1 וַיַּרְאֵ֗נִי אֶת־יְהֹושֻׁ֙עַ֙ הַכֹּהֵ֣ן הַגָּדֹ֔ול עֹמֵ֕ד לִפְנֵ֖י מַלְאַ֣ךְ יְהוָ֑ה וְהַשָּׂטָ֛ן עֹמֵ֥ד עַל־יְמִינֹ֖ו לְשִׂטְנֹֽו׃ wayareʾeniy ʾet־yehowshuaʿ hakohen hagadowl ʿomed lifeney maleʾakhe yehwah wehasaṭan ʿomed ʿal־yemiynow lesiṭenow׃

2 וַיֹּ֨אמֶר יְהוָ֜ה אֶל־הַשָּׂטָ֗ן יִגְעַ֨ר יְהוָ֤ה בְּךָ֙ הַשָּׂטָ֔ן וְיִגְעַ֤ר יְהוָה֙ בְּךָ֔ הַבֹּחֵ֖ר בִּירֽוּשָׁלִָ֑ם הֲלֹ֧וא זֶ֦ה א֖וּד מֻצָּ֥ל מֵאֵֽשׁ׃ wayoʾmer yehwah ʾel־hasaṭan yigeʿar yehwah bekha hasaṭan weyigeʿar yehwah bekha haboḥer biyrushalim halowʾ zeh ʾud mutsal meʾesh׃

3 וִיהֹושֻׁ֕עַ הָיָ֥ה לָבֻ֖שׁ בְּגָדִ֣ים צֹואִ֑ים וְעֹמֵ֖ד לִפְנֵ֥י הַמַּלְאָֽךְ׃ wiyhowshuaʿ hayah lavush begadiym tsowʾiym weʿomed lifeney hamaleʾakhe׃

4 וַיַּ֣עַן וַיֹּ֗אמֶר אֶל־הָעֹמְדִ֤ים לְפָנָיו֙ לֵאמֹ֔ר הָסִ֛ירוּ הַבְּגָדִ֥ים הַצֹּאִ֖ים מֵעָלָ֑יו וַיֹּ֣אמֶר אֵלָ֗יו רְאֵ֨ה הֶעֱבַ֤רְתִּי מֵעָלֶ֙יךָ֙ עֲוֹנֶ֔ךָ וְהַלְבֵּ֥שׁ אֹתְךָ֖ מַחֲלָצֹֽות׃ wayaʿan wayoʾmer ʾel־haʿomediym lefanayw leʾmor hasiyru habegadiym hatsoʾiym meʿalayw wayoʾmer ʾelayw reʾeh heʿevaretiy meʿaleykha ʿaonekha wehalebesh ʾotekha maḥalatsowt׃

5 וָאֹמַ֕ר יָשִׂ֛ימוּ צָנִ֥יף טָהֹ֖ור עַל־רֹאשֹׁ֑ו וַיָּשִׂימוּ֩ הַצָּנִ֨יף הַטָּהֹ֜ור עַל־רֹאשֹׁ֗ו וַיַּלְבִּשֻׁ֙הוּ֙ בְּגָדִ֔ים וּמַלְאַ֥ךְ יְהוָ֖ה עֹמֵֽד׃ waʾomar yasiymu tsaniyf ṭahowr ʿal־roʾshow wayasiymu hatsaniyf haṭahowr ʿal־roʾshow wayalebishuhu begadiym umaleʾakhe yehwah ʿomed׃

6 וַיָּ֙עַד֙ מַלְאַ֣ךְ יְהוָ֔ה בִּיהֹושֻׁ֖עַ לֵאמֹֽר׃ wayaʿad maleʾakhe yehwah biyhowshuaʿ leʾmor׃

7 כֹּה־אָמַ֞ר יְהוָ֣ה צְבָאֹ֗ות אִם־בִּדְרָכַ֤י תֵּלֵךְ֙ וְאִ֣ם אֶת־מִשְׁמַרְתִּ֣י תִשְׁמֹ֔ר וְגַם־אַתָּה֙ תָּדִ֣ין אֶת־בֵּיתִ֔י וְגַ֖ם תִּשְׁמֹ֣ר אֶת־חֲצֵרָ֑י וְנָתַתִּ֤י לְךָ֙ מַהְלְכִ֔ים בֵּ֥ין הָעֹמְדִ֖ים הָאֵֽלֶּה׃ koh־ʾamar yehwah tsevaʾowt ʾim־biderakhay telekhe weʾim ʾet־mishemaretiy tishemor wegam־ʾatah tadiyn ʾet־beytiy wegam tishemor ʾet־ḥatseray wenatatiy lekha mahelekhiym beyn haʿomediym haʾeleh׃

8 שְֽׁמַֽע־נָ֞א יְהֹושֻׁ֣עַ ׀ הַכֹּהֵ֣ן הַגָּדֹ֗ול אַתָּה֙ וְרֵעֶ֙יךָ֙ הַיֹּשְׁבִ֣ים לְפָנֶ֔יךָ כִּֽי־אַנְשֵׁ֥י מֹופֵ֖ת הֵ֑מָּה כִּֽי־הִנְנִ֥י מֵבִ֛יא אֶת־עַבְדִּ֖י צֶֽמַח׃ shemaʿ־naʾ yehowshuaʿ ׀ hakohen hagadowl ʾatah wereʿeykha hayosheviym lefaneykha kiy־ʾaneshey mowfet hemah kiy־hineniy meviyʾ ʾet־ʿavediy tsemaḥ׃

9 כִּ֣י ׀ הִנֵּ֣ה הָאֶ֗בֶן אֲשֶׁ֤ר נָתַ֙תִּי֙ לִפְנֵ֣י יְהֹושֻׁ֔עַ עַל־אֶ֥בֶן אַחַ֖ת שִׁבְעָ֣ה עֵינָ֑יִם הִנְנִ֧י מְפַתֵּ֣חַ פִּתֻּחָ֗הּ נְאֻם֙ יְהוָ֣ה צְבָאֹ֔ות וּמַשְׁתִּ֛י אֶת־עֲוֹ֥ן הָאָֽרֶץ־הַהִ֖יא בְּיֹ֥ום אֶחָֽד׃ kiy ׀ hineh haʾeven ʾasher natatiy lifeney yehowshuaʿ ʿal־ʾeven ʾaḥat shiveʿah ʿeynayim hineniy mefateaḥ pituḥah neʾum yehwah tsevaʾowt umashetiy ʾet־ʿaon haʾarets־hahiyʾ beyowm ʾeḥad׃

10 בַּיֹּ֣ום הַה֗וּא נְאֻם֙ יְהוָ֣ה צְבָאֹ֔ות תִּקְרְא֖וּ אִ֣ישׁ לְרֵעֵ֑הוּ אֶל־תַּ֥חַת גֶּ֖פֶן וְאֶל־תַּ֥חַת תְּאֵנָֽה׃ bayowm hahuʾ neʾum yehwah tsevaʾowt tiqereʾu ʾiysh lereʿehu ʾel־taḥat gefen weʾel־taḥat teʾenah׃