1 מַשְׂכִּ֗יל לְאָ֫סָ֥ף לָמָ֣ה אֱ֭לֹהִים זָנַ֣חְתָּ לָנֶ֑צַח יֶעְשַׁ֥ן אַ֝פְּךָ֗ בְּצֹ֣אן מַרְעִיתֶֽךָ׃ masekiyl leʾasaf lamah ʾelohiym zanaḥeta lanetsaḥ yeʿeshan ʾapekha betsoʾn mareʿiytekha׃
2 זְכֹ֤ר עֲדָתְךָ֨ ׀ קָ֘נִ֤יתָ קֶּ֗דֶם גָּ֭אַלְתָּ שֵׁ֣בֶט נַחֲלָתֶ֑ךָ הַר־צִ֝יֹּ֗ון זֶ֤ה ׀ שָׁכַ֬נְתָּ בֹּֽו׃ zekhor ʿadatekha ׀ qaniyta qedem gaʾaleta sheveṭ naḥalatekha har־tsiyown zeh ׀ shakhaneta bow׃
3 הָרִ֣ימָה פְ֭עָמֶיךָ לְמַשֻּׁאֹ֣ות נֶ֑צַח כָּל־הֵרַ֖ע אֹויֵ֣ב בַּקֹּֽדֶשׁ׃ hariymah feʿameykha lemashuʾowt netsaḥ kal־heraʿ ʾowyev baqodesh׃
4 שָׁאֲג֣וּ צֹ֭רְרֶיךָ בְּקֶ֣רֶב מֹועֲדֶ֑ךָ שָׂ֖מוּ אֹותֹתָ֣ם אֹתֹֽות׃ shaʾagu tsorereykha beqerev mowʿadekha samu ʾowtotam ʾotowt׃
5 יִ֭וָּדַע כְּמֵבִ֣יא לְמָ֑עְלָה בִּֽסֲבָךְ־עֵ֝֗ץ קַרְדֻּמֹּֽות׃ yiuadaʿ kemeviyʾ lemaʿelah bisavakhe־ʿets qaredumowt׃
6 [וְעֵת כ] (וְ֭עַתָּה ק) פִּתּוּחֶ֣יהָ יָּ֑חַד בְּכַשִּׁ֥יל וְ֝כֵֽילַפֹּ֗ת יַהֲלֹמֽוּן׃ [weʿet kh] (weʿatah q) pituḥeyha yaḥad bekhashiyl wekheylapot yahalomun׃
7 שִׁלְח֣וּ בָ֭אֵשׁ מִקְדָּשֶׁ֑ךָ לָ֝אָ֗רֶץ חִלְּל֥וּ מִֽשְׁכַּן־שְׁמֶֽךָ׃ shileḥu vaʾesh miqedashekha laʾarets ḥilelu mishekan־shemekha׃
8 אָמְר֣וּ בְ֭לִבָּם נִינָ֣ם יָ֑חַד שָׂרְפ֖וּ כָל־מֹועֲדֵי־אֵ֣ל בָּאָֽרֶץ׃ ʾameru velibam niynam yaḥad sarefu khal־mowʿadey־ʾel baʾarets׃
9 אֹֽותֹתֵ֗ינוּ לֹ֥א רָ֫אִ֥ינוּ אֵֽין־עֹ֥וד נָבִ֑יא וְלֹֽא־אִ֝תָּ֗נוּ יֹדֵ֥עַ עַד־מָֽה׃ ʾowtoteynu loʾ raʾiynu ʾeyn־ʿowd naviyʾ weloʾ־ʾitanu yodeaʿ ʿad־mah׃
10 עַד־מָתַ֣י אֱ֭לֹהִים יְחָ֣רֶף צָ֑ר יְנָ֘אֵ֤ץ אֹויֵ֖ב שִׁמְךָ֣ לָנֶֽצַח׃ ʿad־matay ʾelohiym yeḥaref tsar yenaʾets ʾowyev shimekha lanetsaḥ׃
11 לָ֤מָּה תָשִׁ֣יב יָ֭דְךָ וִֽימִינֶ֑ךָ מִקֶּ֖רֶב [חֹוקְךָ כ] (חֵֽיקְךָ֣ ק) כַלֵּֽה׃ lamah tashiyv yadekha wiymiynekha miqerev [ḥowqekha kh] (ḥeyqekha q) khaleh׃
12 וֵ֭אלֹהִים מַלְכִּ֣י מִקֶּ֑דֶם פֹּעֵ֥ל יְ֝שׁוּעֹ֗ות בְּקֶ֣רֶב הָאָֽרֶץ׃ weʾlohiym malekiy miqedem poʿel yeshuʿowt beqerev haʾarets׃
13 אַתָּ֤ה פֹורַ֣רְתָּ בְעָזְּךָ֣ יָ֑ם שִׁבַּ֖רְתָּ רָאשֵׁ֥י תַ֝נִּינִ֗ים עַל־הַמָּֽיִם׃ ʾatah fowrareta veʿazekha yam shibareta raʾshey taniyniym ʿal־hamayim׃
14 אַתָּ֣ה רִ֭צַּצְתָּ רָאשֵׁ֣י לִוְיָתָ֑ן תִּתְּנֶ֥נּוּ מַ֝אֲכָ֗ל לְעָ֣ם לְצִיִּֽים׃ ʾatah ritsatseta raʾshey liweyatan titenenu maʾakhal leʿam letsiyiym׃
15 אַתָּ֣ה בָ֭קַעְתָּ מַעְיָ֣ן וָנָ֑חַל אַתָּ֥ה הֹ֝ובַ֗שְׁתָּ נַהֲרֹ֥ות אֵיתָֽן׃ ʾatah vaqaʿeta maʿeyan wanaḥal ʾatah howvasheta naharowt ʾeytan׃
16 לְךָ֣ יֹ֭ום אַף־לְךָ֥ לָ֑יְלָה אַתָּ֥ה הֲ֝כִינֹ֗ותָ מָאֹ֥ור וָשָֽׁמֶשׁ׃ lekha yowm ʾaf־lekha layelah ʾatah hakhiynowta maʾowr washamesh׃
17 אַתָּ֣ה הִ֭צַּבְתָּ כָּל־גְּבוּלֹ֣ות אָ֑רֶץ קַ֥יִץ וָ֝חֹ֗רֶף אַתָּ֥ה יְצַרְתָּם ׃ ʾatah hitsaveta kal־gevulowt ʾarets qayits waḥoref ʾatah yetsaretam ׃
18 זְכָר־זֹ֗את אֹ֭ויֵב חֵרֵ֣ף ׀ יְהוָ֑ה וְעַ֥ם נָ֝בָ֗ל נִֽאֲצ֥וּ שְׁמֶֽךָ׃ zekhar־zoʾt ʾowyev ḥeref ׀ yehwah weʿam naval niʾatsu shemekha׃
19 אַל־תִּתֵּ֣ן לְ֭חַיַּת נֶ֣פֶשׁ תֹּורֶ֑ךָ חַיַּ֥ת עֲ֝נִיֶּ֗יךָ אַל־תִּשְׁכַּ֥ח לָנֶֽצַח׃ ʾal־titen leḥayat nefesh towrekha ḥayat ʿaniyeykha ʾal־tishekaḥ lanetsaḥ׃
20 הַבֵּ֥ט לַבְּרִ֑ית כִּ֥י מָלְא֥וּ מַחֲשַׁכֵּי־אֶ֝֗רֶץ נְאֹ֣ות חָמָֽס׃ habeṭ laberiyt kiy maleʾu maḥashakey־ʾerets neʾowt ḥamas׃
21 אַל־יָשֹׁ֣ב דַּ֣ךְ נִכְלָ֑ם עָנִ֥י וְ֝אֶבְיֹ֗ון יְֽהַלְל֥וּ שְׁמֶֽךָ׃ ʾal־yashov dakhe nikhelam ʿaniy weʾeveyown yehalelu shemekha׃
22 קוּמָ֣ה אֱ֭לֹהִים רִיבָ֣ה רִיבֶ֑ךָ זְכֹ֥ר חֶרְפָּתְךָ֥ מִנִּי־נָ֝בָ֗ל כָּל־הַיֹּֽום׃ qumah ʾelohiym riyvah riyvekha zekhor ḥerepatekha miniy־naval kal־hayowm׃
23 אַל־תִּ֭שְׁכַּח קֹ֣ול צֹרְרֶ֑יךָ שְׁאֹ֥ון קָ֝מֶ֗יךָ עֹלֶ֥ה תָמִֽיד׃ ʾal־tishekaḥ qowl tsorereykha sheʾown qameykha ʿoleh tamiyd׃