1 לַכֹּ֖ל זְמָ֑ן וְעֵ֥ת לְכָל־חֵ֖פֶץ תַּ֥חַת הַשָּׁמָֽיִם׃ ס lakol zeman weʿet lekhal־ḥefets taḥat hashamayim׃ s
2 עֵ֥ת לָלֶ֖דֶת וְעֵ֣ת לָמ֑וּת עֵ֣ת לָטַ֔עַת וְעֵ֖ת לַעֲקֹ֥ור נָטֽוּעַ׃ ʿet laledet weʿet lamut ʿet laṭaʿat weʿet laʿaqowr naṭuaʿ׃
3 עֵ֤ת לַהֲרֹוג֙ וְעֵ֣ת לִרְפֹּ֔וא עֵ֥ת לִפְרֹ֖וץ וְעֵ֥ת לִבְנֹֽות׃ ʿet laharowg weʿet lirepowʾ ʿet liferowts weʿet livenowt׃
4 עֵ֤ת לִבְכֹּות֙ וְעֵ֣ת לִשְׂחֹ֔וק עֵ֥ת סְפֹ֖וד וְעֵ֥ת רְקֹֽוד׃ ʿet livekowt weʿet liseḥowq ʿet sefowd weʿet reqowd׃
5 עֵ֚ת לְהַשְׁלִ֣יךְ אֲבָנִ֔ים וְעֵ֖ת כְּנֹ֣וס אֲבָנִ֑ים עֵ֣ת לַחֲבֹ֔וק וְעֵ֖ת לִרְחֹ֥ק מֵחַבֵּֽק׃ ʿet lehasheliykhe ʾavaniym weʿet kenows ʾavaniym ʿet laḥavowq weʿet lireḥoq meḥabeq׃
6 עֵ֤ת לְבַקֵּשׁ֙ וְעֵ֣ת לְאַבֵּ֔ד עֵ֥ת לִשְׁמֹ֖ור וְעֵ֥ת לְהַשְׁלִֽיךְ׃ ʿet levaqesh weʿet leʾabed ʿet lishemowr weʿet lehasheliykhe׃
7 עֵ֤ת לִקְרֹ֙ועַ֙ וְעֵ֣ת לִתְפֹּ֔ור עֵ֥ת לַחֲשֹׁ֖ות וְעֵ֥ת לְדַבֵּֽר׃ ʿet liqerowʿa weʿet litepowr ʿet laḥashowt weʿet ledaber׃
8 עֵ֤ת לֶֽאֱהֹב֙ וְעֵ֣ת לִשְׂנֹ֔א עֵ֥ת מִלְחָמָ֖ה וְעֵ֥ת שָׁלֹֽום׃ ס ʿet leʾehov weʿet lisenoʾ ʿet mileḥamah weʿet shalowm׃ s
9 מַה־יִּתְרֹון֙ הָֽעֹושֶׂ֔ה בַּאֲשֶׁ֖ר ה֥וּא עָמֵֽל׃ mah־yiterown haʿowseh baʾasher huʾ ʿamel׃
10 רָאִ֣יתִי אֶת־הָֽעִנְיָ֗ן אֲשֶׁ֨ר נָתַ֧ן אֱלֹהִ֛ים לִבְנֵ֥י הָאָדָ֖ם לַעֲנֹ֥ות בֹּֽו׃ raʾiytiy ʾet־haʿineyan ʾasher natan ʾelohiym liveney haʾadam laʿanowt bow׃
11 אֶת־הַכֹּ֥ל עָשָׂ֖ה יָפֶ֣ה בְעִתֹּ֑ו גַּ֤ם אֶת־הָעֹלָם֙ נָתַ֣ן בְּלִבָּ֔ם מִבְּלִ֞י אֲשֶׁ֧ר לֹא־יִמְצָ֣א הָאָדָ֗ם אֶת־הַֽמַּעֲשֶׂ֛ה אֲשֶׁר־עָשָׂ֥ה הָאֱלֹהִ֖ים מֵרֹ֥אשׁ וְעַד־סֹֽוף׃ ʾet־hakol ʿasah yafeh veʿitow gam ʾet־haʿolam natan belibam mibeliy ʾasher loʾ־yimetsaʾ haʾadam ʾet־hamaʿaseh ʾasher־ʿasah haʾelohiym meroʾsh weʿad־sowf׃
12 יָדַ֕עְתִּי כִּ֛י אֵ֥ין טֹ֖וב בָּ֑ם כִּ֣י אִם־לִשְׂמֹ֔וחַ וְלַעֲשֹׂ֥ות טֹ֖וב בְּחַיָּֽיו׃ yadaʿetiy kiy ʾeyn ṭowv bam kiy ʾim־lisemowḥa welaʿasowt ṭowv beḥayayw׃
13 וְגַ֤ם כָּל־הָאָדָם֙ שֶׁיֹּאכַ֣ל וְשָׁתָ֔ה וְרָאָ֥ה טֹ֖וב בְּכָל־עֲמָלֹ֑ו מַתַּ֥ת אֱלֹהִ֖ים הִֽיא׃ wegam kal־haʾadam sheyoʾkhal weshatah weraʾah ṭowv bekhal־ʿamalow matat ʾelohiym hiyʾ׃
14 יָדַ֗עְתִּי כִּ֠י כָּל־אֲשֶׁ֨ר יַעֲשֶׂ֤ה הָאֱלֹהִים֙ ה֚וּא יִהְיֶ֣ה לְעֹולָ֔ם עָלָיו֙ אֵ֣ין לְהֹוסִ֔יף וּמִמֶּ֖נּוּ אֵ֣ין לִגְרֹ֑עַ וְהָאֱלֹהִ֣ים עָשָׂ֔ה שֶׁיִּֽרְא֖וּ מִלְּפָנָֽיו׃ yadaʿetiy kiy kal־ʾasher yaʿaseh haʾelohiym huʾ yiheyeh leʿowlam ʿalayw ʾeyn lehowsiyf umimenu ʾeyn ligeroaʿ wehaʾelohiym ʿasah sheyireʾu milefanayw׃
15 מַה־שֶּֽׁהָיָה֙ כְּבָ֣ר ה֔וּא וַאֲשֶׁ֥ר לִהְיֹ֖ות כְּבָ֣ר הָיָ֑ה וְהָאֱלֹהִ֖ים יְבַקֵּ֥שׁ אֶת־נִרְדָּֽף׃ mah־shehayah kevar huʾ waʾasher liheyowt kevar hayah wehaʾelohiym yevaqesh ʾet־niredaf׃
16 וְעֹ֥וד רָאִ֖יתִי תַּ֣חַת הַשָּׁ֑מֶשׁ מְקֹ֤ום הַמִּשְׁפָּט֙ שָׁ֣מָּה הָרֶ֔שַׁע וּמְקֹ֥ום הַצֶּ֖דֶק שָׁ֥מָּה הָרָֽשַׁע׃ weʿowd raʾiytiy taḥat hashamesh meqowm hamishepaṭ shamah hareshaʿ umeqowm hatsedeq shamah harashaʿ׃
17 אָמַ֤רְתִּֽי אֲנִי֙ בְּלִבִּ֔י אֶת־הַצַּדִּיק֙ וְאֶת־הָ֣רָשָׁ֔ע יִשְׁפֹּ֖ט הָאֱלֹהִ֑ים כִּי־עֵ֣ת לְכָל־חֵ֔פֶץ וְעַ֥ל כָּל־הַֽמַּעֲשֶׂ֖ה שָֽׁם׃ ʾamaretiy ʾaniy belibiy ʾet־hatsadiyq weʾet־harashaʿ yishepoṭ haʾelohiym kiy־ʿet lekhal־ḥefets weʿal kal־hamaʿaseh sham׃
18 אָמַ֤רְתִּֽי אֲנִי֙ בְּלִבִּ֔י עַל־דִּבְרַת֙ בְּנֵ֣י הָאָדָ֔ם לְבָרָ֖ם הָאֱלֹהִ֑ים וְלִרְאֹ֕ות שְׁהֶם־בְּהֵמָ֥ה הֵ֖מָּה לָהֶֽם׃ ʾamaretiy ʾaniy belibiy ʿal־diverat beney haʾadam levaram haʾelohiym welireʾowt shehem־behemah hemah lahem׃
19 כִּי֩ מִקְרֶ֨ה בְֽנֵי־הָאָדָ֜ם וּמִקְרֶ֣ה הַבְּהֵמָ֗ה וּמִקְרֶ֤ה אֶחָד֙ לָהֶ֔ם כְּמֹ֥ות זֶה֙ כֵּ֣ן מֹ֣ות זֶ֔ה וְר֥וּחַ אֶחָ֖ד לַכֹּ֑ל וּמֹותַ֨ר הָאָדָ֤ם מִן־הַבְּהֵמָה֙ אָ֔יִן כִּ֥י הַכֹּ֖ל הָֽבֶל׃ kiy miqereh veney־haʾadam umiqereh habehemah umiqereh ʾeḥad lahem kemowt zeh ken mowt zeh weruaḥ ʾeḥad lakol umowtar haʾadam min־habehemah ʾayin kiy hakol havel׃
20 הַכֹּ֥ל הֹולֵ֖ךְ אֶל־מָקֹ֣ום אֶחָ֑ד הַכֹּל֙ הָיָ֣ה מִן־הֶֽעָפָ֔ר וְהַכֹּ֖ל שָׁ֥ב אֶל־הֶעָפָֽר׃ hakol howlekhe ʾel־maqowm ʾeḥad hakol hayah min־heʿafar wehakol shav ʾel־heʿafar׃
21 מִ֣י יֹודֵ֗עַ ר֚וּחַ בְּנֵ֣י הָאָדָ֔ם הָעֹלָ֥ה הִ֖יא לְמָ֑עְלָה וְר֙וּחַ֙ הַבְּהֵמָ֔ה הַיֹּרֶ֥דֶת הִ֖יא לְמַ֥טָּה לָאָֽרֶץ׃ miy yowdeaʿ ruaḥ beney haʾadam haʿolah hiyʾ lemaʿelah weruaḥ habehemah hayoredet hiyʾ lemaṭah laʾarets׃
22 וְרָאִ֗יתִי כִּ֣י אֵ֥ין טֹוב֙ מֵאֲשֶׁ֨ר יִשְׂמַ֤ח הָאָדָם֙ בְּֽמַעֲשָׂ֔יו כִּי־ה֖וּא חֶלְקֹ֑ו כִּ֣י מִ֤י יְבִיאֶ֙נּוּ֙ לִרְאֹ֔ות בְּמֶ֖ה שֶׁיִּהְיֶ֥ה אַחֲרָֽיו׃ weraʾiytiy kiy ʾeyn ṭowv meʾasher yisemaḥ haʾadam bemaʿasayw kiy־huʾ ḥeleqow kiy miy yeviyʾenu lireʾowt bemeh sheyiheyeh ʾaḥarayw׃