Daniel 2

¹ וּבִשְׁנַ֣ת שְׁתַּ֗יִם לְמַלְכוּת֙ נְבֻֽכַדְנֶצַּ֔ר חָלַ֥ם נְבֻֽכַדְנֶצַּ֖ר חֲלֹמֹ֑ות וַתִּתְפָּ֣עֶם רוּחֹ֔ו וּשְׁנָתֹ֖ו נִהְיְתָ֥ה עָלָֽיו׃ uvishenat shetayim lemalekhut nevukhadenetsar ḥalam nevukhadenetsar ḥalomowt watitepaʿem ruḥow ushenatow niheyetah ʿalayw׃

² וַיֹּ֣אמֶר הַ֠מֶּלֶךְ לִקְרֹ֨א לַֽחַרְטֻמִּ֜ים וְלָֽאַשָּׁפִ֗ים וְלַֽמְכַשְּׁפִים֙ וְלַכַּשְׂדִּ֔ים לְהַגִּ֥יד לַמֶּ֖לֶךְ חֲלֹמֹתָ֑יו וַיָּבֹ֕אוּ וַיַּֽעַמְד֖וּ לִפְנֵ֥י הַמֶּֽלֶךְ׃ wayoʾmer hamelekhe liqeroʾ laḥareṭumiym welaʾashafiym welamekhashefiym welakasediym lehagiyd lamelekhe ḥalomotayw wayavoʾu wayaʿamedu lifeney hamelekhe׃

³ וַיֹּ֧אמֶר לָהֶ֛ם הַמֶּ֖לֶךְ חֲלֹ֣ום חָלָ֑מְתִּי וַתִּפָּ֣עֶם רוּחִ֔י לָדַ֖עַת אֶֽת־הַחֲלֹֽום׃ wayoʾmer lahem hamelekhe ḥalowm ḥalametiy watipaʿem ruḥiy ladaʿat ʾet־haḥalowm׃

⁴ וַֽיְדַבְּר֧וּ הַכַּשְׂדִּ֛ים לַמֶּ֖לֶךְ אֲרָמִ֑ית מַלְכָּא֙ לְעָלְמִ֣ין חֱיִ֔י אֱמַ֥ר חֶלְמָ֛א [לְעַבְדַּיִךְ כ] (לְעַבְדָ֖ךְ ק) וּפִשְׁרָ֥א נְחַוֵּֽא׃ wayedaberu hakasediym lamelekhe ʾaramiyt malekaʾ leʿalemiyn ḥeyiy ʾemar ḥelemaʾ [leʿavedayikhe kh] (leʿavedakhe q) ufisheraʾ neḥaueʾ׃

⁵ עָנֵ֤ה מַלְכָּא֙ וְאָמַ֣ר [לְכַשְׂדָּיֵא כ] (לְכַשְׂדָּאֵ֔י ק) מִלְּתָ֖א מִנִּ֣י אַזְדָּ֑א הֵ֣ן לָ֤א תְהֹֽודְעוּנַּ֙נִי֙ חֶלְמָ֣א וּפִשְׁרֵ֔הּ הַדָּמִין֙ תִּתְעַבְד֔וּן וּבָתֵּיכֹ֖ון נְוָלִ֥י יִתְּשָׂמֽוּן׃ ʿaneh malekaʾ weʾamar [lekhasedayeʾ kh] (lekhasedaʾey q) miletaʾ miniy ʾazedaʾ hen laʾ tehowdeʿunaniy ḥelemaʾ ufishereh hadamiyn titeʿavedun uvateykhown newaliy yitesamun׃

⁶ וְהֵ֨ן חֶלְמָ֤א וּפִשְׁרֵהּ֙ תְּֽהַחֲוֹ֔ן מַתְּנָ֤ן וּנְבִזְבָּה֙ וִיקָ֣ר שַׂגִּ֔יא תְּקַבְּל֖וּן מִן־קֳדָמָ֑י לָהֵ֕ן חֶלְמָ֥א וּפִשְׁרֵ֖הּ הַחֲוֹֽנִי׃ wehen ḥelemaʾ ufishereh tehaḥaon matenan unevizebah wiyqar sagiyʾ teqabelun min־qodamay lahen ḥelemaʾ ufishereh haḥaoniy׃

⁷ עֲנֹ֥ו תִנְיָנ֖וּת וְאָמְרִ֑ין מַלְכָּ֕א חֶלְמָ֛א יֵאמַ֥ר לְעַבְדֹ֖והִי וּפִשְׁרָ֥ה נְהַחֲוֵֽה׃ ʿanow tineyanut weʾameriyn malekaʾ ḥelemaʾ yeʾmar leʿavedowhiy ufisherah nehaḥaweh׃

⁸ עָנֵ֤ה מַלְכָּא֙ וְאָמַ֔ר מִן־יַצִּיב֙ יָדַ֣ע אֲנָ֔ה דִּ֥י עִדָּנָ֖א אַנְתּ֣וּן זָבְנִ֑ין כָּל־קֳבֵל֙ דִּ֣י חֲזֵיתֹ֔ון דִּ֥י אַזְדָּ֖א מִנִּ֥י מִלְּתָֽא׃ ʿaneh malekaʾ weʾamar min־yatsiyv yadaʿ ʾanah diy ʿidanaʾ ʾanetun zaveniyn kal־qovel diy ḥazeytown diy ʾazedaʾ miniy miletaʾ׃

⁹ דִּ֣י הֵן־חֶלְמָא֩ לָ֨א תְהֹֽודְעֻנַּ֜נִי חֲדָה־הִ֣יא דָֽתְכֹ֗ון וּמִלָּ֨ה כִדְבָ֤ה וּשְׁחִיתָה֙ [הַזְמִנְתּוּן כ] (הִזְדְּמִנְתּוּן֙ ק) לְמֵאמַ֣ר קָֽדָמַ֔י עַ֛ד דִּ֥י עִדָּנָ֖א יִשְׁתַּנֵּ֑א לָהֵ֗ן חֶלְמָא֙ אֱמַ֣רוּ לִ֔י וְֽאִנְדַּ֕ע דִּ֥י פִשְׁרֵ֖הּ תְּהַחֲוֻנַּֽנִי׃ diy hen־ḥelemaʾ laʾ tehowdeʿunaniy ḥadah־hiyʾ datekhown umilah khidevah usheḥiytah [hazeminetun kh] (hizedeminetun q) lemeʾmar qadamay ʿad diy ʿidanaʾ yishetaneʾ lahen ḥelemaʾ ʾemaru liy weʾinedaʿ diy fishereh tehaḥawunaniy׃

¹⁰ עֲנֹ֨ו [כַשְׂדָּיֵא כ] (כַשְׂדָּאֵ֤י ק) קֳדָם־מַלְכָּא֙ וְאָ֣מְרִ֔ין לָֽא־אִיתַ֤י אֲנָשׁ֙ עַל־יַבֶּשְׁתָּ֔א דִּ֚י מִלַּ֣ת מַלְכָּ֔א יוּכַ֖ל לְהַחֲוָיָ֑ה כָּל־קֳבֵ֗ל דִּ֚י כָּל־מֶ֙לֶךְ֙ רַ֣ב וְשַׁלִּ֔יט מִלָּ֤ה כִדְנָה֙ לָ֣א שְׁאֵ֔ל לְכָל־חַרְטֹּ֖ם וְאָשַׁ֥ף וְכַשְׂדָּֽי׃ ʿanow [khasedayeʾ kh] (khasedaʾey q) qodam־malekaʾ weʾameriyn laʾ־ʾiytay ʾanash ʿal־yabeshetaʾ diy milat malekaʾ yukhal lehaḥawayah kal־qovel diy kal־melekhe rav weshaliyṭ milah khidenah laʾ sheʾel lekhal־ḥareṭom weʾashaf wekhaseday׃

¹¹ וּמִלְּתָ֨א דִֽי־מַלְכָּ֤ה שָׁאֵל֙ יַקִּירָ֔ה וְאָחֳרָן֙ לָ֣א אִיתַ֔י דִּ֥י יְחַוִּנַּ֖הּ קֳדָ֣ם מַלְכָּ֑א לָהֵ֣ן אֱלָהִ֔ין דִּ֚י מְדָ֣רְהֹ֔ון עִם־בִּשְׂרָ֖א לָ֥א אִיתֹֽוהִי׃ umiletaʾ diy־malekah shaʾel yaqiyrah weʾaḥoran laʾ ʾiytay diy yeḥauinah qodam malekaʾ lahen ʾelahiyn diy medarehown ʿim־biseraʾ laʾ ʾiytowhiy׃

¹² כָּל־קֳבֵ֣ל דְּנָ֔ה מַלְכָּ֕א בְּנַ֖ס וּקְצַ֣ף שַׂגִּ֑יא וַאֲמַר֙ לְהֹ֣ובָדָ֔ה לְכֹ֖ל חַכִּימֵ֥י בָבֶֽל׃ kal־qovel denah malekaʾ benas uqetsaf sagiyʾ waʾamar lehowvadah lekhol ḥakiymey vavel׃

¹³ וְדָתָ֣א נֶפְקַ֔ת וְחַכִּֽימַיָּ֖א מִֽתְקַטְּלִ֑ין וּבְעֹ֛ו דָּנִיֵּ֥אל וְחַבְרֹ֖והִי לְהִתְקְטָלָֽה׃ פ wedataʾ nefeqat weḥakiymayaʾ miteqaṭeliyn uveʿow daniyeʾl weḥaverowhiy lehiteqeṭalah׃ f

¹⁴ בֵּאדַ֣יִן דָּנִיֵּ֗אל הֲתִיב֙ עֵטָ֣א וּטְעֵ֔ם לְאַרְיֹ֕וךְ רַב־טַבָּחַיָּ֖א דִּ֣י מַלְכָּ֑א דִּ֚י נְפַ֣ק לְקַטָּלָ֔ה לְחַכִּימֵ֖י בָּבֶֽל׃ beʾdayin daniyeʾl hatiyv ʿeṭaʾ uṭeʿem leʾareyowkhe rav־ṭabaḥayaʾ diy malekaʾ diy nefaq leqaṭalah leḥakiymey bavel׃

¹⁵ עָנֵ֣ה וְאָמַ֗ר לְאַרְיֹוךְ֙ שַׁלִּיטָ֣א דִֽי־מַלְכָּ֔א עַל־מָ֥ה דָתָ֛א מְהַחְצְפָ֖ה מִן־קֳדָ֣ם מַלְכָּ֑א אֱדַ֣יִן מִלְּתָ֔א הֹודַ֥ע אַרְיֹ֖וךְ לְדָנִיֵּֽאל׃ ʿaneh weʾamar leʾareyowkhe shaliyṭaʾ diy־malekaʾ ʿal־mah dataʾ mehaḥetsefah min־qodam malekaʾ ʾedayin miletaʾ howdaʿ ʾareyowkhe ledaniyeʾl׃

¹⁶ וְדָ֣נִיֵּ֔אל עַ֖ל וּבְעָ֣ה מִן־מַלְכָּ֑א דִּ֚י זְמָ֣ן יִנְתֵּן־לֵ֔הּ וּפִשְׁרָ֖א לְהַֽחֲוָיָ֥ה לְמַלְכָּֽא׃ פ wedaniyeʾl ʿal uveʿah min־malekaʾ diy zeman yineten־leh ufisheraʾ lehaḥawayah lemalekaʾ׃ f

¹⁷ אֱדַ֥יִן דָּֽנִיֵּ֖אל לְבַיְתֵ֣הּ אֲזַ֑ל וְ֠לַחֲנַנְיָה מִֽישָׁאֵ֧ל וַעֲזַרְיָ֛ה חַבְרֹ֖והִי מִלְּתָ֥א הֹודַֽע׃ ʾedayin daniyeʾl levayeteh ʾazal welaḥananeyah miyshaʾel waʿazareyah ḥaverowhiy miletaʾ howdaʿ׃

¹⁸ וְרַחֲמִ֗ין לְמִבְעֵא֙ מִן־קֳדָם֙ אֱלָ֣הּ שְׁמַיָּ֔א עַל־רָזָ֖ה דְּנָ֑ה דִּ֣י לָ֤א יְהֹֽבְדוּן֙ דָּנִיֵּ֣אל וְחַבְרֹ֔והִי עִם־שְׁאָ֖ר חַכִּימֵ֥י בָבֶֽל׃ weraḥamiyn lemiveʿeʾ min־qodam ʾelah shemayaʾ ʿal־razah denah diy laʾ yehovedun daniyeʾl weḥaverowhiy ʿim־sheʾar ḥakiymey vavel׃

¹⁹ אֱדַ֗יִן לְדָנִיֵּ֛אל בְּחֶזְוָ֥א דִֽי־לֵילְיָ֖א רָזָ֣ה גֲלִ֑י אֱדַ֙יִן֙ דָּֽנִיֵּ֔אל בָּרִ֖ךְ לֶאֱלָ֥הּ שְׁמַיָּֽא׃ ʾedayin ledaniyeʾl beḥezewaʾ diy־leyleyaʾ razah galiy ʾedayin daniyeʾl barikhe leʾelah shemayaʾ׃

²⁰ עָנֵ֤ה דָֽנִיֵּאל֙ וְאָמַ֔ר לֶהֱוֵ֨א שְׁמֵ֤הּ דִּֽי־אֱלָהָא֙ מְבָרַ֔ךְ מִן־עָלְמָ֖א וְעַ֣ד־עָלְמָ֑א דִּ֧י חָכְמְתָ֛א וּגְבוּרְתָ֖א דִּ֥י לֵֽהּ־הִֽיא׃ ʿaneh daniyeʾl weʾamar leheweʾ shemeh diy־ʾelahaʾ mevarakhe min־ʿalemaʾ weʿad־ʿalemaʾ diy ḥakhemetaʾ ugevuretaʾ diy leh־hiyʾ׃

²¹ וְ֠הוּא מְהַשְׁנֵ֤א עִדָּנַיָּא֙ וְזִמְנַיָּ֔א מְהַעְדֵּ֥ה מַלְכִ֖ין וּמְהָקֵ֣ים מַלְכִ֑ין יָהֵ֤ב חָכְמְתָא֙ לְחַכִּימִ֔ין וּמַנְדְּעָ֖א לְיָדְעֵ֥י בִינָֽה׃ wehuʾ mehasheneʾ ʿidanayaʾ wezimenayaʾ mehaʿedeh malekhiyn umehaqeym malekhiyn yahev ḥakhemetaʾ leḥakiymiyn umanedeʿaʾ leyadeʿey viynah׃

²² ה֛וּא גָּלֵ֥א עַמִּיקָתָ֖א וּמְסַתְּרָתָ֑א יָדַע֙ מָ֣ה בַחֲשֹׁוכָ֔א [וּנְהִירָא כ] (וּנְהֹורָ֖א ק) עִמֵּ֥הּ שְׁרֵֽא׃ huʾ galeʾ ʿamiyqataʾ umesaterataʾ yadaʿ mah vaḥashowkhaʾ [unehiyraʾ kh] (unehowraʾ q) ʿimeh shereʾ׃

²³ לָ֣ךְ ׀ אֱלָ֣הּ אֲבָהָתִ֗י מְהֹודֵ֤א וּמְשַׁבַּח֙ אֲנָ֔ה דִּ֧י חָכְמְתָ֛א וּגְבוּרְתָ֖א יְהַ֣בְתְּ לִ֑י וּכְעַ֤ן הֹֽודַעְתַּ֙נִי֙ דִּֽי־בְעֵ֣ינָא מִנָּ֔ךְ דִּֽי־מִלַּ֥ת מַלְכָּ֖א הֹודַעְתֶּֽנָא׃ lakhe ׀ ʾelah ʾavahatiy mehowdeʾ umeshabaḥ ʾanah diy ḥakhemetaʾ ugevuretaʾ yehavete liy ukheʿan howdaʿetaniy diy־veʿeynaʾ minakhe diy־milat malekaʾ howdaʿetenaʾ׃

²⁴ כָּל־קֳבֵ֣ל דְּנָ֗ה דָּֽנִיֵּאל֙ עַ֣ל עַל־אַרְיֹ֔וךְ דִּ֚י מַנִּ֣י מַלְכָּ֔א לְהֹובָדָ֖ה לְחַכִּימֵ֣י בָבֶ֑ל אֲזַ֣ל ׀ וְכֵ֣ן אֲמַר־לֵ֗הּ לְחַכִּימֵ֤י בָבֶל֙ אַל־תְּהֹובֵ֔ד הַעֵ֙לְנִי֙ קֳדָ֣ם מַלְכָּ֔א וּפִשְׁרָ֖א לְמַלְכָּ֥א אֲחַוֵּֽא׃ ס kal־qovel denah daniyeʾl ʿal ʿal־ʾareyowkhe diy maniy malekaʾ lehowvadah leḥakiymey vavel ʾazal ׀ wekhen ʾamar־leh leḥakiymey vavel ʾal־tehowved haʿeleniy qodam malekaʾ ufisheraʾ lemalekaʾ ʾaḥaueʾ׃ s

²⁵ אֱדַ֤יִן אַרְיֹוךְ֙ בְּהִתְבְּהָלָ֔ה הַנְעֵ֥ל לְדָנִיֵּ֖אל קֳדָ֣ם מַלְכָּ֑א וְכֵ֣ן אֲמַר־לֵ֗הּ דִּֽי־הַשְׁכַּ֤חַת גְּבַר֙ מִן־בְּנֵ֤י גָֽלוּתָא֙ דִּ֣י יְה֔וּד דִּ֥י פִשְׁרָ֖א לְמַלְכָּ֥א יְהֹודַֽע׃ ʾedayin ʾareyowkhe behitebehalah haneʿel ledaniyeʾl qodam malekaʾ wekhen ʾamar־leh diy־hashekaḥat gevar min־beney galutaʾ diy yehud diy fisheraʾ lemalekaʾ yehowdaʿ׃

²⁶ עָנֵ֤ה מַלְכָּא֙ וְאָמַ֣ר לְדָנִיֵּ֔אל דִּ֥י שְׁמֵ֖הּ בֵּלְטְשַׁאצַּ֑ר [הַאִיתַיִךְ כ] (הַֽאִיתָ֣ךְ ק) כָּהֵ֗ל לְהֹודָעֻתַ֛נִי חֶלְמָ֥א דִֽי־חֲזֵ֖ית וּפִשְׁרֵֽהּ׃ ʿaneh malekaʾ weʾamar ledaniyeʾl diy shemeh beleṭeshaʾtsar [haʾiytayikhe kh] (haʾiytakhe q) kahel lehowdaʿutaniy ḥelemaʾ diy־ḥazeyt ufishereh׃

²⁷ עָנֵ֧ה דָנִיֵּ֛אל קֳדָ֥ם מַלְכָּ֖א וְאָמַ֑ר רָזָה֙ דִּֽי־מַלְכָּ֣א שָׁאֵ֔ל לָ֧א חַכִּימִ֣ין אָֽשְׁפִ֗ין חַרְטֻמִּין֙ גָּזְרִ֔ין יָכְלִ֖ין לְהַֽחֲוָיָ֥ה לְמַלְכָּֽא׃ ʿaneh daniyeʾl qodam malekaʾ weʾamar razah diy־malekaʾ shaʾel laʾ ḥakiymiyn ʾashefiyn ḥareṭumiyn gazeriyn yakheliyn lehaḥawayah lemalekaʾ׃

²⁸ בְּרַ֡ם אִיתַ֞י אֱלָ֤הּ בִּשְׁמַיָּא֙ גָּלֵ֣א רָזִ֔ין וְהֹודַ֗ע לְמַלְכָּא֙ נְבֽוּכַדְנֶצַּ֔ר מָ֛ה דִּ֥י לֶהֱוֵ֖א בְּאַחֲרִ֣ית יֹומַיָּ֑א חֶלְמָ֨ךְ וְחֶזְוֵ֥י רֵאשָׁ֛ךְ עַֽל־מִשְׁכְּבָ֖ךְ דְּנָ֥ה הֽוּא׃ פ beram ʾiytay ʾelah bishemayaʾ galeʾ raziyn wehowdaʿ lemalekaʾ nevukhadenetsar mah diy leheweʾ beʾaḥariyt yowmayaʾ ḥelemakhe weḥezewey reʾshakhe ʿal־mishekevakhe denah huʾ׃ f

²⁹ [אַנְתָּה כ] (אַ֣נְתְּ ק) מַלְכָּ֗א רַעְיֹונָךְ֙ עַל־מִשְׁכְּבָ֣ךְ סְלִ֔קוּ מָ֛ה דִּ֥י לֶהֱוֵ֖א אַחֲרֵ֣י דְנָ֑ה וְגָלֵ֧א רָזַיָּ֛א הֹודְעָ֖ךְ מָה־דִ֥י לֶהֱוֵֽא׃ [ʾanetah kh] (ʾanete q) malekaʾ raʿeyownakhe ʿal־mishekevakhe seliqu mah diy leheweʾ ʾaḥarey denah wegaleʾ razayaʾ howdeʿakhe mah־diy leheweʾ׃

³⁰ וַאֲנָ֗ה לָ֤א בְחָכְמָה֙ דִּֽי־אִיתַ֥י בִּי֙ מִן־כָּל־חַיַּיָּ֔א רָזָ֥א דְנָ֖ה גֱּלִ֣י לִ֑י לָהֵ֗ן עַל־דִּבְרַת֙ דִּ֤י פִשְׁרָא֙ לְמַלְכָּ֣א יְהֹודְע֔וּן וְרַעְיֹונֵ֥י לִבְבָ֖ךְ תִּנְדַּֽע׃ waʾanah laʾ veḥakhemah diy־ʾiytay biy min־kal־ḥayayaʾ razaʾ denah geliy liy lahen ʿal־diverat diy fisheraʾ lemalekaʾ yehowdeʿun weraʿeyowney livevakhe tinedaʿ׃

³¹ [אַנְתָּה כ] (אַ֣נְתְּ ק) מַלְכָּ֗א חָזֵ֤ה הֲוַ֙יְתָ֙ וַאֲל֨וּ צְלֵ֥ם חַד֙ שַׂגִּ֔יא צַלְמָ֨א דִּכֵּ֥ן רַ֛ב וְזִיוֵ֥הּ יַתִּ֖יר קָאֵ֣ם לְקָבְלָ֑ךְ וְרֵוֵ֖הּ דְּחִֽיל׃ [ʾanetah kh] (ʾanete q) malekaʾ ḥazeh hawayeta waʾalu tselem ḥad sagiyʾ tsalemaʾ diken rav weziyweh yatiyr qaʾem leqavelakhe wereweh deḥiyl׃

³² ה֣וּא צַלְמָ֗א רֵאשֵׁהּ֙ דִּֽי־דְהַ֣ב טָ֔ב חֲדֹ֥והִי וּדְרָעֹ֖והִי דִּ֣י כְסַ֑ף מְעֹ֥והִי וְיַרְכָתֵ֖הּ דִּ֥י נְחָֽשׁ׃ huʾ tsalemaʾ reʾsheh diy־dehav ṭav ḥadowhiy uderaʿowhiy diy khesaf meʿowhiy weyarekhateh diy neḥash׃

³³ שָׁקֹ֖והִי דִּ֣י פַרְזֶ֑ל רַגְלֹ֕והִי [מִנְּהֹון כ] (מִנְּהֵין֙ ק) דִּ֣י פַרְזֶ֔ל [וּמִנְּהֹון כ] (וּמִנְּהֵ֖ין ק) דִּ֥י חֲסַֽף׃ shaqowhiy diy farezel ragelowhiy [minehown kh] (mineheyn q) diy farezel [uminehown kh] (umineheyn q) diy ḥasaf׃

³⁴ חָזֵ֣ה הֲוַ֗יְתָ עַ֠ד דִּ֣י הִתְגְּזֶ֤רֶת אֶ֙בֶן֙ דִּי־לָ֣א בִידַ֔יִן וּמְחָ֤ת לְצַלְמָא֙ עַל־רַגְלֹ֔והִי דִּ֥י פַרְזְלָ֖א וְחַסְפָּ֑א וְהַדֵּ֖קֶת הִמֹּֽון׃ ḥazeh hawayeta ʿad diy hitegezeret ʾeven diy־laʾ viydayin umeḥat letsalemaʾ ʿal־ragelowhiy diy farezelaʾ weḥasepaʾ wehadeqet himown׃

³⁵ בֵּאדַ֣יִן דָּ֣קוּ כַחֲדָ֡ה פַּרְזְלָא֩ חַסְפָּ֨א נְחָשָׁ֜א כַּסְפָּ֣א וְדַהֲבָ֗א וַהֲוֹו֙ כְּע֣וּר מִן־אִדְּרֵי־קַ֔יִט וּנְשָׂ֤א הִמֹּון֙ רוּחָ֔א וְכָל־אֲתַ֖ר לָא־הִשְׁתֲּכַ֣ח לְהֹ֑ון וְאַבְנָ֣א ׀ דִּֽי־מְחָ֣ת לְצַלְמָ֗א הֲוָ֛ת לְט֥וּר רַ֖ב וּמְלָ֥ת כָּל־אַרְעָֽא׃ beʾdayin daqu khaḥadah parezelaʾ ḥasepaʾ neḥashaʾ kasepaʾ wedahavaʾ wahaow keʿur min־ʾiderey־qayiṭ unesaʾ himown ruḥaʾ wekhal־ʾatar laʾ־hishetakhaḥ lehown weʾavenaʾ ׀ diy־meḥat letsalemaʾ hawat leṭur rav umelat kal־ʾareʿaʾ׃

³⁶ דְּנָ֣ה חֶלְמָ֔א וּפִשְׁרֵ֖הּ נֵאמַ֥ר קֳדָם־מַלְכָּֽא׃ denah ḥelemaʾ ufishereh neʾmar qodam־malekaʾ׃

³⁷ [אַנְתָּה כ] (אַ֣נְתְּ ק) מַלְכָּ֔א מֶ֖לֶךְ מַלְכַיָּ֑א דִּ֚י אֱלָ֣הּ שְׁמַיָּ֔א מַלְכוּתָ֥א חִסְנָ֛א וְתָקְפָּ֥א וִֽיקָרָ֖א יְהַב־לָֽךְ׃ [ʾanetah kh] (ʾanete q) malekaʾ melekhe malekhayaʾ diy ʾelah shemayaʾ malekhutaʾ ḥisenaʾ wetaqepaʾ wiyqaraʾ yehav־lakhe׃

³⁸ וּבְכָל־דִּ֣י [דָאֲרִין כ] (דָֽיְרִ֣ין ק) בְּֽנֵי־אֲ֠נָשָׁא חֵיוַ֨ת בָּרָ֤א וְעֹוף־שְׁמַיָּא֙ יְהַ֣ב בִּידָ֔ךְ וְהַשְׁלְטָ֖ךְ בְּכָלְּהֹ֑ון [אַנְתָּה כ] (אַנְתְּ־ה֔וּא ק) רֵאשָׁ֖ה דִּ֥י דַהֲבָֽא׃ uvekhal־diy [daʾariyn kh] (dayeriyn q) beney־ʾanashaʾ ḥeywat baraʾ weʿowf־shemayaʾ yehav biydakhe wehasheleṭakhe bekhalehown [ʾanetah kh] (ʾanete־huʾ q) reʾshah diy dahavaʾ׃

³⁹ וּבָתְרָ֗ךְ תְּק֛וּם מַלְכ֥וּ אָחֳרִ֖י אֲרַ֣עא מִנָּ֑ךְ וּמַלְכ֨וּ [תְלִיתָיָא כ] (תְלִיתָאָ֤ה ק) אָחֳרִי֙ דִּ֣י נְחָשָׁ֔א דִּ֥י תִשְׁלַ֖ט בְּכָל־אַרְעָֽא׃ uvaterakhe tequm malekhu ʾaḥoriy ʾaraʿʾ minakhe umalekhu [teliytayaʾ kh] (teliytaʾah q) ʾaḥoriy diy neḥashaʾ diy tishelaṭ bekhal־ʾareʿaʾ׃

⁴⁰ וּמַלְכוּ֙ [רְבִיעָיָה כ] (רְבִ֣יעָאָ֔ה ק) תֶּהֱוֵ֥א תַקִּיפָ֖ה כְּפַרְזְלָ֑א כָּל־קֳבֵ֗ל דִּ֤י פַרְזְלָא֙ מְהַדֵּ֤ק וְחָשֵׁל֙ כֹּ֔לָּא וּֽכְפַרְזְלָ֛א דִּֽי־מְרָעַ֥ע כָּל־אִלֵּ֖ין תַּדִּ֥ק וְתֵרֹֽעַ׃ umalekhu [reviyʿayah kh] (reviyʿaʾah q) teheweʾ taqiyfah kefarezelaʾ kal־qovel diy farezelaʾ mehadeq weḥashel kolaʾ ukhefarezelaʾ diy־meraʿaʿ kal־ʾileyn tadiq weteroaʿ׃

⁴¹ וְדִֽי־חֲזַ֜יְתָה רַגְלַיָּ֣א וְאֶצְבְּעָתָ֗א [מִנְּהֹון כ] (מִנְּהֵ֞ן ק) חֲסַ֤ף דִּֽי־פֶחָר֙ [וּמִנְּהֹון כ] (וּמִנְּהֵ֣ין ק) פַּרְזֶ֔ל מַלְכ֤וּ פְלִיגָה֙ תֶּהֱוֵ֔ה וּמִן־נִצְבְּתָ֥א דִ֥י פַרְזְלָ֖א לֶֽהֱוֵא־בַ֑הּ כָּל־קֳבֵל֙ דִּ֣י חֲזַ֔יְתָה פַּ֨רְזְלָ֔א מְעָרַ֖ב בַּחֲסַ֥ף טִינָֽא׃ wediy־ḥazayetah ragelayaʾ weʾetsebeʿataʾ [minehown kh] (minehen q) ḥasaf diy־feḥar [uminehown kh] (umineheyn q) parezel malekhu feliygah teheweh umin־nitsebetaʾ diy farezelaʾ leheweʾ־vah kal־qovel diy ḥazayetah parezelaʾ meʿarav baḥasaf ṭiynaʾ׃

⁴² וְאֶצְבְּעָת֙ רַגְלַיָּ֔א [מִנְּהֹון כ] (מִנְּהֵ֥ין ק) פַּרְזֶ֖ל [וּמִנְּהֹון כ] (וּמִנְּהֵ֣ין ק) חֲסַ֑ף מִן־קְצָ֤ת מַלְכוּתָא֙ תֶּהֱוֵ֣ה תַקִּיפָ֔ה וּמִנַּ֖הּ תֶּהֱוֵ֥ה תְבִירָֽה׃ weʾetsebeʿat ragelayaʾ [minehown kh] (mineheyn q) parezel [uminehown kh] (umineheyn q) ḥasaf min־qetsat malekhutaʾ teheweh taqiyfah uminah teheweh teviyrah׃

⁴³ [דִי כ] (וְדִ֣י ק) חֲזַ֗יְתָ פַּרְזְלָא֙ מְעָרַב֙ בַּחֲסַ֣ף טִינָ֔א מִתְעָרְבִ֤ין לֶהֱוֹן֙ בִּזְרַ֣ע אֲנָשָׁ֔א וְלָֽא־לֶהֱוֹ֥ן דָּבְקִ֖ין דְּנָ֣ה עִם־דְּנָ֑ה הֵֽא־כְדִ֣י פַרְזְלָ֔א לָ֥א מִתְעָרַ֖ב עִם־חַסְפָּֽא׃ [diy kh] (wediy q) ḥazayeta parezelaʾ meʿarav baḥasaf ṭiynaʾ miteʿareviyn leheon bizeraʿ ʾanashaʾ welaʾ־leheon daveqiyn denah ʿim־denah heʾ־khediy farezelaʾ laʾ miteʿarav ʿim־ḥasepaʾ׃

⁴⁴ וּֽבְיֹומֵיהֹ֞ון דִּ֧י מַלְכַיָּ֣א אִנּ֗וּן יְקִים֩ אֱלָ֨הּ שְׁמַיָּ֤א מַלְכוּ֙ דִּ֤י לְעָלְמִין֙ לָ֣א תִתְחַבַּ֔ל וּמַ֨לְכוּתָ֔ה לְעַ֥ם אָחֳרָ֖ן לָ֣א תִשְׁתְּבִ֑ק תַּדִּ֤ק וְתָסֵיף֙ כָּל־אִלֵּ֣ין מַלְכְוָתָ֔א וְהִ֖יא תְּק֥וּם לְעָלְמַיָּֽא׃ uveyowmeyhown diy malekhayaʾ ʾinun yeqiym ʾelah shemayaʾ malekhu diy leʿalemiyn laʾ titeḥabal umalekhutah leʿam ʾaḥoran laʾ tisheteviq tadiq wetaseyf kal־ʾileyn malekhewataʾ wehiyʾ tequm leʿalemayaʾ׃

⁴⁵ כָּל־קֳבֵ֣ל דִּֽי־חֲזַ֡יְתָ דִּ֣י מִטּוּרָא֩ אִתְגְּזֶ֨רֶת אֶ֜בֶן דִּי־לָ֣א בִידַ֗יִן וְ֠הַדֶּקֶת פַּרְזְלָ֨א נְחָשָׁ֤א חַסְפָּא֙ כַּסְפָּ֣א וְדַהֲבָ֔א אֱלָ֥הּ רַב֙ הֹודַ֣ע לְמַלְכָּ֔א מָ֛ה דִּ֥י לֶהֱוֵ֖א אַחֲרֵ֣י דְנָ֑ה וְיַצִּ֥יב חֶלְמָ֖א וּמְהֵימַ֥ן פִּשְׁרֵֽהּ׃ פ kal־qovel diy־ḥazayeta diy miṭuraʾ ʾitegezeret ʾeven diy־laʾ viydayin wehadeqet parezelaʾ neḥashaʾ ḥasepaʾ kasepaʾ wedahavaʾ ʾelah rav howdaʿ lemalekaʾ mah diy leheweʾ ʾaḥarey denah weyatsiyv ḥelemaʾ umeheyman pishereh׃ f

⁴⁶ בֵּ֠אדַיִן מַלְכָּ֤א נְבֽוּכַדְנֶצַּר֙ נְפַ֣ל עַל־אַנְפֹּ֔והִי וּלְדָנִיֵּ֖אל סְגִ֑ד וּמִנְחָה֙ וְנִ֣יחֹחִ֔ין אֲמַ֖ר לְנַסָּ֥כָה לֵֽהּ׃ beʾdayin malekaʾ nevukhadenetsar nefal ʿal־ʾanepowhiy uledaniyeʾl segid umineḥah weniyḥoḥiyn ʾamar lenasakhah leh׃

⁴⁷ עָנֵה֩ מַלְכָּ֨א לְדָנִיֵּ֜אל וְאָמַ֗ר מִן־קְשֹׁט֙ דִּ֣י אֱלָהֲכֹ֗ון ה֣וּא אֱלָ֧הּ אֱלָהִ֛ין וּמָרֵ֥א מַלְכִ֖ין וְגָלֵ֣ה רָזִ֑ין דִּ֣י יְכֵ֔לְתָּ לְמִגְלֵ֖א רָזָ֥ה דְנָֽה׃ ʿaneh malekaʾ ledaniyeʾl weʾamar min־qeshoṭ diy ʾelahakhown huʾ ʾelah ʾelahiyn umareʾ malekhiyn wegaleh raziyn diy yekheleta lemigeleʾ razah denah׃

⁴⁸ אֱדַ֨יִן מַלְכָּ֜א לְדָנִיֵּ֣אל רַבִּ֗י וּמַתְּנָ֨ן רַבְרְבָ֤ן שַׂגִּיאָן֙ יְהַב־לֵ֔הּ וְהַ֨שְׁלְטֵ֔הּ עַ֖ל כָּל־מְדִינַ֣ת בָּבֶ֑ל וְרַב־סִגְנִ֔ין עַ֖ל כָּל־חַכִּימֵ֥י בָבֶֽל׃ ʾedayin malekaʾ ledaniyeʾl rabiy umatenan raverevan sagiyʾan yehav־leh wehasheleṭeh ʿal kal־mediynat bavel werav־sigeniyn ʿal kal־ḥakiymey vavel׃

⁴⁹ וְדָנִיֵּאל֙ בְּעָ֣א מִן־מַלְכָּ֔א וּמַנִּ֗י עַ֤ל עֲבִֽידְתָּא֙ דִּ֚י מְדִינַ֣ת בָּבֶ֔ל לְשַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו וְדָנִיֵּ֖אל בִּתְרַ֥ע מַלְכָּֽא׃ פ wedaniyeʾl beʿaʾ min־malekaʾ umaniy ʿal ʿaviydetaʾ diy mediynat bavel leshaderakhe meyshakhe waʿaved negow wedaniyeʾl biteraʿ malekaʾ׃ f