Josué 8

¹ וַיֹּ֨אמֶר יְהוָ֤ה אֶל־יְהֹושֻׁ֙עַ֙ אַל־תִּירָ֣א וְאַל־תֵּחָ֔ת קַ֣ח עִמְּךָ֗ אֵ֚ת כָּל־עַ֣ם הַמִּלְחָמָ֔ה וְק֖וּם עֲלֵ֣ה הָעָ֑י רְאֵ֣ה ׀ נָתַ֣תִּי בְיָדְךָ֗ אֶת־מֶ֤לֶךְ הָעַי֙ וְאֶת־עַמֹּ֔ו וְאֶת־עִירֹ֖ו וְאֶת־אַרְצֹֽו׃ wayoʾmer yehwah ʾel־yehowshuaʿ ʾal־tiyraʾ weʾal־teḥat qaḥ ʿimekha ʾet kal־ʿam hamileḥamah wequm ʿaleh haʿay reʾeh ׀ natatiy veyadekha ʾet־melekhe haʿay weʾet־ʿamow weʾet־ʿiyrow weʾet־ʾaretsow׃

² וְעָשִׂ֨יתָ לָעַ֜י וּלְמַלְכָּ֗הּ כַּאֲשֶׁ֨ר עָשִׂ֤יתָ לִֽירִיחֹו֙ וּלְמַלְכָּ֔הּ רַק־שְׁלָלָ֥הּ וּבְהֶמְתָּ֖הּ תָּבֹ֣זּוּ לָכֶ֑ם שִׂים־לְךָ֥ אֹרֵ֛ב לָעִ֖יר מֵאַחֲרֶֽיהָ׃ weʿasiyta laʿay ulemalekah kaʾasher ʿasiyta liyriyḥow ulemalekah raq־shelalah uvehemetah tavozu lakhem siym־lekha ʾorev laʿiyr meʾaḥareyha׃

³ וַיָּ֧קָם יְהֹושֻׁ֛עַ וְכָל־עַ֥ם הַמִּלְחָמָ֖ה לַעֲלֹ֣ות הָעָ֑י וַיִּבְחַ֣ר יְ֠הֹושֻׁעַ שְׁלֹשִׁ֨ים אֶ֤לֶף אִישׁ֙ גִּבֹּורֵ֣י הַחַ֔יִל וַיִּשְׁלָחֵ֖ם לָֽיְלָה׃ wayaqam yehowshuaʿ wekhal־ʿam hamileḥamah laʿalowt haʿay wayiveḥar yehowshuaʿ sheloshiym ʾelef ʾiysh gibowrey haḥayil wayishelaḥem layelah׃

⁴ וַיְצַ֨ו אֹתָ֜ם לֵאמֹ֗ר רְ֠אוּ אַתֶּ֞ם אֹרְבִ֤ים לָעִיר֙ מֵאַחֲרֵ֣י הָעִ֔יר אַל־תַּרְחִ֥יקוּ מִן־הָעִ֖יר מְאֹ֑ד וִהְיִיתֶ֥ם כֻּלְּכֶ֖ם נְכֹנִֽים׃ wayetsaw ʾotam leʾmor reʾu ʾatem ʾoreviym laʿiyr meʾaḥarey haʿiyr ʾal־tareḥiyqu min־haʿiyr meʾod wiheyiytem kulekhem nekhoniym׃

⁵ וַאֲנִ֗י וְכָל־הָעָם֙ אֲשֶׁ֣ר אִתִּ֔י נִקְרַ֖ב אֶל־הָעִ֑יר וְהָיָ֗ה כִּֽי־יֵצְא֤וּ לִקְרָאתֵ֙נוּ֙ כַּאֲשֶׁ֣ר בָּרִֽאשֹׁנָ֔ה וְנַ֖סְנוּ לִפְנֵיהֶֽם׃ waʾaniy wekhal־haʿam ʾasher ʾitiy niqerav ʾel־haʿiyr wehayah kiy־yetseʾu liqeraʾtenu kaʾasher bariʾshonah wenasenu lifeneyhem׃

⁶ וְיָצְא֣וּ אַחֲרֵ֗ינוּ עַ֣ד הַתִּיקֵ֤נוּ אֹותָם֙ מִן־הָעִ֔יר כִּ֣י יֹֽאמְר֔וּ נָסִ֣ים לְפָנֵ֔ינוּ כַּאֲשֶׁ֖ר בָּרִֽאשֹׁנָ֑ה וְנַ֖סְנוּ לִפְנֵיהֶֽם׃ weyatseʾu ʾaḥareynu ʿad hatiyqenu ʾowtam min־haʿiyr kiy yoʾmeru nasiym lefaneynu kaʾasher bariʾshonah wenasenu lifeneyhem׃

⁷ וְאַתֶּ֗ם תָּקֻ֙מוּ֙ מֵהָ֣אֹורֵ֔ב וְהֹורַשְׁתֶּ֖ם אֶת־הָעִ֑יר וּנְתָנָ֛הּ יְהוָ֥ה אֱלֹֽהֵיכֶ֖ם בְּיֶדְכֶֽם׃ weʾatem taqumu mehaʾowrev wehowrashetem ʾet־haʿiyr unetanah yehwah ʾeloheykhem beyedekhem׃

⁸ וְהָיָ֞ה כְּתָפְשְׂכֶ֣ם אֶת־הָעִ֗יר תַּצִּ֤יתוּ אֶת־הָעִיר֙ בָּאֵ֔שׁ כִּדְבַ֥ר יְהוָ֖ה תַּעֲשׂ֑וּ רְא֖וּ צִוִּ֥יתִי אֶתְכֶֽם׃ wehayah ketafesekhem ʾet־haʿiyr tatsiytu ʾet־haʿiyr baʾesh kidevar yehwah taʿasu reʾu tsiuiytiy ʾetekhem׃

⁹ וַיִּשְׁלָחֵ֣ם יְהֹושֻׁ֗עַ וַיֵּֽלְכוּ֙ אֶל־הַמַּאְרָ֔ב וַיֵּשְׁב֗וּ בֵּ֧ין בֵּֽית־אֵ֛ל וּבֵ֥ין הָעַ֖י מִיָּ֣ם לָעָ֑י וַיָּ֧לֶן יְהֹושֻׁ֛עַ בַּלַּ֥יְלָה הַה֖וּא בְּתֹ֥וךְ הָעָֽם׃ wayishelaḥem yehowshuaʿ wayelekhu ʾel־hamaʾerav wayeshevu beyn beyt־ʾel uveyn haʿay miyam laʿay wayalen yehowshuaʿ balayelah hahuʾ betowkhe haʿam׃

¹⁰ וַיַּשְׁכֵּ֤ם יְהֹושֻׁ֙עַ֙ בַּבֹּ֔קֶר וַיִּפְקֹ֖ד אֶת־הָעָ֑ם וַיַּ֨עַל ה֜וּא וְזִקְנֵ֧י יִשְׂרָאֵ֛ל לִפְנֵ֥י הָעָ֖ם הָעָֽי׃ wayashekem yehowshuaʿ baboqer wayifeqod ʾet־haʿam wayaʿal huʾ weziqeney yiseraʾel lifeney haʿam haʿay׃

¹¹ וְכָל־הָעָ֨ם הַמִּלְחָמָ֜ה אֲשֶׁ֣ר אִתֹּ֗ו עָלוּ֙ וַֽיִּגְּשׁ֔וּ וַיָּבֹ֖אוּ נֶ֣גֶד הָעִ֑יר וַֽיַּחֲנוּ֙ מִצְּפֹ֣ון לָעַ֔י וְהַגַּ֖י [בֵּינֹו כ] (בֵּינָ֥יו ק) וּבֵין־הָעָֽי׃ wekhal־haʿam hamileḥamah ʾasher ʾitow ʿalu wayigeshu wayavoʾu neged haʿiyr wayaḥanu mitsefown laʿay wehagay [beynow kh] (beynayw q) uveyn־haʿay׃

¹² וַיִּקַּ֕ח כַּחֲמֵ֥שֶׁת אֲלָפִ֖ים אִ֑ישׁ וַיָּ֨שֶׂם אֹותָ֜ם אֹרֵ֗ב בֵּ֧ין בֵּֽית־אֵ֛ל וּבֵ֥ין הָעַ֖י מִיָּ֥ם לָעִֽיר׃ wayiqaḥ kaḥameshet ʾalafiym ʾiysh wayasem ʾowtam ʾorev beyn beyt־ʾel uveyn haʿay miyam laʿiyr׃

¹³ וַיָּשִׂ֨ימוּ הָעָ֜ם אֶת־כָּל־הַֽמַּחֲנֶ֗ה אֲשֶׁר֙ מִצְּפֹ֣ון לָעִ֔יר וְאֶת־עֲקֵבֹ֖ו מִיָּ֣ם לָעִ֑יר וַיֵּ֧לֶךְ יְהֹושֻׁ֛עַ בַּלַּ֥יְלָה הַה֖וּא בְּתֹ֥וךְ הָעֵֽמֶק׃ wayasiymu haʿam ʾet־kal־hamaḥaneh ʾasher mitsefown laʿiyr weʾet־ʿaqevow miyam laʿiyr wayelekhe yehowshuaʿ balayelah hahuʾ betowkhe haʿemeq׃

¹⁴ וַיְהִ֞י כִּרְאֹ֣ות מֶֽלֶךְ־הָעַ֗י וַֽיְמַהֲר֡וּ וַיַּשְׁכִּ֡ימוּ וַיֵּצְא֣וּ אַנְשֵֽׁי־הָעִ֣יר לִקְרַֽאת־יִ֠שְׂרָאֵל לַֽמִּלְחָמָ֞ה ה֧וּא וְכָל־עַמֹּ֛ו לַמֹּועֵ֖ד לִפְנֵ֣י הָֽעֲרָבָ֑ה וְהוּא֙ לֹ֣א יָדַ֔ע כִּֽי־אֹרֵ֥ב לֹ֖ו מֵאַחֲרֵ֥י הָעִֽיר׃ wayehiy kireʾowt melekhe־haʿay wayemaharu wayashekiymu wayetseʾu ʾaneshey־haʿiyr liqeraʾt־yiseraʾel lamileḥamah huʾ wekhal־ʿamow lamowʿed lifeney haʿaravah wehuʾ loʾ yadaʿ kiy־ʾorev low meʾaḥarey haʿiyr׃

¹⁵ וַיִּנָּֽגְע֛וּ יְהֹושֻׁ֥עַ וְכָל־יִשְׂרָאֵ֖ל לִפְנֵיהֶ֑ם וַיָּנֻ֖סוּ דֶּ֥רֶךְ הַמִּדְבָּֽר׃ wayinageʿu yehowshuaʿ wekhal־yiseraʾel lifeneyhem wayanusu derekhe hamidebar׃

¹⁶ וַיִּזָּעֲק֗וּ כָּל־הָעָם֙ אֲשֶׁ֣ר [בָּעִיר כ] (בָּעַ֔י ק) לִרְדֹּ֖ף אַחֲרֵיהֶ֑ם וַֽיִּרְדְּפוּ֙ אַחֲרֵ֣י יְהֹושֻׁ֔עַ וַיִּנָּתְק֖וּ מִן־הָעִֽיר׃ wayizaʿaqu kal־haʿam ʾasher [baʿiyr kh] (baʿay q) liredof ʾaḥareyhem wayiredefu ʾaḥarey yehowshuaʿ wayinatequ min־haʿiyr׃

¹⁷ וְלֹֽא־נִשְׁאַ֣ר אִ֗ישׁ בָּעַי֙ וּבֵ֣ית אֵ֔ל אֲשֶׁ֥ר לֹֽא־יָצְא֖וּ אַחֲרֵ֣י יִשְׂרָאֵ֑ל וַיַּעַזְב֤וּ אֶת־הָעִיר֙ פְּתוּחָ֔ה וַֽיִּרְדְּפ֖וּ אַחֲרֵ֥י יִשְׂרָאֵֽל׃ פ weloʾ־nisheʾar ʾiysh baʿay uveyt ʾel ʾasher loʾ־yatseʾu ʾaḥarey yiseraʾel wayaʿazevu ʾet־haʿiyr petuḥah wayiredefu ʾaḥarey yiseraʾel׃ f

¹⁸ וַיֹּ֨אמֶר יְהוָ֜ה אֶל־יְהֹושֻׁ֗עַ נְ֠טֵה בַּכִּידֹ֤ון אֲשֶׁר־בְּיָֽדְךָ֙ אֶל־הָעַ֔י כִּ֥י בְיָדְךָ֖ אֶתְּנֶ֑נָּה וַיֵּ֧ט יְהֹושֻׁ֛עַ בַּכִּידֹ֥ון אֲשֶׁר־בְּיָדֹ֖ו אֶל־הָעִֽיר׃ wayoʾmer yehwah ʾel־yehowshuaʿ neṭeh bakiydown ʾasher־beyadekha ʾel־haʿay kiy veyadekha ʾetenenah wayeṭ yehowshuaʿ bakiydown ʾasher־beyadow ʾel־haʿiyr׃

¹⁹ וְהָאֹורֵ֡ב קָם֩ מְהֵרָ֨ה מִמְּקֹומֹ֤ו וַיָּר֙וּצוּ֙ כִּנְטֹ֣ות יָדֹ֔ו וַיָּבֹ֥אוּ הָעִ֖יר וַֽיִּלְכְּד֑וּהָ וַֽיְמַהֲר֔וּ וַיַּצִּ֥יתוּ אֶת־הָעִ֖יר בָּאֵֽשׁ׃ wehaʾowrev qam meherah mimeqowmow wayarutsu kineṭowt yadow wayavoʾu haʿiyr wayilekeduah wayemaharu wayatsiytu ʾet־haʿiyr baʾesh׃

²⁰ וַיִּפְנ֣וּ אַנְשֵׁי֩ הָעַ֨י אַחֲרֵיהֶ֜ם וַיִּרְא֗וּ וְהִנֵּ֨ה עָלָ֜ה עֲשַׁ֤ן הָעִיר֙ הַשָּׁמַ֔יְמָה וְלֹא־הָיָ֨ה בָהֶ֥ם יָדַ֛יִם לָנ֖וּס הֵ֣נָּה וָהֵ֑נָּה וְהָעָם֙ הַנָּ֣ס הַמִּדְבָּ֔ר נֶהְפַּ֖ךְ אֶל־הָרֹודֵֽף׃ wayifenu ʾaneshey haʿay ʾaḥareyhem wayireʾu wehineh ʿalah ʿashan haʿiyr hashamayemah weloʾ־hayah vahem yadayim lanus henah wahenah wehaʿam hanas hamidebar nehepakhe ʾel־harowdef׃

²¹ וִיהֹושֻׁ֨עַ וְכָֽל־יִשְׂרָאֵ֜ל רָא֗וּ כִּֽי־לָכַ֤ד הָֽאֹרֵב֙ אֶת־הָעִ֔יר וְכִ֥י עָלָ֖ה עֲשַׁ֣ן הָעִ֑יר וַיָּשֻׁ֕בוּ וַיַּכּ֖וּ אֶת־אַנְשֵׁ֥י הָעָֽי׃ wiyhowshuaʿ wekhal־yiseraʾel raʾu kiy־lakhad haʾorev ʾet־haʿiyr wekhiy ʿalah ʿashan haʿiyr wayashuvu wayaku ʾet־ʾaneshey haʿay׃

²² וְאֵ֨לֶּה יָצְא֤וּ מִן־הָעִיר֙ לִקְרָאתָ֔ם וַיִּֽהְי֤וּ לְיִשְׂרָאֵל֙ בַּתָּ֔וֶךְ אֵ֥לֶּה מִזֶּ֖ה וְאֵ֣לֶּה מִזֶּ֑ה וַיַּכּ֣וּ אֹותָ֔ם עַד־בִּלְתִּ֥י הִשְׁאִֽיר־לֹ֖ו שָׂרִ֥יד וּפָלִֽיט׃ weʾeleh yatseʾu min־haʿiyr liqeraʾtam wayiheyu leyiseraʾel batawekhe ʾeleh mizeh weʾeleh mizeh wayaku ʾowtam ʿad־biletiy hisheʾiyr־low sariyd ufaliyṭ׃

²³ וְאֶת־מֶ֥לֶךְ הָעַ֖י תָּ֣פְשׂוּ חָ֑י וַיַּקְרִ֥בוּ אֹתֹ֖ו אֶל־יְהֹושֻֽׁעַ׃ weʾet־melekhe haʿay tafesu ḥay wayaqerivu ʾotow ʾel־yehowshuaʿ׃

²⁴ וַיְהִ֣י כְּכַלֹּ֣ות יִשְׂרָאֵ֡ל לַהֲרֹג֩ אֶת־כָּל־יֹשְׁבֵ֨י הָעַ֜י בַּשָּׂדֶ֗ה בַּמִּדְבָּר֙ אֲשֶׁ֣ר רְדָפ֣וּם בֹּ֔ו וַֽיִּפְּל֥וּ כֻלָּ֛ם לְפִי־חֶ֖רֶב עַד־תֻּמָּ֑ם וַיָּשֻׁ֤בוּ כָל־יִשְׂרָאֵל֙ הָעַ֔י וַיַּכּ֥וּ אֹתָ֖הּ לְפִי־חָֽרֶב׃ wayehiy kekhalowt yiseraʾel laharog ʾet־kal־yoshevey haʿay basadeh bamidebar ʾasher redafum bow wayipelu khulam lefiy־ḥerev ʿad־tumam wayashuvu khal־yiseraʾel haʿay wayaku ʾotah lefiy־ḥarev׃

²⁵ וַיְהִי֩ כָל־הַנֹּ֨פְלִ֜ים בַּיֹּ֤ום הַהוּא֙ מֵאִ֣ישׁ וְעַד־אִשָּׁ֔ה שְׁנֵ֥ים עָשָׂ֖ר אָ֑לֶף כֹּ֖ל אַנְשֵׁ֥י הָעָֽי׃ wayehiy khal־hanofeliym bayowm hahuʾ meʾiysh weʿad־ʾishah sheneym ʿasar ʾalef kol ʾaneshey haʿay׃

²⁶ וִיהֹושֻׁ֙עַ֙ לֹֽא־הֵשִׁ֣יב יָדֹ֔ו אֲשֶׁ֥ר נָטָ֖ה בַּכִּידֹ֑ון עַ֚ד אֲשֶׁ֣ר הֶחֱרִ֔ים אֵ֖ת כָּל־יֹשְׁבֵ֥י הָעָֽי׃ wiyhowshuaʿ loʾ־heshiyv yadow ʾasher naṭah bakiydown ʿad ʾasher heḥeriym ʾet kal־yoshevey haʿay׃

²⁷ רַ֣ק הַבְּהֵמָ֗ה וּשְׁלַל֙ הָעִ֣יר הַהִ֔יא בָּזְז֥וּ לָהֶ֖ם יִשְׂרָאֵ֑ל כִּדְבַ֣ר יְהוָ֔ה אֲשֶׁ֥ר צִוָּ֖ה אֶת־יְהֹושֻֽׁעַ׃ raq habehemah ushelal haʿiyr hahiyʾ bazezu lahem yiseraʾel kidevar yehwah ʾasher tsiuah ʾet־yehowshuaʿ׃

²⁸ וַיִּשְׂרֹ֥ף יְהֹושֻׁ֖עַ אֶת־הָעָ֑י וַיְשִׂימֶ֤הָ תֵּל־עֹולָם֙ שְׁמָמָ֔ה עַ֖ד הַיֹּ֥ום הַזֶּֽה׃ wayiserof yehowshuaʿ ʾet־haʿay wayesiymeah tel־ʿowlam shemamah ʿad hayowm hazeh׃

²⁹ וְאֶת־מֶ֧לֶךְ הָעַ֛י תָּלָ֥ה עַל־הָעֵ֖ץ עַד־עֵ֣ת הָעָ֑רֶב וּכְבֹ֣וא הַשֶּׁמֶשׁ֩ צִוָּ֨ה יְהֹושֻׁ֜עַ וַיֹּרִ֧ידוּ אֶת־נִבְלָתֹ֣ו מִן־הָעֵ֗ץ וַיַּשְׁלִ֤יכוּ אֹותָהּ֙ אֶל־פֶּ֙תַח֙ שַׁ֣עַר הָעִ֔יר וַיָּקִ֤ימוּ עָלָיו֙ גַּל־אֲבָנִ֣ים גָּדֹ֔ול עַ֖ד הַיֹּ֥ום הַזֶּֽה׃ פ weʾet־melekhe haʿay talah ʿal־haʿets ʿad־ʿet haʿarev ukhevowʾ hashemesh tsiuah yehowshuaʿ wayoriydu ʾet־nivelatow min־haʿets wayasheliykhu ʾowtah ʾel־petaḥ shaʿar haʿiyr wayaqiymu ʿalayw gal־ʾavaniym gadowl ʿad hayowm hazeh׃ f

³⁰ אָ֣ז יִבְנֶ֤ה יְהֹושֻׁ֙עַ֙ מִזְבֵּ֔חַ לַֽיהוָ֖ה אֱלֹהֵ֣י יִשְׂרָאֵ֑ל בְּהַ֖ר עֵיבָֽל׃ ʾaz yiveneh yehowshuaʿ mizebeaḥ layhwah ʾelohey yiseraʾel behar ʿeyval׃

³¹ כַּאֲשֶׁ֣ר צִוָּה֩ מֹשֶׁ֨ה עֶֽבֶד־יְהוָ֜ה אֶת־בְּנֵ֣י יִשְׂרָאֵ֗ל כַּכָּתוּב֙ בְּסֵ֙פֶר֙ תֹּורַ֣ת מֹשֶׁ֔ה מִזְבַּח֙ אֲבָנִ֣ים שְׁלֵמֹ֔ות אֲשֶׁ֛ר לֹֽא־הֵנִ֥יף עֲלֵיהֶ֖ן בַּרְזֶ֑ל וַיַּעֲל֨וּ עָלָ֤יו עֹלֹות֙ לַֽיהוָ֔ה וַֽיִּזְבְּח֖וּ שְׁלָמִֽים׃ kaʾasher tsiuah mosheh ʿeved־yehwah ʾet־beney yiseraʾel kakatuv besefer towrat mosheh mizebaḥ ʾavaniym shelemowt ʾasher loʾ־heniyf ʿaleyhen barezel wayaʿalu ʿalayw ʿolowt layhwah wayizebeḥu shelamiym׃

³² וַיִּכְתָּב־שָׁ֖ם עַל־הָאֲבָנִ֑ים אֵ֗ת מִשְׁנֵה֙ תֹּורַ֣ת מֹשֶׁ֔ה אֲשֶׁ֣ר כָּתַ֔ב לִפְנֵ֖י בְּנֵ֥י יִשְׂרָאֵֽל׃ wayikhetav־sham ʿal־haʾavaniym ʾet misheneh towrat mosheh ʾasher katav lifeney beney yiseraʾel׃

³³ וְכָל־יִשְׂרָאֵ֡ל וּזְקֵנָ֡יו וְשֹׁטְרִ֣ים ׀ וְשֹׁפְטָ֡יו עֹמְדִ֣ים מִזֶּ֣ה ׀ וּמִזֶּ֣ה ׀ לָאָרֹ֡ון נֶגֶד֩ הַכֹּהֲנִ֨ים הַלְוִיִּ֜ם נֹשְׂאֵ֣י ׀ אֲרֹ֣ון בְּרִית־יְהוָ֗ה כַּגֵּר֙ כָּֽאֶזְרָ֔ח חֶצְיֹו֙ אֶל־מ֣וּל הַר־גְּרִזִ֔ים וְהַֽחֶצְיֹ֖ו אֶל־מ֣וּל הַר־עֵיבָ֑ל כַּאֲשֶׁ֨ר צִוָּ֜ה מֹשֶׁ֣ה עֶֽבֶד־יְהוָ֗ה לְבָרֵ֛ךְ אֶת־הָעָ֥ם יִשְׂרָאֵ֖ל בָּרִאשֹׁנָֽה׃ wekhal־yiseraʾel uzeqenayw weshoṭeriym ׀ weshofeṭayw ʿomediym mizeh ׀ umizeh ׀ laʾarown neged hakohaniym halewiyim noseʾey ׀ ʾarown beriyt־yehwah kager kaʾezeraḥ ḥetseyow ʾel־mul har־geriziym wehaḥetseyow ʾel־mul har־ʿeyval kaʾasher tsiuah mosheh ʿeved־yehwah levarekhe ʾet־haʿam yiseraʾel bariʾshonah׃

³⁴ וְאַֽחֲרֵי־כֵ֗ן קָרָא֙ אֶת־כָּל־דִּבְרֵ֣י הַתֹּורָ֔ה הַבְּרָכָ֖ה וְהַקְּלָלָ֑ה כְּכָל־הַכָּת֖וּב בְּסֵ֥פֶר הַתֹּורָֽה׃ weʾaḥarey־khen qaraʾ ʾet־kal־diverey hatowrah haberakhah wehaqelalah kekhal־hakatuv besefer hatowrah׃

³⁵ לֹֽא־הָיָ֣ה דָבָ֔ר מִכֹּ֖ל אֲשֶׁר־צִוָּ֣ה מֹשֶׁ֑ה אֲשֶׁ֨ר לֹֽא־קָרָ֜א יְהֹושֻׁ֗עַ נֶ֣גֶד כָּל־קְהַ֤ל יִשְׂרָאֵל֙ וְהַנָּשִׁ֣ים וְהַטַּ֔ף וְהַגֵּ֖ר הַהֹלֵ֥ךְ בְּקִרְבָּֽם׃ פ loʾ־hayah davar mikol ʾasher־tsiuah mosheh ʾasher loʾ־qaraʾ yehowshuaʿ neged kal־qehal yiseraʾel wehanashiym wehaṭaf wehager haholekhe beqirebam׃ f