1 וּבְכָל־זֹ֕את אֲנַ֛חְנוּ כֹּרְתִ֥ים אֲמָנָ֖ה וְכֹתְבִ֑ים וְעַל֙ הֶֽחָת֔וּם שָׂרֵ֥ינוּ לְוִיֵּ֖נוּ כֹּהֲנֵֽינוּ׃ uvekhal־zoʾt ʾanaḥenu koretiym ʾamanah wekhoteviym weʿal heḥatum sareynu lewiyenu kohaneynu׃
2 וְעַ֖ל הַחֲתוּמִ֑ים נְחֶמְיָ֧ה הַתִּרְשָׁ֛תָא בֶּן־חֲכַלְיָ֖ה וְצִדְקִיָּֽה׃ weʿal haḥatumiym neḥemeyah hatireshataʾ ben־ḥakhaleyah wetsideqiyah׃
3 שְׂרָיָ֥ה עֲזַרְיָ֖ה יִרְמְיָֽה׃ serayah ʿazareyah yiremeyah׃
4 פַּשְׁח֥וּר אֲמַרְיָ֖ה מַלְכִּיָּֽה׃ pasheḥur ʾamareyah malekiyah׃
5 חַטּ֥וּשׁ שְׁבַנְיָ֖ה מַלּֽוּךְ׃ ḥaṭush shevaneyah malukhe׃
6 חָרִ֥ם מְרֵמֹ֖ות עֹֽבַדְיָֽה׃ ḥarim meremowt ʿovadeyah׃
7 דָּנִיֵּ֥אל גִּנְּתֹ֖ון בָּרֽוּךְ׃ daniyeʾl ginetown barukhe׃
8 מְשֻׁלָּ֥ם אֲבִיָּ֖ה מִיָּמִֽן׃ meshulam ʾaviyah miyamin׃
9 מַֽעַזְיָ֥ה בִלְגַּ֖י שְׁמַֽעְיָ֑ה אֵ֖לֶּה הַכֹּהֲנִֽים׃ ס maʿazeyah vilegay shemaʿeyah ʾeleh hakohaniym׃ s
10 וְֽהַלְוִיִּ֑ם וְיֵשׁ֙וּעַ֙ בֶּן־אֲזַנְיָ֔ה בִּנּ֕וּי מִבְּנֵ֥י חֵנָדָ֖ד קַדְמִיאֵֽל׃ wehalewiyim weyeshuaʿ ben־ʾazaneyah binuy mibeney ḥenadad qademiyʾel׃
11 וַאֲחֵיהֶ֑ם שְׁבַנְיָ֧ה הֹֽודִיָּ֛ה קְלִיטָ֖א פְּלָאיָ֥ה חָנָֽן׃ waʾaḥeyhem shevaneyah howdiyah qeliyṭaʾ pelaʾyah ḥanan׃
12 מִיכָ֥א רְחֹ֖וב חֲשַׁבְיָֽה׃ miykhaʾ reḥowv ḥashaveyah׃
13 זַכּ֥וּר שֵׁרֵֽבְיָ֖ה שְׁבַנְיָֽה׃ zakur shereveyah shevaneyah׃
14 הֹודִיָּ֥ה בָנִ֖י בְּנִֽינוּ׃ ס howdiyah vaniy beniynu׃ s
15 רָאשֵׁ֖י הָעָ֑ם פַּרְעֹשׁ֙ פַּחַ֣ת מֹואָ֔ב עֵילָ֥ם זַתּ֖וּא בָּנִֽי׃ raʾshey haʿam pareʿosh paḥat mowʾav ʿeylam zatuʾ baniy׃
16 בֻּנִּ֥י עַזְגָּ֖ד בֵּבָֽי׃ buniy ʿazegad bevay׃
17 אֲדֹנִיָּ֥ה בִגְוַ֖י עָדִֽין׃ ʾadoniyah vigeway ʿadiyn׃
18 אָטֵ֥ר חִזְקִיָּ֖ה עַזּֽוּר׃ ʾaṭer ḥizeqiyah ʿazur׃
19 הֹודִיָּ֥ה חָשֻׁ֖ם בֵּצָֽי׃ howdiyah ḥashum betsay׃
20 חָרִ֥יף עֲנָתֹ֖ות [נֹובָי כ] (נֵיבָֽי׃ ק) ḥariyf ʿanatowt [nowvay kh] (neyvay׃ q)
21 מַגְפִּיעָ֥שׁ מְשֻׁלָּ֖ם חֵזִֽיר׃ magepiyʿash meshulam ḥeziyr׃
22 מְשֵׁיזַבְאֵ֥ל צָדֹ֖וק יַדּֽוּעַ׃ mesheyzaveʾel tsadowq yaduaʿ׃
23 פְּלַטְיָ֥ה חָנָ֖ן עֲנָיָֽה׃ pelaṭeyah ḥanan ʿanayah׃
24 הֹושֵׁ֥עַ חֲנַנְיָ֖ה חַשּֽׁוּב׃ howsheaʿ ḥananeyah ḥashuv׃
25 הַלֹּוחֵ֥שׁ פִּלְחָ֖א שֹׁובֵֽק׃ halowḥesh pileḥaʾ showveq׃
26 רְח֥וּם חֲשַׁבְנָ֖ה מַעֲשֵׂיָֽה׃ reḥum ḥashavenah maʿaseyah׃
27 וַאֲחִיָּ֥ה חָנָ֖ן עָנָֽן׃ waʾaḥiyah ḥanan ʿanan׃
28 מַלּ֥וּךְ חָרִ֖ם בַּעֲנָֽה׃ malukhe ḥarim baʿanah׃
29 וּשְׁאָ֣ר הָעָ֡ם הַכֹּהֲנִ֣ים הַ֠לְוִיִּם הַשֹּׁועֲרִ֨ים הַמְשֹׁרְרִ֜ים הַנְּתִינִ֗ים וְֽכָל־הַנִּבְדָּ֞ל מֵעַמֵּ֤י הָאֲרָצֹות֙ אֶל־תֹּורַ֣ת הָאֱלֹהִ֔ים נְשֵׁיהֶ֖ם בְּנֵיהֶ֣ם וּבְנֹתֵיהֶ֑ם כֹּ֖ל יֹודֵ֥עַ מֵבִֽין׃ usheʾar haʿam hakohaniym halewiyim hashowʿariym hameshoreriym hanetiyniym wekhal־hanivedal meʿamey haʾaratsowt ʾel־towrat haʾelohiym nesheyhem beneyhem uvenoteyhem kol yowdeaʿ meviyn׃
30 מַחֲזִיקִ֣ים עַל־אֲחֵיהֶם֮ אַדִּירֵיהֶם֒ וּבָאִ֞ים בְּאָלָ֣ה וּבִשְׁבוּעָ֗ה לָלֶ֙כֶת֙ בְּתֹורַ֣ת הָאֱלֹהִ֔ים אֲשֶׁ֣ר נִתְּנָ֔ה בְּיַ֖ד מֹשֶׁ֣ה עֶֽבֶד־הָֽאֱלֹהִ֑ים וְלִשְׁמֹ֣ור וְלַעֲשֹׂ֗ות אֶת־כָּל־מִצְוֹת֙ יְהוָ֣ה אֲדֹנֵ֔ינוּ וּמִשְׁפָּטָ֖יו וְחֻקָּֽיו׃ maḥaziyqiym ʿal־ʾaḥeyhem ʾadiyreyhem uvaʾiym beʾalah uvishevuʿah lalekhet betowrat haʾelohiym ʾasher nitenah beyad mosheh ʿeved־haʾelohiym welishemowr welaʿasowt ʾet־kal־mitseot yehwah ʾadoneynu umishepaṭayw weḥuqayw׃
31 וַאֲשֶׁ֛ר לֹא־נִתֵּ֥ן בְּנֹתֵ֖ינוּ לְעַמֵּ֣י הָאָ֑רֶץ וְאֶת־בְּנֹ֣תֵיהֶ֔ם לֹ֥א נִקַּ֖ח לְבָנֵֽינוּ׃ waʾasher loʾ־niten benoteynu leʿamey haʾarets weʾet־benoteyhem loʾ niqaḥ levaneynu׃
32 וְעַמֵּ֣י הָאָ֡רֶץ הַֽמְבִיאִים֩ אֶת־הַמַּקָּחֹ֨ות וְכָל־שֶׁ֜בֶר בְּיֹ֤ום הַשַּׁבָּת֙ לִמְכֹּ֔ור לֹא־נִקַּ֥ח מֵהֶ֛ם בַּשַּׁבָּ֖ת וּבְיֹ֣ום קֹ֑דֶשׁ וְנִטֹּ֛שׁ אֶת־הַשָּׁנָ֥ה הַשְּׁבִיעִ֖ית וּמַשָּׁ֥א כָל־יָֽד׃ weʿamey haʾarets hameviyʾiym ʾet־hamaqaḥowt wekhal־shever beyowm hashabat limekowr loʾ־niqaḥ mehem bashabat uveyowm qodesh weniṭosh ʾet־hashanah hasheviyʿiyt umashaʾ khal־yad׃
33 וְהֶעֱמַ֤דְנוּ עָלֵ֙ינוּ֙ מִצְוֹ֔ת לָתֵ֥ת עָלֵ֛ינוּ שְׁלִשִׁ֥ית הַשֶּׁ֖קֶל בַּשָּׁנָ֑ה לַעֲבֹדַ֖ת בֵּ֥ית אֱלֹהֵֽינוּ׃ weheʿemadenu ʿaleynu mitseot latet ʿaleynu shelishiyt hasheqel bashanah laʿavodat beyt ʾeloheynu׃
34 לְלֶ֣חֶם הַֽמַּעֲרֶ֡כֶת וּמִנְחַ֣ת הַתָּמִ֣יד וּלְעֹולַ֣ת הַ֠תָּמִיד הַשַּׁבָּתֹ֨ות הֶחֳדָשִׁ֜ים לַמֹּועֲדִ֗ים וְלַקֳּדָשִׁים֙ וְלַ֣חַטָּאֹ֔ות לְכַפֵּ֖ר עַל־יִשְׂרָאֵ֑ל וְכֹ֖ל מְלֶ֥אכֶת בֵּית־אֱלֹהֵֽינוּ׃ ס leleḥem hamaʿarekhet umineḥat hatamiyd uleʿowlat hatamiyd hashabatowt heḥodashiym lamowʿadiym welaqodashiym welaḥaṭaʾowt lekhaper ʿal־yiseraʾel wekhol meleʾkhet beyt־ʾeloheynu׃ s
35 וְהַגֹּורָלֹ֨ות הִפַּ֜לְנוּ עַל־קֻרְבַּ֣ן הָעֵצִ֗ים הַכֹּהֲנִ֣ים הַלְוִיִּם֮ וְהָעָם֒ לְ֠הָבִיא לְבֵ֨ית אֱלֹהֵ֧ינוּ לְבֵית־אֲבֹתֵ֛ינוּ לְעִתִּ֥ים מְזֻמָּנִ֖ים שָׁנָ֣ה בְשָׁנָ֑ה לְבַעֵ֗ר עַל־מִזְבַּח֙ יְהוָ֣ה אֱלֹהֵ֔ינוּ כַּכָּת֖וּב בַּתֹּורָֽה׃ wehagowralowt hipalenu ʿal־qureban haʿetsiym hakohaniym halewiyim wehaʿam lehaviyʾ leveyt ʾeloheynu leveyt־ʾavoteynu leʿitiym mezumaniym shanah veshanah levaʿer ʿal־mizebaḥ yehwah ʾeloheynu kakatuv batowrah׃
36 וּלְהָבִ֞יא אֶת־בִּכּוּרֵ֣י אַדְמָתֵ֗נוּ וּבִכּוּרֵ֛י כָּל־פְּרִ֥י כָל־עֵ֖ץ שָׁנָ֣ה בְשָׁנָ֑ה לְבֵ֖ית יְהוָֽה׃ ulehaviyʾ ʾet־bikurey ʾadematenu uvikurey kal־periy khal־ʿets shanah veshanah leveyt yehwah׃
37 וְאֶת־בְּכֹרֹ֤ות בָּנֵ֙ינוּ֙ וּבְהֶמְתֵּ֔ינוּ כַּכָּת֖וּב בַּתֹּורָ֑ה וְאֶת־בְּכֹורֵ֨י בְקָרֵ֜ינוּ וְצֹאנֵ֗ינוּ לְהָבִיא֙ לְבֵ֣ית אֱלֹהֵ֔ינוּ לַכֹּ֣הֲנִ֔ים הַמְשָׁרְתִ֖ים בְּבֵ֥ית אֱלֹהֵֽינוּ׃ weʾet־bekhorowt baneynu uvehemeteynu kakatuv batowrah weʾet־bekhowrey veqareynu wetsoʾneynu lehaviyʾ leveyt ʾeloheynu lakohaniym hamesharetiym beveyt ʾeloheynu׃
38 וְאֶת־רֵאשִׁ֣ית עֲרִיסֹתֵ֣ינוּ וּ֠תְרוּמֹתֵינוּ וּפְרִ֨י כָל־עֵ֜ץ תִּירֹ֣ושׁ וְיִצְהָ֗ר נָבִ֤יא לַכֹּהֲנִים֙ אֶל־לִשְׁכֹ֣ות בֵּית־אֱלֹהֵ֔ינוּ וּמַעְשַׂ֥ר אַדְמָתֵ֖נוּ לַלְוִיִּ֑ם וְהֵם֙ הַלְוִיִּ֔ם הַֽמְעַשְּׂרִ֔ים בְּכֹ֖ל עָרֵ֥י עֲבֹדָתֵֽנוּ׃ weʾet־reʾshiyt ʿariysoteynu uterumoteynu uferiy khal־ʿets tiyrowsh weyitsehar naviyʾ lakohaniym ʾel־lishekhowt beyt־ʾeloheynu umaʿesar ʾadematenu lalewiyim wehem halewiyim hameʿaseriym bekhol ʿarey ʿavodatenu׃
39 וְהָיָ֨ה הַכֹּהֵ֧ן בֶּֽן־אַהֲרֹ֛ן עִם־הַלְוִיִּ֖ם בַּעְשֵׂ֣ר הַלְוִיִּ֑ם וְהַלְוִיִּ֞ם יַעֲל֨וּ אֶת־מַעֲשַׂ֤ר הַֽמַּעֲשֵׂר֙ לְבֵ֣ית אֱלֹהֵ֔ינוּ אֶל־הַלְּשָׁכֹ֖ות לְבֵ֥ית הָאֹוצָֽר׃ wehayah hakohen ben־ʾaharon ʿim־halewiyim baʿeser halewiyim wehalewiyim yaʿalu ʾet־maʿasar hamaʿaser leveyt ʾeloheynu ʾel־haleshakhowt leveyt haʾowtsar׃
40 כִּ֣י אֶל־הַ֠לְּשָׁכֹות יָבִ֨יאוּ בְנֵי־יִשְׂרָאֵ֜ל וּבְנֵ֣י הַלֵּוִ֗י אֶת־תְּרוּמַ֣ת הַדָּגָן֮ הַתִּירֹ֣ושׁ וְהַיִּצְהָר֒ וְשָׁם֙ כְּלֵ֣י הַמִּקְדָּ֔שׁ וְהַכֹּהֲנִים֙ הַמְשָׁ֣רְתִ֔ים וְהַשֹּׁועֲרִ֖ים וְהַמְשֹׁרְרִ֑ים וְלֹ֥א נַעֲזֹ֖ב אֶת־בֵּ֥ית אֱלֹהֵֽינוּ׃ kiy ʾel־haleshakhowt yaviyʾu veney־yiseraʾel uveney halewiy ʾet־terumat hadagan hatiyrowsh wehayitsehar wesham keley hamiqedash wehakohaniym hamesharetiym wehashowʿariym wehameshoreriym weloʾ naʿazov ʾet־beyt ʾeloheynu׃