1 פְּתַ֥ח לְבָנֹ֖ון דְּלָתֶ֑יךָ וְתֹאכַ֥ל אֵ֖שׁ בַּאֲרָזֶֽיךָ׃ petaḥ levanown delateykha wetoʾkhal ʾesh baʾarazeykha׃
2 הֵילֵ֤ל בְּרֹושׁ֙ כִּֽי־נָ֣פַל אֶ֔רֶז אֲשֶׁ֥ר אַדִּרִ֖ים שֻׁדָּ֑דוּ הֵילִ֙ילוּ֙ אַלֹּונֵ֣י בָשָׁ֔ן כִּ֥י יָרַ֖ד יַ֥עַר [הַבָּצוּר כ] (הַבָּצִֽיר׃ ק) heylel berowsh kiy־nafal ʾerez ʾasher ʾadiriym shudadu heyliylu ʾalowney vashan kiy yarad yaʿar [habatsur kh] (habatsiyr׃ q)
3 קֹ֚ול יִֽלְלַ֣ת הָרֹעִ֔ים כִּ֥י שֻׁדְּדָ֖ה אַדַּרְתָּ֑ם קֹ֚ול שַׁאֲגַ֣ת כְּפִירִ֔ים כִּ֥י שֻׁדַּ֖ד גְּאֹ֥ון הַיַּרְדֵּֽן׃ ס qowl yilelat haroʿiym kiy shudedah ʾadaretam qowl shaʾagat kefiyriym kiy shudad geʾown hayareden׃ s
4 כֹּ֥ה אָמַ֖ר יְהוָ֣ה אֱלֹהָ֑י רְעֵ֖ה אֶת־צֹ֥אן הַהֲרֵגָֽה׃ koh ʾamar yehwah ʾelohay reʿeh ʾet־tsoʾn haharegah׃
5 אֲשֶׁ֨ר קֹנֵיהֶ֤ן יַֽהֲרְגֻן֙ וְלֹ֣א יֶאְשָׁ֔מוּ וּמֹכְרֵיהֶ֣ן יֹאמַ֔ר בָּר֥וּךְ יְהוָ֖ה וַאעְשִׁ֑ר וְרֹ֣עֵיהֶ֔ם לֹ֥א יַחְמֹ֖ול עֲלֵיהֶֽן׃ ʾasher qoneyhen yaharegun weloʾ yeʾeshamu umokhereyhen yoʾmar barukhe yehwah waʾʿeshir weroʿeyhem loʾ yaḥemowl ʿaleyhen׃
6 כִּ֠י לֹ֣א אֶחְמֹ֥ול עֹ֛וד עַל־יֹשְׁבֵ֥י הָאָ֖רֶץ נְאֻם־יְהוָ֑ה וְהִנֵּ֨ה אָנֹכִ֜י מַמְצִ֣יא אֶת־הָאָדָ֗ם אִ֤ישׁ בְּיַד־רֵעֵ֙הוּ֙ וּבְיַ֣ד מַלְכֹּ֔ו וְכִתְּתוּ֙ אֶת־הָאָ֔רֶץ וְלֹ֥א אַצִּ֖יל מִיָּדָֽם׃ kiy loʾ ʾeḥemowl ʿowd ʿal־yoshevey haʾarets neʾum־yehwah wehineh ʾanokhiy mametsiyʾ ʾet־haʾadam ʾiysh beyad־reʿehu uveyad malekow wekhitetu ʾet־haʾarets weloʾ ʾatsiyl miyadam׃
7 וָֽאֶרְעֶה֙ אֶת־צֹ֣אן הַֽהֲרֵגָ֔ה לָכֵ֖ן עֲנִיֵּ֣י הַצֹּ֑אן וָאֶקַּֽח־לִ֞י שְׁנֵ֣י מַקְלֹ֗ות לְאַחַ֞ד קָרָ֤אתִי נֹ֙עַם֙ וּלְאַחַד֙ קָרָ֣אתִי חֹֽבְלִ֔ים וָאֶרְעֶ֖ה אֶת־הַצֹּֽאן׃ waʾereʿeh ʾet־tsoʾn haharegah lakhen ʿaniyey hatsoʾn waʾeqaḥ־liy sheney maqelowt leʾaḥad qaraʾtiy noʿam uleʾaḥad qaraʾtiy ḥoveliym waʾereʿeh ʾet־hatsoʾn׃
8 וָאַכְחִ֛ד אֶת־שְׁלֹ֥שֶׁת הָרֹעִ֖ים בְּיֶ֣רַח אֶחָ֑ד וַתִּקְצַ֤ר נַפְשִׁי֙ בָּהֶ֔ם וְגַם־נַפְשָׁ֖ם בָּחֲלָ֥ה בִֽי׃ waʾakheḥid ʾet־sheloshet haroʿiym beyeraḥ ʾeḥad watiqetsar nafeshiy bahem wegam־nafesham baḥalah viy׃
9 וָאֹמַ֕ר לֹ֥א אֶרְעֶ֖ה אֶתְכֶ֑ם הַמֵּתָ֣ה תָמ֗וּת וְהַנִּכְחֶ֙דֶת֙ תִּכָּחֵ֔ד וְהַ֨נִּשְׁאָרֹ֔ות תֹּאכַ֕לְנָה אִשָּׁ֖ה אֶת־בְּשַׂ֥ר רְעוּתָֽהּ׃ waʾomar loʾ ʾereʿeh ʾetekhem hametah tamut wehanikheḥedet tikaḥed wehanisheʾarowt toʾkhalenah ʾishah ʾet־besar reʿutah׃
10 וָאֶקַּ֤ח אֶת־מַקְלִי֙ אֶת־נֹ֔עַם וָאֶגְדַּ֖ע אֹתֹ֑ו לְהָפֵיר֙ אֶת־בְּרִיתִ֔י אֲשֶׁ֥ר כָּרַ֖תִּי אֶת־כָּל־הָעַמִּֽים׃ waʾeqaḥ ʾet־maqeliy ʾet־noʿam waʾegedaʿ ʾotow lehafeyr ʾet־beriytiy ʾasher karatiy ʾet־kal־haʿamiym׃
11 וַתֻּפַ֖ר בַּיֹּ֣ום הַה֑וּא וַיֵּדְע֨וּ כֵ֜ן עֲנִיֵּ֤י הַצֹּאן֙ הַשֹּׁמְרִ֣ים אֹתִ֔י כִּ֥י דְבַר־יְהוָ֖ה הֽוּא׃ watufar bayowm hahuʾ wayedeʿu khen ʿaniyey hatsoʾn hashomeriym ʾotiy kiy devar־yehwah huʾ׃
12 וָאֹמַ֣ר אֲלֵיהֶ֗ם אִם־טֹ֧וב בְּעֵינֵיכֶ֛ם הָב֥וּ שְׂכָרִ֖י וְאִם־לֹ֣א ׀ חֲדָ֑לוּ וַיִּשְׁקְל֥וּ אֶת־שְׂכָרִ֖י שְׁלֹשִׁ֥ים כָּֽסֶף׃ waʾomar ʾaleyhem ʾim־ṭowv beʿeyneykhem havu sekhariy weʾim־loʾ ׀ ḥadalu wayisheqelu ʾet־sekhariy sheloshiym kasef׃
13 וַיֹּ֨אמֶר יְהוָ֜ה אֵלַ֗י הַשְׁלִיכֵ֙הוּ֙ אֶל־הַיֹּוצֵ֔ר אֶ֣דֶר הַיְקָ֔ר אֲשֶׁ֥ר יָקַ֖רְתִּי מֵֽעֲלֵיהֶ֑ם וָֽאֶקְחָה֙ שְׁלֹשִׁ֣ים הַכֶּ֔סֶף וָאַשְׁלִ֥יךְ אֹתֹ֛ו בֵּ֥ית יְהוָ֖ה אֶל־הַיֹּוצֵֽר׃ wayoʾmer yehwah ʾelay hasheliykhehu ʾel־hayowtser ʾeder hayeqar ʾasher yaqaretiy meʿaleyhem waʾeqeḥah sheloshiym hakesef waʾasheliykhe ʾotow beyt yehwah ʾel־hayowtser׃
14 וָֽאֶגְדַּע֙ אֶת־מַקְלִ֣י הַשֵּׁנִ֔י אֵ֖ת הַחֹֽבְלִ֑ים לְהָפֵר֙ אֶת־הָֽאַחֲוָ֔ה בֵּ֥ין יְהוּדָ֖ה וּבֵ֥ין יִשְׂרָאֵֽל׃ ס waʾegedaʿ ʾet־maqeliy hasheniy ʾet haḥoveliym lehafer ʾet־haʾaḥawah beyn yehudah uveyn yiseraʾel׃ s
15 וַיֹּ֥אמֶר יְהוָ֖ה אֵלָ֑י עֹ֣וד קַח־לְךָ֔ כְּלִ֖י רֹעֶ֥ה אֱוִלִֽי׃ wayoʾmer yehwah ʾelay ʿowd qaḥ־lekha keliy roʿeh ʾewiliy׃
16 כִּ֣י הִנֵּֽה־אָנֹכִי֩ מֵקִ֨ים רֹעֶ֜ה בָּאָ֗רֶץ הַנִּכְחָדֹ֤ות לֹֽא־יִפְקֹד֙ הַנַּ֣עַר לֹֽא־יְבַקֵּ֔שׁ וְהַנִּשְׁבֶּ֖רֶת לֹ֣א יְרַפֵּ֑א הַנִּצָּבָה֙ לֹ֣א יְכַלְכֵּ֔ל וּבְשַׂ֤ר הַבְּרִיאָה֙ יֹאכַ֔ל וּפַרְסֵיהֶ֖ן יְפָרֵֽק׃ ס kiy hineh־ʾanokhiy meqiym roʿeh baʾarets hanikheḥadowt loʾ־yifeqod hanaʿar loʾ־yevaqesh wehanisheberet loʾ yerapeʾ hanitsavah loʾ yekhalekel uvesar haberiyʾah yoʾkhal ufareseyhen yefareq׃ s
17 הֹ֣וי רֹעִ֤י הָֽאֱלִיל֙ עֹזְבִ֣י הַצֹּ֔אן חֶ֥רֶב עַל־זְרֹועֹ֖ו וְעַל־עֵ֣ין יְמִינֹ֑ו זְרֹעֹו֙ יָבֹ֣ושׁ תִּיבָ֔שׁ וְעֵ֥ין יְמִינֹ֖ו כָּהֹ֥ה תִכְהֶֽה׃ ס howy roʿiy haʾeliyl ʿozeviy hatsoʾn ḥerev ʿal־zerowʿow weʿal־ʿeyn yemiynow zeroʿow yavowsh tiyvash weʿeyn yemiynow kahoh tikheheh׃ s