Ésaïe 3

¹ כִּי֩ הִנֵּ֨ה הָאָדֹ֜ון יְהוָ֣ה צְבָאֹ֗ות מֵסִ֤יר מִירוּשָׁלִַ֙ם֙ וּמִ֣יהוּדָ֔ה מַשְׁעֵ֖ן וּמַשְׁעֵנָ֑ה כֹּ֚ל מִשְׁעַן־לֶ֔חֶם וְכֹ֖ל מִשְׁעַן־מָֽיִם׃ kiy hineh haʾadown yehwah tsevaʾowt mesiyr miyrushalim umiyhudah masheʿen umasheʿenah kol misheʿan־leḥem wekhol misheʿan־mayim׃

² גִּבֹּ֖ור וְאִ֣ישׁ מִלְחָמָ֑ה שֹׁופֵ֥ט וְנָבִ֖יא וְקֹסֵ֥ם וְזָקֵֽן׃ gibowr weʾiysh mileḥamah showfeṭ wenaviyʾ weqosem wezaqen׃

³ שַׂר־חֲמִשִּׁ֖ים וּנְשׂ֣וּא פָנִ֑ים וְיֹועֵ֛ץ וַחֲכַ֥ם חֲרָשִׁ֖ים וּנְבֹ֥ון לָֽחַשׁ׃ sar־ḥamishiym unesuʾ faniym weyowʿets waḥakham ḥarashiym unevown laḥash׃

⁴ וְנָתַתִּ֥י נְעָרִ֖ים שָׂרֵיהֶ֑ם וְתַעֲלוּלִ֖ים יִמְשְׁלוּ־בָֽם׃ wenatatiy neʿariym sareyhem wetaʿaluliym yimeshelu־vam׃

⁵ וְנִגַּ֣שׂ הָעָ֔ם אִ֥ישׁ בְּאִ֖ישׁ וְאִ֣ישׁ בְּרֵעֵ֑הוּ יִרְהֲב֗וּ הַנַּ֙עַר֙ בַּזָּקֵ֔ן וְהַנִּקְלֶ֖ה בַּנִּכְבָּֽד׃ wenigas haʿam ʾiysh beʾiysh weʾiysh bereʿehu yirehavu hanaʿar bazaqen wehaniqeleh banikhebad׃

⁶ כִּֽי־יִתְפֹּ֨שׂ אִ֤ישׁ בְּאָחִיו֙ בֵּ֣ית אָבִ֔יו שִׂמְלָ֣ה לְכָ֔ה קָצִ֖ין תִּֽהְיֶה־לָּ֑נוּ וְהַמַּכְשֵׁלָ֥ה הַזֹּ֖את תַּ֥חַת יָדֶֽךָ׃ kiy־yitepos ʾiysh beʾaḥiyw beyt ʾaviyw simelah lekhah qatsiyn tiheyeh־lanu wehamakheshelah hazoʾt taḥat yadekha׃

⁷ יִשָּׂא֩ בַיֹּ֨ום הַה֤וּא ׀ לֵאמֹר֙ לֹא־אֶהְיֶ֣ה חֹבֵ֔שׁ וּבְבֵיתִ֕י אֵ֥ין לֶ֖חֶם וְאֵ֣ין שִׂמְלָ֑ה לֹ֥א תְשִׂימֻ֖נִי קְצִ֥ין עָֽם׃ yisaʾ vayowm hahuʾ ׀ leʾmor loʾ־ʾeheyeh ḥovesh uveveytiy ʾeyn leḥem weʾeyn simelah loʾ tesiymuniy qetsiyn ʿam׃

⁸ כִּ֤י כָשְׁלָה֙ יְר֣וּשָׁלִַ֔ם וִיהוּדָ֖ה נָפָ֑ל כִּֽי־לְשֹׁונָ֤ם וּמַֽעַלְלֵיהֶם֙ אֶל־יְהוָ֔ה לַמְרֹ֖ות עֵנֵ֥י כְבֹודֹֽו׃ kiy khashelah yerushalim wiyhudah nafal kiy־leshownam umaʿaleleyhem ʾel־yehwah lamerowt ʿeney khevowdow׃

⁹ הַכָּרַ֤ת פְּנֵיהֶם֙ עָ֣נְתָה בָּ֔ם וְחַטָּאתָ֛ם כִּסְדֹ֥ם הִגִּ֖ידוּ לֹ֣א כִחֵ֑דוּ אֹ֣וי לְנַפְשָׁ֔ם כִּֽי־גָמְל֥וּ לָהֶ֖ם רָעָֽה׃ hakarat peneyhem ʿanetah bam weḥaṭaʾtam kisedom higiydu loʾ khiḥedu ʾowy lenafesham kiy־gamelu lahem raʿah׃

¹⁰ אִמְר֥וּ צַדִּ֖יק כִּי־טֹ֑וב כִּֽי־פְרִ֥י מַעַלְלֵיהֶ֖ם יֹאכֵֽלוּ׃ ʾimeru tsadiyq kiy־ṭowv kiy־feriy maʿaleleyhem yoʾkhelu׃

¹¹ אֹ֖וי לְרָשָׁ֣ע רָ֑ע כִּֽי־גְמ֥וּל יָדָ֖יו יֵעָ֥שֶׂה לֹּֽו׃ ʾowy lerashaʿ raʿ kiy־gemul yadayw yeʿaseh low׃

¹² עַמִּי֙ נֹגְשָׂ֣יו מְעֹולֵ֔ל וְנָשִׁ֖ים מָ֣שְׁלוּ בֹ֑ו עַמִּי֙ מְאַשְּׁרֶ֣יךָ מַתְעִ֔ים וְדֶ֥רֶךְ אֹֽרְחֹתֶ֖יךָ בִּלֵּֽעוּ׃ ס ʿamiy nogesayw meʿowlel wenashiym mashelu vow ʿamiy meʾashereykha mateʿiym wederekhe ʾoreḥoteykha bileʿu׃ s

¹³ נִצָּ֥ב לָרִ֖יב יְהוָ֑ה וְעֹמֵ֖ד לָדִ֥ין עַמִּֽים׃ nitsav lariyv yehwah weʿomed ladiyn ʿamiym׃

¹⁴ יְהוָה֙ בְּמִשְׁפָּ֣ט יָבֹ֔וא עִם־זִקְנֵ֥י עַמֹּ֖ו וְשָׂרָ֑יו וְאַתֶּם֙ בִּֽעַרְתֶּ֣ם הַכֶּ֔רֶם גְּזֵלַ֥ת הֶֽעָנִ֖י בְּבָתֵּיכֶֽם׃ yehwah bemishepaṭ yavowʾ ʿim־ziqeney ʿamow wesarayw weʾatem biʿaretem hakerem gezelat heʿaniy bevateykhem׃

¹⁵ [מַלָּכֶם כ] (מַּה ־לָּכֶם֙ ק) תְּדַכְּא֣וּ עַמִּ֔י וּפְנֵ֥י עֲנִיִּ֖ים תִּטְחָ֑נוּ נְאֻם־אֲדֹנָ֥י יְהוִ֖ה צְבָאֹֽות׃ ס [malakhem kh] (mah ־lakhem q) tedakeʾu ʿamiy ufeney ʿaniyiym tiṭeḥanu neʾum־ʾadonay yehwih tsevaʾowt׃ s

¹⁶ וַיֹּ֣אמֶר יְהוָ֗ה יַ֚עַן כִּ֤י גָֽבְהוּ֙ בְּנֹ֣ות צִיֹּ֔ון וַתֵּלַ֙כְנָה֙ [נְטוֹּות כ] (נְטוּיֹ֣ות ק) גָּרֹ֔ון וּֽמְשַׂקְּרֹ֖ות עֵינָ֑יִם הָלֹ֤וךְ וְטָפֹף֙ תֵּלַ֔כְנָה וּבְרַגְלֵיהֶ֖ם תְּעַכַּֽסְנָה׃ wayoʾmer yehwah yaʿan kiy gavehu benowt tsiyown watelakhenah [neṭowt kh] (neṭuyowt q) garown umesaqerowt ʿeynayim halowkhe weṭafof telakhenah uverageleyhem teʿakasenah׃

¹⁷ וְשִׂפַּ֣ח אֲדֹנָ֔י קָדְקֹ֖ד בְּנֹ֣ות צִיֹּ֑ון וַיהוָ֖ה פָּתְהֵ֥ן יְעָרֶֽה׃ ס wesipaḥ ʾadonay qadeqod benowt tsiyown wayhwah patehen yeʿareh׃ s

¹⁸ בַּיֹּ֨ום הַה֜וּא יָסִ֣יר אֲדֹנָ֗י אֵ֣ת תִּפְאֶ֧רֶת הָעֲכָסִ֛ים וְהַשְּׁבִיסִ֖ים וְהַשַּׂהֲרֹנִֽים׃ bayowm hahuʾ yasiyr ʾadonay ʾet tifeʾeret haʿakhasiym wehasheviysiym wehasaharoniym׃

¹⁹ הַנְּטִיפֹ֥ות וְהַשֵּׁירֹ֖ות וְהָֽרְעָלֹֽות׃ haneṭiyfowt wehasheyrowt wehareʿalowt׃

²⁰ הַפְּאֵרִ֤ים וְהַצְּעָדֹות֙ וְהַקִּשֻּׁרִ֔ים וּבָתֵּ֥י הַנֶּ֖פֶשׁ וְהַלְּחָשִֽׁים׃ hapeʾeriym wehatseʿadowt wehaqishuriym uvatey hanefesh wehaleḥashiym׃

²¹ הַטַּבָּעֹ֖ות וְנִזְמֵ֥י הָאָֽף׃ haṭabaʿowt wenizemey haʾaf׃

²² הַמַּֽחֲלָצֹות֙ וְהַמַּ֣עֲטָפֹ֔ות וְהַמִּטְפָּחֹ֖ות וְהָחֲרִיטִֽים׃ hamaḥalatsowt wehamaʿaṭafowt wehamiṭepaḥowt wehaḥariyṭiym׃

²³ וְהַגִּלְיֹנִים֙ וְהַסְּדִינִ֔ים וְהַצְּנִיפֹ֖ות וְהָרְדִידִֽים׃ wehagileyoniym wehasediyniym wehatseniyfowt weharediydiym׃

²⁴ וְהָיָה֩ תַ֨חַת בֹּ֜שֶׂם מַ֣ק יִֽהְיֶ֗ה וְתַ֨חַת חֲגֹורָ֤ה נִקְפָּה֙ וְתַ֨חַת מַעֲשֶׂ֤ה מִקְשֶׁה֙ קָרְחָ֔ה וְתַ֥חַת פְּתִיגִ֖יל מַחֲגֹ֣רֶת שָׂ֑ק כִּי־תַ֖חַת יֹֽפִי׃ wehayah taḥat bosem maq yiheyeh wetaḥat ḥagowrah niqepah wetaḥat maʿaseh miqesheh qareḥah wetaḥat petiygiyl maḥagoret saq kiy־taḥat yofiy׃

²⁵ מְתַ֖יִךְ בַּחֶ֣רֶב יִפֹּ֑לוּ וּגְבוּרָתֵ֖ךְ בַּמִּלְחָמָֽה׃ metayikhe baḥerev yipolu ugevuratekhe bamileḥamah׃

²⁶ וְאָנ֥וּ וְאָבְל֖וּ פְּתָחֶ֑יהָ וְנִקָּ֖תָה לָאָ֥רֶץ תֵּשֵֽׁב׃ weʾanu weʾavelu petaḥeyha weniqatah laʾarets teshev׃