִחְיֶֽה׃ hineh ʿupelah loʾ־yasherah nafeshow bow wetsadiyq beʾemunatow yiḥeyeh׃
5 וְאַף֙ כִּֽי־הַיַּ֣יִן בֹּוגֵ֔ד גֶּ֥בֶר יָהִ֖יר וְלֹ֣א יִנְוֶ֑ה אֲשֶׁר֩ הִרְחִ֨יב כִּשְׁאֹ֜ול נַפְשֹׁ֗ו וְה֤וּא כַמָּ֙וֶת֙ וְלֹ֣א יִשְׂבָּ֔ע וַיֶּאֱסֹ֤ף אֵלָיו֙ כָּל־הַגֹּויִ֔ם וַיִּקְבֹּ֥ץ אֵלָ֖יו כָּל־הָעַמִּֽים׃ weʾaf kiy־hayayin bowged gever yahiyr weloʾ yineweh ʾasher hireḥiyv kisheʾowl nafeshow wehuʾ khamawet weloʾ yisebaʿ wayeʾesof ʾelayw kal־hagowyim wayiqebots ʾelayw kal־haʿamiym׃
6 הֲלֹוא־אֵ֣לֶּה כֻלָּ֗ם עָלָיו֙ מָשָׁ֣ל יִשָּׂ֔אוּ וּמְלִיצָ֖ה חִידֹ֣ות לֹ֑ו וְיֹאמַ֗ר הֹ֚וי הַמַּרְבֶּ֣ה לֹּא־לֹ֔ו עַד־מָתַ֕י וּמַכְבִּ֥יד עָלָ֖יו עַבְטִֽיט׃ halowʾ־ʾeleh khulam ʿalayw mashal yisaʾu umeliytsah ḥiydowt low weyoʾmar howy hamarebeh loʾ־low ʿad־matay umakhebiyd ʿalayw ʿaveṭiyṭ׃
7 הֲלֹ֣וא פֶ֗תַע יָק֙וּמוּ֙ נֹשְׁכֶ֔יךָ וְיִקְצ֖וּ מְזַעְזְעֶ֑יךָ וְהָיִ֥יתָ לִמְשִׁסֹּ֖ות לָֽמֹו׃ halowʾ fetaʿ yaqumu noshekheykha weyiqetsu mezaʿezeʿeykha wehayiyta limeshisowt lamow׃
8 כִּֽי אַתָּ֤ה שַׁלֹּ֙ותָ֙ גֹּויִ֣ם רַבִּ֔ים יְשָׁלּ֖וּךָ כָּל־יֶ֣תֶר עַמִּ֑ים מִדְּמֵ֤י אָדָם֙ וַחֲמַס־אֶ֔רֶץ קִרְיָ֖ה וְכָל־יֹ֥שְׁבֵי בָֽהּ׃ פ kiy ʾatah shalowta gowyim rabiym yeshalukha kal־yeter ʿamiym midemey ʾadam waḥamas־ʾerets qireyah wekhal־yoshevey vah׃ f
9 הֹ֗וי בֹּצֵ֛עַ בֶּ֥צַע רָ֖ע לְבֵיתֹ֑ו לָשׂ֤וּם בַּמָּרֹום֙ קִנֹּ֔ו לְהִנָּצֵ֖ל מִכַּף־רָֽע׃ howy botseaʿ betsaʿ raʿ leveytow lasum bamarowm qinow lehinatsel mikaf־raʿ׃
10 יָעַ֥צְתָּ בֹּ֖שֶׁת לְבֵיתֶ֑ךָ קְצֹות־עַמִּ֥ים רַבִּ֖ים וְחֹוטֵ֥א נַפְשֶֽׁךָ׃ yaʿatseta boshet leveytekha qetsowt־ʿamiym rabiym weḥowṭeʾ nafeshekha׃
11 כִּי־אֶ֖בֶן מִקִּ֣יר תִּזְעָ֑ק וְכָפִ֖יס מֵעֵ֥ץ יַעֲנֶֽנָּה׃ פ kiy־ʾeven miqiyr tizeʿaq wekhafiys meʿets yaʿanenah׃ f
12 הֹ֛וי בֹּנֶ֥ה עִ֖יר בְּדָמִ֑ים וְכֹונֵ֥ן קִרְיָ֖ה בְּעַוְלָֽה׃ howy boneh ʿiyr bedamiym wekhownen qireyah beʿawelah׃
13 הֲלֹ֣וא הִנֵּ֔ה מֵאֵ֖ת יְהוָ֣ה צְבָאֹ֑ות וְיִֽיגְע֤וּ עַמִּים֙ בְּדֵי־אֵ֔שׁ וּלְאֻמִּ֖ים בְּדֵי־רִ֥יק יִעָֽפוּ׃ halowʾ hineh meʾet yehwah tsevaʾowt weyiygeʿu ʿamiym bedey־ʾesh uleʾumiym bedey־riyq yiʿafu׃
14 כִּ֚י תִּמָּלֵ֣א הָאָ֔רֶץ לָדַ֖עַת אֶת־כְּבֹ֣וד יְהוָ֑ה כַּמַּ֖יִם יְכַסּ֥וּ עַל־יָֽם׃ ס kiy timaleʾ haʾarets ladaʿat ʾet־kevowd yehwah kamayim yekhasu ʿal־yam׃ s
15 הֹ֚וי מַשְׁקֵ֣ה רֵעֵ֔הוּ מְסַפֵּ֥חַ חֲמָתְךָ֖ וְאַ֣ף שַׁכֵּ֑ר לְמַ֥עַן הַבִּ֖יט עַל־מְעֹורֵיהֶֽם׃ howy masheqeh reʿehu mesapeaḥ ḥamatekha weʾaf shaker lemaʿan habiyṭ ʿal־meʿowreyhem׃
16 שָׂבַ֤עְתָּ קָלֹון֙ מִכָּבֹ֔וד שְׁתֵ֥ה גַם־אַ֖תָּה וְהֵֽעָרֵ֑ל תִּסֹּ֣וב עָלֶ֗יךָ כֹּ֚וס יְמִ֣ין יְהוָ֔ה וְקִיקָלֹ֖ון עַל־כְּבֹודֶֽךָ׃ savaʿeta qalown mikavowd sheteh gam־ʾatah weheʿarel tisowv ʿaleykha kows yemiyn yehwah weqiyqalown ʿal־kevowdekha׃
17 כִּ֣י חֲמַ֤ס לְבָנֹון֙ יְכַסֶּ֔ךָּ וְשֹׁ֥ד בְּהֵמֹ֖ות יְחִיתַ֑ן מִדְּמֵ֤י אָדָם֙ וַחֲמַס־אֶ֔רֶץ קִרְיָ֖ה וְכָל־יֹ֥שְׁבֵי בָֽהּ׃ ס kiy ḥamas levanown yekhaseka weshod behemowt yeḥiytan midemey ʾadam waḥamas־ʾerets qireyah wekhal־yoshevey vah׃ s
18 מָֽה־הֹועִ֣יל פֶּ֗סֶל כִּ֤י פְסָלֹו֙ יֹֽצְרֹ֔ו מַסֵּכָ֖ה וּמֹ֣ורֶה שָּׁ֑קֶר כִּ֣י בָטַ֞ח יֹצֵ֤ר יִצְרֹו֙ עָלָ֔יו לַעֲשֹׂ֖ות אֱלִילִ֥ים אִלְּמִֽים׃ ס mah־howʿiyl pesel kiy fesalow yotserow masekhah umowreh shaqer kiy vaṭaḥ yotser yitserow ʿalayw laʿasowt ʾeliyliym ʾilemiym׃ s
19 הֹ֣וי אֹמֵ֤ר לָעֵץ֙ הָקִ֔יצָה ע֖וּרִי לְאֶ֣בֶן דּוּמָ֑ם ה֣וּא יֹורֶ֔ה הִנֵּה־ה֗וּא תָּפוּשׂ֙ זָהָ֣ב וָכֶ֔סֶף וְכָל־ר֖וּחַ אֵ֥ין בְּקִרְבֹּֽו׃ howy ʾomer laʿets haqiytsah ʿuriy leʾeven dumam huʾ yowreh hineh־huʾ tafus zahav wakhesef wekhal־ruaḥ ʾeyn beqirebow׃
20 וַֽיהוָ֖ה בְּהֵיכַ֣ל קָדְשֹׁ֑ו הַ֥ס מִפָּנָ֖יו כָּל־הָאָֽרֶץ׃ פ wayhwah beheykhal qadeshow has mipanayw kal־haʾarets׃ f