Ésaïe 23

¹ מַשָּׂ֖א צֹ֑ר הֵילִ֣ילוּ ׀ אֳנִיֹּ֣ות תַּרְשִׁ֗ישׁ כִּֽי־שֻׁדַּ֤ד מִבַּ֙יִת֙ מִבֹּ֔וא מֵאֶ֥רֶץ כִּתִּ֖ים נִגְלָה־לָֽמֹו׃ masaʾ tsor heyliylu ׀ ʾoniyowt tareshiysh kiy־shudad mibayit mibowʾ meʾerets kitiym nigelah־lamow׃

² דֹּ֖מּוּ יֹ֣שְׁבֵי אִ֑י סֹחֵ֥ר צִידֹ֛ון עֹבֵ֥ר יָ֖ם מִלְאֽוּךְ׃ domu yoshevey ʾiy soḥer tsiydown ʿover yam mileʾukhe׃

³ וּבְמַ֤יִם רַבִּים֙ זֶ֣רַע שִׁחֹ֔ר קְצִ֥יר יְאֹ֖ור תְּבֽוּאָתָ֑הּ וַתְּהִ֖י סְחַ֥ר גֹּויִֽם׃ uvemayim rabiym zeraʿ shiḥor qetsiyr yeʾowr tevuʾatah watehiy seḥar gowyim׃

⁴ בֹּ֣ושִׁי צִידֹ֔ון כִּֽי־אָמַ֣ר יָ֔ם מָעֹ֥וז הַיָּ֖ם לֵאמֹ֑ר לֹֽא־חַ֣לְתִּי וְלֹֽא־יָלַ֗דְתִּי וְלֹ֥א גִדַּ֛לְתִּי בַּחוּרִ֖ים רֹומַ֥מְתִּי בְתוּלֹֽות׃ bowshiy tsiydown kiy־ʾamar yam maʿowz hayam leʾmor loʾ־ḥaletiy weloʾ־yaladetiy weloʾ gidaletiy baḥuriym rowmametiy vetulowt׃

⁵ כַּֽאֲשֶׁר־שֵׁ֖מַע לְמִצְרָ֑יִם יָחִ֖ילוּ כְּשֵׁ֥מַע צֹֽר׃ kaʾasher־shemaʿ lemitserayim yaḥiylu keshemaʿ tsor׃

⁶ עִבְר֖וּ תַּרְשִׁ֑ישָׁה הֵילִ֖ילוּ יֹ֥שְׁבֵי אִֽי׃ ʿiveru tareshiyshah heyliylu yoshevey ʾiy׃

⁷ הֲזֹ֥את לָכֶ֖ם עַלִּיזָ֑ה מִֽימֵי־קֶ֤דֶם קַדְמָתָהּ֙ יֹבִל֣וּהָ רַגְלֶ֔יהָ מֵֽרָחֹ֖וק לָגֽוּר׃ hazoʾt lakhem ʿaliyzah miymey־qedem qadematah yoviluah rageleyha meraḥowq lagur׃

⁸ מִ֚י יָעַ֣ץ זֹ֔את עַל־צֹ֖ר הַמַּֽעֲטִירָ֑ה אֲשֶׁ֤ר סֹחֲרֶ֙יה֙ שָׂרִ֔ים כִּנְעָנֶ֖יהָ נִכְבַּדֵּי־אָֽרֶץ׃ miy yaʿats zoʾt ʿal־tsor hamaʿaṭiyrah ʾasher soḥareyh sariym kineʿaneyha nikhebadey־ʾarets׃

⁹ יְהוָ֥ה צְבָאֹ֖ות יְעָצָ֑הּ לְחַלֵּל֙ גְּאֹ֣ון כָּל־צְבִ֔י לְהָקֵ֖ל כָּל־נִכְבַּדֵּי־אָֽרֶץ׃ yehwah tsevaʾowt yeʿatsah leḥalel geʾown kal־tseviy lehaqel kal־nikhebadey־ʾarets׃

¹⁰ עִבְרִ֥י אַרְצֵ֖ךְ כַּיְאֹ֑ר בַּת־תַּרְשִׁ֕ישׁ אֵ֖ין מֵ֥זַח עֹֽוד׃ ʿiveriy ʾaretsekhe kayeʾor bat־tareshiysh ʾeyn mezaḥ ʿowd׃

¹¹ יָדֹו֙ נָטָ֣ה עַל־הַיָּ֔ם הִרְגִּ֖יז מַמְלָכֹ֑ות יְהוָה֙ צִוָּ֣ה אֶל־כְּנַ֔עַן לַשְׁמִ֖ד מָעֻזְנֶֽיהָ׃ yadow naṭah ʿal־hayam hiregiyz mamelakhowt yehwah tsiuah ʾel־kenaʿan lashemid maʿuzeneyha׃

¹² וַיֹּ֕אמֶר לֹֽא־תֹוסִ֥יפִי עֹ֖וד לַעְלֹ֑וז הַֽמְעֻשָּׁקָ֞ה בְּתוּלַ֣ת בַּת־צִידֹ֗ון [כִּתִּיִּים כ] (כִּתִּים֙ ק) ק֣וּמִי עֲבֹ֔רִי גַּם־שָׁ֖ם לֹא־יָנ֥וּחַֽ לָֽךְ׃ wayoʾmer loʾ־towsiyfiy ʿowd laʿelowz hameʿushaqah betulat bat־tsiydown [kitiyiym kh] (kitiym q) qumiy ʿavoriy gam־sham loʾ־yanuaḥ lakhe׃

¹³ הֵ֣ן ׀ אֶ֣רֶץ כַּשְׂדִּ֗ים זֶ֤ה הָעָם֙ לֹ֣א הָיָ֔ה אַשּׁ֖וּר יְסָדָ֣הּ לְצִיִּ֑ים הֵקִ֣ימוּ [בְחִינָיו כ] (בַחוּנָ֗יו ק) עֹרְרוּ֙ אַרְמְנֹותֶ֔יהָ שָׂמָ֖הּ לְמַפֵּלָֽה׃ hen ׀ ʾerets kasediym zeh haʿam loʾ hayah ʾashur yesadah letsiyiym heqiymu [veḥiynayw kh] (vaḥunayw q) ʿoreru ʾaremenowteyha samah lemapelah׃

¹⁴ הֵילִ֖ילוּ אֳנִיֹּ֣ות תַּרְשִׁ֑ישׁ כִּ֥י שֻׁדַּ֖ד מָעֻזְּכֶֽן׃ ס heyliylu ʾoniyowt tareshiysh kiy shudad maʿuzekhen׃ s

¹⁵ וְהָיָה֙ בַּיֹּ֣ום הַה֔וּא וְנִשְׁכַּ֤חַת צֹר֙ שִׁבְעִ֣ים שָׁנָ֔ה כִּימֵ֖י מֶ֣לֶךְ אֶחָ֑ד מִקֵּ֞ץ שִׁבְעִ֤ים שָׁנָה֙ יִהְיֶ֣ה לְצֹ֔ר כְּשִׁירַ֖ת הַזֹּונָֽה׃ wehayah bayowm hahuʾ wenishekaḥat tsor shiveʿiym shanah kiymey melekhe ʾeḥad miqets shiveʿiym shanah yiheyeh letsor keshiyrat hazownah׃

¹⁶ קְחִ֥י כִנֹּ֛ור סֹ֥בִּי עִ֖יר זֹונָ֣ה נִשְׁכָּחָ֑ה הֵיטִ֤יבִי נַגֵּן֙ הַרְבִּי־שִׁ֔יר לְמַ֖עַן תִּזָּכֵֽרִי׃ qeḥiy khinowr sobiy ʿiyr zownah nishekaḥah heyṭiyviy nagen harebiy־shiyr lemaʿan tizakheriy׃

¹⁷ וְהָיָ֞ה מִקֵּ֣ץ ׀ שִׁבְעִ֣ים שָׁנָ֗ה יִפְקֹ֤ד יְהוָה֙ אֶת־צֹ֔ר וְשָׁבָ֖ה לְאֶתְנַנָּ֑ה וְזָֽנְתָ֛ה אֶת־כָּל־מַמְלְכֹ֥ות הָאָ֖רֶץ עַל־פְּנֵ֥י הָאֲדָמָֽה׃ wehayah miqets ׀ shiveʿiym shanah yifeqod yehwah ʾet־tsor weshavah leʾetenanah wezanetah ʾet־kal־mamelekhowt haʾarets ʿal־peney haʾadamah׃

¹⁸ וְהָיָ֨ה סַחְרָ֜הּ וְאֶתְנַנָּ֗הּ קֹ֚דֶשׁ לַֽיהוָ֔ה לֹ֥א יֵֽאָצֵ֖ר וְלֹ֣א יֵֽחָסֵ֑ן כִּ֣י לַיֹּשְׁבִ֞ים לִפְנֵ֤י יְהוָה֙ יִֽהְיֶ֣ה סַחְרָ֔הּ לֶאֱכֹ֥ל לְשָׂבְעָ֖ה וְלִמְכַסֶּ֥ה עָתִֽיק׃ פ wehayah saḥerah weʾetenanah qodesh layhwah loʾ yeʾatser weloʾ yeḥasen kiy layosheviym lifeney yehwah yiheyeh saḥerah leʾekhol lesaveʿah welimekhaseh ʿatiyq׃ f