Ézéchiel 22

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² וְאַתָּ֣ה בֶן־אָדָ֔ם הֲתִשְׁפֹּ֥ט הֲתִשְׁפֹּ֖ט אֶת־עִ֣יר הַדָּמִ֑ים וְהֹ֣ודַעְתָּ֔הּ אֵ֖ת כָּל־תֹּועֲבֹותֶֽיהָ׃ weʾatah ven־ʾadam hatishepoṭ hatishepoṭ ʾet־ʿiyr hadamiym wehowdaʿetah ʾet kal־towʿavowteyha׃

³ וְאָמַרְתָּ֗ כֹּ֤ה אָמַר֙ אֲדֹנָ֣י יְהוִ֔ה עִ֣יר שֹׁפֶ֥כֶת דָּ֛ם בְּתֹוכָ֖הּ לָבֹ֣וא עִתָּ֑הּ וְעָשְׂתָ֧ה גִלּוּלִ֛ים עָלֶ֖יהָ לְטָמְאָֽה׃ weʾamareta koh ʾamar ʾadonay yehwih ʿiyr shofekhet dam betowkhah lavowʾ ʿitah weʿasetah giluliym ʿaleyha leṭameʾah׃

⁴ בְּדָמֵ֨ךְ אֲשֶׁר־שָׁפַ֜כְתְּ אָשַׁ֗מְתְּ וּבְגִלּוּלַ֤יִךְ אֲשֶׁר־עָשִׂית֙ טָמֵ֔את וַתַּקְרִ֣יבִי יָמַ֔יִךְ וַתָּבֹ֖וא עַד־שְׁנֹותָ֑יִךְ עַל־כֵּ֗ן נְתַתִּ֤יךְ חֶרְפָּה֙ לַגֹּויִ֔ם וְקַלָּסָ֖ה לְכָל־הָאֲרָצֹֽות׃ bedamekhe ʾasher־shafakhete ʾashamete uvegilulayikhe ʾasher־ʿasiyt ṭameʾt wataqeriyviy yamayikhe watavowʾ ʿad־shenowtayikhe ʿal־ken netatiykhe ḥerepah lagowyim weqalasah lekhal־haʾaratsowt׃

⁵ הַקְּרֹבֹ֛ות וְהָרְחֹקֹ֥ות מִמֵּ֖ךְ יִתְקַלְּסוּ־בָ֑ךְ טְמֵאַ֣ת הַשֵּׁ֔ם רַבַּ֖ת הַמְּהוּמָֽה׃ haqerovowt wehareḥoqowt mimekhe yiteqalesu־vakhe ṭemeʾat hashem rabat hamehumah׃

⁶ הִנֵּה֙ נְשִׂיאֵ֣י יִשְׂרָאֵ֔ל אִ֥ישׁ לִזְרֹעֹ֖ו הָ֣יוּ בָ֑ךְ לְמַ֖עַן שְׁפָךְ־דָּֽם׃ hineh nesiyʾey yiseraʾel ʾiysh lizeroʿow hayu vakhe lemaʿan shefakhe־dam׃

⁷ אָ֤ב וָאֵם֙ הֵקַ֣לּוּ בָ֔ךְ לַגֵּ֛ר עָשׂ֥וּ בַעֹ֖שֶׁק בְּתֹוכֵ֑ךְ יָתֹ֥ום וְאַלְמָנָ֖ה הֹ֥ונוּ בָֽךְ׃ ʾav waʾem heqalu vakhe lager ʿasu vaʿosheq betowkhekhe yatowm weʾalemanah hownu vakhe׃

⁸ קָדָשַׁ֖י בָּזִ֑ית וְאֶת־שַׁבְּתֹתַ֖י חִלָּֽלְתְּ׃ qadashay baziyt weʾet־shabetotay ḥilalete׃

⁹ אַנְשֵׁ֥י רָכִ֛יל הָ֥יוּ בָ֖ךְ לְמַ֣עַן שְׁפָךְ־דָּ֑ם וְאֶל־הֶֽהָרִים֙ אָ֣כְלוּ בָ֔ךְ זִמָּ֖ה עָשׂ֥וּ בְתֹוכֵֽךְ׃ ʾaneshey rakhiyl hayu vakhe lemaʿan shefakhe־dam weʾel־hehariym ʾakhelu vakhe zimah ʿasu vetowkhekhe׃

¹⁰ עֶרְוַת־אָ֖ב גִּלָּה־בָ֑ךְ טְמֵאַ֥ת הַנִּדָּ֖ה עִנּוּ־בָֽךְ׃ ʿerewat־ʾav gilah־vakhe ṭemeʾat hanidah ʿinu־vakhe׃

¹¹ וְאִ֣ישׁ ׀ אֶת־אֵ֣שֶׁת רֵעֵ֗הוּ עָשָׂה֙ תֹּֽועֵבָ֔ה וְאִ֥ישׁ אֶת־כַּלָּתֹ֖ו טִמֵּ֣א בְזִמָּ֑ה וְאִ֛ישׁ אֶת־אֲחֹתֹ֥ו בַת־אָבִ֖יו עִנָּה־בָֽךְ׃ weʾiysh ׀ ʾet־ʾeshet reʿehu ʿasah towʿevah weʾiysh ʾet־kalatow ṭimeʾ vezimah weʾiysh ʾet־ʾaḥotow vat־ʾaviyw ʿinah־vakhe׃

¹² שֹׁ֥חַד לָֽקְחוּ־בָ֖ךְ לְמַ֣עַן שְׁפָךְ־דָּ֑ם נֶ֧שֶׁךְ וְתַרְבִּ֣ית לָקַ֗חַתְּ וַתְּבַצְּעִ֤י רֵעַ֙יִךְ֙ בַּעֹ֔שֶׁק וְאֹתִ֣י שָׁכַ֔חַתְּ נְאֻ֖ם אֲדֹנָ֥י יְהוִֽה׃ shoḥad laqeḥu־vakhe lemaʿan shefakhe־dam neshekhe wetarebiyt laqaḥate watevatseʿiy reʿayikhe baʿosheq weʾotiy shakhaḥate neʾum ʾadonay yehwih׃

¹³ וְהִנֵּה֙ הִכֵּ֣יתִי כַפִּ֔י אֶל־בִּצְעֵ֖ךְ אֲשֶׁ֣ר עָשִׂ֑ית וְעַ֨ל־דָּמֵ֔ךְ אֲשֶׁ֥ר הָי֖וּ בְּתֹוכֵֽךְ׃ wehineh hikeytiy khapiy ʾel־bitseʿekhe ʾasher ʿasiyt weʿal־damekhe ʾasher hayu betowkhekhe׃

¹⁴ הֲיַעֲמֹ֤ד לִבֵּךְ֙ אִם־תֶּחֱזַ֣קְנָה יָדַ֔יִךְ לַיָּמִ֕ים אֲשֶׁ֥ר אֲנִ֖י עֹשֶׂ֣ה אֹותָ֑ךְ אֲנִ֥י יְהוָ֖ה דִּבַּ֥רְתִּי וְעָשִֽׂיתִי׃ hayaʿamod libekhe ʾim־teḥezaqenah yadayikhe layamiym ʾasher ʾaniy ʿoseh ʾowtakhe ʾaniy yehwah dibaretiy weʿasiytiy׃

¹⁵ וַהֲפִיצֹותִ֤י אֹותָךְ֙ בַּגֹּויִ֔ם וְזֵרִיתִ֖יךְ בָּאֲרָצֹ֑ות וַהֲתִמֹּתִ֥י טֻמְאָתֵ֖ךְ מִמֵּֽךְ׃ wahafiytsowtiy ʾowtakhe bagowyim wezeriytiykhe baʾaratsowt wahatimotiy ṭumeʾatekhe mimekhe׃

¹⁶ וְנִחַ֥לְתְּ בָּ֖ךְ לְעֵינֵ֣י גֹויִ֑ם וְיָדַ֖עַתְּ כִּֽי־אֲנִ֥י יְהוָֽה׃ פ weniḥalete bakhe leʿeyney gowyim weyadaʿate kiy־ʾaniy yehwah׃ f

¹⁷ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

¹⁸ בֶּן־אָדָ֕ם הָיוּ־לִ֥י בֵֽית־יִשְׂרָאֵ֖ל [לְסוּג כ] (לְסִ֑יג ק) כֻּלָּ֡ם נְ֠חֹשֶׁת וּבְדִ֨יל וּבַרְזֶ֤ל וְעֹופֶ֙רֶת֙ בְּתֹ֣וךְ כּ֔וּר סִגִ֥ים כֶּ֖סֶף הָיֽוּ׃ ס ben־ʾadam hayu־liy veyt־yiseraʾel [lesug kh] (lesiyg q) kulam neḥoshet uvediyl uvarezel weʿowferet betowkhe kur sigiym kesef hayu׃ s

¹⁹ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה יַ֛עַן הֱיֹ֥ות כֻּלְּכֶ֖ם לְסִגִ֑ים לָכֵן֙ הִנְנִ֣י קֹבֵ֣ץ אֶתְכֶ֔ם אֶל־תֹּ֖וךְ יְרוּשָׁלִָֽם׃ lakhen koh ʾamar ʾadonay yehwih yaʿan heyowt kulekhem lesigiym lakhen hineniy qovets ʾetekhem ʾel־towkhe yerushalim׃

²⁰ קְבֻ֣צַת כֶּ֡סֶף וּ֠נְחֹשֶׁת וּבַרְזֶ֨ל וְעֹופֶ֤רֶת וּבְדִיל֙ אֶל־תֹּ֣וךְ כּ֔וּר לָפַֽחַת־עָלָ֥יו אֵ֖שׁ לְהַנְתִּ֑יךְ כֵּ֤ן אֶקְבֹּץ֙ בְּאַפִּ֣י וּבַחֲמָתִ֔י וְהִנַּחְתִּ֥י וְהִתַּכְתִּ֖י אֶתְכֶֽם׃ qevutsat kesef uneḥoshet uvarezel weʿowferet uvediyl ʾel־towkhe kur lafaḥat־ʿalayw ʾesh lehanetiykhe ken ʾeqebots beʾapiy uvaḥamatiy wehinaḥetiy wehitakhetiy ʾetekhem׃

²¹ וְכִנַּסְתִּ֣י אֶתְכֶ֔ם וְנָפַחְתִּ֥י עֲלֵיכֶ֖ם בְּאֵ֣שׁ עֶבְרָתִ֑י וְנִתַּכְתֶּ֖ם בְּתֹוכָֽהּ׃ wekhinasetiy ʾetekhem wenafaḥetiy ʿaleykhem beʾesh ʿeveratiy wenitakhetem betowkhah׃

²² כְּהִתּ֥וּךְ כֶּ֙סֶף֙ בְּתֹ֣וךְ כּ֔וּר כֵּ֖ן תֻּתְּכ֣וּ בְתֹוכָ֑הּ וִֽידַעְתֶּם֙ כִּֽי־אֲנִ֣י יְהוָ֔ה שָׁפַ֥כְתִּי חֲמָתִ֖י עֲלֵיכֶֽם׃ פ kehitukhe kesef betowkhe kur ken tutekhu vetowkhah wiydaʿetem kiy־ʾaniy yehwah shafakhetiy ḥamatiy ʿaleykhem׃ f

²³ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

²⁴ בֶּן־אָדָ֕ם אֱמָר־לָ֕הּ אַ֣תְּ אֶ֔רֶץ לֹ֥א מְטֹהָרָ֖ה הִ֑יא לֹ֥א גֻשְׁמָ֖הּ בְּיֹ֥ום זָֽעַם׃ ben־ʾadam ʾemar־lah ʾate ʾerets loʾ meṭoharah hiyʾ loʾ gushemah beyowm zaʿam׃

²⁵ קֶ֤שֶׁר נְבִיאֶ֙יהָ֙ בְּתֹוכָ֔הּ כַּאֲרִ֥י שֹׁואֵ֖ג טֹ֣רֵֽף טָ֑רֶף נֶ֣פֶשׁ אָכָ֗לוּ חֹ֤סֶן וִיקָר֙ יִקָּ֔חוּ אַלְמְנֹותֶ֖יהָ הִרְבּ֥וּ בְתֹוכָֽהּ׃ qesher neviyʾeyha betowkhah kaʾariy showʾeg ṭoref ṭaref nefesh ʾakhalu ḥosen wiyqar yiqaḥu ʾalemenowteyha hirebu vetowkhah׃

²⁶ כֹּהֲנֶ֜יהָ חָמְס֣וּ תֹורָתִי֮ וַיְחַלְּל֣וּ קָדָשַׁי֒ בֵּֽין־קֹ֤דֶשׁ לְחֹל֙ לֹ֣א הִבְדִּ֔ילוּ וּבֵין־הַטָּמֵ֥א לְטָהֹ֖ור לֹ֣א הֹודִ֑יעוּ וּמִשַׁבְּתֹותַי֙ הֶעְלִ֣ימוּ עֵֽינֵיהֶ֔ם וָאֵחַ֖ל בְּתֹוכָֽם׃ kohaneyha ḥamesu towratiy wayeḥalelu qadashay beyn־qodesh leḥol loʾ hivediylu uveyn־haṭameʾ leṭahowr loʾ howdiyʿu umishabetowtay heʿeliymu ʿeyneyhem waʾeḥal betowkham׃

²⁷ שָׂרֶ֣יהָ בְקִרְבָּ֔הּ כִּזְאֵבִ֖ים טֹ֣רְפֵי טָ֑רֶף לִשְׁפָּךְ־דָּם֙ לְאַבֵּ֣ד נְפָשֹׁ֔ות לְמַ֖עַן בְּצֹ֥עַ בָּֽצַע׃ sareyha veqirebah kizeʾeviym ṭorefey ṭaref lishepakhe־dam leʾabed nefashowt lemaʿan betsoaʿ batsaʿ׃

²⁸ וּנְבִיאֶ֗יהָ טָח֤וּ לָהֶם֙ תָּפֵ֔ל חֹזִ֣ים שָׁ֔וְא וְקֹסְמִ֥ים לָהֶ֖ם כָּזָ֑ב אֹמְרִ֗ים כֹּ֤ה אָמַר֙ אֲדֹנָ֣י יְהוִ֔ה וַֽיהוָ֖ה לֹ֥א דִבֵּֽר׃ uneviyʾeyha ṭaḥu lahem tafel ḥoziym shaweʾ weqosemiym lahem kazav ʾomeriym koh ʾamar ʾadonay yehwih wayhwah loʾ diber׃

²⁹ עַ֤ם הָאָ֙רֶץ֙ עָ֣שְׁקוּ עֹ֔שֶׁק וְגָזְל֖וּ גָּזֵ֑ל וְעָנִ֤י וְאֶבְיֹון֙ הֹונ֔וּ וְאֶת־הַגֵּ֥ר עָשְׁק֖וּ בְּלֹ֥א מִשְׁפָּֽט׃ ʿam haʾarets ʿashequ ʿosheq wegazelu gazel weʿaniy weʾeveyown hownu weʾet־hager ʿashequ beloʾ mishepaṭ׃

³⁰ וָאֲבַקֵּ֣שׁ מֵהֶ֡ם אִ֣ישׁ גֹּֽדֵר־גָּדֵר֩ וְעֹמֵ֨ד בַּפֶּ֧רֶץ לְפָנַ֛י בְּעַ֥ד הָאָ֖רֶץ לְבִלְתִּ֣י שַׁחֲתָ֑הּ וְלֹ֖א מָצָֽאתִי׃ waʾavaqesh mehem ʾiysh goder־gader weʿomed baperets lefanay beʿad haʾarets leviletiy shaḥatah weloʾ matsaʾtiy׃

³¹ וָאֶשְׁפֹּ֤ךְ עֲלֵיהֶם֙ זַעְמִ֔י בְּאֵ֥שׁ עֶבְרָתִ֖י כִּלִּיתִ֑ים דַּרְכָּם֙ בְּרֹאשָׁ֣ם נָתַ֔תִּי נְאֻ֖ם אֲדֹנָ֥י יְהֹוִֽה׃ פ waʾeshepokhe ʿaleyhem zaʿemiy beʾesh ʿeveratiy kiliytiym darekam beroʾsham natatiy neʾum ʾadonay yehowih׃ f