1 בִּשְׁנַ֛ת שְׁמֹונֶ֥ה עֶשְׂרֵ֖ה לַמֶּ֣לֶךְ יָרָבְעָ֑ם וַיִּמְלֹ֥ךְ אֲבִיָּ֖ה עַל־יְהוּדָֽה׃ bishenat shemowneh ʿesereh lamelekhe yaraveʿam wayimelokhe ʾaviyah ʿal־yehudah׃
2 שָׁלֹ֣ושׁ שָׁנִ֗ים מָלַךְ֙ בִּיר֣וּשָׁלִַ֔ם וְשֵׁ֣ם אִמֹּ֔ו מִיכָיָ֥הוּ בַת־אוּרִיאֵ֖ל מִן־גִּבְעָ֑ה וּמִלְחָמָ֥ה הָיְתָ֛ה בֵּ֥ין אֲבִיָּ֖ה וּבֵ֥ין יָרָבְעָֽם׃ shalowsh shaniym malakhe biyrushalim weshem ʾimow miykhayahu vat־ʾuriyʾel min־giveʿah umileḥamah hayetah beyn ʾaviyah uveyn yaraveʿam׃
3 וַיֶּאְסֹ֨ר אֲבִיָּ֜ה אֶת־הַמִּלְחָמָ֗ה בְּחַ֙יִל֙ גִּבֹּורֵ֣י מִלְחָמָ֔ה אַרְבַּע־מֵאֹ֥ות אֶ֖לֶף אִ֣ישׁ בָּח֑וּר ס וְיָרָבְעָ֗ם עָרַ֤ךְ עִמֹּו֙ מִלְחָמָ֔ה בִּשְׁמֹונֶ֨ה מֵאֹ֥ות אֶ֛לֶף אִ֥ישׁ בָּח֖וּר גִּבֹּ֥ור חָֽיִל׃ ס wayeʾesor ʾaviyah ʾet־hamileḥamah beḥayil gibowrey mileḥamah ʾarebaʿ־meʾowt ʾelef ʾiysh baḥur s weyaraveʿam ʿarakhe ʿimow mileḥamah bishemowneh meʾowt ʾelef ʾiysh baḥur gibowr ḥayil׃ s
4 וַיָּ֣קָם אֲבִיָּ֗ה מֵעַל֙ לְהַ֣ר צְמָרַ֔יִם אֲשֶׁ֖ר בְּהַ֣ר אֶפְרָ֑יִם וַיֹּ֕אמֶר שְׁמָע֖וּנִי יָרָבְעָ֥ם וְכָל־יִשְׂרָאֵֽל׃ wayaqam ʾaviyah meʿal lehar tsemarayim ʾasher behar ʾeferayim wayoʾmer shemaʿuniy yaraveʿam wekhal־yiseraʾel׃
5 הֲלֹ֤א לָכֶם֙ לָדַ֔עַת כִּ֞י יְהוָ֣ה ׀ אֱלֹהֵ֣י יִשְׂרָאֵ֗ל נָתַ֨ן מַמְלָכָ֧ה לְדָוִ֛יד עַל־יִשְׂרָאֵ֖ל לְעֹולָ֑ם לֹ֥ו וּלְבָנָ֖יו בְּרִ֥ית מֶֽלַח׃ ס haloʾ lakhem ladaʿat kiy yehwah ׀ ʾelohey yiseraʾel natan mamelakhah ledawiyd ʿal־yiseraʾel leʿowlam low ulevanayw beriyt melaḥ׃ s
6 וַיָּ֙קָם֙ יָרָבְעָ֣ם בֶּן־נְבָ֔ט עֶ֖בֶד שְׁלֹמֹ֣ה בֶן־דָּוִ֑יד וַיִּמְרֹ֖ד עַל־אֲדֹנָֽיו׃ wayaqam yaraveʿam ben־nevaṭ ʿeved shelomoh ven־dawiyd wayimerod ʿal־ʾadonayw׃
7 וַיִּקָּבְצ֣וּ עָלָ֗יו אֲנָשִׁ֤ים רֵקִים֙ בְּנֵ֣י בְלִיַּ֔עַל וַיִּֽתְאַמְּצ֖וּ עַל־רְחַבְעָ֣ם בֶּן־שְׁלֹמֹ֑ה וּרְחַבְעָ֗ם הָ֤יָה נַ֙עַר֙ וְרַךְ־לֵבָ֔ב וְלֹ֥א הִתְחַזַּ֖ק לִפְנֵיהֶֽם׃ wayiqavetsu ʿalayw ʾanashiym reqiym beney veliyaʿal wayiteʾametsu ʿal־reḥaveʿam ben־shelomoh ureḥaveʿam hayah naʿar werakhe־levav weloʾ hiteḥazaq lifeneyhem׃
8 וְעַתָּ֣ה ׀ אַתֶּ֣ם אֹֽמְרִ֗ים לְהִתְחַזֵּק֙ לִפְנֵי֙ מַמְלֶ֣כֶת יְהוָ֔ה בְּיַ֖ד בְּנֵ֣י דָוִ֑יד וְאַתֶּם֙ הָמֹ֣ון רָ֔ב וְעִמָּכֶם֙ עֶגְלֵ֣י זָהָ֔ב אֲשֶׁ֨ר עָשָׂ֥ה לָכֶ֛ם יָרָבְעָ֖ם לֵאלֹהִֽים׃ weʿatah ׀ ʾatem ʾomeriym lehiteḥazeq lifeney mamelekhet yehwah beyad beney dawiyd weʾatem hamown rav weʿimakhem ʿegeley zahav ʾasher ʿasah lakhem yaraveʿam leʾlohiym׃
9 הֲלֹ֤א הִדַּחְתֶּם֙ אֶת־כֹּהֲנֵ֣י יְהוָ֔ה אֶת־בְּנֵ֥י אַהֲרֹ֖ן וְהַלְוִיִּ֑ם וַתַּעֲשׂ֨וּ לָכֶ֤ם כֹּהֲנִים֙ כְּעַמֵּ֣י הָאֲרָצֹ֔ות כָּל־הַבָּ֗א לְמַלֵּ֨א יָדֹ֜ו בְּפַ֤ר בֶּן־בָּקָר֙ וְאֵילִ֣ם שִׁבְעָ֔ה וְהָיָ֥ה כֹהֵ֖ן לְלֹ֥א אֱלֹהִֽים׃ ס haloʾ hidaḥetem ʾet־kohaney yehwah ʾet־beney ʾaharon wehalewiyim wataʿasu lakhem kohaniym keʿamey haʾaratsowt kal־habaʾ lemaleʾ yadow befar ben־baqar weʾeylim shiveʿah wehayah khohen leloʾ ʾelohiym׃ s
10 וַאֲנַ֛חְנוּ יְהוָ֥ה אֱלֹהֵ֖ינוּ וְלֹ֣א עֲזַבְנֻ֑הוּ וְכֹ֨הֲנִ֜ים מְשָׁרְתִ֤ים לַֽיהוָה֙ בְּנֵ֣י אַהֲרֹ֔ן וְהַלְוִיִּ֖ם בַּמְלָֽאכֶת׃ waʾanaḥenu yehwah ʾeloheynu weloʾ ʿazavenuhu wekhohaniym mesharetiym layhwah beney ʾaharon wehalewiyim bamelaʾkhet׃
11 וּמַקְטִרִ֣ים לַיהוָ֡ה עֹלֹ֣ות בַּבֹּֽקֶר־בַּבֹּ֣קֶר וּבָעֶֽרֶב־בָּעֶ֣רֶב וּקְטֹֽרֶת־סַמִּים֩ וּמַעֲרֶ֨כֶת לֶ֜חֶם עַל־הַשֻּׁלְחָ֣ן הַטָּהֹ֗ור וּמְנֹורַ֨ת הַזָּהָ֤ב וְנֵרֹתֶ֙יהָ֙ לְבָעֵר֙ בָּעֶ֣רֶב בָּעֶ֔רֶב כִּֽי־שֹׁמְרִ֣ים אֲנַ֔חְנוּ אֶת־מִשְׁמֶ֖רֶת יְהוָ֣ה אֱלֹהֵ֑ינוּ וְאַתֶּ֖ם עֲזַבְתֶּ֥ם אֹתֹֽו׃ umaqeṭiriym layhwah ʿolowt baboqer־baboqer uvaʿerev־baʿerev uqeṭoret־samiym umaʿarekhet leḥem ʿal־hashuleḥan haṭahowr umenowrat hazahav weneroteyha levaʿer baʿerev baʿerev kiy־shomeriym ʾanaḥenu ʾet־mishemeret yehwah ʾeloheynu weʾatem ʿazavetem ʾotow׃
12 וְהִנֵּה֩ עִמָּ֨נוּ בָרֹ֜אשׁ הָאֱלֹהִ֧ים ׀ וְכֹהֲנָ֛יו וַחֲצֹצְרֹ֥ות הַתְּרוּעָ֖ה לְהָרִ֣יעַ עֲלֵיכֶ֑ם בְּנֵ֣י יִשְׂרָאֵ֗ל אַל־תִּלָּֽחֲמ֛וּ עִם־יְהוָ֥ה אֱלֹהֵֽי־אֲבֹתֵיכֶ֖ם כִּי־לֹ֥א תַצְלִֽיחוּ׃ wehineh ʿimanu varoʾsh haʾelohiym ׀ wekhohanayw waḥatsotserowt hateruʿah lehariyʿa ʿaleykhem beney yiseraʾel ʾal־tilaḥamu ʿim־yehwah ʾelohey־ʾavoteykhem kiy־loʾ tatseliyḥu׃
13 וְיָֽרָבְעָ֗ם הֵסֵב֙ אֶת־הַמַּאְרָ֔ב לָבֹ֖וא מֵֽאַחֲרֵיהֶ֑ם וַיִּֽהְיוּ֙ לִפְנֵ֣י יְהוּדָ֔ה וְהַמַּאְרָ֖ב מֵאַחֲרֵיהֶֽם׃ weyaraveʿam hesev ʾet־hamaʾerav lavowʾ meʾaḥareyhem wayiheyu lifeney yehudah wehamaʾerav meʾaḥareyhem׃
14 וַיִּפְנ֣וּ יְהוּדָ֗ה וְהִנֵּ֨ה לָהֶ֤ם הַמִּלְחָמָה֙ פָּנִ֣ים וְאָחֹ֔ור וַֽיִּצְעֲק֖וּ לַיהוָ֑ה וְהַכֹּ֣הֲנִ֔ים [מַחֲצֹצְרִים כ] (מַחְצְרִ֖ים ק) בַּחֲצֹצְרֹֽות׃ wayifenu yehudah wehineh lahem hamileḥamah paniym weʾaḥowr wayitseʿaqu layhwah wehakohaniym [maḥatsotseriym kh] (maḥetseriym q) baḥatsotserowt׃
15 וַיָּרִ֖יעוּ אִ֣ישׁ יְהוּדָ֑ה וַיְהִ֗י בְּהָרִ֙יעַ֙ אִ֣ישׁ יְהוּדָ֔ה וְהָאֱלֹהִ֗ים נָגַ֤ף אֶת־יָֽרָבְעָם֙ וְכָל־יִשְׂרָאֵ֔ל לִפְנֵ֥י אֲבִיָּ֖ה וִיהוּדָֽה׃ wayariyʿu ʾiysh yehudah wayehiy behariyʿa ʾiysh yehudah wehaʾelohiym nagaf ʾet־yaraveʿam wekhal־yiseraʾel lifeney ʾaviyah wiyhudah׃
16 וַיָּנ֥וּסוּ בְנֵי־יִשְׂרָאֵ֖ל מִפְּנֵ֣י יְהוּדָ֑ה וַיִּתְּנֵ֥ם אֱלֹהִ֖ים בְּיָדָֽם׃ wayanusu veney־yiseraʾel mipeney yehudah wayitenem ʾelohiym beyadam׃
17 וַיַּכּ֥וּ בָהֶ֛ם אֲבִיָּ֥ה וְעַמֹּ֖ו מַכָּ֣ה רַבָּ֑ה וַיִּפְּל֤וּ חֲלָלִים֙ מִיִּשְׂרָאֵ֔ל חֲמֵשׁ־מֵאֹ֥ות אֶ֖לֶף אִ֥ישׁ בָּחֽוּר׃ wayaku vahem ʾaviyah weʿamow makah rabah wayipelu ḥalaliym miyiseraʾel ḥamesh־meʾowt ʾelef ʾiysh baḥur׃
18 וַיִּכָּנְע֥וּ בְנֵי־יִשְׂרָאֵ֖ל בָּעֵ֣ת הַהִ֑יא וַיֶּֽאֶמְצוּ֙ בְּנֵ֣י יְהוּדָ֔ה כִּ֣י נִשְׁעֲנ֔וּ עַל־יְהוָ֖ה אֱלֹהֵ֥י אֲבֹותֵיהֶֽם׃ wayikaneʿu veney־yiseraʾel baʿet hahiyʾ wayeʾemetsu beney yehudah kiy nisheʿanu ʿal־yehwah ʾelohey ʾavowteyhem׃
19 וַיִּרְדֹּ֣ף אֲבִיָּה֮ אַחֲרֵ֣י יָרָבְעָם֒ וַיִּלְכֹּ֤ד מִמֶּ֙נּוּ֙ עָרִ֔ים אֶת־בֵּֽית־אֵל֙ וְאֶת־בְּנֹותֶ֔יהָ וְאֶת־יְשָׁנָ֖ה וְאֶת־בְּנֹותֶ֑יהָ וְאֶת־ [עֶפְרֹון כ] (עֶפְרַ֖יִן ק) וּבְנֹתֶֽיהָ׃ wayiredof ʾaviyah ʾaḥarey yaraveʿam wayilekod mimenu ʿariym ʾet־beyt־ʾel weʾet־benowteyha weʾet־yeshanah weʾet־benowteyha weʾet־ [ʿeferown kh] (ʿeferayin q) uvenoteyha׃
20 וְלֹֽא־עָצַ֧ר כֹּֽחַ־יָרָבְעָ֛ם עֹ֖וד בִּימֵ֣י אֲבִיָּ֑הוּ וַיִּגְּפֵ֥הוּ יְהוָ֖ה וַיָּמֹֽת׃ פ weloʾ־ʿatsar koaḥ־yaraveʿam ʿowd biymey ʾaviyahu wayigefehu yehwah wayamot׃ f
21 וַיִּתְחַזֵּ֣ק אֲבִיָּ֔הוּ וַיִּ֨שָּׂא־לֹ֔ו נָשִׁ֖ים אַרְבַּ֣ע עֶשְׂרֵ֑ה וַיֹּ֗ולֶד עֶשְׂרִ֤ים וּשְׁנַ֙יִם֙ בָּנִ֔ים וְשֵׁ֥שׁ עֶשְׂרֵ֖ה בָּנֹֽות׃ ס wayiteḥazeq ʾaviyahu wayisaʾ־low nashiym ʾarebaʿ ʿesereh wayowled ʿeseriym ushenayim baniym weshesh ʿesereh banowt׃ s
22 וְיֶ֙תֶר֙ דִּבְרֵ֣י אֲבִיָּ֔ה וּדְרָכָ֖יו וּדְבָרָ֑יו כְּתוּבִ֕ים בְּמִדְרַ֖שׁ הַנָּבִ֥יא עִדֹּֽו׃ weyeter diverey ʾaviyah uderakhayw udevarayw ketuviym bemiderash hanaviyʾ ʿidow׃
23 וַיִּשְׁכַּ֨ב אֲבִיָּ֜ה עִם־אֲבֹתָ֗יו וַיִּקְבְּר֤וּ אֹתֹו֙ בְּעִ֣יר דָּוִ֔יד וַיִּמְלֹ֛ךְ אָסָ֥א בְנֹ֖ו תַּחְתָּ֑יו בְּיָמָ֛יו שָׁקְטָ֥ה הָאָ֖רֶץ עֶ֥שֶׂר שָׁנִֽים׃ פ wayishekav ʾaviyah ʿim־ʾavotayw wayiqeberu ʾotow beʿiyr dawiyd wayimelokhe ʾasaʾ venow taḥetayw beyamayw shaqeṭah haʾarets ʿeser shaniym׃ f