1 Samuel 23

¹ וַיַּגִּ֥דוּ לְדָוִ֖ד לֵאמֹ֑ר הִנֵּ֤ה פְלִשְׁתִּים֙ נִלְחָמִ֣ים בִּקְעִילָ֔ה וְהֵ֖מָּה שֹׁסִ֥ים אֶת־הַגֳּרָנֹֽות׃ wayagidu ledawid leʾmor hineh felishetiym nileḥamiym biqeʿiylah wehemah shosiym ʾet־hagoranowt׃

² וַיִּשְׁאַ֨ל דָּוִ֤ד בַּֽיהוָה֙ לֵאמֹ֔ר הַאֵלֵ֣ךְ וְהִכֵּ֔יתִי בַּפְּלִשְׁתִּ֖ים הָאֵ֑לֶּה ס וַיֹּ֨אמֶר יְהוָ֜ה אֶל־דָּוִ֗ד לֵ֚ךְ וְהִכִּ֣יתָ בַפְּלִשְׁתִּ֔ים וְהֹושַׁעְתָּ֖ אֶת־קְעִילָֽה׃ wayisheʾal dawid bayhwah leʾmor haʾelekhe wehikeytiy bapelishetiym haʾeleh s wayoʾmer yehwah ʾel־dawid lekhe wehikiyta vapelishetiym wehowshaʿeta ʾet־qeʿiylah׃

³ וַיֹּ֨אמְר֜וּ אַנְשֵׁ֤י דָוִד֙ אֵלָ֔יו הִנֵּ֨ה אֲנַ֥חְנוּ פֹ֛ה בִּֽיהוּדָ֖ה יְרֵאִ֑ים וְאַף֙ כִּֽי־נֵלֵ֣ךְ קְעִלָ֔ה אֶל־מַֽעַרְכֹ֖ות פְּלִשְׁתִּֽים׃ ס wayoʾmeru ʾaneshey dawid ʾelayw hineh ʾanaḥenu foh biyhudah yereʾiym weʾaf kiy־nelekhe qeʿilah ʾel־maʿarekhowt pelishetiym׃ s

⁴ וַיֹּ֨וסֶף עֹ֤וד דָּוִד֙ לִשְׁאֹ֣ל בַּֽיהוָ֔ה ס וַֽיַּעֲנֵ֖הוּ יְהוָ֑ה וַיֹּ֗אמֶר ק֚וּם רֵ֣ד קְעִילָ֔ה כִּֽי־אֲנִ֥י נֹתֵ֛ן אֶת־פְּלִשְׁתִּ֖ים בְּיָדֶֽךָ׃ wayowsef ʿowd dawid lisheʾol bayhwah s wayaʿanehu yehwah wayoʾmer qum red qeʿiylah kiy־ʾaniy noten ʾet־pelishetiym beyadekha׃

⁵ וַיֵּ֣לֶךְ דָּוִד֩ [וַאִנְשֹׁו כ] (וַאֲנָשָׁ֨יו ק) קְעִילָ֜ה וַיִּלָּ֣חֶם בַּפְּלִשְׁתִּ֗ים וַיִּנְהַג֙ אֶת־מִקְנֵיהֶ֔ם וַיַּ֥ךְ בָּהֶ֖ם מַכָּ֣ה גְדֹולָ֑ה וַיֹּ֣שַׁע דָּוִ֔ד אֵ֖ת יֹשְׁבֵ֥י קְעִילָֽה׃ ס wayelekhe dawid [waʾineshow kh] (waʾanashayw q) qeʿiylah wayilaḥem bapelishetiym wayinehag ʾet־miqeneyhem wayakhe bahem makah gedowlah wayoshaʿ dawid ʾet yoshevey qeʿiylah׃ s

⁶ וַיְהִ֗י בִּ֠בְרֹחַ אֶבְיָתָ֧ר בֶּן־אֲחִימֶ֛לֶךְ אֶל־דָּוִ֖ד קְעִילָ֑ה אֵפֹ֖וד יָרַ֥ד בְּיָדֹֽו׃ wayehiy biveroaḥ ʾeveyatar ben־ʾaḥiymelekhe ʾel־dawid qeʿiylah ʾefowd yarad beyadow׃

⁷ וַיֻּגַּ֣ד לְשָׁא֔וּל כִּי־בָ֥א דָוִ֖ד קְעִילָ֑ה וַיֹּ֣אמֶר שָׁא֗וּל נִכַּ֨ר אֹתֹ֤ו אֱלֹהִים֙ בְּיָדִ֔י כִּ֚י נִסְגַּ֣ר לָבֹ֔וא בְּעִ֖יר דְּלָתַ֥יִם וּבְרִֽיחַ׃ wayugad leshaʾul kiy־vaʾ dawid qeʿiylah wayoʾmer shaʾul nikar ʾotow ʾelohiym beyadiy kiy nisegar lavowʾ beʿiyr delatayim uveriyḥa׃

⁸ וַיְשַׁמַּ֥ע שָׁא֛וּל אֶת־כָּל־הָעָ֖ם לַמִּלְחָמָ֑ה לָרֶ֣דֶת קְעִילָ֔ה לָצ֥וּר אֶל־דָּוִ֖ד וְאֶל־אֲנָשָֽׁיו׃ wayeshamaʿ shaʾul ʾet־kal־haʿam lamileḥamah laredet qeʿiylah latsur ʾel־dawid weʾel־ʾanashayw׃

⁹ וַיֵּ֣דַע דָּוִ֔ד כִּ֣י עָלָ֔יו שָׁא֖וּל מַחֲרִ֣ישׁ הָרָעָ֑ה וַיֹּ֙אמֶר֙ אֶל־אֶבְיָתָ֣ר הַכֹּהֵ֔ן הַגִּ֖ישָׁה הָאֵפֹֽוד׃ ס wayedaʿ dawid kiy ʿalayw shaʾul maḥariysh haraʿah wayoʾmer ʾel־ʾeveyatar hakohen hagiyshah haʾefowd׃ s

¹⁰ וַיֹּאמֶר֮ דָּוִד֒ יְהוָה֙ אֱלֹהֵ֣י יִשְׂרָאֵ֔ל שָׁמֹ֤עַ שָׁמַע֙ עַבְדְּךָ֔ כִּֽי־מְבַקֵּ֥שׁ שָׁא֖וּל לָבֹ֣וא אֶל־קְעִילָ֑ה לְשַׁחֵ֥ת לָעִ֖יר בַּעֲבוּרִֽי׃ wayoʾmer dawid yehwah ʾelohey yiseraʾel shamoaʿ shamaʿ ʿavedekha kiy־mevaqesh shaʾul lavowʾ ʾel־qeʿiylah leshaḥet laʿiyr baʿavuriy׃

¹¹ הֲיַסְגִּרֻ֣נִי בַעֲלֵי֩ קְעִילָ֨ה בְיָדֹ֜ו הֲיֵרֵ֣ד שָׁא֗וּל כַּֽאֲשֶׁר֙ שָׁמַ֣ע עַבְדֶּ֔ךָ יְהוָה֙ אֱלֹהֵ֣י יִשְׂרָאֵ֔ל הַגֶּד־נָ֖א לְעַבְדֶּ֑ךָ ס וַיֹּ֥אמֶר יְהוָ֖ה יֵרֵֽד׃ hayasegiruniy vaʿaley qeʿiylah veyadow hayered shaʾul kaʾasher shamaʿ ʿavedekha yehwah ʾelohey yiseraʾel haged־naʾ leʿavedekha s wayoʾmer yehwah yered׃

¹² וַיֹּ֣אמֶר דָּוִ֔ד הֲיַסְגִּ֜רוּ בַּעֲלֵ֧י קְעִילָ֛ה אֹתִ֥י וְאֶת־אֲנָשַׁ֖י בְּיַד־שָׁא֑וּל וַיֹּ֥אמֶר יְהוָ֖ה יַסְגִּֽירוּ׃ ס wayoʾmer dawid hayasegiru baʿaley qeʿiylah ʾotiy weʾet־ʾanashay beyad־shaʾul wayoʾmer yehwah yasegiyru׃ s

¹³ וַיָּקָם֩ דָּוִ֨ד וַאֲנָשָׁ֜יו כְּשֵׁשׁ־מֵאֹ֣ות אִ֗ישׁ וַיֵּצְאוּ֙ מִקְּעִלָ֔ה וַיִּֽתְהַלְּכ֖וּ בַּאֲשֶׁ֣ר יִתְהַלָּ֑כוּ וּלְשָׁא֣וּל הֻגַּ֗ד כִּֽי־נִמְלַ֤ט דָּוִד֙ מִקְּעִילָ֔ה וַיֶּחְדַּ֖ל לָצֵֽאת׃ wayaqam dawid waʾanashayw keshesh־meʾowt ʾiysh wayetseʾu miqeʿilah wayitehalekhu baʾasher yitehalakhu uleshaʾul hugad kiy־nimelaṭ dawid miqeʿiylah wayeḥedal latseʾt׃

¹⁴ וַיֵּ֨שֶׁב דָּוִ֤ד בַּמִּדְבָּר֙ בַּמְּצָדֹ֔ות וַיֵּ֥שֶׁב בָּהָ֖ר בְּמִדְבַּר־זִ֑יף וַיְבַקְשֵׁ֤הוּ שָׁאוּל֙ כָּל־הַיָּמִ֔ים וְלֹֽא־נְתָנֹ֥ו אֱלֹהִ֖ים בְּיָדֹֽו׃ wayeshev dawid bamidebar bametsadowt wayeshev bahar bemidebar־ziyf wayevaqeshehu shaʾul kal־hayamiym weloʾ־netanow ʾelohiym beyadow׃

¹⁵ וַיַּ֣רְא דָוִ֔ד כִּֽי־יָצָ֥א שָׁא֖וּל לְבַקֵּ֣שׁ אֶת־נַפְשֹׁ֑ו וְדָוִ֥ד בְּמִדְבַּר־זִ֖יף בַּחֹֽרְשָׁה׃ ס wayareʾ dawid kiy־yatsaʾ shaʾul levaqesh ʾet־nafeshow wedawid bemidebar־ziyf baḥoreshah׃ s

¹⁶ וַיָּ֙קָם֙ יְהֹונָתָ֣ן בֶּן־שָׁא֔וּל וַיֵּ֥לֶךְ אֶל־דָּוִ֖ד חֹ֑רְשָׁה וַיְחַזֵּ֥ק אֶת־יָדֹ֖ו בֵּאלֹהִֽים׃ wayaqam yehownatan ben־shaʾul wayelekhe ʾel־dawid ḥoreshah wayeḥazeq ʾet־yadow beʾlohiym׃

¹⁷ וַיֹּ֨אמֶר אֵלָ֜יו אַל־תִּירָ֗א כִּ֠י לֹ֤א תִֽמְצָאֲךָ֙ יַ֚ד שָׁא֣וּל אָבִ֔י וְאַתָּה֙ תִּמְלֹ֣ךְ עַל־יִשְׂרָאֵ֔ל וְאָנֹכִ֖י אֶֽהְיֶה־לְּךָ֣ לְמִשְׁנֶ֑ה וְגַם־שָׁא֥וּל אָבִ֖י יֹדֵ֥עַ כֵּֽן׃ wayoʾmer ʾelayw ʾal־tiyraʾ kiy loʾ timetsaʾakha yad shaʾul ʾaviy weʾatah timelokhe ʿal־yiseraʾel weʾanokhiy ʾeheyeh־lekha lemisheneh wegam־shaʾul ʾaviy yodeaʿ ken׃

¹⁸ וַיִּכְרְת֧וּ שְׁנֵיהֶ֛ם בְּרִ֖ית לִפְנֵ֣י יְהוָ֑ה וַיֵּ֤שֶׁב דָּוִד֙ בַּחֹ֔רְשָׁה וִיהֹונָתָ֖ן הָלַ֥ךְ לְבֵיתֹֽו׃ ס wayikheretu sheneyhem beriyt lifeney yehwah wayeshev dawid baḥoreshah wiyhownatan halakhe leveytow׃ s

¹⁹ וַיַּעֲל֤וּ זִפִים֙ אֶל־שָׁא֔וּל הַגִּבְעָ֖תָה לֵאמֹ֑ר הֲלֹ֣וא דָ֠וִד מִסְתַּתֵּ֨ר עִמָּ֤נוּ בַמְּצָדֹות֙ בַּחֹ֔רְשָׁה בְּגִבְעַת֙ הַֽחֲכִילָ֔ה אֲשֶׁ֖ר מִימִ֥ין הַיְשִׁימֹֽון׃ wayaʿalu zifiym ʾel־shaʾul hagiveʿatah leʾmor halowʾ dawid misetater ʿimanu vametsadowt baḥoreshah begiveʿat haḥakhiylah ʾasher miymiyn hayeshiymown׃

²⁰ וְ֠עַתָּה לְכָל־אַוַּ֨ת נַפְשְׁךָ֥ הַמֶּ֛לֶךְ לָרֶ֖דֶת רֵ֑ד וְלָ֥נוּ הַסְגִּירֹ֖ו בְּיַ֥ד הַמֶּֽלֶךְ׃ weʿatah lekhal־ʾauat nafeshekha hamelekhe laredet red welanu hasegiyrow beyad hamelekhe׃

²¹ וַיֹּ֣אמֶר שָׁא֔וּל בְּרוּכִ֥ים אַתֶּ֖ם לַֽיהוָ֑ה כִּ֥י חֲמַלְתֶּ֖ם עָלָֽי׃ wayoʾmer shaʾul berukhiym ʾatem layhwah kiy ḥamaletem ʿalay׃

²² לְכוּ־נָ֞א הָכִ֣ינוּ עֹ֗וד וּדְע֤וּ וּרְאוּ֙ אֶת־מְקֹומֹו֙ אֲשֶׁ֣ר תִּֽהְיֶ֣ה רַגְלֹ֔ו מִ֥י רָאָ֖הוּ שָׁ֑ם כִּ֚י אָמַ֣ר אֵלַ֔י עָרֹ֥ום יַעְרִ֖ם הֽוּא׃ lekhu־naʾ hakhiynu ʿowd udeʿu ureʾu ʾet־meqowmow ʾasher tiheyeh ragelow miy raʾahu sham kiy ʾamar ʾelay ʿarowm yaʿerim huʾ׃

²³ וּרְא֣וּ וּדְע֗וּ מִכֹּ֤ל הַמַּֽחֲבֹאִים֙ אֲשֶׁ֣ר יִתְחַבֵּ֣א שָׁ֔ם וְשַׁבְתֶּ֤ם אֵלַי֙ אֶל־נָכֹ֔ון וְהָלַכְתִּ֖י אִתְּכֶ֑ם וְהָיָה֙ אִם־יֶשְׁנֹ֣ו בָאָ֔רֶץ וְחִפַּשְׂתִּ֣י אֹתֹ֔ו בְּכֹ֖ל אַלְפֵ֥י יְהוּדָֽה׃ ureʾu udeʿu mikol hamaḥavoʾiym ʾasher yiteḥabeʾ sham weshavetem ʾelay ʾel־nakhown wehalakhetiy ʾitekhem wehayah ʾim־yeshenow vaʾarets weḥipasetiy ʾotow bekhol ʾalefey yehudah׃

²⁴ וַיָּק֛וּמוּ וַיֵּלְכ֥וּ זִ֖יפָה לִפְנֵ֣י שָׁא֑וּל וְדָוִ֨ד וַאֲנָשָׁ֜יו בְּמִדְבַּ֤ר מָעֹון֙ בָּעֲרָבָ֔ה אֶ֖ל יְמִ֥ין הַיְשִׁימֹֽון׃ wayaqumu wayelekhu ziyfah lifeney shaʾul wedawid waʾanashayw bemidebar maʿown baʿaravah ʾel yemiyn hayeshiymown׃

²⁵ וַיֵּ֨לֶךְ שָׁא֣וּל וַאֲנָשָׁיו֮ לְבַקֵּשׁ֒ וַיַּגִּ֣דוּ לְדָוִ֔ד וַיֵּ֣רֶד הַסֶּ֔לַע וַיֵּ֖שֶׁב בְּמִדְבַּ֣ר מָעֹ֑ון וַיִּשְׁמַ֣ע שָׁא֔וּל וַיִּרְדֹּ֥ף אַחֲרֵֽי־דָוִ֖ד מִדְבַּ֥ר מָעֹֽון׃ wayelekhe shaʾul waʾanashayw levaqesh wayagidu ledawid wayered haselaʿ wayeshev bemidebar maʿown wayishemaʿ shaʾul wayiredof ʾaḥarey־dawid midebar maʿown׃

²⁶ וַיֵּ֨לֶךְ שָׁא֜וּל מִצַּ֤ד הָהָר֙ מִזֶּ֔ה וְדָוִ֧ד וַאֲנָשָׁ֛יו מִצַּ֥ד הָהָ֖ר מִזֶּ֑ה וַיְהִ֨י דָוִ֜ד נֶחְפָּ֤ז לָלֶ֙כֶת֙ מִפְּנֵ֣י שָׁא֔וּל וְשָׁא֣וּל וַאֲנָשָׁ֗יו עֹֽטְרִ֛ים אֶל־דָּוִ֥ד וְאֶל־אֲנָשָׁ֖יו לְתָפְשָֽׂם׃ wayelekhe shaʾul mitsad hahar mizeh wedawid waʾanashayw mitsad hahar mizeh wayehiy dawid neḥepaz lalekhet mipeney shaʾul weshaʾul waʾanashayw ʿoṭeriym ʾel־dawid weʾel־ʾanashayw letafesam׃

²⁷ וּמַלְאָ֣ךְ בָּ֔א אֶל־שָׁא֖וּל לֵאמֹ֑ר מַהֲרָ֣ה וְלֵ֔כָה כִּֽי־פָשְׁט֥וּ פְלִשְׁתִּ֖ים עַל־הָאָֽרֶץ׃ umaleʾakhe baʾ ʾel־shaʾul leʾmor maharah welekhah kiy־fasheṭu felishetiym ʿal־haʾarets׃

²⁸ וַיָּ֣שָׁב שָׁא֗וּל מִרְדֹף֙ אַחֲרֵ֣י דָוִ֔ד וַיֵּ֖לֶךְ לִקְרַ֣את פְּלִשְׁתִּ֑ים עַל־כֵּ֗ן קָֽרְאוּ֙ לַמָּקֹ֣ום הַה֔וּא סֶ֖לַע הַֽמַּחְלְקֹֽות׃ wayashav shaʾul miredof ʾaḥarey dawid wayelekhe liqeraʾt pelishetiym ʿal־ken qareʾu lamaqowm hahuʾ selaʿ hamaḥeleqowt׃

²⁹ וַיַּ֥עַל דָּוִ֖ד מִשָּׁ֑ם וַיֵּ֖שֶׁב בִּמְצָדֹ֥ות עֵֽין־גֶּֽדִי׃ wayaʿal dawid misham wayeshev bimetsadowt ʿeyn־gediy׃