1 הֹוד֣וּ לַיהוָ֣ה כִּי־טֹ֑וב כִּ֖י לְעֹולָ֣ם חַסְדֹּֽו׃ howdu layhwah kiy־ṭowv kiy leʿowlam ḥasedow׃
2 יֹֽאמַר־נָ֥א יִשְׂרָאֵ֑ל כִּ֖י לְעֹולָ֣ם חַסְדֹּֽו׃ yoʾmar־naʾ yiseraʾel kiy leʿowlam ḥasedow׃
3 יֹֽאמְרוּ־נָ֥א בֵֽית־אַהֲרֹ֑ן כִּ֖י לְעֹולָ֣ם חַסְדֹּֽו׃ yoʾmeru־naʾ veyt־ʾaharon kiy leʿowlam ḥasedow׃
4 יֹֽאמְרוּ־נָ֭א יִרְאֵ֣י יְהוָ֑ה כִּ֖י לְעֹולָ֣ם חַסְדֹּֽו׃ yoʾmeru־naʾ yireʾey yehwah kiy leʿowlam ḥasedow׃
5 מִֽן־הַ֭מֵּצַ֥ר קָרָ֣אתִי יָּ֑הּ עָנָ֖נִי בַמֶּרְחָ֣ב יָֽהּ׃ min־hametsar qaraʾtiy yah ʿananiy vamereḥav yah׃
6 יְהוָ֣ה לִ֭י לֹ֣א אִירָ֑א מַה־יַּעֲשֶׂ֖ה לִ֣י אָדָֽם׃ yehwah liy loʾ ʾiyraʾ mah־yaʿaseh liy ʾadam׃
7 יְהוָ֣ה לִ֭י בְּעֹזְרָ֑י וַ֝אֲנִ֗י אֶרְאֶ֥ה בְשֹׂנְאָֽי׃ yehwah liy beʿozeray waʾaniy ʾereʾeh vesoneʾay׃
8 טֹ֗וב לַחֲסֹ֥ות בַּיהוָ֑ה מִ֝בְּטֹ֗חַ בָּאָדָֽם׃ ṭowv laḥasowt bayhwah mibeṭoaḥ baʾadam׃
9 טֹ֗וב לַחֲסֹ֥ות בַּיהוָ֑ה מִ֝בְּטֹ֗חַ בִּנְדִיבִֽים׃ ṭowv laḥasowt bayhwah mibeṭoaḥ binediyviym׃
10 כָּל־גֹּויִ֥ם סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃ kal־gowyim sevavuniy beshem yehwah kiy ʾamiylam׃
11 סַבּ֥וּנִי גַם־סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃ sabuniy gam־sevavuniy beshem yehwah kiy ʾamiylam׃
12 סַבּ֤וּנִי כִדְבֹורִ֗ים דֹּ֭עֲכוּ כְּאֵ֣שׁ קֹוצִ֑ים בְּשֵׁ֥ם יְ֝הוָ֗ה כִּ֣י אֲמִילַֽם׃ sabuniy khidevowriym doʿakhu keʾesh qowtsiym beshem yehwah kiy ʾamiylam׃
13 דַּחֹ֣ה דְחִיתַ֣נִי לִנְפֹּ֑ל וַ֖יהוָ֣ה עֲזָרָֽנִי׃ daḥoh deḥiytaniy linepol wayhwah ʿazaraniy׃
14 עָזִּ֣י וְזִמְרָ֣ת יָ֑הּ וַֽיְהִי־לִ֝֗י לִֽישׁוּעָֽה׃ ʿaziy wezimerat yah wayehiy־liy liyshuʿah׃
15 קֹ֤ול ׀ רִנָּ֬ה וִֽישׁוּעָ֗ה בְּאָהֳלֵ֥י צַדִּיקִ֑ים יְמִ֥ין יְ֝הוָה עֹ֣שָׂה חָֽיִל׃ qowl ׀ rinah wiyshuʿah beʾaholey tsadiyqiym yemiyn yehwah ʿosah ḥayil׃
16 יְמִ֣ין יְ֭הוָה רֹומֵמָ֑ה יְמִ֥ין יְ֝הוָה עֹ֣שָׂה חָֽיִל׃ yemiyn yehwah rowmemah yemiyn yehwah ʿosah ḥayil׃
17 לֹֽא אָמ֥וּת כִּי־אֶֽחְיֶ֑ה וַ֝אֲסַפֵּ֗ר מַֽעֲשֵׂ֥י יָֽהּ׃ loʾ ʾamut kiy־ʾeḥeyeh waʾasaper maʿasey yah׃
18 יַסֹּ֣ר יִסְּרַ֣נִּי יָּ֑הּ וְ֝לַמָּ֗וֶת לֹ֣א נְתָנָֽנִי׃ yasor yiseraniy yah welamawet loʾ netananiy׃
19 פִּתְחוּ־לִ֥י שַׁעֲרֵי־צֶ֑דֶק אָֽבֹא־בָ֝ם אֹודֶ֥ה יָֽהּ׃ piteḥu־liy shaʿarey־tsedeq ʾavoʾ־vam ʾowdeh yah׃
20 זֶֽה־הַשַּׁ֥עַר לַיהוָ֑ה צַ֝דִּיקִ֗ים יָבֹ֥אוּ בֹֽו׃ zeh־hashaʿar layhwah tsadiyqiym yavoʾu vow׃
21 אֹ֭ודְךָ כִּ֣י עֲנִיתָ֑נִי וַתְּהִי־לִ֝֗י לִֽישׁוּעָֽה׃ ʾowdekha kiy ʿaniytaniy watehiy־liy liyshuʿah׃
22 אֶ֭בֶן מָאֲס֣וּ הַבֹּונִ֑ים הָ֝יְתָ֗ה לְרֹ֣אשׁ פִּנָּֽה׃ ʾeven maʾasu habowniym hayetah leroʾsh pinah׃
23 מֵאֵ֣ת יְ֭הוָה הָ֣יְתָה זֹּ֑את הִ֖יא נִפְלָ֣את בְּעֵינֵֽינוּ׃ meʾet yehwah hayetah zoʾt hiyʾ nifelaʾt beʿeyneynu׃
24 זֶה־הַ֭יֹּום עָשָׂ֣ה יְהוָ֑ה נָגִ֖ילָה וְנִשְׂמְחָ֣ה בֹֽו׃ zeh־hayowm ʿasah yehwah nagiylah wenisemeḥah vow׃
25 אָנָּ֣א יְ֭הוָה הֹושִׁ֘יעָ֥ה נָּ֑א אָֽנָּ֥א יְ֝הוָ֗ה הַצְלִ֘יחָ֥ה נָּֽא׃ ʾanaʾ yehwah howshiyʿah naʾ ʾanaʾ yehwah hatseliyḥah naʾ׃
26 בָּר֣וּךְ הַ֭בָּא בְּשֵׁ֣ם יְהוָ֑ה בֵּ֝רַֽכְנוּכֶ֗ם מִבֵּ֥ית יְהוָֽה׃ barukhe habaʾ beshem yehwah berakhenukhem mibeyt yehwah׃
27 אֵ֤ל ׀ יְהוָה֮ וַיָּ֪אֶר לָ֥נוּ אִסְרוּ־חַ֥ג בַּעֲבֹתִ֑ים עַד־קַ֝רְנֹ֗ות הַמִּזְבֵּֽחַ׃ ʾel ׀ yehwah wayaʾer lanu ʾiseru־ḥag baʿavotiym ʿad־qarenowt hamizebeaḥ׃
28 אֵלִ֣י אַתָּ֣ה וְאֹודֶ֑ךָּ אֱ֝לֹהַ֗י אֲרֹומְמֶֽךָּ׃ ʾeliy ʾatah weʾowdeka ʾelohay ʾarowmemeka׃
29 הֹוד֣וּ לַיהוָ֣ה כִּי־טֹ֑וב כִּ֖י לְעֹולָ֣ם חַסְדֹּֽו׃ howdu layhwah kiy־ṭowv kiy leʿowlam ḥasedow׃