1 וַיִּמְלֹ֛ךְ יְהֹושָׁפָ֥ט בְּנֹ֖ו תַּחְתָּ֑יו וַיִּתְחַזֵּ֖ק עַל־יִשְׂרָאֵֽל׃ wayimelokhe yehowshafaṭ benow taḥetayw wayiteḥazeq ʿal־yiseraʾel׃
2 וַיִּ֨תֶּן־חַ֔יִל בְּכָל־עָרֵ֥י יְהוּדָ֖ה הַבְּצֻרֹ֑ות וַיִּתֵּ֤ן נְצִיבִים֙ בְּאֶ֣רֶץ יְהוּדָ֔ה וּבְעָרֵ֣י אֶפְרַ֔יִם אֲשֶׁ֥ר לָכַ֖ד אָסָ֥א אָבִֽיו׃ wayiten־ḥayil bekhal־ʿarey yehudah habetsurowt wayiten netsiyviym beʾerets yehudah uveʿarey ʾeferayim ʾasher lakhad ʾasaʾ ʾaviyw׃
3 וַיְהִ֥י יְהוָ֖ה עִם־יְהֹושָׁפָ֑ט כִּ֣י הָלַ֗ךְ בְּדַרְכֵ֞י דָּוִ֤יד אָבִיו֙ הָרִ֣אשֹׁנִ֔ים וְלֹ֥א דָרַ֖שׁ לַבְּעָלִֽים׃ wayehiy yehwah ʿim־yehowshafaṭ kiy halakhe bedarekhey dawiyd ʾaviyw hariʾshoniym weloʾ darash labeʿaliym׃
4 כִּ֠י לֵֽאלֹהֵ֤י אָבִיו֙ דָּרָ֔שׁ וּבְמִצְוֹתָ֖יו הָלָ֑ךְ וְלֹ֖א כְּמַעֲשֵׂ֥ה יִשְׂרָאֵֽל׃ kiy leʾlohey ʾaviyw darash uvemitseotayw halakhe weloʾ kemaʿaseh yiseraʾel׃
5 וַיָּ֨כֶן יְהוָ֤ה אֶת־הַמַּמְלָכָה֙ בְּיָדֹ֔ו וַיִּתְּנ֧וּ כָל־יְהוּדָ֛ה מִנְחָ֖ה לִיהֹושָׁפָ֑ט וַֽיְהִי־לֹ֥ו עֹֽשֶׁר־וְכָבֹ֖וד לָרֹֽב׃ wayakhen yehwah ʾet־hamamelakhah beyadow wayitenu khal־yehudah mineḥah liyhowshafaṭ wayehiy־low ʿosher־wekhavowd larov׃
6 וַיִּגְבַּ֥הּ לִבֹּ֖ו בְּדַרְכֵ֣י יְהוָ֑ה וְעֹ֗וד הֵסִ֛יר אֶת־הַבָּמֹ֥ות וְאֶת־הָאֲשֵׁרִ֖ים מִיהוּדָֽה׃ פ wayigebah libow bedarekhey yehwah weʿowd hesiyr ʾet־habamowt weʾet־haʾasheriym miyhudah׃ f
7 וּבִשְׁנַ֨ת שָׁלֹ֜ושׁ לְמָלְכֹ֗ו שָׁלַ֤ח לְשָׂרָיו֙ לְבֶן־חַ֙יִל֙ וּלְעֹבַדְיָ֣ה וְלִזְכַרְיָ֔ה וְלִנְתַנְאֵ֖ל וּלְמִיכָיָ֑הוּ לְלַמֵּ֖ד בְּעָרֵ֥י יְהוּדָֽה׃ uvishenat shalowsh lemalekhow shalaḥ lesarayw leven־ḥayil uleʿovadeyah welizekhareyah welinetaneʾel ulemiykhayahu lelamed beʿarey yehudah׃
8 וְעִמָּהֶ֣ם הַלְוִיִּ֗ם שְֽׁמַֽעְיָ֡הוּ וּנְתַנְיָ֡הוּ וּזְבַדְיָ֡הוּ וַעֲשָׂהאֵ֡ל [וּשְׁמִרִימֹות כ] (וּשְׁמִֽירָמֹ֡ות ק) וִֽיהֹונָתָן֩ וַאֲדֹ֨נִיָּ֧הוּ וְטֹֽובִיָּ֛הוּ וְטֹ֥וב אֲדֹונִיָּ֖ה הַלְוִיִּ֑ם וְעִמָּהֶ֛ם אֱלִישָׁמָ֥ע וִֽיהֹורָ֖ם הַכֹּהֲנִֽים׃ weʿimahem halewiyim shemaʿeyahu unetaneyahu uzevadeyahu waʿasahʾel [ushemiriymowt kh] (ushemiyramowt q) wiyhownatan waʾadoniyahu weṭowviyahu weṭowv ʾadowniyah halewiyim weʿimahem ʾeliyshamaʿ wiyhowram hakohaniym׃
9 וַֽיְלַמְּדוּ֙ בִּֽיהוּדָ֔ה וְעִ֨מָּהֶ֔ם סֵ֖פֶר תֹּורַ֣ת יְהוָ֑ה וַיָּסֹ֙בּוּ֙ בְּכָל־עָרֵ֣י יְהוּדָ֔ה וַֽיְלַמְּד֖וּ בָּעָֽם׃ wayelamedu biyhudah weʿimahem sefer towrat yehwah wayasobu bekhal־ʿarey yehudah wayelamedu baʿam׃
10 וַיְהִ֣י ׀ פַּ֣חַד יְהוָ֗ה עַ֚ל כָּל־מַמְלְכֹ֣ות הָֽאֲרָצֹ֔ות אֲשֶׁ֖ר סְבִיבֹ֣ות יְהוּדָ֑ה וְלֹ֥א נִלְחֲמ֖וּ עִם־יְהֹושָׁפָֽט׃ wayehiy ׀ paḥad yehwah ʿal kal־mamelekhowt haʾaratsowt ʾasher seviyvowt yehudah weloʾ nileḥamu ʿim־yehowshafaṭ׃
11 וּמִן־פְּלִשְׁתִּ֗ים מְבִיאִ֧ים לִֽיהֹושָׁפָ֛ט מִנְחָ֖ה וְכֶ֣סֶף מַשָּׂ֑א גַּ֣ם הָֽעַרְבִיאִ֗ים מְבִיאִ֥ים לֹו֙ צֹ֕אן אֵילִ֔ים שִׁבְעַ֤ת אֲלָפִים֙ וּשְׁבַ֣ע מֵאֹ֔ות וּתְיָשִׁ֕ים שִׁבְעַ֥ת אֲלָפִ֖ים וּשְׁבַ֥ע מֵאֹֽות׃ פ umin־pelishetiym meviyʾiym liyhowshafaṭ mineḥah wekhesef masaʾ gam haʿareviyʾiym meviyʾiym low tsoʾn ʾeyliym shiveʿat ʾalafiym ushevaʿ meʾowt uteyashiym shiveʿat ʾalafiym ushevaʿ meʾowt׃ f
12 וַיְהִ֧י יְהֹושָׁפָ֛ט הֹלֵ֥ךְ וְגָדֵ֖ל עַד־לְמָ֑עְלָה וַיִּ֧בֶן בִּֽיהוּדָ֛ה בִּירָנִיֹּ֖ות וְעָרֵ֥י מִסְכְּנֹֽות׃ wayehiy yehowshafaṭ holekhe wegadel ʿad־lemaʿelah wayiven biyhudah biyraniyowt weʿarey misekenowt׃
13 וּמְלָאכָ֥ה רַבָּ֛ה הָ֥יָה לֹ֖ו בְּעָרֵ֣י יְהוּדָ֑ה וְאַנְשֵׁ֧י מִלְחָמָ֛ה גִּבֹּ֥ורֵי חַ֖יִל בִּירוּשָׁלִָֽם׃ umelaʾkhah rabah hayah low beʿarey yehudah weʾaneshey mileḥamah gibowrey ḥayil biyrushalim׃
14 וְאֵ֥לֶּה פְקֻדָּתָ֖ם לְבֵ֣ית אֲבֹותֵיהֶ֑ם לִֽיהוּדָה֙ שָׂרֵ֣י אֲלָפִ֔ים עַדְנָ֣ה הַשָּׂ֔ר וְעִמֹּו֙ גִּבֹּ֣ורֵי חַ֔יִל שְׁלֹ֥שׁ מֵאֹ֖ות אָֽלֶף׃ ס weʾeleh fequdatam leveyt ʾavowteyhem liyhudah sarey ʾalafiym ʿadenah hasar weʿimow gibowrey ḥayil shelosh meʾowt ʾalef׃ s
15 וְעַל־יָדֹ֖ו יְהֹוחָנָ֣ן הַשָּׂ֑ר וְעִמֹּ֕ו מָאתַ֥יִם וּשְׁמֹונִ֖ים אָֽלֶף׃ ס weʿal־yadow yehowḥanan hasar weʿimow maʾtayim ushemowniym ʾalef׃ s
16 וְעַל־יָדֹו֙ עֲמַסְיָ֣ה בֶן־זִכְרִ֔י הַמִּתְנַדֵּ֖ב לַיהוָ֑ה וְעִמֹּ֛ו מָאתַ֥יִם אֶ֖לֶף גִּבֹּ֥ור חָֽיִל׃ ס weʿal־yadow ʿamaseyah ven־zikheriy hamitenadev layhwah weʿimow maʾtayim ʾelef gibowr ḥayil׃ s
17 וּמִ֨ן־בִּנְיָמִ֔ן גִּבֹּ֥ור חַ֖יִל אֶלְיָדָ֑ע וְעִמֹּ֛ו נֹֽשְׁקֵי־קֶ֥שֶׁת וּמָגֵ֖ן מָאתַ֥יִם אָֽלֶף׃ ס umin־bineyamin gibowr ḥayil ʾeleyadaʿ weʿimow nosheqey־qeshet umagen maʾtayim ʾalef׃ s
18 וְעַל־יָדֹ֖ו יְהֹוזָבָ֑ד וְעִמֹּ֛ו מֵאָֽה־וּשְׁמֹונִ֥ים אֶ֖לֶף חֲלוּצֵ֥י צָבָֽא׃ ס weʿal־yadow yehowzavad weʿimow meʾah־ushemowniym ʾelef ḥalutsey tsavaʾ׃ s
19 אֵ֖לֶּה הַמְשָׁרְתִ֣ים אֶת־הַמֶּ֑לֶךְ מִלְּבַ֞ד אֲשֶׁר־נָתַ֥ן הַמֶּ֛לֶךְ בְּעָרֵ֥י הַמִּבְצָ֖ר בְּכָל־יְהוּדָֽה׃ פ ʾeleh hamesharetiym ʾet־hamelekhe milevad ʾasher־natan hamelekhe beʿarey hamivetsar bekhal־yehudah׃ f