2 Rois 15

¹ בִּשְׁנַ֨ת עֶשְׂרִ֤ים וָשֶׁ֙בַע֙ שָׁנָ֔ה לְיָרָבְעָ֖ם מֶ֣לֶךְ יִשְׂרָאֵ֑ל מָלַ֛ךְ עֲזַרְיָ֥ה בֶן־אֲמַצְיָ֖ה מֶ֥לֶךְ יְהוּדָֽה׃ bishenat ʿeseriym washevaʿ shanah leyaraveʿam melekhe yiseraʾel malakhe ʿazareyah ven־ʾamatseyah melekhe yehudah׃

² בֶּן־שֵׁ֨שׁ עֶשְׂרֵ֤ה שָׁנָה֙ הָיָ֣ה בְמָלְכֹ֔ו וַחֲמִשִּׁ֤ים וּשְׁתַּ֙יִם֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו יְכָלְיָ֖הוּ מִירוּשָׁלִָֽם׃ ben־shesh ʿesereh shanah hayah vemalekhow waḥamishiym ushetayim shanah malakhe biyrushalim weshem ʾimow yekhaleyahu miyrushalim׃

³ וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה אֲמַצְיָ֥הוּ אָבִֽיו׃ wayaʿas hayashar beʿeyney yehwah kekhol ʾasher־ʿasah ʾamatseyahu ʾaviyw׃

⁴ רַ֥ק הַבָּמֹ֖ות לֹא־סָ֑רוּ עֹ֥וד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֹֽות׃ raq habamowt loʾ־saru ʿowd haʿam mezabeḥiym umeqaṭeriym babamowt׃

⁵ וַיְנַגַּ֨ע יְהוָ֜ה אֶת־הַמֶּ֗לֶךְ וַיְהִ֤י מְצֹרָע֙ עַד־יֹ֣ום מֹתֹ֔ו וַיֵּ֖שֶׁב בְּבֵ֣ית הַחָפְשִׁ֑ית וְיֹותָ֤ם בֶּן־הַמֶּ֙לֶךְ֙ עַל־הַבַּ֔יִת שֹׁפֵ֖ט אֶת־עַ֥ם הָאָֽרֶץ׃ wayenagaʿ yehwah ʾet־hamelekhe wayehiy metsoraʿ ʿad־yowm motow wayeshev beveyt haḥafeshiyt weyowtam ben־hamelekhe ʿal־habayit shofeṭ ʾet־ʿam haʾarets׃

⁶ וְיֶ֛תֶר דִּבְרֵ֥י עֲזַרְיָ֖הוּ וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey ʿazareyahu wekhal־ʾasher ʿasah haloʾ־hem ketuviym ʿal־sefer diverey hayamiym lemalekhey yehudah׃

⁷ וַיִּשְׁכַּ֤ב עֲזַרְיָה֙ עִם־אֲבֹתָ֔יו וַיִּקְבְּר֥וּ אֹתֹ֛ו עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ יֹותָ֥ם בְּנֹ֖ו תַּחְתָּֽיו׃ פ wayishekav ʿazareyah ʿim־ʾavotayw wayiqeberu ʾotow ʿim־ʾavotayw beʿiyr dawid wayimelokhe yowtam benow taḥetayw׃ f

⁸ בִּשְׁנַ֨ת שְׁלֹשִׁ֤ים וּשְׁמֹנֶה֙ שָׁנָ֔ה לַעֲזַרְיָ֖הוּ מֶ֣לֶךְ יְהוּדָ֑ה מָ֠לַךְ זְכַרְיָ֨הוּ בֶן־יָרָבְעָ֧ם עַל־יִשְׂרָאֵ֛ל בְּשֹׁמְרֹ֖ון שִׁשָּׁ֥ה חֳדָשִֽׁים׃ bishenat sheloshiym ushemoneh shanah laʿazareyahu melekhe yehudah malakhe zekhareyahu ven־yaraveʿam ʿal־yiseraʾel beshomerown shishah ḥodashiym׃

⁹ וַיַּ֤עַשׂ הָרַע֙ בְּעֵינֵ֣י יְהוָ֔ה כַּאֲשֶׁ֥ר עָשׂ֖וּ אֲבֹתָ֑יו לֹ֣א סָ֗ר מֵֽחַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃ wayaʿas haraʿ beʿeyney yehwah kaʾasher ʿasu ʾavotayw loʾ sar meḥaṭoʾwt yaraveʿam ben־nevaṭ ʾasher heḥeṭiyʾ ʾet־yiseraʾel׃

¹⁰ וַיִּקְשֹׁ֤ר עָלָיו֙ שַׁלֻּ֣ם בֶּן־יָבֵ֔שׁ וַיַּכֵּ֥הוּ קָֽבָלְעָ֖ם וַיְמִיתֵ֑הוּ וַיִּמְלֹ֖ךְ תַּחְתָּֽיו׃ wayiqeshor ʿalayw shalum ben־yavesh wayakehu qavaleʿam wayemiytehu wayimelokhe taḥetayw׃

¹¹ וְיֶ֖תֶר דִּבְרֵ֣י זְכַרְיָ֑ה הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey zekhareyah hinam ketuviym ʿal־sefer diverey hayamiym lemalekhey yiseraʾel׃

¹² ה֣וּא דְבַר־יְהוָ֗ה אֲשֶׁ֨ר דִּבֶּ֤ר אֶל־יֵהוּא֙ לֵאמֹ֔ר בְּנֵ֣י רְבִיעִ֔ים יֵשְׁב֥וּ לְךָ֖ עַל־כִּסֵּ֣א יִשְׂרָאֵ֑ל וַֽיְהִי־כֵֽן׃ פ huʾ devar־yehwah ʾasher diber ʾel־yehuʾ leʾmor beney reviyʿiym yeshevu lekha ʿal־kiseʾ yiseraʾel wayehiy־khen׃ f

¹³ שַׁלּ֤וּם בֶּן־יָבֵישׁ֙ מָלַ֔ךְ בִּשְׁנַ֨ת שְׁלֹשִׁ֤ים וָתֵ֙שַׁע֙ שָׁנָ֔ה לְעֻזִיָּ֖ה מֶ֣לֶךְ יְהוּדָ֑ה וַיִּמְלֹ֥ךְ יֶֽרַח־יָמִ֖ים בְּשֹׁמְרֹֽון׃ shalum ben־yaveysh malakhe bishenat sheloshiym wateshaʿ shanah leʿuziyah melekhe yehudah wayimelokhe yeraḥ־yamiym beshomerown׃

¹⁴ וַיַּעַל֩ מְנַחֵ֨ם בֶּן־גָּדִ֜י מִתִּרְצָ֗ה וַיָּבֹא֙ שֹׁמְרֹ֔ון וַיַּ֛ךְ אֶת־שַׁלּ֥וּם בֶּן־יָבֵ֖ישׁ בְּשֹׁמְרֹ֑ון וַיְמִיתֵ֖הוּ וַיִּמְלֹ֥ךְ תַּחְתָּֽיו׃ wayaʿal menaḥem ben־gadiy mitiretsah wayavoʾ shomerown wayakhe ʾet־shalum ben־yaveysh beshomerown wayemiytehu wayimelokhe taḥetayw׃

¹⁵ וְיֶ֙תֶר֙ דִּבְרֵ֣י שַׁלּ֔וּם וְקִשְׁרֹ֖ו אֲשֶׁ֣ר קָשָׁ֑ר הִנָּ֣ם כְּתֻבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ ס weyeter diverey shalum weqisherow ʾasher qashar hinam ketuviym ʿal־sefer diverey hayamiym lemalekhey yiseraʾel׃ s

¹⁶ אָ֣ז יַכֶּֽה־מְ֠נַחֵם אֶת־תִּפְסַ֨ח וְאֶת־כָּל־אֲשֶׁר־בָּ֤הּ וְאֶת־גְּבוּלֶ֙יהָ֙ מִתִּרְצָ֔ה כִּ֛י לֹ֥א פָתַ֖ח וַיַּ֑ךְ אֵ֛ת כָּל־הֶהָ֥רֹותֶ֖יהָ בִּקֵּֽעַ׃ פ ʾaz yakeh־menaḥem ʾet־tifesaḥ weʾet־kal־ʾasher־bah weʾet־gevuleyha mitiretsah kiy loʾ fataḥ wayakhe ʾet kal־heharowteyha biqeaʿ׃ f

¹⁷ בִּשְׁנַ֨ת שְׁלֹשִׁ֤ים וָתֵ֙שַׁע֙ שָׁנָ֔ה לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ מְנַחֵ֨ם בֶּן־גָּדִ֧י עַל־יִשְׂרָאֵ֛ל עֶ֥שֶׂר שָׁנִ֖ים בְּשֹׁמְרֹֽון׃ bishenat sheloshiym wateshaʿ shanah laʿazareyah melekhe yehudah malakhe menaḥem ben־gadiy ʿal־yiseraʾel ʿeser shaniym beshomerown׃

¹⁸ וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֠ר מֵעַ֨ל חַטֹּ֜אות יָרָבְעָ֧ם בֶּן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל כָּל־יָמָֽיו׃ wayaʿas haraʿ beʿeyney yehwah loʾ sar meʿal ḥaṭoʾwt yaraveʿam ben־nevaṭ ʾasher־heḥeṭiyʾ ʾet־yiseraʾel kal־yamayw׃

¹⁹ בָּ֣א פ֤וּל מֶֽלֶךְ־אַשּׁוּר֙ עַל־הָאָ֔רֶץ וַיִּתֵּ֤ן מְנַחֵם֙ לְפ֔וּל אֶ֖לֶף כִּכַּר־כָּ֑סֶף לִהְיֹ֤ות יָדָיו֙ אִתֹּ֔ו לְהַחֲזִ֥יק הַמַּמְלָכָ֖ה בְּיָדֹֽו׃ baʾ ful melekhe־ʾashur ʿal־haʾarets wayiten menaḥem leful ʾelef kikar־kasef liheyowt yadayw ʾitow lehaḥaziyq hamamelakhah beyadow׃

²⁰ וַיֹּצֵא֩ מְנַחֵ֨ם אֶת־הַכֶּ֜סֶף עַל־יִשְׂרָאֵ֗ל עַ֚ל כָּל־גִּבֹּורֵ֣י הַחַ֔יִל לָתֵת֙ לְמֶ֣לֶךְ אַשּׁ֔וּר חֲמִשִּׁ֧ים שְׁקָלִ֛ים כֶּ֖סֶף לְאִ֣ישׁ אֶחָ֑ד וַיָּ֙שָׁב֙ מֶ֣לֶךְ אַשּׁ֔וּר וְלֹא־עָ֥מַד שָׁ֖ם בָּאָֽרֶץ׃ wayotseʾ menaḥem ʾet־hakesef ʿal־yiseraʾel ʿal kal־gibowrey haḥayil latet lemelekhe ʾashur ḥamishiym sheqaliym kesef leʾiysh ʾeḥad wayashav melekhe ʾashur weloʾ־ʿamad sham baʾarets׃

²¹ וְיֶ֛תֶר דִּבְרֵ֥י מְנַחֵ֖ם וְכָל־אֲשֶׁ֣ר עָשָׂ֑ה הֲלֹוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey menaḥem wekhal־ʾasher ʿasah halowʾ־hem ketuviym ʿal־sefer diverey hayamiym lemalekhey yiseraʾel׃

²² וַיִּשְׁכַּ֥ב מְנַחֵ֖ם עִם־אֲבֹתָ֑יו וַיִּמְלֹ֛ךְ פְּקַחְיָ֥ה בְנֹ֖ו תַּחְתָּֽיו׃ פ wayishekav menaḥem ʿim־ʾavotayw wayimelokhe peqaḥeyah venow taḥetayw׃ f

²³ בִּשְׁנַת֙ חֲמִשִּׁ֣ים שָׁנָ֔ה לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ פְּקַֽחְיָ֨ה בֶן־מְנַחֵ֧ם עַל־יִשְׂרָאֵ֛ל בְּשֹׁמְרֹ֖ון שְׁנָתָֽיִם׃ bishenat ḥamishiym shanah laʿazareyah melekhe yehudah malakhe peqaḥeyah ven־menaḥem ʿal־yiseraʾel beshomerown shenatayim׃

²⁴ וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מֵֽחַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃ wayaʿas haraʿ beʿeyney yehwah loʾ sar meḥaṭoʾwt yaraveʿam ben־nevaṭ ʾasher heḥeṭiyʾ ʾet־yiseraʾel׃

²⁵ וַיִּקְשֹׁ֣ר עָלָיו֩ פֶּ֨קַח בֶּן־רְמַלְיָ֜הוּ שָׁלִישֹׁ֗ו וַיַּכֵּ֨הוּ בְשֹׁמְרֹ֜ון בְּאַרְמֹ֤ון בֵּית־ [מֶלֶךְ כ] (הַמֶּ֙לֶךְ֙ ק) אֶת־אַרְגֹּ֣ב וְאֶת־הָאַרְיֵ֔ה וְעִמֹּ֛ו חֲמִשִּׁ֥ים אִ֖ישׁ מִבְּנֵ֣י גִלְעָדִ֑ים וַיְמִיתֵ֖הוּ וַיִּמְלֹ֥ךְ תַּחְתָּֽיו׃ wayiqeshor ʿalayw peqaḥ ben־remaleyahu shaliyshow wayakehu veshomerown beʾaremown beyt־ [melekhe kh] (hamelekhe q) ʾet־ʾaregov weʾet־haʾareyeh weʿimow ḥamishiym ʾiysh mibeney gileʿadiym wayemiytehu wayimelokhe taḥetayw׃

²⁶ וְיֶ֛תֶר דִּבְרֵ֥י פְקַחְיָ֖ה וְכָל־אֲשֶׁ֣ר עָשָׂ֑ה הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ weyeter diverey feqaḥeyah wekhal־ʾasher ʿasah hinam ketuviym ʿal־sefer diverey hayamiym lemalekhey yiseraʾel׃ f

²⁷ בִּשְׁנַ֨ת חֲמִשִּׁ֤ים וּשְׁתַּ֙יִם֙ שָׁנָ֔ה לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ פֶּ֣קַח בֶּן־רְמַלְיָ֧הוּ עַל־יִשְׂרָאֵ֛ל בְּשֹׁמְרֹ֖ון עֶשְׂרִ֥ים שָׁנָֽה׃ bishenat ḥamishiym ushetayim shanah laʿazareyah melekhe yehudah malakhe peqaḥ ben־remaleyahu ʿal־yiseraʾel beshomerown ʿeseriym shanah׃

²⁸ וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מִן־חַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃ wayaʿas haraʿ beʿeyney yehwah loʾ sar min־ḥaṭoʾwt yaraveʿam ben־nevaṭ ʾasher heḥeṭiyʾ ʾet־yiseraʾel׃

²⁹ בִּימֵ֞י פֶּ֣קַח מֶֽלֶךְ־יִשְׂרָאֵ֗ל בָּא֮ תִּגְלַ֣ת פִּלְאֶסֶר֮ מֶ֣לֶךְ אַשּׁוּר֒ וַיִּקַּ֣ח אֶת־עִיֹּ֡ון וְאֶת־אָבֵ֣ל בֵּֽית־מַעֲכָ֡ה וְאֶת־יָ֠נֹוחַ וְאֶת־קֶ֨דֶשׁ וְאֶת־חָצֹ֤ור וְאֶת־הַגִּלְעָד֙ וְאֶת־הַגָּלִ֔ילָה כֹּ֖ל אֶ֣רֶץ נַפְתָּלִ֑י וַיַּגְלֵ֖ם אַשּֽׁוּרָה׃ biymey peqaḥ melekhe־yiseraʾel baʾ tigelat pileʾeser melekhe ʾashur wayiqaḥ ʾet־ʿiyown weʾet־ʾavel beyt־maʿakhah weʾet־yanowḥa weʾet־qedesh weʾet־ḥatsowr weʾet־hagileʿad weʾet־hagaliylah kol ʾerets nafetaliy wayagelem ʾashurah׃

³⁰ וַיִּקְשָׁר־קֶ֜שֶׁר הֹושֵׁ֣עַ בֶּן־אֵלָ֗ה עַל־פֶּ֙קַח֙ בֶּן־רְמַלְיָ֔הוּ וַיַּכֵּ֙הוּ֙ וַיְמִיתֵ֔הוּ וַיִּמְלֹ֖ךְ תַּחְתָּ֑יו בִּשְׁנַ֣ת עֶשְׂרִ֔ים לְיֹותָ֖ם בֶּן־עֻזִיָּֽה׃ wayiqeshar־qesher howsheaʿ ben־ʾelah ʿal־peqaḥ ben־remaleyahu wayakehu wayemiytehu wayimelokhe taḥetayw bishenat ʿeseriym leyowtam ben־ʿuziyah׃

³¹ וְיֶ֥תֶר דִּבְרֵי־פֶ֖קַח וְכָל־אֲשֶׁ֣ר עָשָׂ֑ה הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ weyeter diverey־feqaḥ wekhal־ʾasher ʿasah hinam ketuviym ʿal־sefer diverey hayamiym lemalekhey yiseraʾel׃ f

³² בִּשְׁנַ֣ת שְׁתַּ֔יִם לְפֶ֥קַח בֶּן־רְמַלְיָ֖הוּ מֶ֣לֶךְ יִשְׂרָאֵ֑ל מָלַ֛ךְ יֹותָ֥ם בֶּן־עֻזִיָּ֖הוּ מֶ֥לֶךְ יְהוּדָֽה׃ bishenat shetayim lefeqaḥ ben־remaleyahu melekhe yiseraʾel malakhe yowtam ben־ʿuziyahu melekhe yehudah׃

³³ בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣ה בְמָלְכֹ֔ו וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו יְרוּשָׁ֖א בַּת־צָדֹֽוק׃ ben־ʿeseriym weḥamesh shanah hayah vemalekhow weshesh־ʿesereh shanah malakhe biyrushalim weshem ʾimow yerushaʾ bat־tsadowq׃

³⁴ וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֧ל אֲשֶׁר־עָשָׂ֛ה עֻזִיָּ֥הוּ אָבִ֖יו עָשָֽׂה׃ wayaʿas hayashar beʿeyney yehwah kekhol ʾasher־ʿasah ʿuziyahu ʾaviyw ʿasah׃

³⁵ רַ֤ק הַבָּמֹות֙ לֹ֣א סָ֔רוּ עֹ֗וד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֹ֑ות ה֗וּא בָּנָ֛ה אֶת־שַׁ֥עַר בֵּית־יְהוָ֖ה הָעֶלְיֹֽון׃ raq habamowt loʾ saru ʿowd haʿam mezabeḥiym umeqaṭeriym babamowt huʾ banah ʾet־shaʿar beyt־yehwah haʿeleyown׃

³⁶ וְיֶ֛תֶר דִּבְרֵ֥י יֹותָ֖ם אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey yowtam ʾasher ʿasah haloʾ־hem ketuviym ʿal־sefer diverey hayamiym lemalekhey yehudah׃

³⁷ בַּיָּמִ֣ים הָהֵ֔ם הֵחֵ֣ל יְהוָ֗ה לְהַשְׁלִ֙יחַ֙ בִּֽיהוּדָ֔ה רְצִ֖ין מֶ֣לֶךְ אֲרָ֑ם וְאֵ֖ת פֶּ֥קַח בֶּן־רְמַלְיָֽהוּ׃ bayamiym hahem heḥel yehwah lehasheliyḥa biyhudah retsiyn melekhe ʾaram weʾet peqaḥ ben־remaleyahu׃

³⁸ וַיִּשְׁכַּ֤ב יֹותָם֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ אָחָ֥ז בְּנֹ֖ו תַּחְתָּֽיו׃ פ wayishekav yowtam ʿim־ʾavotayw wayiqaver ʿim־ʾavotayw beʿiyr dawid ʾaviyw wayimelokhe ʾaḥaz benow taḥetayw׃ f