Daniel 8

¹ בִּשְׁנַ֣ת שָׁלֹ֔ושׁ לְמַלְכ֖וּת בֵּלְאשַׁצַּ֣ר הַמֶּ֑לֶךְ חָזֹ֞ון נִרְאָ֤ה אֵלַי֙ אֲנִ֣י דָנִיֵּ֔אל אַחֲרֵ֛י הַנִּרְאָ֥ה אֵלַ֖י בַּתְּחִלָּֽה׃ bishenat shalowsh lemalekhut beleʾshatsar hamelekhe ḥazown nireʾah ʾelay ʾaniy daniyeʾl ʾaḥarey hanireʾah ʾelay bateḥilah׃

² וָֽאֶרְאֶה֮ בֶּחָזֹון֒ וַיְהִי֙ בִּרְאֹתִ֔י וַאֲנִי֙ בְּשׁוּשַׁ֣ן הַבִּירָ֔ה אֲשֶׁ֖ר בְּעֵילָ֣ם הַמְּדִינָ֑ה וָאֶרְאֶה֙ בֶּֽחָזֹ֔ון וַאֲנִ֥י הָיִ֖יתִי עַל־אוּבַ֥ל אוּלָֽי׃ waʾereʾeh beḥazown wayehiy bireʾotiy waʾaniy beshushan habiyrah ʾasher beʿeylam hamediynah waʾereʾeh beḥazown waʾaniy hayiytiy ʿal־ʾuval ʾulay׃

³ וָאֶשָּׂ֤א עֵינַי֙ וָאֶרְאֶ֔ה וְהִנֵּ֣ה ׀ אַ֣יִל אֶחָ֗ד עֹמֵ֛ד לִפְנֵ֥י הָאֻבָ֖ל וְלֹ֣ו קְרָנָ֑יִם וְהַקְּרָנַ֣יִם גְּבֹהֹ֗ות וְהָאַחַת֙ גְּבֹהָ֣ה מִן־הַשֵּׁנִ֔ית וְהַ֨גְּבֹהָ֔ה עֹלָ֖ה בָּאַחֲרֹנָֽה׃ waʾesaʾ ʿeynay waʾereʾeh wehineh ׀ ʾayil ʾeḥad ʿomed lifeney haʾuval welow qeranayim wehaqeranayim gevohowt wehaʾaḥat gevohah min־hasheniyt wehagevohah ʿolah baʾaḥaronah׃

⁴ רָאִ֣יתִי אֶת־הָאַ֡יִל מְנַגֵּחַ֩ יָ֨מָּה וְצָפֹ֜ונָה וָנֶ֗גְבָּה וְכָל־חַיֹּות֙ לֹֽא־יַֽעַמְד֣וּ לְפָנָ֔יו וְאֵ֥ין מַצִּ֖יל מִיָּדֹ֑ו וְעָשָׂ֥ה כִרְצֹנֹ֖ו וְהִגְדִּֽיל׃ raʾiytiy ʾet־haʾayil menageaḥ yamah wetsafownah wanegebah wekhal־ḥayowt loʾ־yaʿamedu lefanayw weʾeyn matsiyl miyadow weʿasah khiretsonow wehigediyl׃

⁵ וַאֲנִ֣י ׀ הָיִ֣יתִי מֵבִ֗ין וְהִנֵּ֤ה צְפִיר־הָֽעִזִּים֙ בָּ֤א מִן־הַֽמַּעֲרָב֙ עַל־פְּנֵ֣י כָל־הָאָ֔רֶץ וְאֵ֥ין נֹוגֵ֖עַ בָּאָ֑רֶץ וְהַ֨צָּפִ֔יר קֶ֥רֶן חָז֖וּת בֵּ֥ין עֵינָֽיו׃ waʾaniy ׀ hayiytiy meviyn wehineh tsefiyr־haʿiziym baʾ min־hamaʿarav ʿal־peney khal־haʾarets weʾeyn nowgeaʿ baʾarets wehatsafiyr qeren ḥazut beyn ʿeynayw׃

⁶ וַיָּבֹ֗א עַד־הָאַ֙יִל֙ בַּ֣עַל הַקְּרָנַ֔יִם אֲשֶׁ֣ר רָאִ֔יתִי עֹמֵ֖ד לִפְנֵ֣י הָאֻבָ֑ל וַיָּ֥רָץ אֵלָ֖יו בַּחֲמַ֥ת כֹּחֹֽו׃ wayavoʾ ʿad־haʾayil baʿal haqeranayim ʾasher raʾiytiy ʿomed lifeney haʾuval wayarats ʾelayw baḥamat koḥow׃

⁷ וּרְאִיתִ֞יו מַגִּ֣יעַ ׀ אֵ֣צֶל הָאַ֗יִל וַיִּתְמַרְמַ֤ר אֵלָיו֙ וַיַּ֣ךְ אֶת־הָאַ֔יִל וַיְשַׁבֵּר֙ אֶת־שְׁתֵּ֣י קְרָנָ֔יו וְלֹא־הָ֥יָה כֹ֛חַ בָּאַ֖יִל לַעֲמֹ֣ד לְפָנָ֑יו וַיַּשְׁלִיכֵ֤הוּ אַ֙רְצָה֙ וַֽיִּרְמְסֵ֔הוּ וְלֹא־הָיָ֥ה מַצִּ֛יל לָאַ֖יִל מִיָּדֹֽו׃ ureʾiytiyw magiyʿa ׀ ʾetsel haʾayil wayitemaremar ʾelayw wayakhe ʾet־haʾayil wayeshaber ʾet־shetey qeranayw weloʾ־hayah khoaḥ baʾayil laʿamod lefanayw wayasheliykhehu ʾaretsah wayiremesehu weloʾ־hayah matsiyl laʾayil miyadow׃

⁸ וּצְפִ֥יר הָעִזִּ֖ים הִגְדִּ֣יל עַד־מְאֹ֑ד וּכְעָצְמֹ֗ו נִשְׁבְּרָה֙ הַקֶּ֣רֶן הַגְּדֹולָ֔ה וַֽתַּעֲלֶ֜נָה חָז֤וּת אַרְבַּע֙ תַּחְתֶּ֔יהָ לְאַרְבַּ֖ע רוּחֹ֥ות הַשָּׁמָֽיִם׃ utsefiyr haʿiziym higediyl ʿad־meʾod ukheʿatsemow nisheberah haqeren hagedowlah wataʿalenah ḥazut ʾarebaʿ taḥeteyha leʾarebaʿ ruḥowt hashamayim׃

⁹ וּמִן־הָאַחַ֣ת מֵהֶ֔ם יָצָ֥א קֶֽרֶן־אַחַ֖ת מִצְּעִירָ֑ה וַתִּגְדַּל־יֶ֛תֶר אֶל־הַנֶּ֥גֶב וְאֶל־הַמִּזְרָ֖ח וְאֶל־הַצֶּֽבִי׃ umin־haʾaḥat mehem yatsaʾ qeren־ʾaḥat mitseʿiyrah watigedal־yeter ʾel־hanegev weʾel־hamizeraḥ weʾel־hatseviy׃

¹⁰ וַתִּגְדַּ֖ל עַד־צְבָ֣א הַשָּׁמָ֑יִם וַתַּפֵּ֥ל אַ֛רְצָה מִן־הַצָּבָ֥א וּמִן־הַכֹּוכָבִ֖ים וַֽתִּרְמְסֵֽם׃ watigedal ʿad־tsevaʾ hashamayim watapel ʾaretsah min־hatsavaʾ umin־hakowkhaviym watiremesem׃

¹¹ וְעַ֥ד שַֽׂר־הַצָּבָ֖א הִגְדִּ֑יל וּמִמֶּ֙נּוּ֙ [הֵרִים כ] (הוּרַ֣ם ק) הַתָּמִ֔יד וְהֻשְׁלַ֖ךְ מְכֹ֥ון מִקְדָּשֹֽׁו׃ weʿad sar־hatsavaʾ higediyl umimenu [heriym kh] (huram q) hatamiyd wehushelakhe mekhown miqedashow׃

¹² וְצָבָ֛א תִּנָּתֵ֥ן עַל־הַתָּמִ֖יד בְּפָ֑שַׁע וְתַשְׁלֵ֤ךְ אֱמֶת֙ אַ֔רְצָה וְעָשְׂתָ֖ה וְהִצְלִֽיחָה׃ wetsavaʾ tinaten ʿal־hatamiyd befashaʿ wetashelekhe ʾemet ʾaretsah weʿasetah wehitseliyḥah׃

¹³ וָאֶשְׁמְעָ֥ה אֶֽחָד־קָדֹ֖ושׁ מְדַבֵּ֑ר וַיֹּאמֶר֩ אֶחָ֨ד קָדֹ֜ושׁ לַפַּֽלְמֹונִ֣י הַֽמְדַבֵּ֗ר עַד־מָתַ֞י הֶחָזֹ֤ון הַתָּמִיד֙ וְהַפֶּ֣שַׁע שֹׁמֵ֔ם תֵּ֛ת וְקֹ֥דֶשׁ וְצָבָ֖א מִרְמָֽס׃ waʾeshemeʿah ʾeḥad־qadowsh medaber wayoʾmer ʾeḥad qadowsh lapalemowniy hamedaber ʿad־matay heḥazown hatamiyd wehapeshaʿ shomem tet weqodesh wetsavaʾ miremas׃

¹⁴ וַיֹּ֣אמֶר אֵלַ֔י עַ֚ד עֶ֣רֶב בֹּ֔קֶר אַלְפַּ֖יִם וּשְׁלֹ֣שׁ מֵאֹ֑ות וְנִצְדַּ֖ק קֹֽדֶשׁ׃ wayoʾmer ʾelay ʿad ʿerev boqer ʾalepayim ushelosh meʾowt wenitsedaq qodesh׃

¹⁵ וַיְהִ֗י בִּרְאֹתִ֛י אֲנִ֥י דָנִיֵּ֖אל אֶת־הֶחָזֹ֑ון וָאֲבַקְשָׁ֣ה בִינָ֔ה וְהִנֵּ֛ה עֹמֵ֥ד לְנֶגְדִּ֖י כְּמַרְאֵה־גָֽבֶר׃ wayehiy bireʾotiy ʾaniy daniyeʾl ʾet־heḥazown waʾavaqeshah viynah wehineh ʿomed lenegediy kemareʾeh־gaver׃

¹⁶ וָאֶשְׁמַ֥ע קֹול־אָדָ֖ם בֵּ֣ין אוּלָ֑י וַיִּקְרָא֙ וַיֹּאמַ֔ר גַּבְרִיאֵ֕ל הָבֵ֥ן לְהַלָּ֖ז אֶת־הַמַּרְאֶֽה׃ waʾeshemaʿ qowl־ʾadam beyn ʾulay wayiqeraʾ wayoʾmar gaveriyʾel haven lehalaz ʾet־hamareʾeh׃

¹⁷ וַיָּבֹא֙ אֵ֣צֶל עָמְדִ֔י וּבְבֹאֹ֣ו נִבְעַ֔תִּי וָאֶפְּלָ֖ה עַל־פָּנָ֑י וַיֹּ֤אמֶר אֵלַי֙ הָבֵ֣ן בֶּן־אָדָ֔ם כִּ֖י לְעֶת־קֵ֥ץ הֶחָזֹֽון׃ wayavoʾ ʾetsel ʿamediy uvevoʾow niveʿatiy waʾepelah ʿal־panay wayoʾmer ʾelay haven ben־ʾadam kiy leʿet־qets heḥazown׃

¹⁸ וּבְדַבְּרֹ֣ו עִמִּ֔י נִרְדַּ֥מְתִּי עַל־פָּנַ֖י אָ֑רְצָה וַיִּ֨גַּע־בִּ֔י וַיַּֽעֲמִידֵ֖נִי עַל־עָמְדִֽי׃ uvedaberow ʿimiy niredametiy ʿal־panay ʾaretsah wayigaʿ־biy wayaʿamiydeniy ʿal־ʿamediy׃

¹⁹ וַיֹּ֙אמֶר֙ הִנְנִ֣י מֹודִֽיעֲךָ֔ אֵ֥ת אֲשֶׁר־יִהְיֶ֖ה בְּאַחֲרִ֣ית הַזָּ֑עַם כִּ֖י לְמֹועֵ֥ד קֵֽץ׃ wayoʾmer hineniy mowdiyʿakha ʾet ʾasher־yiheyeh beʾaḥariyt hazaʿam kiy lemowʿed qets׃

²⁰ הָאַ֥יִל אֲשֶׁר־רָאִ֖יתָ בַּ֣עַל הַקְּרָנָ֑יִם מַלְכֵ֖י מָדַ֥י וּפָרָֽס׃ haʾayil ʾasher־raʾiyta baʿal haqeranayim malekhey maday ufaras׃

²¹ וְהַצָּפִ֥יר הַשָּׂעִ֖יר מֶ֣לֶךְ יָוָ֑ן וְהַקֶּ֤רֶן הַגְּדֹולָה֙ אֲשֶׁ֣ר בֵּין־עֵינָ֔יו ה֖וּא הַמֶּ֥לֶךְ הָרִאשֹֽׁון׃ wehatsafiyr hasaʿiyr melekhe yawan wehaqeren hagedowlah ʾasher beyn־ʿeynayw huʾ hamelekhe hariʾshown׃

²² וְהַ֨נִּשְׁבֶּ֔רֶת וַתַּֽעֲמֹ֥דְנָה אַרְבַּ֖ע תַּחְתֶּ֑יהָ אַרְבַּ֧ע מַלְכֻיֹ֛ות מִגֹּ֥וי יַעֲמֹ֖דְנָה וְלֹ֥א בְכֹחֹֽו׃ wehanisheberet wataʿamodenah ʾarebaʿ taḥeteyha ʾarebaʿ malekhuyowt migowy yaʿamodenah weloʾ vekhoḥow׃

²³ וּֽבְאַחֲרִית֙ מַלְכוּתָ֔ם כְּהָתֵ֖ם הַפֹּשְׁעִ֑ים יַעֲמֹ֛ד מֶ֥לֶךְ עַז־פָּנִ֖ים וּמֵבִ֥ין חִידֹֽות׃ uveʾaḥariyt malekhutam kehatem haposheʿiym yaʿamod melekhe ʿaz־paniym umeviyn ḥiydowt׃

²⁴ וְעָצַ֤ם כֹּחֹו֙ וְלֹ֣א בְכֹחֹ֔ו וְנִפְלָאֹ֥ות יַשְׁחִ֖ית וְהִצְלִ֣יחַ וְעָשָׂ֑ה וְהִשְׁחִ֥ית עֲצוּמִ֖ים וְעַם־קְדֹשִֽׁים׃ weʿatsam koḥow weloʾ vekhoḥow wenifelaʾowt yasheḥiyt wehitseliyḥa weʿasah wehisheḥiyt ʿatsumiym weʿam־qedoshiym׃

²⁵ וְעַל־שִׂכְלֹ֗ו וְהִצְלִ֤יחַ מִרְמָה֙ בְּיָדֹ֔ו וּבִלְבָבֹ֣ו יַגְדִּ֔יל וּבְשַׁלְוָ֖ה יַשְׁחִ֣ית רַבִּ֑ים וְעַ֤ל־שַׂר־שָׂרִים֙ יַעֲמֹ֔ד וּבְאֶ֥פֶס יָ֖ד יִשָּׁבֵֽר׃ weʿal־sikhelow wehitseliyḥa miremah beyadow uvilevavow yagediyl uveshalewah yasheḥiyt rabiym weʿal־sar־sariym yaʿamod uveʾefes yad yishaver׃

²⁶ וּמַרְאֵ֨ה הָעֶ֧רֶב וְהַבֹּ֛קֶר אֲשֶׁ֥ר נֶאֱמַ֖ר אֱמֶ֣ת ה֑וּא וְאַתָּה֙ סְתֹ֣ם הֶֽחָזֹ֔ון כִּ֖י לְיָמִ֥ים רַבִּֽים׃ umareʾeh haʿerev wehaboqer ʾasher neʾemar ʾemet huʾ weʾatah setom heḥazown kiy leyamiym rabiym׃

²⁷ וַאֲנִ֣י דָנִיֵּ֗אל נִהְיֵ֤יתִי וְנֶֽחֱלֵ֙יתִי֙ יָמִ֔ים וָאָק֕וּם וָאֶֽעֱשֶׂ֖ה אֶת־מְלֶ֣אכֶת הַמֶּ֑לֶךְ וָאֶשְׁתֹּומֵ֥ם עַל־הַמַּרְאֶ֖ה וְאֵ֥ין מֵבִֽין׃ פ waʾaniy daniyeʾl niheyeytiy weneḥeleytiy yamiym waʾaqum waʾeʿeseh ʾet־meleʾkhet hamelekhe waʾeshetowmem ʿal־hamareʾeh weʾeyn meviyn׃ f