1 אַל־תְּ֭קַנֵּא בְּאַנְשֵׁ֣י רָעָ֑ה וְאַל־ [תִּתְאָו כ] (תִּ֝תְאָ֗יו ק) לִהְיֹ֥ות אִתָּֽם׃ ʾal־teqaneʾ beʾaneshey raʿah weʾal־ [titeʾaw kh] (titeʾayw q) liheyowt ʾitam׃
2 כִּי־שֹׁ֖ד יֶהְגֶּ֣ה לִבָּ֑ם וְ֝עָמָ֗ל שִׂפְתֵיהֶ֥ם תְּדַבֵּֽרְנָה׃ kiy־shod yehegeh libam weʿamal sifeteyhem tedaberenah׃
3 בְּ֭חָכְמָה יִבָּ֣נֶה בָּ֑יִת וּ֝בִתְבוּנָ֗ה יִתְכֹּונָֽן׃ beḥakhemah yibaneh bayit uvitevunah yitekownan׃
4 וּ֭בְדַעַת חֲדָרִ֣ים יִמָּלְא֑וּ כָּל־הֹ֖ון יָקָ֣ר וְנָעִֽים׃ uvedaʿat ḥadariym yimaleʾu kal־hown yaqar wenaʿiym׃
5 גֶּֽבֶר־חָכָ֥ם בַּעֹ֑וז וְאִֽישׁ־דַּ֝֗עַת מְאַמֶּץ־כֹּֽחַ׃ gever־ḥakham baʿowz weʾiysh־daʿat meʾamets־koaḥ׃
6 כִּ֣י בְ֭תַחְבֻּלֹות תַּעֲשֶׂה־לְּךָ֣ מִלְחָמָ֑ה וּ֝תְשׁוּעָ֗ה בְּרֹ֣ב יֹועֵֽץ׃ kiy vetaḥebulowt taʿaseh־lekha mileḥamah uteshuʿah berov yowʿets׃
7 רָאמֹ֣ות לֶֽאֱוִ֣יל חָכְמֹ֑ות בַּ֝שַּׁ֗עַר לֹ֣א יִפְתַּח־פִּֽיהוּ׃ raʾmowt leʾewiyl ḥakhemowt bashaʿar loʾ yifetaḥ־piyhu׃
8 מְחַשֵּׁ֥ב לְהָרֵ֑עַ לֹ֝֗ו בַּֽעַל־מְזִמֹּ֥ות יִקְרָֽאוּ׃ meḥashev lehareaʿ low baʿal־mezimowt yiqeraʾu׃
9 זִמַּ֣ת אִוֶּ֣לֶת חַטָּ֑את וְתֹועֲבַ֖ת לְאָדָ֣ם לֵֽץ׃ zimat ʾiuelet ḥaṭaʾt wetowʿavat leʾadam lets׃
10 הִ֭תְרַפִּיתָ בְּיֹ֥ום צָרָ֗ה צַ֣ר כֹּחֶֽכָה׃ hiterapiyta beyowm tsarah tsar koḥekhah׃
11 הַ֭צֵּל לְקֻחִ֣ים לַמָּ֑וֶת וּמָטִ֥ים לַ֝הֶ֗רֶג אִם־תַּחְשֹֽׂוךְ׃ hatsel lequḥiym lamawet umaṭiym lahereg ʾim־taḥesowkhe׃
12 כִּֽי־תֹאמַ֗ר הֵן֮ לֹא־יָדַ֪עְנ֫וּ זֶ֥ה הֲֽלֹא־תֹ֘כֵ֤ן לִבֹּ֨ות ׀ הֽוּא־יָבִ֗ין וְנֹצֵ֣ר נַ֭פְשְׁךָ ה֣וּא יֵדָ֑ע וְהֵשִׁ֖יב לְאָדָ֣ם כְּפָעֳלֹֽו׃ kiy־toʾmar hen loʾ־yadaʿenu zeh הloʾ־tokhen libowt ׀ huʾ־yaviyn wenotser nafeshekha huʾ yedaʿ weheshiyv leʾadam kefaʿolow׃
13 אֱכָל־בְּנִ֣י דְבַ֣שׁ כִּי־טֹ֑וב וְנֹ֥פֶת מָ֝תֹ֗וק עַל־חִכֶּֽךָ׃ ʾekhal־beniy devash kiy־ṭowv wenofet matowq ʿal־ḥikekha׃
14 כֵּ֤ן ׀ דְּעֶ֥ה חָכְמָ֗ה לְנַ֫פְשֶׁ֥ךָ אִם־מָ֭צָאתָ וְיֵ֣שׁ אַחֲרִ֑ית וְ֝תִקְוָתְךָ֗ לֹ֣א תִכָּרֵֽת׃ פ ken ׀ deʿeh ḥakhemah lenafeshekha ʾim־matsaʾta weyesh ʾaḥariyt wetiqewatekha loʾ tikaret׃ f
15 אַל־תֶּאֱרֹ֣ב רָ֭שָׁע לִנְוֵ֣ה צַדִּ֑יק אַֽל־תְּשַׁדֵּ֥ד רִבְצֹֽו׃ ʾal־teʾerov rashaʿ lineweh tsadiyq ʾal־teshaded rivetsow׃
16 כִּ֤י שֶׁ֨בַע ׀ יִפֹּ֣ול צַדִּ֣יק וָקָ֑ם וּ֝רְשָׁעִ֗ים יִכָּשְׁל֥וּ בְרָעָֽה׃ kiy shevaʿ ׀ yipowl tsadiyq waqam ureshaʿiym yikashelu veraʿah׃
17 בִּנְפֹ֣ל [אֹויְבֶיךָ כ] (אֹֽ֭ויִבְךָ ק) אַל־תִּשְׂמָ֑ח וּ֝בִכָּשְׁלֹ֗ו אַל־יָגֵ֥ל לִבֶּֽךָ׃ binefol [ʾowyeveykha kh] (ʾowyivekha q) ʾal־tisemaḥ uvikashelow ʾal־yagel libekha׃
18 פֶּן־יִרְאֶ֣ה יְ֭הוָה וְרַ֣ע בְּעֵינָ֑יו וְהֵשִׁ֖יב מֵעָלָ֣יו אַפֹּֽו׃ pen־yireʾeh yehwah weraʿ beʿeynayw weheshiyv meʿalayw ʾapow׃
19 אַל־תִּתְחַ֥ר בַּמְּרֵעִ֑ים אַל־תְּ֝קַנֵּ֗א בָּרְשָׁעִֽים׃ ʾal־titeḥar bamereʿiym ʾal־teqaneʾ bareshaʿiym׃
20 כִּ֤י ׀ לֹֽא־תִהְיֶ֣ה אַחֲרִ֣ית לָרָ֑ע נֵ֖ר רְשָׁעִ֣ים יִדְעָֽךְ׃ kiy ׀ loʾ־tiheyeh ʾaḥariyt laraʿ ner reshaʿiym yideʿakhe׃
21 יְרָֽא־אֶת־יְהוָ֣ה בְּנִ֣י וָמֶ֑לֶךְ עִםשֹׁ֝־ונִ֗ים אַל־תִּתְעָרָֽב׃ yeraʾ־ʾet־yehwah beniy wamelekhe ʿimsho־wniym ʾal־titeʿarav׃
22 כִּֽי־פִ֭תְאֹם יָק֣וּם אֵידָ֑ם וּפִ֥יד נֵיהֶ֗ם מִ֣י יֹודֵֽעַ׃ ס kiy־fiteʾom yaqum ʾeydam ufiyd neyhem miy yowdeaʿ׃ s
23 גַּם־אֵ֥לֶּה לַֽחֲכָמִ֑ים הַֽכֵּר־פָּנִ֖ים בְּמִשְׁפָּ֣ט בַּל־טֹֽוב׃ gam־ʾeleh laḥakhamiym haker־paniym bemishepaṭ bal־ṭowv׃
24 אֹ֤מֵ֨ר ׀ לְרָשָׁע֮ צַדִּ֪יק אָ֥תָּה יִקְּבֻ֥הוּ עַמִּ֑ים יִזְעָמ֥וּהוּ לְאֻמִּֽים׃ ʾomer ׀ lerashaʿ tsadiyq ʾatah yiqevuhu ʿamiym yizeʿamuhu leʾumiym׃
25 וְלַמֹּוכִיחִ֥ים יִנְעָ֑ם וַֽ֝עֲלֵיהֶ֗ם תָּבֹ֥וא בִרְכַּת־טֹֽוב׃ welamowkhiyḥiym yineʿam waʿaleyhem tavowʾ virekat־ṭowv׃
26 שְׂפָתַ֥יִם יִשָּׁ֑ק מֵ֝שִׁ֗יב דְּבָרִ֥ים נְכֹחִֽים׃ sefatayim yishaq meshiyv devariym nekhoḥiym׃
27 הָ֘כֵ֤ן בַּח֨וּץ ׀ מְלַאכְתֶּ֗ךָ וְעַתְּדָ֣הּ בַּשָּׂדֶ֣ה לָ֑ךְ אַ֝חַ֗ר וּבָנִ֥יתָ בֵיתֶֽךָ׃ פ hakhen baḥuts ׀ melaʾkhetekha weʿatedah basadeh lakhe ʾaḥar uvaniyta veytekha׃ f
28 אַל־תְּהִ֣י עֵד־חִנָּ֣ם בְּרֵעֶ֑ךָ וַ֝הֲפִתִּ֗יתָ בִּשְׂפָתֶֽיךָ׃ ʾal־tehiy ʿed־ḥinam bereʿekha wahafitiyta bisefateykha׃
29 אַל־תֹּאמַ֗ר כַּאֲשֶׁ֣ר עָֽשָׂה־לִ֭י כֵּ֤ן אֶֽעֱשֶׂה־לֹּ֑ו אָשִׁ֖יב לָאִ֣ישׁ כְּפָעֳלֹֽו׃ ʾal־toʾmar kaʾasher ʿasah־liy ken ʾeʿeseh־low ʾashiyv laʾiysh kefaʿolow׃
30 עַל־שְׂדֵ֣ה אִישׁ־עָצֵ֣ל עָבַ֑רְתִּי וְעַל־כֶּ֝֗רֶם אָדָ֥ם חֲסַר־לֵֽב׃ ʿal־sedeh ʾiysh־ʿatsel ʿavaretiy weʿal־kerem ʾadam ḥasar־lev׃
31 וְהִנֵּ֨ה עָ֘לָ֤ה כֻלֹּ֨ו ׀ קִמְּשֹׂנִ֗ים כָּסּ֣וּ פָנָ֣יו חֲרֻלִּ֑ים וְגֶ֖דֶר אֲבָנָ֣יו נֶהֱרָֽסָה׃ wehineh ʿalah khulow ׀ qimesoniym kasu fanayw ḥaruliym wegeder ʾavanayw neherasah׃
32 וָֽאֶחֱזֶ֣ה אָ֭נֹכִֽי אָשִׁ֣ית לִבִּ֑י רָ֝אִ֗יתִי לָקַ֥חְתִּי מוּסָֽר׃ waʾeḥezeh ʾanokhiy ʾashiyt libiy raʾiytiy laqaḥetiy musar׃
33 מְעַ֣ט נֹות מְעַ֣ט תְּנוּמֹ֑ות מְעַ֓ט ׀ חִבֻּ֖ק יָדַ֣יִם לִשְׁכָּֽב׃ meʿaṭ nowt meʿaṭ tenumowt meʿaṭ ׀ ḥibuq yadayim lishekav׃
34 וּבָֽא־מִתְהַלֵּ֥ךְ רֵישֶׁ֑ךָ וּ֝מַחְסֹרֶ֗יךָ כְּאִ֣ישׁ מָגֵֽן׃ פ uvaʾ־mitehalekhe reyshekha umaḥesoreykha keʾiysh magen׃ f