1 Rois 21

¹ וַיְהִ֗י אַחַר֙ הַדְּבָרִ֣ים הָאֵ֔לֶּה כֶּ֧רֶם הָיָ֛ה לְנָבֹ֥ות הַיִּזְרְעֵאלִ֖י אֲשֶׁ֣ר בְּיִזְרְעֶ֑אל אֵ֚צֶל הֵיכַ֣ל אַחְאָ֔ב מֶ֖לֶךְ שֹׁמְרֹֽון׃ wayehiy ʾaḥar hadevariym haʾeleh kerem hayah lenavowt hayizereʿeʾliy ʾasher beyizereʿeʾl ʾetsel heykhal ʾaḥeʾav melekhe shomerown׃

² וַיְדַבֵּ֣ר אַחְאָ֣ב אֶל־נָבֹ֣ות ׀ לֵאמֹר֩ ׀ תְּנָה־לִּ֨י אֶֽת־כַּרְמְךָ֜ וִֽיהִי־לִ֣י לְגַן־יָרָ֗ק כִּ֣י ה֤וּא קָרֹוב֙ אֵ֣צֶל בֵּיתִ֔י וְאֶתְּנָ֤ה לְךָ֙ תַּחְתָּ֔יו כֶּ֖רֶם טֹ֣וב מִמֶּ֑נּוּ אִ֚ם טֹ֣וב בְּעֵינֶ֔יךָ אֶתְּנָה־לְךָ֥ כֶ֖סֶף מְחִ֥יר זֶֽה׃ wayedaber ʾaḥeʾav ʾel־navowt ׀ leʾmor ׀ tenah־liy ʾet־karemekha wiyhiy־liy legan־yaraq kiy huʾ qarowv ʾetsel beytiy weʾetenah lekha taḥetayw kerem ṭowv mimenu ʾim ṭowv beʿeyneykha ʾetenah־lekha khesef meḥiyr zeh׃

³ וַיֹּ֥אמֶר נָבֹ֖ות אֶל־אַחְאָ֑ב חָלִ֤ילָה לִּי֙ מֵֽיהוָ֔ה מִתִּתִּ֛י אֶת־נַחֲלַ֥ת אֲבֹתַ֖י לָֽךְ׃ wayoʾmer navowt ʾel־ʾaḥeʾav ḥaliylah liy meyhwah mititiy ʾet־naḥalat ʾavotay lakhe׃

⁴ וַיָּבֹא֩ אַחְאָ֨ב אֶל־בֵּיתֹ֜ו סַ֣ר וְזָעֵ֗ף עַל־הַדָּבָר֙ אֲשֶׁר־דִּבֶּ֣ר אֵלָ֗יו נָבֹות֙ הַיִּזְרְעֵאלִ֔י וַיֹּ֕אמֶר לֹֽא־אֶתֵּ֥ן לְךָ֖ אֶת־נַחֲלַ֣ת אֲבֹותָ֑י וַיִּשְׁכַּב֙ עַל־מִטָּתֹ֔ו וַיַּסֵּ֥ב אֶת־פָּנָ֖יו וְלֹֽא־אָ֥כַל לָֽחֶם׃ wayavoʾ ʾaḥeʾav ʾel־beytow sar wezaʿef ʿal־hadavar ʾasher־diber ʾelayw navowt hayizereʿeʾliy wayoʾmer loʾ־ʾeten lekha ʾet־naḥalat ʾavowtay wayishekav ʿal־miṭatow wayasev ʾet־panayw weloʾ־ʾakhal laḥem׃

⁵ וַתָּבֹ֥א אֵלָ֖יו אִיזֶ֣בֶל אִשְׁתֹּ֑ו וַתְּדַבֵּ֣ר אֵלָ֗יו מַה־זֶּה֙ רוּחֲךָ֣ סָרָ֔ה וְאֵינְךָ֖ אֹכֵ֥ל לָֽחֶם׃ watavoʾ ʾelayw ʾiyzevel ʾishetow watedaber ʾelayw mah־zeh ruḥakha sarah weʾeynekha ʾokhel laḥem׃

⁶ וַיְדַבֵּ֣ר אֵלֶ֗יהָ כִּֽי־אֲ֠דַבֵּר אֶל־נָבֹ֨ות הַיִּזְרְעֵאלִ֜י וָאֹ֣מַר לֹ֗ו תְּנָה־לִּ֤י אֶֽת־כַּרְמְךָ֙ בְּכֶ֔סֶף אֹ֚ו אִם־חָפֵ֣ץ אַתָּ֔ה אֶתְּנָה־לְךָ֥ כֶ֖רֶם תַּחְתָּ֑יו וַיֹּ֕אמֶר לֹֽא־אֶתֵּ֥ן לְךָ֖ אֶת־כַּרְמִֽי׃ wayedaber ʾeleyha kiy־ʾadaber ʾel־navowt hayizereʿeʾliy waʾomar low tenah־liy ʾet־karemekha bekhesef ʾow ʾim־ḥafets ʾatah ʾetenah־lekha kherem taḥetayw wayoʾmer loʾ־ʾeten lekha ʾet־karemiy׃

⁷ וַתֹּ֤אמֶר אֵלָיו֙ אִיזֶ֣בֶל אִשְׁתֹּ֔ו אַתָּ֕ה עַתָּ֛ה תַּעֲשֶׂ֥ה מְלוּכָ֖ה עַל־יִשְׂרָאֵ֑ל ק֤וּם אֱכָל־לֶ֙חֶם֙ וְיִטַ֣ב לִבֶּ֔ךָ אֲנִי֙ אֶתֵּ֣ן לְךָ֔ אֶת־כֶּ֖רֶם נָבֹ֥ות הַיִּזְרְעֵאלִֽי׃ watoʾmer ʾelayw ʾiyzevel ʾishetow ʾatah ʿatah taʿaseh melukhah ʿal־yiseraʾel qum ʾekhal־leḥem weyiṭav libekha ʾaniy ʾeten lekha ʾet־kerem navowt hayizereʿeʾliy׃

⁸ וַתִּכְתֹּ֤ב סְפָרִים֙ בְּשֵׁ֣ם אַחְאָ֔ב וַתַּחְתֹּ֖ם בְּחֹתָמֹ֑ו וַתִּשְׁלַ֣ח [הַסְפָרִים כ] (סְפָרִ֗ים ק) אֶל־הַזְקֵנִ֤ים וְאֶל־הַֽחֹרִים֙ אֲשֶׁ֣ר בְּעִירֹ֔ו הַיֹּשְׁבִ֖ים אֶת־נָבֹֽות׃ watikhetov sefariym beshem ʾaḥeʾav wataḥetom beḥotamow watishelaḥ [hasefariym kh] (sefariym q) ʾel־hazeqeniym weʾel־haḥoriym ʾasher beʿiyrow hayosheviym ʾet־navowt׃

⁹ וַתִּכְתֹּ֥ב בַּסְּפָרִ֖ים לֵאמֹ֑ר קִֽרְאוּ־צֹ֔ום וְהֹושִׁ֥יבוּ אֶת־נָבֹ֖ות בְּרֹ֥אשׁ הָעָֽם׃ watikhetov basefariym leʾmor qireʾu־tsowm wehowshiyvu ʾet־navowt beroʾsh haʿam׃

¹⁰ וְ֠הֹושִׁיבוּ שְׁנַ֨יִם אֲנָשִׁ֥ים בְּנֵֽי־בְלִיַּעַל֮ נֶגְדֹּו֒ וִיעִדֻ֣הוּ לֵאמֹ֔ר בֵּרַ֥כְתָּ אֱלֹהִ֖ים וָמֶ֑לֶךְ וְהֹוצִיאֻ֥הוּ וְסִקְלֻ֖הוּ וְיָמֹֽת׃ wehowshiyvu shenayim ʾanashiym beney־veliyaʿal negedow wiyʿiduhu leʾmor berakheta ʾelohiym wamelekhe wehowtsiyʾuhu wesiqeluhu weyamot׃

¹¹ וַיַּעֲשׂוּ֩ אַנְשֵׁ֨י עִירֹ֜ו הַזְּקֵנִ֣ים וְהַחֹרִ֗ים אֲשֶׁ֤ר הַיֹּֽשְׁבִים֙ בְּעִירֹ֔ו כַּאֲשֶׁ֛ר שָׁלְחָ֥ה אֲלֵיהֶ֖ם אִיזָ֑בֶל כַּאֲשֶׁ֤ר כָּתוּב֙ בַּסְּפָרִ֔ים אֲשֶׁ֥ר שָׁלְחָ֖ה אֲלֵיהֶֽם׃ wayaʿasu ʾaneshey ʿiyrow hazeqeniym wehaḥoriym ʾasher hayosheviym beʿiyrow kaʾasher shaleḥah ʾaleyhem ʾiyzavel kaʾasher katuv basefariym ʾasher shaleḥah ʾaleyhem׃

¹² קָרְא֖וּ צֹ֑ום וְהֹשִׁ֥יבוּ אֶת־נָבֹ֖ות בְּרֹ֥אשׁ הָעָֽם׃ qareʾu tsowm wehoshiyvu ʾet־navowt beroʾsh haʿam׃

¹³ וַ֠יָּבֹאוּ שְׁנֵ֨י הָאֲנָשִׁ֥ים בְּנֵֽי־בְלִיַּעַל֮ וַיֵּשְׁב֣וּ נֶגְדֹּו֒ וַיְעִדֻהוּ֩ אַנְשֵׁ֨י הַבְּלִיַּ֜עַל אֶת־נָבֹ֗ות נֶ֤גֶד הָעָם֙ לֵאמֹ֔ר בֵּרַ֥ךְ נָבֹ֛ות אֱלֹהִ֖ים וָמֶ֑לֶךְ וַיֹּצִאֻ֙הוּ֙ מִח֣וּץ לָעִ֔יר וַיִּסְקְלֻ֥הוּ בָאֲבָנִ֖ים וַיָּמֹֽת׃ wayavoʾu sheney haʾanashiym beney־veliyaʿal wayeshevu negedow wayeʿiduhu ʾaneshey habeliyaʿal ʾet־navowt neged haʿam leʾmor berakhe navowt ʾelohiym wamelekhe wayotsiʾuhu miḥuts laʿiyr wayiseqeluhu vaʾavaniym wayamot׃

¹⁴ וַֽיִּשְׁלְח֖וּ אֶל־אִיזֶ֣בֶל לֵאמֹ֑ר סֻקַּ֥ל נָבֹ֖ות וַיָּמֹֽת׃ wayisheleḥu ʾel־ʾiyzevel leʾmor suqal navowt wayamot׃

¹⁵ וַֽיְהִי֙ כִּשְׁמֹ֣עַ אִיזֶ֔בֶל כִּֽי־סֻקַּ֥ל נָבֹ֖ות וַיָּמֹ֑ת וַתֹּ֨אמֶר אִיזֶ֜בֶל אֶל־אַחְאָ֗ב ק֣וּם רֵ֞שׁ אֶת־כֶּ֣רֶם ׀ נָבֹ֣ות הַיִּזְרְעֵאלִ֗י אֲשֶׁ֤ר מֵאֵן֙ לָתֶת־לְךָ֣ בְכֶ֔סֶף כִּ֣י אֵ֥ין נָבֹ֛ות חַ֖י כִּי־מֵֽת׃ wayehiy kishemoaʿ ʾiyzevel kiy־suqal navowt wayamot watoʾmer ʾiyzevel ʾel־ʾaḥeʾav qum resh ʾet־kerem ׀ navowt hayizereʿeʾliy ʾasher meʾen latet־lekha vekhesef kiy ʾeyn navowt ḥay kiy־met׃

¹⁶ וַיְהִ֛י כִּשְׁמֹ֥עַ אַחְאָ֖ב כִּ֣י מֵ֣ת נָבֹ֑ות וַיָּ֣קָם אַחְאָ֗ב לָרֶ֛דֶת אֶל־כֶּ֛רֶם נָבֹ֥ות הַיִּזְרְעֵאלִ֖י לְרִשְׁתֹּֽו׃ ס wayehiy kishemoaʿ ʾaḥeʾav kiy met navowt wayaqam ʾaḥeʾav laredet ʾel־kerem navowt hayizereʿeʾliy lerishetow׃ s

¹⁷ וַיְהִי֙ דְּבַר־יְהוָ֔ה אֶל־אֵלִיָּ֥הוּ הַתִּשְׁבִּ֖י לֵאמֹֽר׃ wayehiy devar־yehwah ʾel־ʾeliyahu hatishebiy leʾmor׃

¹⁸ ק֣וּם רֵ֗ד לִקְרַ֛את אַחְאָ֥ב מֶֽלֶךְ־יִשְׂרָאֵ֖ל אֲשֶׁ֣ר בְּשֹׁמְרֹ֑ון הִנֵּה֙ בְּכֶ֣רֶם נָבֹ֔ות אֲשֶׁר־יָ֥רַד שָׁ֖ם לְרִשְׁתֹּֽו׃ qum red liqeraʾt ʾaḥeʾav melekhe־yiseraʾel ʾasher beshomerown hineh bekherem navowt ʾasher־yarad sham lerishetow׃

¹⁹ וְדִבַּרְתָּ֨ אֵלָ֜יו לֵאמֹ֗ר כֹּ֚ה אָמַ֣ר יְהוָ֔ה הֲרָצַ֖חְתָּ וְגַם־יָרָ֑שְׁתָּ וְדִבַּרְתָּ֨ אֵלָ֜יו לֵאמֹ֗ר כֹּ֚ה אָמַ֣ר יְהוָ֔ה בִּמְקֹ֗ום אֲשֶׁ֨ר לָקְק֤וּ הַכְּלָבִים֙ אֶת־דַּ֣ם נָבֹ֔ות יָלֹ֧קּוּ הַכְּלָבִ֛ים אֶת־דָּמְךָ֖ גַּם־אָֽתָּה׃ wedibareta ʾelayw leʾmor koh ʾamar yehwah haratsaḥeta wegam־yarasheta wedibareta ʾelayw leʾmor koh ʾamar yehwah bimeqowm ʾasher laqequ hakelaviym ʾet־dam navowt yaloqu hakelaviym ʾet־damekha gam־ʾatah׃

²⁰ וַיֹּ֤אמֶר אַחְאָב֙ אֶל־אֵ֣לִיָּ֔הוּ הַֽמְצָאתַ֖נִי אֹיְבִ֑י וַיֹּ֣אמֶר מָצָ֔אתִי יַ֚עַן הִתְמַכֶּרְךָ֔ לַעֲשֹׂ֥ות הָרַ֖ע בְּעֵינֵ֥י יְהוָֽה׃ wayoʾmer ʾaḥeʾav ʾel־ʾeliyahu hametsaʾtaniy ʾoyeviy wayoʾmer matsaʾtiy yaʿan hitemakerekha laʿasowt haraʿ beʿeyney yehwah׃

²¹ הִנְנִ֨י [מֵבִי כ] (מֵבִ֤יא ק) אֵלֶ֙יךָ֙ רָעָ֔ה וּבִעַרְתִּ֖י אַחֲרֶ֑יךָ וְהִכְרַתִּ֤י לְאַחְאָב֙ מַשְׁתִּ֣ין בְּקִ֔יר וְעָצ֥וּר וְעָז֖וּב בְּיִשְׂרָאֵֽל׃ hineniy [meviy kh] (meviyʾ q) ʾeleykha raʿah uviʿaretiy ʾaḥareykha wehikheratiy leʾaḥeʾav mashetiyn beqiyr weʿatsur weʿazuv beyiseraʾel׃

²² וְנָתַתִּ֣י אֶת־בֵּיתְךָ֗ כְּבֵית֙ יָרָבְעָ֣ם בֶּן־נְבָ֔ט וּכְבֵ֖ית בַּעְשָׁ֣א בֶן־אֲחִיָּ֑ה אֶל־הַכַּ֙עַס֙ אֲשֶׁ֣ר הִכְעַ֔סְתָּ וַֽתַּחֲטִ֖א אֶת־יִשְׂרָאֵֽל׃ wenatatiy ʾet־beytekha keveyt yaraveʿam ben־nevaṭ ukheveyt baʿeshaʾ ven־ʾaḥiyah ʾel־hakaʿas ʾasher hikheʿaseta wataḥaṭiʾ ʾet־yiseraʾel׃

²³ וְגַ֨ם־לְאִיזֶ֔בֶל דִּבֶּ֥ר יְהוָ֖ה לֵאמֹ֑ר הַכְּלָבִ֛ים יֹאכְל֥וּ אֶת־אִיזֶ֖בֶל בְּחֵ֥ל יִזְרְעֶֽאל׃ wegam־leʾiyzevel diber yehwah leʾmor hakelaviym yoʾkhelu ʾet־ʾiyzevel beḥel yizereʿeʾl׃

²⁴ הַמֵּ֤ת לְאַחְאָב֙ בָּעִ֔יר יֹאכְל֖וּ הַכְּלָבִ֑ים וְהַמֵּת֙ בַּשָּׂדֶ֔ה יֹאכְל֖וּ עֹ֥וף הַשָּׁמָֽיִם׃ hamet leʾaḥeʾav baʿiyr yoʾkhelu hakelaviym wehamet basadeh yoʾkhelu ʿowf hashamayim׃

²⁵ רַ֚ק לֹֽא־הָיָ֣ה כְאַחְאָ֔ב אֲשֶׁ֣ר הִתְמַכֵּ֔ר לַעֲשֹׂ֥ות הָרַ֖ע בְּעֵינֵ֣י יְהוָ֑ה אֲשֶׁר־הֵסַ֥תָּה אֹתֹ֖ו אִיזֶ֥בֶל אִשְׁתֹּֽו׃ raq loʾ־hayah kheʾaḥeʾav ʾasher hitemaker laʿasowt haraʿ beʿeyney yehwah ʾasher־hesatah ʾotow ʾiyzevel ʾishetow׃

²⁶ וַיַּתְעֵ֣ב מְאֹ֔ד לָלֶ֖כֶת אַחֲרֵ֣י הַגִּלֻּלִ֑ים כְּכֹל֙ אֲשֶׁ֣ר עָשׂ֣וּ הָאֱמֹרִ֔י אֲשֶׁר֙ הֹורִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ ס wayateʿev meʾod lalekhet ʾaḥarey hagiluliym kekhol ʾasher ʿasu haʾemoriy ʾasher howriysh yehwah mipeney beney yiseraʾel׃ s

²⁷ וַיְהִי֩ כִשְׁמֹ֨עַ אַחְאָ֜ב אֶת־הַדְּבָרִ֤ים הָאֵ֙לֶּה֙ וַיִּקְרַ֣ע בְּגָדָ֔יו וַיָּֽשֶׂם־שַׂ֥ק עַל־בְּשָׂרֹ֖ו וַיָּצֹ֑ום וַיִּשְׁכַּ֣ב בַּשָּׂ֔ק וַיְהַלֵּ֖ךְ אַֽט׃ ס wayehiy khishemoaʿ ʾaḥeʾav ʾet־hadevariym haʾeleh wayiqeraʿ begadayw wayasem־saq ʿal־besarow wayatsowm wayishekav basaq wayehalekhe ʾaṭ׃ s

²⁸ וַֽיְהִי֙ דְּבַר־יְהוָ֔ה אֶל־אֵלִיָּ֥הוּ הַתִּשְׁבִּ֖י לֵאמֹֽר׃ wayehiy devar־yehwah ʾel־ʾeliyahu hatishebiy leʾmor׃

²⁹ הֲ‍ֽרָאִ֔יתָ כִּֽי־נִכְנַ֥ע אַחְאָ֖ב מִלְּפָנָ֑י יַ֜עַן כִּֽי־נִכְנַ֣ע מִפָּנַ֗י לֹֽא־ [אָבִי כ] (אָבִ֤יא ק) הָֽרָעָה֙ בְּיָמָ֔יו בִּימֵ֣י בְנֹ֔ו אָבִ֥יא הָרָעָ֖ה עַל־בֵּיתֹֽו׃ ה‍raʾiyta kiy־nikhenaʿ ʾaḥeʾav milefanay yaʿan kiy־nikhenaʿ mipanay loʾ־ [ʾaviy kh] (ʾaviyʾ q) haraʿah beyamayw biymey venow ʾaviyʾ haraʿah ʿal־beytow׃