Ésaïe 60

¹ ק֥וּמִי אֹ֖ורִי כִּ֣י בָ֣א אֹורֵ֑ךְ וּכְבֹ֥וד יְהוָ֖ה עָלַ֥יִךְ זָרָֽח׃ qumiy ʾowriy kiy vaʾ ʾowrekhe ukhevowd yehwah ʿalayikhe zaraḥ׃

² כִּֽי־הִנֵּ֤ה הַחֹ֙שֶׁךְ֙ יְכַסֶּה־אֶ֔רֶץ וַעֲרָפֶ֖ל לְאֻמִּ֑ים וְעָלַ֙יִךְ֙ יִזְרַ֣ח יְהוָ֔ה וּכְבֹודֹ֖ו עָלַ֥יִךְ יֵרָאֶֽה׃ kiy־hineh haḥoshekhe yekhaseh־ʾerets waʿarafel leʾumiym weʿalayikhe yizeraḥ yehwah ukhevowdow ʿalayikhe yeraʾeh׃

³ וְהָלְכ֥וּ גֹויִ֖ם לְאֹורֵ֑ךְ וּמְלָכִ֖ים לְנֹ֥גַהּ זַרְחֵֽךְ׃ wehalekhu gowyim leʾowrekhe umelakhiym lenogah zareḥekhe׃

⁴ שְׂאִֽי־סָבִ֤יב עֵינַ֙יִךְ֙ וּרְאִ֔י כֻּלָּ֖ם נִקְבְּצ֣וּ בָֽאוּ־לָ֑ךְ בָּנַ֙יִךְ֙ מֵרָחֹ֣וק יָבֹ֔אוּ וּבְנֹתַ֖יִךְ עַל־צַ֥ד תֵּאָמַֽנָה׃ seʾiy־saviyv ʿeynayikhe ureʾiy kulam niqebetsu vaʾu־lakhe banayikhe meraḥowq yavoʾu uvenotayikhe ʿal־tsad teʾamanah׃

⁵ אָ֤ז תִּרְאִי֙ וְנָהַ֔רְתְּ וּפָחַ֥ד וְרָחַ֖ב לְבָבֵ֑ךְ כִּֽי־יֵהָפֵ֤ךְ עָלַ֙יִךְ֙ הֲמֹ֣ון יָ֔ם חֵ֥יל גֹּויִ֖ם יָבֹ֥אוּ לָֽךְ׃ ʾaz tireʾiy wenaharete ufaḥad weraḥav levavekhe kiy־yehafekhe ʿalayikhe hamown yam ḥeyl gowyim yavoʾu lakhe׃

⁶ שִֽׁפְעַ֨ת גְּמַלִּ֜ים תְּכַסֵּ֗ךְ בִּכְרֵ֤י מִדְיָן֙ וְעֵיפָ֔ה כֻּלָּ֖ם מִשְּׁבָ֣א יָבֹ֑אוּ זָהָ֤ב וּלְבֹונָה֙ יִשָּׂ֔אוּ וּתְהִלֹּ֥ת יְהוָ֖ה יְבַשֵּֽׂרוּ׃ shifeʿat gemaliym tekhasekhe bikherey mideyan weʿeyfah kulam mishevaʾ yavoʾu zahav ulevownah yisaʾu utehilot yehwah yevaseru׃

⁷ כָּל־צֹ֤אן קֵדָר֙ יִקָּ֣בְצוּ לָ֔ךְ אֵילֵ֥י נְבָיֹ֖ות יְשָׁרְת֑וּנֶךְ יַעֲל֤וּ עַל־רָצֹון֙ מִזְבְּחִ֔י וּבֵ֥ית תִּפְאַרְתִּ֖י אֲפָאֵֽר׃ kal־tsoʾn qedar yiqavetsu lakhe ʾeyley nevayowt yesharetunekhe yaʿalu ʿal־ratsown mizebeḥiy uveyt tifeʾaretiy ʾafaʾer׃

⁸ מִי־אֵ֖לֶּה כָּעָ֣ב תְּעוּפֶ֑ינָה וְכַיֹּונִ֖ים אֶל־אֲרֻבֹּתֵיהֶֽם׃ miy־ʾeleh kaʿav teʿufeynah wekhayowniym ʾel־ʾaruboteyhem׃

⁹ כִּֽי־לִ֣י ׀ אִיִּ֣ים יְקַוּ֗וּ וָאֳנִיֹּ֤ות תַּרְשִׁישׁ֙ בָּרִ֣אשֹׁנָ֔ה לְהָבִ֤יא בָנַ֙יִךְ֙ מֵֽרָחֹ֔וק כַּסְפָּ֥ם וּזְהָבָ֖ם אִתָּ֑ם לְשֵׁם֙ יְהוָ֣ה אֱלֹהַ֔יִךְ וְלִקְדֹ֥ושׁ יִשְׂרָאֵ֖ל כִּ֥י פֵאֲרָֽךְ׃ kiy־liy ׀ ʾiyiym yeqauu waʾoniyowt tareshiysh bariʾshonah lehaviyʾ vanayikhe meraḥowq kasepam uzehavam ʾitam leshem yehwah ʾelohayikhe weliqedowsh yiseraʾel kiy feʾarakhe׃

¹⁰ וּבָנ֤וּ בְנֵֽי־נֵכָר֙ חֹמֹתַ֔יִךְ וּמַלְכֵיהֶ֖ם יְשָׁרְת֑וּנֶךְ כִּ֤י בְקִצְפִּי֙ הִכִּיתִ֔יךְ וּבִרְצֹונִ֖י רִֽחַמְתִּֽיךְ׃ uvanu veney־nekhar ḥomotayikhe umalekheyhem yesharetunekhe kiy veqitsepiy hikiytiykhe uviretsowniy riḥametiykhe׃

¹¹ וּפִתְּח֨וּ שְׁעָרַ֧יִךְ תָּמִ֛יד יֹומָ֥ם וָלַ֖יְלָה לֹ֣א יִסָּגֵ֑רוּ לְהָבִ֤יא אֵלַ֙יִךְ֙ חֵ֣יל גֹּויִ֔ם וּמַלְכֵיהֶ֖ם נְהוּגִֽים׃ ufiteḥu sheʿarayikhe tamiyd yowmam walayelah loʾ yisageru lehaviyʾ ʾelayikhe ḥeyl gowyim umalekheyhem nehugiym׃

¹² כִּֽי־הַגֹּ֧וי וְהַמַּמְלָכָ֛ה אֲשֶׁ֥ר לֹא־יַעַבְד֖וּךְ יֹאבֵ֑דוּ וְהַגֹּויִ֖ם חָרֹ֥ב יֶחֱרָֽבוּ׃ kiy־hagowy wehamamelakhah ʾasher loʾ־yaʿavedukhe yoʾvedu wehagowyim ḥarov yeḥeravu׃

¹³ כְּבֹ֤וד הַלְּבָנֹון֙ אֵלַ֣יִךְ יָבֹ֔וא בְּרֹ֛ושׁ תִּדְהָ֥ר וּתְאַשּׁ֖וּר יַחְדָּ֑ו לְפָאֵר֙ מְקֹ֣ום מִקְדָּשִׁ֔י וּמְקֹ֥ום רַגְלַ֖י אֲכַבֵּֽד׃ kevowd halevanown ʾelayikhe yavowʾ berowsh tidehar uteʾashur yaḥedaw lefaʾer meqowm miqedashiy umeqowm ragelay ʾakhabed׃

¹⁴ וְהָלְכ֨וּ אֵלַ֤יִךְ שְׁחֹ֙וחַ֙ בְּנֵ֣י מְעַנַּ֔יִךְ וְהִֽשְׁתַּחֲו֛וּ עַל־כַּפֹּ֥ות רַגְלַ֖יִךְ כָּל־מְנַֽאֲצָ֑יִךְ וְקָ֤רְאוּ לָךְ֙ עִ֣יר יְהוָ֔ה צִיֹּ֖ון קְדֹ֥ושׁ יִשְׂרָאֵֽל׃ wehalekhu ʾelayikhe sheḥowḥa beney meʿanayikhe wehishetaḥawu ʿal־kapowt ragelayikhe kal־menaʾatsayikhe weqareʾu lakhe ʿiyr yehwah tsiyown qedowsh yiseraʾel׃

¹⁵ תַּ֧חַת הֱיֹותֵ֛ךְ עֲזוּבָ֥ה וּשְׂנוּאָ֖ה וְאֵ֣ין עֹובֵ֑ר וְשַׂמְתִּיךְ֙ לִגְאֹ֣ון עֹולָ֔ם מְשֹׂ֖ושׂ דֹּ֥ור וָדֹֽור׃ taḥat heyowtekhe ʿazuvah usenuʾah weʾeyn ʿowver wesametiykhe ligeʾown ʿowlam mesows dowr wadowr׃

¹⁶ וְיָנַקְתְּ֙ חֲלֵ֣ב גֹּויִ֔ם וְשֹׁ֥ד מְלָכִ֖ים תִּינָ֑קִי וְיָדַ֗עַתְּ כִּ֣י אֲנִ֤י יְהוָה֙ מֹֽושִׁיעֵ֔ךְ וְגֹאֲלֵ֖ךְ אֲבִ֥יר יַעֲקֹֽב׃ weyanaqete ḥalev gowyim weshod melakhiym tiynaqiy weyadaʿate kiy ʾaniy yehwah mowshiyʿekhe wegoʾalekhe ʾaviyr yaʿaqov׃

¹⁷ תַּ֣חַת הַנְּחֹ֜שֶׁת אָבִ֣יא זָהָ֗ב וְתַ֤חַת הַבַּרְזֶל֙ אָ֣בִיא כֶ֔סֶף וְתַ֤חַת הָֽעֵצִים֙ נְחֹ֔שֶׁת וְתַ֥חַת הָאֲבָנִ֖ים בַּרְזֶ֑ל וְשַׂמְתִּ֤י פְקֻדָּתֵךְ֙ שָׁלֹ֔ום וְנֹגְשַׂ֖יִךְ צְדָקָֽה׃ taḥat haneḥoshet ʾaviyʾ zahav wetaḥat habarezel ʾaviyʾ khesef wetaḥat haʿetsiym neḥoshet wetaḥat haʾavaniym barezel wesametiy fequdatekhe shalowm wenogesayikhe tsedaqah׃

¹⁸ לֹא־יִשָּׁמַ֨ע עֹ֤וד חָמָס֙ בְּאַרְצֵ֔ךְ שֹׁ֥ד וָשֶׁ֖בֶר בִּגְבוּלָ֑יִךְ וְקָרָ֤את יְשׁוּעָה֙ חֹומֹתַ֔יִךְ וּשְׁעָרַ֖יִךְ תְּהִלָּֽה׃ loʾ־yishamaʿ ʿowd ḥamas beʾaretsekhe shod washever bigevulayikhe weqaraʾt yeshuʿah ḥowmotayikhe usheʿarayikhe tehilah׃

¹⁹ לֹא־יִֽהְיֶה־לָּ֨ךְ עֹ֤וד הַשֶּׁ֙מֶשׁ֙ לְאֹ֣ור יֹומָ֔ם וּלְנֹ֕גַהּ הַיָּרֵ֖חַ לֹא־יָאִ֣יר לָ֑ךְ וְהָיָה־לָ֤ךְ יְהוָה֙ לְאֹ֣ור עֹולָ֔ם וֵאלֹהַ֖יִךְ לְתִפְאַרְתֵּֽךְ׃ loʾ־yiheyeh־lakhe ʿowd hashemesh leʾowr yowmam ulenogah hayareaḥ loʾ־yaʾiyr lakhe wehayah־lakhe yehwah leʾowr ʿowlam weʾlohayikhe letifeʾaretekhe׃

²⁰ לֹא־יָבֹ֥וא עֹוד֙ שִׁמְשֵׁ֔ךְ וִירֵחֵ֖ךְ לֹ֣א יֵאָסֵ֑ף כִּ֣י יְהוָ֗ה יִֽהְיֶה־לָּךְ֙ לְאֹ֣ור עֹולָ֔ם וְשָׁלְמ֖וּ יְמֵ֥י אֶבְלֵֽךְ׃ loʾ־yavowʾ ʿowd shimeshekhe wiyreḥekhe loʾ yeʾasef kiy yehwah yiheyeh־lakhe leʾowr ʿowlam weshalemu yemey ʾevelekhe׃

²¹ וְעַמֵּךְ֙ כֻּלָּ֣ם צַדִּיקִ֔ים לְעֹולָ֖ם יִ֣ירְשׁוּ אָ֑רֶץ נֵ֧צֶר [מַטָּעֹו כ] (מַטָּעַ֛י ק) מַעֲשֵׂ֥ה יָדַ֖י לְהִתְפָּאֵֽר׃ weʿamekhe kulam tsadiyqiym leʿowlam yiyreshu ʾarets netser [maṭaʿow kh] (maṭaʿay q) maʿaseh yaday lehitepaʾer׃

²² הַקָּטֹן֙ יִֽהְיֶ֣ה לָאֶ֔לֶף וְהַצָּעִ֖יר לְגֹ֣וי עָצ֑וּם אֲנִ֥י יְהוָ֖ה בְּעִתָּ֥הּ אֲחִישֶֽׁנָּה׃ ס haqaṭon yiheyeh laʾelef wehatsaʿiyr legowy ʿatsum ʾaniy yehwah beʿitah ʾaḥiyshenah׃ s